LIEUTENANT

substantif masculin

[T-L : lieutenant ; GDC : lieutenant ; AND : lieutenant ; FEW (XIII-1, 215b,216a) : tenere ; TLF (X, 1205b) : lieutenant]

A. -Celui qui seconde qqn et le remplace en cas d'absence.

À Jehan Machefoing, huissier d'armes de mondit seigneur, la somme de cinquante frans d'or que mondit seigneur lui a donnez pour consideracion des bons et agreables services qu'il lui a faiz et fait journelment tant de son office comme en office de lieutenant du maistre de faulconnerie (Comptes Etat bourg. M.F., t.1, 1419, 168)

C'est une moquerie de faire ung lieutenant et que il n'y soit point, et face ung aultre lieutenant. (Juv. Urs., Nescio, 1445, 527)

Je vendray dire ma sentence Ou si non en mon absence G'y commectray ung lieutenant... (Est., p.1460, 26)

Or escoutons tous sotz parfais, Triboullet gyst en ceste couche, Le lieutenant de maistre Mousche Jadis fut fort en sotoyant. (Vig. Trib., c.1480, 229)

Par plaisanterie. [Désigne celui qui remplace le mari auprès de l'épouse]

...le lieutenant de monseigneur sault de la chambre sans qu'il fust apperceu de luy. (C.n.n., c.1456-1467, 113)

...[elle] fut contraincte par son trop demourer de prendre ung lieutenant, qui en peu d'heure luy fist ung tresbeau filz. [Le mari a été longtemps absent] (C.n.n., c.1456-1467, 127)

...durant le temps que son mary avoit esté dehors, ung escuier avoit esté son lieutenant (C.n.n., c.1456-1467, 464)

...jusques ad ce qu'elle se tenoit seure de son mary qu'il ne retourneroit point, ne laissoit venir le lieutenant (C.n.n., c.1456-1467, 507)

B. -En particulier. Celui à qui une autorité délègue une part de son pouvoir.

1.[Domaine militaire]

Officiel royal qui peut être appelé à en remplacer un autre en cas d'empêchement.

Tous royaulx et tous leurs lieutenans, connestables, admiraulx, maistres des arbalestriers et tous les mareschaulz, sans estre barons ne baneretz, de tant comme ilz sont officiers par dignitez de leurs offices, puent porter baniere, et non aultrement. (La Sale, Salade, c.1442-1444, 234)

Celui qui supplée n'importe quel responsable militaire en cas d'absence.

...Gualbriel de Rivenac, leu tenant de noble homme sire Pierre Barbevere, sergant d'armez du roy nostre seigneur (Clos galées Rouen M.-C., t.2, 1337, 12)

...Robert Le Moyne, lieutenant du chevalier du guet (Reg. crim. Chât., II, 1389-1392, 377)

Lieutenant general. Officier à qui le roi délègue une part de son autorité.

Oudit temps, le roy qui estoit oudit pays de Picardie, s'en party dudit pays et y laissa pour son lieutenant general monseigneur le bastard de Bourbon, admiral de France, pour la garde de la guerre et conduite de tout ledit pays. (Roye, Chron. scand., II, 1460-1483, 61)

J'entens, dist le Roy, que vous soyez mon lieutenant general en ceste armée. (Bueil, II, 1461-1466, 171)

Et y estoit pour lors le conte Daulphin, lieutenant general, avec Mons. le mareschal de Cominge, le seneschal de Beaucaire, tous trois lieutenans du roy. (Le Clerc, Interp. Roye, c.1502, 276)

Lieutenant royal/du roi. Officier de haut rang qui représente la personne du roi.

Lequel doit aller aux honneurs devant, ou le connestable ou le lieutenant royal. Le connestable est office royal la plus noble des guerres et celle qui va devant (...) Et le lieutenant est aussy office royal, qui represente la personne du roy (...) Touteffoiz, a droit considerer, se le lieutenant n'est prince et du sang royal, le connestable doit aller devant ; car le lieutenant ne est que office au bon plaisir du roy, et connestable l'est a vie durant (La Sale, Salade, c.1442-1444, 235)

Le conte d'Armignac, saichant que le grant maistre de France et lieutenant du roy alloit contre luy avec la grosse et puissant armée qu'il menoit, envoya le seigneur de Barbazan et autres en embassade devers le roy pour cuider rompre laditte armée et eviter qu'elle n'allast sur luy (Le Clerc, Interp. Roye, c.1502, 234)

Lieutenant de capitaine

Et là trouvèrent un chevalier, qui s'appelloit messire Florent de Heule, lieutenant dou capitaine, liquels faisoit le gait, environ trente hommes de la ville dalés lui. (Froiss., Chron. R., XI, c.1375-1400, 140)

'Ce sont les choses ordonnées, par Mons. le grant maistre et Messrs les capitaines, aux lieutenans des capitaines et au prevost des mareschaulx, pour faire vivre les gens d'armes avec le peuple en bonne police...' (Le Clerc, Interp. Roye, c.1502, 341)

2.[Domaine judiciaire]

Suppléant d'un officier de justice (bailli, prévôt, sénéchal), qui rend la justice à sa place.

...le chancelier ne le bailli de monseigneur ou leurs lieuxtenans ne tendront ne ne pourront tenir jours ne assises, quant les auditeurs de monseigneur seront et quant il tendront leurs jours à Beaune. (Cout. bourg. glosé P.M., c.1380-1400, 65)

...et ordonne la Court et du consentement desdictes parties que l'evesque pour deffraier ledit bailli et son lieutenant paiera VJxx escus. (Baye, I, 1400-1410, 314)

...le procureur du Roy a requiz que aux dessusdiz et à autres bailliz soit enjoint qu'ilx pourvoient de bons lieutenens en leurs bailliages et les salarient competemment. (Baye, II, 1411-1417, 232)

...maistre Charles Culdoe (...) fu amené ou Chastellet et baillié au lieutenant du prevost de Paris (Fauq., I, 1417-1420, 153)

Ce jour, maistre Jehan Sauvage, lieutenant du prevost de Paris, est venu en la Chambre de Parlement, selon l'appoinctement de la Court hier fait, lequel a esté blasmé des refus et scandaleuses paroles dont les informacions sur ce faites le chargent (Fauq., II, 1421-1430, 247)

...Me Jehan Longue Joe, lieutenant de messeigneurs Prevost des marchans et eschevins en leur jurisdiction en l'Ostel de la dicte ville (Comptes Paris V.L.D., t.1, 1440-1441, 222)

Lieutenant civil. Adjoint du prévôt de Paris, chargé des affaires civiles.

Ce jour, la Court manda les lieutenans du prevost de Paris et le procureur du Roy ou Chastellet, et y vint maistre Hugues Rapiout, lieutenant civil (Fauq., I, 1417-1420, 153)

A tous nos baillis, prévôts, sénéchaux ou autres chefs de nos justices ou à leurs lieutenants, salut. (Chastell., Chron. K., t.1, c.1456-1471, 135)

...Me Jehan de Longueil, lieutenant civil de la Prevosté de Paris (Comptes Paris M., t.2, 1457-1458, 25)

En obtemperant ausquelles lectres, et pour icelles oyr et escouter, furent esleuz et deleguez pour ladicte ville maistre Jehan Choart, lieutenant civil ou Chastellet de Paris, maistre François Hallé, advocat en Parlement, et Arnault Luiller, changeur de Paris (Roye, Chron. scand., I, 1460-1483, 88)

Lieutenant criminel. Adjoint du prévôt de Paris, chargé des affaires criminelles.

Ce jour, maistre Nicolas Surreau a signifié et exposé à la Court comment il avoit esté requis (...) de accepter et exercer l'office de lieutenant criminel dudit prevost (Fauq., I, 1417-1420, 200)

Aussi y fut mis et constitué prisonnier maistre Henry Mariete, qui avoit esté lieutenant criminel de la prevosté de Paris, tant pour raison desdiz epitaphes que aussi pour aucunes injures ou paroles par lui dictes, comme on disoit, de maistre Jehan de la Driesche, tresorier de France (Roye, Chron. scand., I, 1460-1483, 261)

En après, le XIIIIe jour d'octobre, oudit an mil IIIIcLXX, le roy envoya ses lettres patentes à Paris, qui y furent leues et publiées par les carrefours d'icelle, presens les lieuxtenant criminel de la prevosté de Paris et plusieurs des examinateurs d'icellui Chastellet. (Roye, Chron. scand., I, 1460-1483, 246)

Lieutenant du cas criminel. Lieutenant de la juridiction criminelle, lieutenant criminel (du prévôt de Paris).

C'est maistre Mertin Bellefoye, Lieutenant du cas criminel. (Villon, Test. R.H., 1461-1462, 145)

Lieutenant (de l'évêque). Celu qui fait fonction de procureur général au tribunal épiscopal.

Touteffoiz, je n'y pense mal Pour lui [l'évêque Thibault d'Aucigny] , et pour son lieutenant, Aussi pour son officïal Qui est plaisant et advenant, Que faire n'ay du remenant Mais du petit maistre Robert : Je les ayme tout d'un tenant, Ainsi que fait Dieu le Lombart. (Villon, Test. R.H., 1461-1462, 71)

3.[Domaine politique, administratif]

Lieutenant d'un souverain (roi de France ou duc de Bourgogne). Haut officier représentant du roi et de son pouvoir administratif et militaire dans une province ou un groupe de provinces.

Arnoulz, sires d'Audenehem, mareschauls de France et lieutenant du Roy nostre signeur es parties de Picardie, d'Artois et de Boulenois (Hist. dr. munic. E., t.1, 1356, 346)

...maistre Jehan Rabateau, procureur de monsr le duc de Berry, tant en son nom que comme lieutenent du Roy es païs de Languedoc et duchié de Guienne (Baye, I, 1400-1410, 201)

Vint visiter et tint le Parlement monseigneur le Dauphin, filz du Roy, Dauphin de Vienne et duc de Guienne, aagié de XV ans ou environ, et sist comme lieutenant du Roy nostre Sire son pere (Baye, II, 1411-1417, 41)

Le conte de Saint-Pol, lieutenant et capitaine pour le Roy à Paris et ou païs de Picardie, tint le Conseil en la Chambre de Parlement (Fauq., I, 1417-1420, 241)

...car le lieutenant ne est que office au bon plaisir du roy, et connestable l'est a vie durant, comme dit est, et sur tous aultres il represente la personne du roy, comme le seigneur plus saige en armes et le plus vaillant (La Sale, Salade, c.1442-1444, 235)

Et, le mardy IIe may, vint et arriva à Paris monseigneur de Lion de devers le roy, lequel fut estably lieutenant du roy au conseil de Paris. (Roye, Chron. scand., I, 1460-1483, 329)

Nous avyons grant nombre de blesséz, et la pluspart fort descouraigéz et espoventéz, craignant que ceulx de Paris avec deux cens hommes d'armes, qu'il y avoit avec eulx, et le mareschal Joachin, lieutenant du roy en ladicte cité, sortissent et que l'on eust affaire de deux costéz. (Comm., I, 1489-1491, 35)

Ilz dirent au maistre de la cité tout hault qu'ilz apportoient aucunes choses bonnes par escript de par le seigneur de Humbercourt, lieutenant du duc de Bourgongne en celle marche, et qu'il seroit bon de les aller veoir au palais. (Comm., I, 1489-1491, 112)

Et, après ces lettres escriptes, le conte de Dampmartin entra dedans la ville d'Amyens ou mois de fevrier ensuivant comme lieutenant du roy, pour ce que ceulx de laditte ville se fioient en luy. (Le Clerc, Interp. Roye, c.1502, 263)

Et y estoit pour lors le conte Daulphin, lieutenant general, avec Mons. le mareschal de Cominge, le seneschal de Beaucaire, tous trois lieutenans du roy. Lesquelz lieutenans et capitaines, en exerçant leurs charges et commissions, se maintindrent si vaillaument qu'ilz furent cause de gaigner la journée de Buci à l'onneur du roy et au desavantaige de leurs ennemys (Le Clerc, Interp. Roye, c.1502, 276)

Lieutenant d'une région pour le roi

Environ deux ans après, fut commis le sire d'Orval, frere germain du conte d'Albret, lieutenant en Anjou et au Mayne pour le Roy, acompagné de Lahyre, Poton, du sire de Bueil, mon maistre, et du sire de Tucé. (Tring., c.1477-1483, 275)

Lieutenant general (du gouverneur). Officier qui prend en charge les fonctions d'un gouverneur qui ne réside pas dans sa province.

...Aymard de Clermont, lieutenant général du gouverneur du Dauphiné (Comptes roi René A., t.3, 1453, 105)

..le sire de Craon, nostre lieutenant-général en nostre pays de Champaigne, (...) à icellui, (...) pour luy aider à supporter les grans charges et despenses que faire luy convient et conviendra ès mètes de sa dicte lieutenancie, où il est à présent, avons donné et donnons, de grâce espécial, par ces présentes (Archives servit. Louis XI, T., 1474, 69)

LE ROY [à Jeanne d'Arc] (...) Je ordonne duc d'Alanson Pour mon lieutenant general, Aveques gens de grant facon Et tant a pié comme a cheval, Vous servir a mont et a val A tout vostre bon plaisir faire (Myst. siège Orléans H., c.1480-1500, 518)

Lieutenant de la ville/lieutenant du gouverneur de + subst. désignant une ville. Personnage venant immédiatement après le gouverneur d'une ville donnée, qu'il assiste et peut suppléer.

Comment en ce temps [a] Arras y eut VI compaignons [lesquelz], faignans d'aller mommer du soir, murdrirent piteusement le lieutenant de la ville (Chastell., Chron. IV, D., c.1461-1472, 27)

En la ville d'Arras en cestuy temps, entour le mois de novembre, allerent six compaignons mommer par la ville, fort muciéz des visaiges et descogneus ; vindrent en l'hostel du lieutenant du gouverneur d'Arras (Chastell., Chron. IV, D., c.1461-1472, 79)

Lieutenant du maistre des Eaux et forests

...Pierre de La Crique, lieutenant du maistre des eaues et forez d'Orliens (Reg. crim. Chât., II, 1389-1392, 66)

...et finablement maistre Guillaume Rose, advocat oudit Parlement, lieutenant du maistre des Eaues et forests, fu commis pour contraindre ceulx qui ont bois et forests environ Paris de vendre à pris raisonnable aux marchans qui en voudront avoir pour amener à Paris, ainsi que fait a esté et ordonné, le XXVJe jour de novembre derrain passé, ou regard des forests de Bondis, Laye, Senart et de Pommoroie appartenant au Roy. (Fauq., I, 1417-1420, 207)

4.[Domaine religieux]

Lieutenant d'un curé. Vicaire.

Remarque : Doc. 1403. In : Du Cange, s.v. lociservator (Jehan le Mousseur prestre, lieutenant du curé de la ville de Pesq en Tournesis).

Lieutenant d'un chapitre. Vicaire capitulaire (dans une abbaye).

Remarque : Doc. c.1400-1500. In : C. Hippeau, Usages observés dans l'abbaye Saint-Étienne de Caen pour la réception des novices, in : Mémoires de la Société des Antiquaires de Normandie, 1855, 441 (Et après avoir ouy le lieutenant du chappistre, il [le prieur] luy [au profès] demande de s'approcher de luy, luy présentant ses pieds, auxquels le dit novisse se met à genoulz).

Lieutenant de Dieu/de Jesus en terre. Vicaire, représentant de Jésus.

Car celle monarchie esperituele vient de Dieu par grace especial, et le monarche de elle est lieutenant de Dieu et gouverné par le Saint Esperit. (Oresme, Pol. Arist. M., c.1372-1374, 293)

Et le pecheur ou pecheresse doit commencer sa confession en ceste maniere : Sire, qui estes vicaire et lieutenant de Dieu, je me confesse a Dieu le tout puissant et a la benoite Vierge Marie et a tous les sains de Paradis et a vous, chier pere, de tous mes pechiez lesquels j'ay faiz en moult de manieres. (Ménagier Paris B.F., c.1392-1394, 23)

...et le plus tost qu'il peust se tira à Basle, à grant triumphe et grant compaignie de prelatz et de seigneurs, et arriva à Basle en telle cerimonie que l'on peult et doibt faire à l'entrée et joyeuse advenue du Pape, lieutenant souverain de Dieu en terre. (La Marche, Mém., I, c.1470, 262)

Veillez sçavoir que ne mentiray poinct A vous dire verité maintenant: Saichez que suis serf et vray lieutenant Du hault Jhesus plain de divinité (La Vigne, S.M., 1496, 335)

A vous ensuivir suis tenu Pour la gloire des cieulx acquerre, Car vous [le pape Sixte] estes du doulx Jesus Lieutenant et vicaire en terre. (Myst. st Laur. S.W., 1499, 164)

C. -JOUTES ET TOURNOIS Celui qui s'efforce de conserver la place (le lieu) dont il s'est emparé en abatant son adversaire.

'Sire chevalier, dist la pucelle, or en faittes tant pour moy et pour honneur acquerre que vous demourés lieutenant. - Damoiselle, dist Lyonnel, aincoires me souffiroit il, mais mieulx ameroie estre sires que lieutenant. - Lyonnel, dist Nervin, je croy que vous ne sçavés pas la coustume des joustes de cestui païs, car vous entendriés en autre sens les parlers de ma fille qui pou lui coustent et qui sont tres communs a toutes en tel cas. (...) Mais adfin que vous sachiez l'entente de la pucelle, je vous diray la coustume des joustes de cestui paÿs, qui est telle car quant aucuns chevaliers font crier unes joustes et ce vient au jouster, se cellui de dehors abat cellui de dedens, l'abbatu est forain et cellui qui abatu l'a tient son lieu tant tant et si longuement qu'il se puet tenir a cheval, et ainsi des autres...' (Percef. IV, R., c.1450 [c.1340], 423)