LATIN

adjectif et substantif

[T-L : latin ; GD : latin ; GDC : latin ; AND : latin ; DECT : latin ; FEW (V, 199a) : latinus ; TLF (X, 1026a) : latin]

I. -Adjectif.

A. -Du Latium.

...laquele si comme il veoit il ne porroit avoir legierement car il [veoit] ja que le peuple latin temptoit sa patience et que icelle temptee il mesprisoit, et que, pour verité, les temps estoient tieux car on avoit plus grant mestier de Tulle que de Nume. (Bers., I, 1, c.1354-1359, 32.4, 55)

...mes ce fu sans venir a la bataille ordenee ne a guerre champal, eyncés, en menant ses gens d'armes de ville a ville, il dampta et veynquist tout le nom des Latins et prist Cornicule Ficulvee, Vecus Camerie et Crustemene, Ameriole, Medulle et Nomence, tant du peuple latin comme de tous qui aus Latins se estoient adjoins en leyssent les Romains. (Bers., I, 1, c.1354-1359, 38.4, 66)

Aprés Enee regna ses filz Ascanius que pour ce qu'il estoit mendre de eage, fu aucunz temps sus la tutele de sa mere Lavinie, laquele li garda sagement sa terre et son royaume jusquez a tant que il vint a eage parfait ; et lors elle li restitua la poissance latine et le royaume son aïel et son pere. (Bers., I, 1, c.1354-1359, 3.1, 6)

...plus y avoit grant nombre de vins de toutes sortes comme vin grec, vin bastard, vin de Grenade, vin latin, vin de Saint Sevrin que vinaigre en grant nombre. (La Vigne, V.N., p.1495, 262)

B. -De Rome.

1.[D'une personne]

Marcus Tullius Cicero, grant philozophe et la fleur des orateurs latins, noble consul de Romme, fut en ce temps homme très erudit en plusieurs sciences et fut très expert et sçavant en la science des estoilles et se en aida en ses haulx affaires, comme appert assez à ses gestes et faiz, comme aussi par le recit de plusieurs. (Simon De Phares, Astrol., c.1494-1498, f° 64 r°)

2.[D'une chose]

[D'un texte] Formulé, rédigé dans la langue des Romains, en latin.

Toutes escriptures latines Sont mises en ebrieu françois. (Mir. parr., 1356, 50)

Car de toutes les escriptures saintes qui sont, soient grecques ou latines, ne se treuvent que dix femmes prophetisans, qui nommees furent les Sibiles. (La Sale, Salade, c.1442-1444, 125)

Pour ce est il allegué de plusieurs docteurs, et ce, en aucuns livres ebraïques et latins, comme chacun peut sçavoir assez, qui y prant garde. (Simon De Phares, Astrol., c.1494-1498, f° 22 v°)

[D'un alphabet]

Cestui, entre autres, fist l'election du jour que le roy alla à la chasse, où il trouva le grant cerf, qui avoit le cercle de cuyvre doré ou col, ouquel cercle estoit escript en lectres latines : 'Hoc me Cesar donavit' . (Simon De Phares, Astrol., c.1494-1498, f° 144 r°)

Langue latine

Toutesfois ne pretendz en riens, en le louant en cet endroit, diminuer l'honneur ne bonne renommée des aultres, mais vous envoye ce dont promptement m'est souvenu, esperant que vous le demandez pour le mectre en quelque oeuvre que vous avez intention de faire en langue latine dont vous estes bien usité (Comm., I, 1489-1491, 2)

Cestui Philoine eut et sceut la langue grecque, hebraïque et latine. (Simon De Phares, Astrol., c.1494-1498, f° 66 r°)

C. -Qui fait partie de l'église romaine, catholique.

Et sachiés que icelle eglise entierement est ou gouvernement du gardien de Jherusalem, n'y chante nulz prebstres que latins, c'est assavoir catholiques. (Voy. Jérus., c.1395, 33)

Eglise latine. Église romaine, catholique.

Or fut il pieça fait ung nouvel statut en l'Eglise latine, qui dessevra l'ordre de saint mariage d'avec la dignité de prestrise soubz couleur de purté et de chasteté sans soulleure. (Chart., L. Esp., c.1429-1430, 176)

Et ce premier statut departy pieça l'Eglise grecque d'avecquez la latine. (Chart., L. Esp., c.1429-1430, 177)

II. -Substantif masculin.

A. -Habitant du Latium, habitant de Rome.

1.Habitant du Latium (région soumise par Rome en 338 av. J. C.).

...mes ce fu sans venir a la bataille ordenee ne a guerre champal, eyncés, en menant ses gens d'armes de ville a ville, il dampta et veynquist tout le nom des Latins et prist Cornicule Ficulvee, Vecus Camerie et Crustemene, Ameriole, Medulle et Nomence, tant du peuple latin comme de tous qui aus Latins se estoient adjoins en leyssent les Romains. (Bers., I, 1, c.1354-1359, 38.4, 66)

L'auctorité du roy Tarquin estoit ja mout grande entre lez barons latins, si a empris une journee et ordené que tous les princez du paÿs se adjoustassent en un certain lieu appelé le boyz de Ference afin de traiter des choses communez. (Bers., I, 1, c.1354-1359, 50.1, 83)

Cestui ot plusieurs grans travaulx De batailles par mons et vaulx, Car les Latins, ce furent ceulx De Laurente, murent contre eulx (Chr. Piz., M.F., III, 1400-1403, 189)

2.Habitant de la Rome antique.

Tu liseur, se ne le veulx croire, lis les livres des Grecs et des Latins, et avec mes euvres avise et confere l'un avec l'autre. (Daudin, De la erudition H., c.1360-1380, 129)

La tierce diffinition est magistrale selon l'entendement des maistres et est tele : personne est une chose distinguié et determinee par proprieté, c'est a dire par propre qualité appartenante a la dignité d'icelle laquelle les Grecs apellent ypostasis et les latins l'appellent subsistence. (Somme abr., c.1477-1481, 130)

Ces venins pestilencieux Sur jeunes et vieux, Justes, vicieux, Grecz, latins, hebrieux, Tristes et joyeulx, Vous fault sur terre et mer sumer, Vomir, escumer... (Cene dieux, c.1492, 131)

B. -Langue des Romains de l'Antiquité.

Einsi fu Susenne sauvee Et sans courpe a ce jour trouvee, Et tout par la vertu divine Qui tout malice veint et mine. Dou latin ou je l'ay veü L'ay mis si pres com j'ay peü. Si qu'amis, tu te dois mirer En cest exemple et remirer Com Susanne fu accusee Et comme elle fu delivree (Mach., C. ami, 1357, 16)

Si m'en alay droit vers la chambre Ou il gisoit, et bien me membre Qu'il y avoit un damoisel Qui avoit veillié un oisel. Et comment qu'il fu bien matin, En françois, nom pas en latin, Me salua premierement. (Mach., F. am., c.1361, 181)

En premier cercle avoit, escript D'or fin en latin, cest escript... (Mach., Voir, 1364, 714)

Ces paroles proposées en latin veulent ainsi dire en françois... (Mir. st Panth., 1364, 307)

...Ce cardinal, qui scet la guise De lire latin et romans. (Mir. st Alexis, 1382, 364)

...Prescian dit, en un petit livre que il fist des maistres de Terente, que de tous les langages du monde latin est le plus habile pour mieulx exprimer et plus noblement son intencion. (Oresme, E.A., c.1370, 100)

Aristote met ycy une distinction qui avoit lieu en language grec, mais elle n'a pas du tout lieu en latin ne en françoys, quar les Grecs appeloient tout le monde et le ciel par un nom et nous n'appelons pas le monde ciel. (Oresme, C.M., c.1377, 156)

...une fueille de jacia nigra, et une de plantain ront, appellé en latinplantago minor (Reg. crim. Chât., I, 1389-1392, 313)

...uns clers d'Engleterre licensiiés en drois et en lois, et moult bien pourveus de trois langages, de latin, de françois et dou langage englés (Froiss., Chron. D., p.1400, 232)

Foires ordonna et marchiez, Ou l'en peust acheter et vendre, Et toutes denrees y prendre, Et, de son nom, les clama foires Et, en latin, dist on encores Forum, c'est a dire marchié. (Chr. Piz., M.F., II, 1400-1403, 278)

Et mettra peine la sage dame qu'il plaise au pere qu'ilz soient introduis ou latin, et que aucunement sentent des sciences (Chr. Piz., Trois vertus W.H., c.1405, 60)

Et pour ce que ledit cardinal de Pise estoit Lombart ou Italien, et ne savoit langue françoise, respondi en latin ce que s'ensuist (Baye, II, 1411-1417, 50)

Je fonde la relegion Subs la regle sainct Augustim, Et en romant et en latin Ainsy a tous les peuples [crie] (Myst. st Bern. Menth. L., c.1450, 148)

...les lectres entaillees qui en latin dient ainsin : Hic jacet dominus Johannes de Saintré, miles, senescallus Andegavensis et Senomanensis, camerariusque domini ducis Andegavensis (La Sale, J.S., 1456, 309)

Tel n'entend latin ne ne parle Qui corrige magnificat (Alecis, Faintes monde P.P., c.1460, 106)

SOTOUART. Alors l'eussiez veu de courage Parler ung tresdivers langaige. CROQUEPIE. Latin, picquart, flament, françoys, Il parloit tout a une voix. (Vig. Trib., c.1480, 232)

Mais dont nous vient cest advertin ? Veulx tu icy parler latin Devant ceux qui l'ont compassay ? (Sots Magn., a.1488, 207)

Droit a l'entree du marché grant et beau On avoit fait ung arche triumphant La ou estoit ung tres beau jeune enfant Qui en latin portoit tel escripteau : 'Veni, Vidi, Vincit Cesar Alter' Puis en françoys disoit d'entente juste : 'Vive, vive le roy françoys auguste, Qui est venu pour noz ennemys dompter'. (La Vigne, V.N., p.1495, 198)

Locution. Parler latin devant les Cordeliers. Vouloir apprendre quelque chose à qqn qui en sait plus que vous.

Je ne vous garde point l'ordre d'escrire qui sont les hystoires ny nomme les années ny proprement le temps que les choses sont advenues ny ne vous allègue riens des hystoires passées pour exemples, car vous en sçavez assez, et seroit parler latin devant les Cordeliers (Comm., I, 1489-1491, 189)

C. -Par extension. [Souvent p. plaisant. ou p. ironie] Langage.

1.[P. plaisant.] Langage habituel.

Durement li annoie [à Herpin qui se trouve tout seul] , si dit en son laitin : 'Si ne demourai plux, foix que doie saint Martin, Car li hons qui est ceulz ne vaut ung angevin.' (Lion Bourges K.P.F., c.1350, 94)

Et quant Thiery l'antant si dit en son laitin : 'Sire, Dieu le vous mire...' (Lion Bourges K.P.F., c.1350, 261)

Car, pour parler ne pour rouver, Ne pot li clers acort trouver ; Eins se departi sans acort, Et s'en revint tout droit au port De Nimesson, où il trouva Le roy qui encor se leva, Car il estoit assez matin. Li clers li dist en son latin Tout ce qu'il a trouvé de fait, Et que briefment il n'a riens fait, Et qu'il ne trueve acort ne voie De pais, dont parler vueille ou doie. (Mach., P. Alex., p.1369, 129)

Irbouga hucha Nassardin ; Si li a dit en son latin, C'est à dire en Arabech : 'Crestiens penrons par lebech. Se li roys Chypriens envoie Vers le soudan, je loeroie Qu'à ses gens faciens bone chiere...' (Mach., P. Alex., p.1369, 185)

Il va et vient [Malebouche] a langue traitte, Ainsy q'ung arragié mastin. Et, en la fin, conseille et traitte S'il ferroit encor ung tatin. Mais Faux Semblant en son latin Conseille qu'on n'en face plus (Martin Le Franc, Champion dames I-II, P., 1440-1442, 37)

2.[Avec une nuance péj.]

a)Propos, discours.

La dame, qui ot ce latin, Se tient moult assegurée Qu'il venront a le matinée (Froiss., Méliad. L., t.2, 1373-1388, 32)

En l'un de ches ténèbres, là sont li orphenin, Che sont enfant mort-net ; là sont en che gardin, Maudisant père et mère et parent et cousin : Tout adès viveront en disant tel latin (Baud. Sebourc B., t.2, c.1350, 59)

Quant li pape Innocens entent sifais latins, Le cancellier esgarde, qui Renars est cusins ; Consisoire fait metre en grant palais marbrins (JEAN D'OUTREM., Geste Liège B.B., t.4, a.1400, 655)

...Puis vinrent à l'evesque disant : 'Sire divien, Veez coment li dus, et o luy tous si chiens, Ardent vostre pays s'il n'at de nos hustien ; Quant seirat-il mais temps de vengier les traiiens Que li dus nos at fais par le corps saint Martin ?' Thiris de Walcort entendit che latin (JEAN D'OUTREM., Geste Liège B.B., t.5, a.1400, 605)

...La robbe longue, la gorgïas patin, Le corps troussé frisquement de velours : C'estoit assez, qui entend mon latin, Pour y avoir ung tribunal d'amours ! (La Vigne, V.N., p.1495, 168)

Pensée, opinion.

Bauduins li a dit : 'ne me choilès, cousin ; Qui a esmut le gerre, né che félon hustin ? Or me di qui a droit, selonc le tien latin ?' (Baud. Sebourc B., t.1, c.1350, 207)

Mes je vous voel tant enfourmer De mon latin : Il n'est si bonne qui n'ait per ; Voeilliés ent une couronner, Qui vous puist deffendre et garder De che venin. (Froiss., Pris. am. F., 1372-1373, 137)

b)Sermons, discours, belles paroles.

Compain Beric, par dela frappe Et garde bien qu'il [Jean-Baptiste] ne t'eschappe, Je ly donray ce grant tatin. Or verrons nous ce son latin De nous eschapper le fera Et ce son Dieu le delivrera Quil contre nous le fait preschier. (Pass. Semur D.M., c.1420 [1488], 101)

Ung temps fut que au son du patin Entendoye de loing leur latin [des dévots] Et savoye bien que cela monte (Hautev., Conf. Test. am. tresp. B., c.1441-1447, 63)

Bien te ferons changier latin Avant que de moy tu eschappe. Quant tu sentiras tom corps baptre, Il sera appoim de latiner. (Myst. st Sébast. M., c.1450-1500, 81)

Rien ne t'y vauldra ton latin, Car je suis orgueilleux mastin, Un meurdrier, un coupeur de testes. (Myst. st Laur. S.W., 1499, 268)

Subtilité, ruse.

LE PREMIER GENTIL HOMME. ...bien souvent vous y hantés Entour elle et y frequentés Le soir, la nuict et le matin. On congnoyt bien vostre latin Et le gibeur de vostre chasse. Mais n'avons nous poinct de peur qu'on sache Toutes vos alés et venus ? (Gent. moun. T., c.1500, 333)

3.Langage d'un animal, ramage des oiseaux.

Et li oisillon s'en esgaient [de l'arrivée du printemps] , Qui a faire joie s'essaient Et li paient en leur latin Toudis, au soir et au matin, Joliement sa droite rente, C'est que chascuns chante ou deschante Et face feste en sa venue, Pour ce qu'il a esté en mue, Car Nature si leur commande Que chascuns a chanter entende (Mach., D. Lyon, 1342, 159)

Ens el mois de setembre qu'estés va a declin Que cil oisillon gay ont perdu lor latin... (Voeux héron G.L., c.1346, 68)

Lors dist Rounel [Nom du chien dans le Roman de Renart] en son latin [à son maître qui veut se débarrasser de lui] : 'J'ay esté tout mon corps usans A vous paistre de maint lopin, Garder l'ostel, femme et enfans...' (Desch., Oeuvres Q., t.1, c.1370-1407, 169)

Ce jour aussi, pour partir leur butin Des biens d'Amours, faisoient assemblee Tous les oyseaulx, qui parlans leur latin, Crioyent fort, demandans la livree Que Nature leur avoit ordonnee : C'estoit d'un per, comme chascun choisy. (CH. D'ORLÉANS, Ball. C., c.1415-1457, 92)

D. -Langage des clercs.

1.Langage des clercs, inintelligible au commun, langage savant.

Les latins. Langage incompréhensible, jargon.

A qui vendez vous voz coquilles Entre vous, amans pelerins ? Vous cuidez bien, par voz engins, A tous pertuis trouver chevilles. Sont ce coups d'esteufs ou de billes Que ferez, temoing voz voisins ? A qui vendez vous voz coquilles Entre vous, amans pelerins ? On congnoit tous voz tours d'estrilles Et bien clerement voz latins ; Trotés, reprenés voz patins, Et troussés voz sacs et voz quilles (CH. D'ORLÉANS, Rond. C., 1443-1460, 334)

Quel hon hon ? veez cy bon mignon Je n'entens point bien les latins. (Dorib., p.1480, 250)

Escumer le latin. Faire des emprunts au latin, parler un jargon latinisant.

Le champion a chiere meure, Comme il avoit accoustumé, Trop a respondre ne demeure A tous les cas qu'il ot sommé En latin moult fort escumé. (Martin Le Franc, Champion dames II, D., 1440-1442, 110)

...et les commissaires de l'autre partie estoient Guillaume de Biche, maistre Pierre d'Oriole, maistre Jehan Berart, maistre Jehan Compain, ung autre licencié escumant latin et maistre Ythier Marchant. (Roye, Chron. scand., I, 1460-1483, 118)

Mes mignons, escoutez la plume, C'est trop le latin escumé ! (Coquill., Oeuvres F., 1478-p.1494, 137)

Escumeur de latin. Celui qui parle un jargon latinisant, bavard.

Il fault avoir son Escumeur De latin, s'on le peult trouver. (Copp. lard., a.1488, 172)

Forge latin

...ses demandes sont fourmees En tous cas et a toutes fins, Dont les escriptures baillees, Les registres et parchemins Feront foy - non pas ces badins Qui corrumpent le plaidoyé, Ces vendeurs, ces forges latins, Je n'ay point leur fait advoué (Coquill., Oeuvres F., 1478-p.1494, 61)

[Sans nuance péj.] Faire le latin. Rédiger un texte en langage savant.

J'ay propose la matiere a ceulx qui feront le latin, c'est assavoir qui par ton commandement, Beau Filz, les mectront par beaux chappitres en escript en bonne forme auctentique, laquelle sera registree en la chambre des comptes (Mézières, Songe vieil pèl. C., t.2, c.1386-1389, 291)

Et tu, Beau Filz, qui as la grace de Dieu autant ou plus que plusieurs de tes predecesseurs, de la matiere susdicte par bon conseil feras le latin, et le mectras a oeuvre a la loenge de Dieu (Mézières, Songe vieil pèl. C., t.2, c.1386-1389, 309)

...ta personne royalle (...) a tous conseilliers de non donner la matiere, non pas obscure mais bien clere, de faire un beau latin, c'est assavoir sans batre l'oeil ne encliner les oreilles de dire pure verite hardiement aussi et sans aucun regart, a la lectre, sans souspecon ne aucune palliacion. (Mézières, Songe vieil pèl. C., t.2, c.1386-1389, 344)

'Beau Filz,' dist la royne, 'de cestui point XIIIe de groz en groz je t'ay baille la matiere, de laquelle on feroit un tresgrant livre, c'est assavoir de la reparacion de ton demaine royal et d'entrer en paye la ou tu es tenuz comme faire se pourra. Et tu, Beau Filz, de la dicte gross matiere par le zel de vertuz pense a faire le latin qui soit plaisant a tes subgiez et conseil divin...' (Mézières, Songe vieil pèl. C., t.2, c.1386-1389, 362)

Parler latin. Utiliser un langage savant, contourné, peu sincère.

LE MARQUIS. En bon langaige, sans vous parler latin, Je vous salue, gentil cueur de noblesse. (La Vigne, S.M., 1496, 188)

D'un latin. D'un même langage, d'une même sorte.

A .V. portez fu Huëz pour faire son traitin, Mais il trouva responce trestoutez d'un latin. (Hugues Capet Lab., c.1358, 135)

Parler d'autre latin. Tenir un autre langage.

Ensemble nous arons hutin, S'elle veult trop mon cueur happer ; Mais, s'Espoir je peusse atrapper, Je parlasse d'autre latin, A ce jour de saint Valentin. (CH. D'ORLÉANS, Rond. C., 1443-1460, 433)

Or ça, parlons d'autre latin ! 'Comment vous va, mon musequin ? Ou est monsieur vostre mary ?' (Coquill., Oeuvres F., 1478-p.1494, 312)

2.Par métonymie. Celui qui parle le langage des clercs.

a)Celui qui a fait des études, savant.

Charité fault, toute joie s'en va ; On n'a cure de clerc ne de latin, D'omme vaillant : la science faurra (Desch., Oeuvres Q., t.1, c.1370-1407, 179)

b)Personne qui au cours des ses études apprend le latin, étudiant ; d'où novice.

...Les regardans estoyent la tous, J'en ouy bien ung qui parla, Et tout en raillant m'apella Et me dist que je chevauchoye En clerc, en latin, tout cela - Mai, par le sang bieu, non faisoye ! Car seurement je me tenoye, Genoulx serrez, bien empeschez (Coquill., Oeuvres F., 1478-p.1494, 278)

3.Au figuré. Savoir, connaissance (accessible à ceux qui parlent le langage savant des clercs).

Entendre son latin. Savoir ce qu'il faut faire, connaître son affaire.

Cilz entent trop bien son latin Qui de soy meismes fait justice. (Taillev., Prise Luxemb. D., 1443, 175)

L'aultre, qui entendoit son latin, plus joyeux que jamais n'avoit esté, s'advisa de batre le fer tantdiz qu'il estoit chault [D'un homme qu'une femme accueille avec chaleur] (C.n.n., c.1456-1467, 91)

Et de faict, j'avoye proposé, Pour l'amour d'elle, d'estre fin, Mignon, gorgias, bien prisé Des dames, la estoyt ma fin. J'entendoye assés mon latin, Car pour estre plus fricquelet J'avoye le pourpoint de satin (J'entens satin par le collet) Et aux manches le chappelet Joyeulx, en la manche attaché, De velours, a un beau fillet ! (Coquill., Oeuvres F., 1478-p.1494, 277)

Ung jour m'en aloie pas a pas, Fort mignon, plaisant et habile, Tracassant, traignant le patin, Car je sçavoys bien mon stille Et entendoys bien mon latin. (Coquill., Oeuvres F., 1478-p.1494, 302)

Ne connoistre que son latin. Ne connaître rien d'autre que son affaire, son domaine.

Mais qui n'entent que son latin Et ne veult peser qu'a sa livre, Il ressamble au prestre Martin Qui ne scet chanter qu'en son livre. (Prov. rimes F.M., c.1485-1490, 44)

Comprendre son affaire, comprendre ce qu'il y a à faire.

ORILLART. ...Tu en pendras l'un et moy l'autre. Grifon, nous serons a butin. GRIFON. Tu entens tres bien ton latin : C'est justement ce qu'i nous fault. (Gréban, Pass. J., c.1450, 379)

Parler latin. Être instruit.

Mais quant un noble homme estudie Au jour d'ui, en moque de li Et dit on qu'il a cuer failli: C'est uns coquars, c'est uns meschans, Il ne scet aler par les champs, C'est uns prestres, c'est uns chetis, Il deust porter un superlis, Il ne vauldra ja un grain d'orge ; Il parle latin ? Par saint George, Il ara chaperon fourré (Desch., M.M., c.1385-1403, 263)

...tu manderas un vaillant escuier qui saiche parler latin, saige preudomme et loyal et bien expert des condicions des estranges pays du souldan de Babilone, a tout tes lectres par la maniere sustouchee. (Mézières, Songe vieil pèl. C., t.2, c.1386-1389, 425-426)

Bien pratiquer son latin. Bien raisonner, avoir de bonnes idées.

JACOB. Il est demain jour sollempnel Et le grant sabbat de la Pasque ; Et, pour tant, il ne faut pas que L'on tarde qu'i ne soit pendu Au jour d'uy. JOATHAN. C'est bien entendu Et bien pratiqué son latin. (Gréban, Pass. J., c.1450, 325)