LARCIN

substantif masculin et féminin

[T-L : larrecin ; GD : larrecin ; GDC : larrecin ; AND : larecin ; DECT : larrecin ; FEW (V, 202b) : latrocinium ; TLF (X, 995b) : larcin]

A. -Au propre.

[Employé gén. au sens fort, avec une idée de violence ou de relative gravité] Vol.

...elle a norri mauvaisement Lorroucin [var. Larroucin] , barat et ordure (Liber Fort. G., 1346, 149)

LE LARRON. Je sui le meschant maloustru Desloyal qui ay conversé En ce boys, maint jour a passé, En larrecin, en roberie. (Mir. march. larr., c.1349, 115)

...et lequel prisonnier est homme de très-male renommée entre les compaignons faisans leur mestier de larrecin (Reg. crim. Chât., I, 1389-1392, 150)

Et quant a ce, dès cy nous vous quictons [le roi d'Ausay] , quant de nostre partie, mon frere et moy, vostre prison, par my tant que nous vous tauxons a restituer a ma damoiselle tous ses dommages, tant de larrecins, comme de pillaiges de proies, de bestes et de toutes autres choses, au regart de preudes hommes, dignes de foy, qui seront esleuz pour le dommage tauxer (Arras, c.1392-1393, 168)

Larrecin est quant une personne injustement et de nuit prent aucune chose sans le sceu et contre la voulenté de celluy a qui la chose est (Ménagier Paris B.F., c.1392-1394, 33)

...Raoul Witart, bigame, clerc de la Chambre des Comptes, estoit accusez en ladicte Chambre de certeins crimes et deliz, tant de larrecin que de faulz (Baye, I, 1400-1410, 16)

...ce n'estoit pas l'intencion de ladicte Ville de adjouster foy, desormais, à ce qui seroit fait soubz le seellé desdis seaulx depuis ledit larrecin et perte des seaulz dessusdiz (Fauq., I, 1417-1420, 50)

C'est a dire, mon ami, que avarice est cause de larrecin, de rappine, de usure, de fraude, de barat, de simonie, de parjuremens, de batailles, et en conclusion, de tous les mauls. (La Sale, J.S., 1456, 23)

...ce ne seroit pas larrecin si vous aviez par esbatement mon dyamant emporté. (C.n.n., c.1456-1467, 45)

Cestui de Paginea estoit à merveilles expert ès jugemens particuliers, car de son temps il n'estoit murtrier, ne larron, ne malfaicteur, qui se peut abscondre, ne larrecin celler, ne traictre qui se peust devant ses jugemens celez, couvrir ne deffendre. (Simon De Phares, Astrol., c.1494-1498, f° 142 v°)

[En cooccurrence avec crime/homicide/meurtre/pillage]

Et en operacions, adultere, larrecin, homicide, ces choses ici et toutes teles sont mauvaises selon elles meïsmes. (Oresme, E.A., c.1370, 163)

Il entent par tres mauvais et felons ceuls qui se delictent et excitent en homicides, en trahisons et larrecins et teles choses. (Oresme, E.A.C., c.1370, 467)

Soubs l'ombre d'eux, il faissoient mout de mourdres, de larchins, de pillages et de roberiies. (Froiss., Chron. R., XI, c.1375-1400, 200)

...et d'icellui cheval orent trois frans, lesquelx ilz despendirent ensemble en ladite ville, sanz ce que alors il feissent aucun autre mal, murdre ou larrecin quelconques. (Reg. crim. Chât., I, 1389-1392, 64)

Et dist, sur ce requis, que ce sont tous les crimes et larreceins qu'il ait faiz ou conmiz, en requerant que de lui l'en volsist avoir pitié et compassion. (Reg. crim. Chât., I, 1389-1392, 500)

...pour paour de fourches se seullent tapir es bois que ilz facent hardiement leurs murtres et larrecins (Chr. Piz., Paix W., 1412-1413, 133)

SATHAN. Tost trouveras par ce maintien Grant soubstien Et trop assez qui diront, 'Tien.' Ce n'est meurtre ne larrecin. (Myst. jeune fille L., c.1413-1445 [c.1530], 22)

[L'atténuation de larcin par un adj. est très rare]

Menu/petit larcin

...ouquel temps, pour certain petit larrecin par lui fait, commis et cogneu il avoit esté emprisonné (Reg. crim. Chât., II, 1389-1392, 421)

...il a faiz plusieurs autres menuz larcins à ses compaignons et à autres. (Reg. crim. Chât., II, 1389-1392, 443)

Doux et debonnaire larcin

[Un oracle a prédit que le pays de celui qui sacrifierait une vache donnée à Diane aurait l'empire du monde.] Le seigneur de la vache [un sabin] , qui les parolles du prestre croioit [un prêtre romain qui par ruse arrive à éloigner le sabin] , se prist tantost a aller au fleuve ; mais entretant qu'il alla, et vint le prestre du temple, sacriffia la vache ; dont ainssy par ce doulz et debonnaire larrecin fut nostre cité de Romme dame et souveraine de tout le monde. (La Sale, Salade, c.1442-1444, 24)

Commettre un larcin/faire un larcin

Lors commanda que tous les tresoriers feussent prins et estroittement gardez, et fist son serement que dedens brief terme ilz seroient tous pendus pour le larrecin qu'ilz avoient fait. (Bérinus, I, c.1350-1370, 388)

...et dist que c'est le premier larrecin qu'il feist oncques ou commeist, en requerant humblement que à sa delivrance ledit mons. le prevost voulsist proceder, et avoir de lui pictié et compassion. (Reg. crim. Chât., I, 1389-1392, 399)

Audit temps fut fait mourir et enfoye toute vive, audit lieu de Paris, une femme nommé Perrette Mauger, pour occasion de ce que ladicte Perrette avoit fait et commis pluseurs larrecins, et en ce faisant par long temps continué, et aussy favourisé et recellé plusieurs larrons, qui aussy faisoient et commettoient plusieurs et divers larrecins audit lieu de Paris (Roye, Chron. scand., I, 1460-1483, 4)

Lequel [Charlot Tonnelier], après qu'il ot longuement esté assis sur la sellete, dist qu'il diroit verité, et lors declaira tout au long sa vie et de moult grandes et merveilleuses larrecins, et si accusa moult de gens coulpables à faire icelles, comme ung sien frere surnommé le Gendarme, ung serrurier, ung orfevre, ung sergent fieffé nommé Pierre Moynel, et plusieurs autres (Roye, Chron. scand., I, 1460-1483, 225)

...lesquelz à grant nombre quant ilz furent à Carcasonne, par les gens du païs furent deffaiz pour les larrecins qu'ilz faisoient et plusieurs strangullés. (Simon De Phares, Astrol., c.1494-1498, f° 133 r°)

Locution. En larcin

Par tromperie, par ruse.

Et en ung certain jour, en larecin, prinrent la forteresce de la Boue à deux lieues près de Laon. (Monstrelet, Chron. D.-A., t.5, c.1444-1453, 41-42)

Furtivement, en cachette.

Et li faus [Enée] l'appelloit sa dame, Son cuer, s'amour, et sa deesse, Et sa souvereinne maistresse. Puis s'en ala par mer nagent En larrecin, lui et sa gent, Qu'onques puis Dydo ne le vit. (Mach., J. R. Nav., 1349, 209)

Entré y furent tire à tire, Celéement, en larrecin, Plus de X. mille Sarrazin, Parmi la porte qu'il ont arse, Dont la cendre est ja toute esparse. (Mach., P. Alex., p.1369, 98)

Riens n'aloit ens ès bonnes villes, fors en larecin et par bon sauf conduit que il vendoient bien et chier. (Froiss., Chron. L., V, c.1375-1400, 125)

Nuls n'osoit aler en Gand, fors en larechin, ne mener vivres. (Froiss., Chron. R., X, c.1375-1400, 146)

Il estoient signeur de tout le païs de Flandres (...) car toudis en larechin li villain et li païssant de Hainnau, pour gaegnier, leur menoient en leur ost assés de vivres. (Froiss., Chron. R., X, c.1375-1400, 260)

Einsi de l'amoureuse espine Mon cuer espine Par la doctrine Qui me doctrine D'Amours qui par son grant engin Met en moy de mort la racine Et l'enracine Sans medecine, Celeement, en larrecin. Et vos cuers, pour qui je m'affin, Com dur affin, Desir a fin De mettre à fin Le mien las, qui d'amer ne fine. (Mach., Les lays, 1377, 292)

Sanz cause, mais par traison, Trop vilain fait est advenu: A l'emperiére sont venu Gent par nuit, voire en larrecin, Qui l'ont occis et mis a fin En son lit ou il se gisoit. (Mir. st Lor., 1380, 148)

...maint soubtil regart en larchin de leurs yeulx entrejetterent, par amours auy ad ce le semont. (Hist. seign. Gavre S., c.1456, 137)

B. -Par métonymie. Chose volée.

...et dudit hostel, sur leurs chevaulx qu'ilz avoient illec menez pour en rapporter la larrecin qu'ilz feroient, prindrent environ cinquante toisons de laine qu'ilz apporterent à Paris (Reg. crim. Chât., I, 1389-1392, 515)

...il avoit mis ledit larrecin et bouté ou feurre de son lit ; et d'icellui larrecin avoit prins deux frans, desquieulx il avoit donné une cotte hardie à une sienne amie. (Reg. crim. Chât., II, 1389-1392, 294)

...lesquelz larrecins pour lesditz larrons vendoit et distribuoit, et l'argent que de ce elle recepvoit, en bailloit et delivroit ausditz larrons leur portion, et pour elle en retenoit son butin. (Roye, Chron. scand., I, 1460-1483, 4)