LABEUR

substantif masculin ou féminin

[T-L : labor1 ; GD : labor ; AND : labur ; DECT : labor1 ; FEW (V, 103b) : labor ; TLF (X, 882b) : labeur]

A. -[Idée de travail, d'activité]

1.Travail, activité, besogne (de toute nature, physique, intellectuelle...).

PREMIER MOINE. (...) Mon seigneur l'abbé vous demande Pour une besongne bien grande Qui li est source. L'OSTE. Je vois sanz pensée rebource. Je vieng a vous ci, mon seigneur. Or me dites pour quel labeur M'avez mandé. (Mir. Theod., 1357, 125)

Ceulx qui ont acoustumé aucun labour, combien que ceulx qui l'ont acoustumé [soient foibles ou vieulx], ilz seuffrent mieulx tel labour [que ceulx] combien qu'elles soient joenes et fors, non acoustumez a ce. (Saint-gille, A.Y., 1362-1365, 64)

Et, pour certain, translater telz livres en françois et baillier en françois les arts et les sciences est un labeur moult proffitable (Oresme, E.A., c.1370, 101)

...car, avecques la disposicion naturel, elle est causee par bien mangier et par excercer moult de labeurs. (Oresme, E.A., c.1370, 151)

Tantost il reurent l'assaut à l'endemain, et leur couvint raler à leur labeur ensi que devant, et ensi qu'il faut gent d'armes qui sont en dur parti. (Froiss., Chron. R., VIII, c.1375-1400, 209)

Pour le grant plenté de biens qui habondent ou païs, les gens i sont tout wisseux et n'i font point de labeur. (Froiss., Chron. R., X, c.1375-1400, 175)

Et quant Amours vuet que ma norriture Preingne en servant vostre haute valour Et je l'ottroy de volenté si pure Que je ne quier ja faire autre labour, Chiere dame, que je serf et aour, Vous devés bien estre toute certeinne Que de mon cuer estes la souvereinne. (Mach., L. dames, 1377, 128)

Et vous savez comment tuit mi desir, Tuit mi penser et toute ma vigour Sont et seront toudis à vous servir, N'il n'entendent à faire autre labour, Et que vos cuers de legier Puet tous mes maux garir et alegier, Sans ce qu'en riens vostre honnour en soit mendre : Si m'en estuet dou tout à vous attendre. (Mach., L. dames, 1377, 170)

Car puisque ce labour seroit penible et triste, elle [ceste ame] voudroit cesser se elle n'estoit contrainte par autre a perseverer. (Oresme, C.M., c.1377, 304)

En cogitacion est labour sans fruict ains y a aucune fois grant peine a soustenir diuerses cogitacions qui sourdent de confusion de la fantoisie (Cib., p.1451, 181)

Et n'entens pas que ceste ma petite et mal acoustrée labeur se doibve appeler ou mettre ou nombre des cronicques, histoires ou escriptures faictes et composées par tant de nobles esperis (La Marche, Mém., I, c.1470, 184)

Varro Marcus fut environ ce temps, homme de merveilleux labeur et estude, duquel il est escript par Therence qu'il composa plus de livres que homme en sa vie ne sauroit lire. (Simon De Phares, Astrol., c.1494-1498, f° 68 v°)

...et calculla de nouvel les estoilles fixes, où il print moult grant labeur. (Simon De Phares, Astrol., c.1494-1498, f° 142 v°)

Par métonymie. Période de travail.

Et apres leur refection prinse a midi, quant temps sera, les laissiez par vos gens remectre a besongner. Et apres leur second labeur et aux jours de feste aient autre repas. (Ménagier Paris B.F., c.1392-1394, 136)

Labeur de qqc. Pratique (d'une activité, d'un genre de vie).

La seconde [loi] si est que touz fussent sobres, car bien cuidoit que le labour de chevalerie est plus fort quant on vit sobrement. (Ferron, Jeu eschaz mor. C., 1347, 201)

Mes pour ce que il cremoit que les corages du peuple par pays et par ociouseté se habandonnassent a superfluités et a luxures, lesquelz le paour des anemis et la discipline de chevalerie et le labour des armez avoient jadis contenu et atrempé, il li sembla car en celle multitude, ignorant et rude, la creinte des dieux seroit souvereine et tres efficace remede qui bien la leur porroit emprendre et incuter. (Bers., I, 1, c.1354-1359, 19.4, 31)

...les uns [parmi les conseillers] soient chevaliers ou escuiers tres esleuz et esprouvéz en l'excercice des armes, lesquelz aient tout leur temps emploié ou labeur d'icelles, tellement qu'en tout savoir ou la plus grant partie de ce qu'il y convient soient venus à dignité et estat d'estre chevetains des autres es offices et charges qui y conviennent, et yceulx seront propres à bien conseillier sur le fait des guerres. (Chr. Piz., Paix W., 1412-1413, 76)

...on dist es loenges d'icellui Cesar que onques ne dist en sa vie a ses chevaliers : 'Allez', mais 'Venez', disant que la labeur de la guerre est plus a participer avecq le duc que aux chevaliers. (Colart Mans., Dial. créat. R., 1482, 124)

Labeur de + inf. La tâche de.

...je doncques tanné, annuyé de la compaignie de mes vices, et desireulx de reveiller vertuz lentes et endormies, ay empris le faiz et la labeur de faire et compiler aucungs volumes, par maniere de memoires, où sera contenu tout ce que j'ay veu de mon temps digne d'escripre et d'estre ramentu. (La Marche, Mém., I, c.1470, 183)

Avoir labeur devant la main. Avoir du pain sur la planche.

...car de moy je n'en ay rien veu, et corromproye mon entreprinse d'escripre plus que je n'ay veu, et dont j'ay labeur assez devant la main, grace à Dieu, qui me doint le temps d'en rendre bon compte. (La Marche, Mém., II, c.1470, 210)

Proverbe. Il n'est rien que labeur et diligence ne vainquist

N'est rien que labeur et diligence ne vinquist. (Gers., Montagne contempl. G., 1400, 34)

2.En particulier.

a)Travail manuel.

...elle est femme seule, non mariée, et qui a acoustumé querre et avoir sa vie pour Dieu en alant par le païs d'environ la ville et parroisse d'Aveisié, à demie-lieue de la Ferté-Bernart, dont elle est née, non sachant faire autre euvre ou labour que dit est. (Reg. crim. Chât., I, 1389-1392, 476)

...icelle prisonniere cogneut et confessa estre femme mariée, non saichant faire nul labeur de ses mains, sinon filer un bien petit, et non pas bien (Reg. crim. Chât., II, 1389-1392, 252)

Fort labeur. Travail fatigant et pénible.

...sachiez que serviteurs sont de troiz manieres : les ungs qui sont prins comme aides pour certaine heure a ung besoing hastif (comme porteurs a l'enfeutreure, broutiers, lyeurs de fardeaulx et les semblabes) ou pour ung jour ou deux, une sepmaine, ou une saison, en ung cas necessaire ou penible, ou de fort labour (comme soyeurs, faucheurs, bateurs en granche, ou vendengeurs, hostiers, foulons, tonnelliers et les semblabes) (Ménagier Paris B.F., c.1392-1394, 125)

Labeur de bras. Travail de manoeuvre.

Lequel prinsonnier, juré aus saintes Evangiles de Dieu de dire verité sur ce que dit est, et autres choses qui lui seroient demandées, cogneut, par serment sur ce requis, qu'il est nez du païs du Dalphiné, et de la ville de Grinople, homme de labeur de bras et ouvrier ès vignes. (Reg. crim. Chât., I, 1389-1392, 115)

...ilz sont gens non demourans en icelle ville de Fresnes, de laquele il n'a aucunement acoustumé de soy partir, mais y fait par chascun jour son labour de bras, pour avoir sa vie et sustentacion. (Reg. crim. Chât., II, 1389-1392, 227)

Labeur de (son) corps/labeur corporel. Activité, exercice donné au corps.

Car labeur de corps subtilie le humeur naturele (Oresme, E.A.C., c.1370, 328)

...moyennant le labour de son corps, il estoit bien venu par tout (C.n.n., c.1456-1467, 303)

Homme/gens/peuple de labeur. Homme de peine, manoeuvre, ouvrier, travailleur, paysan.

Lequel Adenet, sur ce juré et interrogué de dire verité, et par serement, dist et afferma par sondit serement qu'il estoit homme de labeur et ouvrier des basses euvres (Reg. crim. Chât., I, 1389-1392, 9)

Et dit, sur ce requis, qu'il est nez de la ville de Thorigny lez Saint-Lo, en Normandie, homme de labour, qui a gaignié sa vie à carder laine (Reg. crim. Chât., II, 1389-1392, 150)

...il est nez de la ville de Fresnes, homme de labeur, qui chascun jour a gaignié sa vie à la peine de son corps au mieux qu'il a peu et sceu. (Reg. crim. Chât., II, 1389-1392, 225)

De ceulx viennent les clameurs et les plaintes qui sont plus fourniz et plus aises que nous ne sommes, mais l'affliction est sur le peuple de labour et avons les paines et le travail. (Chart., Q. inv., 1422, 29)

Et pareillement manda es bonnes villes et au plat pais, arbalestriers, paviseurs, carpentiers, fossiers, pionniers et toutes aultres manières de gens de labeur appartenant à guerre (Chron. anon. Ch. VI, D.-A., c.1431, 298)

Vegete dit, en effect, que pour suppleer et aider et conforter la force d'un ost, on ne doit point doubter que on doye prendre gens de condicion rustique, c'est assavoir de labeur et gens mecaniques, et aux armes semblant estre plus convenables (Juv. Urs., Verba, 1452, 239)

...c'est assavoir que, premièrement, justice soit gardée entre nous et loyaulté tenue tant à amys que à ennemys, en tant que touche les saulfconduitz et sceuretés, qui seront baillez de par nous ou à nostre asseurance, adfin que les marchans et gens de labeur puissent aller et venir entour nous sans destourbier. (Bueil, I, 1461-1466, 95)

Des disciples ne peut chaloir : Ce sont povres gens de labeur. Nous ne voulons que le ducteur Pour corriger par discipline. (Myst. Pass. Troyes B., a.1482, 698)

Femme de labeur. Paysanne.

Or nous convient tirer vers la fin de nostre procés, dont il est temps desormais, parlant aux simples femmes de labour es villages, auxquelles n'est mestier de deffendre les grans paremens ne oultrageux abiz, car de ce sont bien gardees. (Chr. Piz., Trois vertus W.H., c.1405, 218)

Beste de labeur. Bête de somme.

...mais le mauvais qui trop appete delectacion, il le convient pugnir et donner luy tristece en la maniere que l'en duit et chastie .I. asne ou une autre beste de labeur. (Oresme, E.A., c.1370, 533)

b)Travail de l'artisan qui fabrique qqc., main-d'oeuvre, façon.

...pour avoir brodé de figures, tout de fin or, une barde et chanffrain, couvert de satin noir figuré, pour le cheval de corps de MdS, pour or, soye et labeur, XLVIII liv. (Comptes Lille L., t.2, 1475, 228)

On voit par les tessons quel labeur a esté

...on dist en proverbe qui bien est avéré : C'on voit par les tiessons quels labeur a esté. (Geste ducs Bourg. K., c.1410-1419, 293)

Remarque : Cf. Aus teichons cognoist on les potz. (MIÉLOT, Prov. U., 1456, 192)

c)Par métonymie. Tiers-état.

Et si y avoit aussi quatre personnaiges, c'est assavoir l'ung de labour, l'autre de clergie, l'autre marchandise, et l'autre noblesse, qui tous dirent ung couplet à icelle entrée. (Roye, Chron. scand., II, 1460-1483, 132)

Labeur, l'Eglise et Noblesse ensuyvant Soubz la plus grant ordonnance qu'ilz peurent, En moult grant nombre allerent au devant, Et de bon cueur luy et ses gens receurent. (La Vigne, V.N., p.1495, 157)

d)Par métaphore. [Domaine sexuel] Labeur d'en bas

[Les hommes reçoivent des reproches de leurs femmes] ...Se tousjours chascun ne labeure Du mestier et labour d'em bas Ou il fault batre le cabas Et laissier toute autre besongne (Desch., Oeuvres R., t.8, c.1370-1407, 12)

B. -[Idée d'effort, de difficulté, de fatigue liés au travail]

1.Effort, peine.

Ils aiment mieus pais que bataille, Et c'est grant peinne d'estre preus A gens qui sont lent et prisceus ; Mais ce n'est peinne ne labour a gens qui desirent honnour ; Einsois leur est pais et repos. (Mach., P. Alex., p.1369, 58)

Les roys des citéz et leur predecesseurs estoient nourris si souef et si delicativement que il ne povoient ne soustenir labeur ne endurer tristece. (Oresme, E.A.C., c.1370, 390)

...tout ses labours Estoit toudis a acquerir Terres et poissance acquerir (Chr. Piz., M.F., II, 1400-1403, 187)

Et neanmoins [la Court] a eu aggreables les labeurs et diligences desdis ambassadeurs et les en a regraciez (Fauq., III, 1431-1435, 24)

Prince, ung amant pour ses labours On ne doit loer par chemin A son de trompe et de tambours S'il n'aime jusques a la fin. (Taillev., Bien allée D., p.1440, 263)

O chetif homme, plus que tous aultres recreant et las, par les veilles, peines, labours et ententes que tu as prins et porté (C.n.n., c.1456-1467, 555)

À/en grand labeur. Avec beaucoup d'efforts, d'énergie.

Lors s'en aloient outre mer, En Chypre, en Terre de Labour, A grans frais et a grant labour, Pour demourer deus ans ou trois ; Si cerchoient tous les destrois Des païs et des aventures, Dont il y avoit de moult dures. (Mach., D. Lyon, 1342, 207)

Et si l'estoie venus querre, A grant peinne en estrange terre, A grant mise et à grant labour, Et pour ce a mes cuers grant dolour. (Mach., P. Alex., p.1369, 233)

C'est possession de richesce Que li mondain a grant labour Assemblent de nuit et de jour (Mir. Barl. Josaph., c.1363, 269)

Et ces autres amassent à grant labeur à cause d'une paour et miserable doubte qu'ilz ont tousjours de pou avoir et de quelque male fortune qui leur puist venir. (Chr. Piz., Paix W., 1412-1413, 98)

...affin d'avoir generacion qui aux grans biens qu'il avoit a grand diligence et grand labour amassez et acquis luy succedast (C.n.n., c.1456-1467, 554)

Toute la nuit, par mon serment, En grant labeur avons pesché ; Nous n'avons riens pris ne trouvé. [Réf. à Luc 5, 5] (Pass. Auv., 1477, 125)

Homme de grand labeur. Homme énergique, plein d'activité.

...le mareschal de Boussac, chevalier moult dur ennemi à ses contraires et homme de grant labeur... (Chastell., Chron. K., t.2, c.1456-1471, 118)

...sage homme estoit [le maître des finances du duc de Bourgogne] et de grand poix, belle personne et de belles moeurs (...) et le plus diligent et de grand labeur en ce qu'avoit à faire que l'on cognust. (Chastell., Chron. K., t.5, c.1456-1471, 45)

Donner du labeur à qqn. Donner du fil à retordre à qqn.

SATHAN. Mauldit soit il [Job] , le traistre chien, Tant il m'a donné de labour ! J'auroye plus toust o ung tabour Prins tous les poissons de la mer. (Pac. Job M., c.1448-1478, 321)

Estre en labeur de + inf. S'efforcer de.

'Ythier, amys, tu es tousjours en peine et en labeur de servir Dieu, tu maine mult sainte vie et Dieu t'aime forment sy comme son loial servant...' (JEAN D'OUTREM., Myr. histors G., a.1400, 4)

Mettre labeur à qqc. Mettre sa peine et son énergie à qqc..

...chose de si grant poix ne se pouvoit traiter en briève espace de temps, quelque labeur que l'on y mist (Chastell., Chron. K., t.1, c.1456-1471, 20)

Perdre (son) labeur(s). Perdre sa peine.

Certes, ne pourroie suffire A si très grant beauté descripre, Et tout mon labour y perdroie (Le Fèvre, Vieille C., a.1376, 128)

JHESUS. En tel terre labourer duyt Puisque fruit de labour appert, Mais en autre son labour pert Cil qui grain en cuide cueillir. (Gréban, Pass. J., c.1450, 172)

'Seigneurs, que faittes vous icy ? Vous perdez vostre tamps et labeur ; vous n'avrez jamais le traïtre par ceste maniere...' (Percef. IV, R., c.1450 [c.1340], 231)

Or y perdoit-on langages et labeurs, et n'estoit riens qui le pooit mouvoir de son propos. (Chastell., Chron. K., t.3, c.1456-1471, 53)

Tenir qqc. à labeur. Considérer qqc. comme une corvée.

En ce lay faire ay mis m'entente Et compris, sans ce que je mente, Ma vie, attains de vostre amour. Si veulliés, s'on le vous presente, à l'oïr lire estre presente Et ne le tenés à labour. (Mach., Les lays, 1377, 472)

[Sentence] Les choses qui sont acquises par labeur sont joyeusement reçues et diligentement gardees

Combien que, comme dist Basile, que «les choses qui sont acquises par labeur sont joyeusement recepues [sic] et diligentement gardees ; et che qui est acquis legierement on le garde plus anuianment et en tient on mains de compte». (Daudin, De la erudition H., c.1360-1380, 74)

2.Fatigue.

Se des autres ça jus on dit en leur trespassement qu'ils reposent tant pour le terminement de leur paine et de leur labour... (Mir. march. larr., c.1349, 92)

Ha ! mon bon mari, conme en diz Et en faiz de nuit et de jour Je travaille et ay de labour, Afin qu'eschaper le meffait Puisse que j'ay contre toy fait Et conceu ! (Mir. Theod., 1357, 92)

Les labours qui vienent de cause non magnifeste pronostiquent les maladies. (Saint-gille, A.Y., 1362-1365, 58)

...Tu, qui es triste et en destresce, Trouvasses joie sanz tristesce, Repos sanz labour permanable, Et regne sanz fin perdurable. (Mir. st Val., c.1367, 160)

Esquelz lieus, ja pris dez crestiens, les dessusdis roys et leur grant host, travellies et anuies du labour de la mer, se doient aucunement rafressir et reposer (Mézières, Sustance H., 1396, 63)

...preservé et gardé l'eust de morir, et sa vie corporelle luy eust ministré, sans sueur, peine ou labeur, et point n'eust la femme enfanté par angoisses. (Gers., Concept., 1401, 397)

...predist quatre ans devant la destruccion des Juifs soubz Philopater, et aux Rommains leur transquilité, qui IIIIcXL ans avoient esté en continuel labour de guerre. (Simon De Phares, Astrol., c.1494-1498, f° 61 v°)

3.Difficulté.

[À propos de la loi de Mercure] Elle avra en soy sanz briefté Moult de labour et de griefté Et supposera par Mercure Pluseurs choses contre nature Par seule foy a concevoir (Le Fèvre, Vieille, trad. De vetula H., a.1376, 379)

Avoir labeur à/de + inf.

Comme celui qui trahine son vestement pour ce que il ne ait labeur et poine ou tristece a le souslever et faint que il a grant labour a le trahiner et que il en est grevé. (Oresme, E.A., c.1370, 389)

Car en refuiant labeur, il a labour de sa robe trahiner. (Oresme, E.A.C., c.1370, 389)

Sans (grand) labeur. Sans peine, sans difficulté.

Quant li roys oy la nouvelle, Moult li fu plaisant et nouvelle, D'un tel royaume conquerir Sans labeur et sans cop ferir. (Mach., P. Alex., p.1369, 223)

Cestui eut avecque sa science de astrologie, philozophie et la science de geometrie et composa plusieurs instrumens pour trouver sans grant labour les mouvemens. (Simon De Phares, Astrol., c.1494-1498, f° 100 v°)

À grand labeur. Avec beaucoup de difficultés, difficilement.

Proverbe. [Pour désigner une tâche impossible] À grand labeur prend-on les lievres au tambour

...Pour tout me suis mis a l'essay De savoir, mais a grant labour Prent l'en les lievres au tabour. (Chast., Temps rec. D., 1451, 87)

C. -[Idée de toument]

Peine, mal, tourment.

...elle [Fortune] n'a pooir ne vigour De donner, fors peinne et labour. Retien et glose ; Car ses joies ne sont que plour, Et ses richesses glace en four. Pour ce fait cils trop le millour Qui s'i oppose. (Mach., R. Fort., c.1341, 37)

Et par grant liesse de cuer mouvoient leurs chiefz et batoient leurs paulmes, et en la maniere des moutons du tropel saultoient et tripoient, en disant : 'Nostre vie est briefve et si sommes en grant douleur et labeur jour et nuyt, et n'avons point d'esperance d'avoir bien ne repoz en l'autre siecle...' (Horloge de sapience S., c.1389, 93)

Mes dames, retenez ces cours : Ne retenez point les labours De voz humbles servans fëaulx ! Quant mercy auront desservy De cueur loyaument asservi, Ne retenez point leurs merites ! (Narcissus, p.1426, 306)

Tele est la condicion naturelle des voluptez delicieuses qu'elles sont impacientes de tout labeur, contraires a vertueux courage et ouvraige, marrastre de diligence et nourrice de pusillanimité (Chart., Q. inv., 1422, 14)

...il la fist garder et en une chambre mener, et la tresbien penser, dont elle avoit bon mestier, a cause des grans labours et travaulx qu'elle avoit eu (C.n.n., c.1456-1467, 70)

...par pluseurs ans exercea ledit office [d'esclave] , qui ne luy estoit pas petit labeur, mais martire intollerable (C.n.n., c.1456-1467, 422)

LE PREMIER. De folle entreprise, De femme requise, Ne vient que mechief. LE SECOND. Tous membres ont labeur Quant il vient douleur Qui griefve le chief. (Rapp., c.1480, 70)

Et mesmement touchant Martin, mon filz, Qui en tous biens a heu perseverance, Pour ce qu'en moy remyst son esperance Depuis le jour qu'atraire je le fis, Tous ses labeurs si ont esté confitz En moy qui suis le benoist Cruceffis Et Pere et Filz, Sainct Esperit aussi (La Vigne, S.M., 1496, 554)

Douleurs de l'enfantement.

Je moultipierai, dist il [Dieu] , tes labours et tes concepcions. Tu enfanteras en dolant (Raoul De Presles, Genèse P., c.1375-1380, 85)

Labeur de pensee. Souffrance morale.

Et agonie est pris aucune fois pour labeur de pensee fort et angoisseus, mes ce ne est pas en cest livre. (Oresme, Pol. Arist. M., c.1372-1374, 370)

[Dans la rhétorique amoureuse] Peine, chagrin.

Lasse, dolente ! Or est bien a rebours ; Car mes douceurs sont dolereus labours, Et mes joies sont ameres dolours, Et mi penser, En qui mes cuers se soloit deliter Et doucement de tous maus conforter, Sont et seront dolent, triste et amer (Mach., J. R. Beh., c.1340, 64)

Et se Pité consentir Vuet que me daingniez oïr En ma clamour, Je ne quier de mon labour Autre merir, Qu'il ne me porroit venir Joie gringnour. (Mach., R. Fort., c.1341, 127)

Et sa fine douçour Adoucist ma dolour, Amenrist mon labour, Efface ma tristour Et fait tarir mon plour, Se je souspir ou plour Pour s'amour en destour Où souvent me destour (Mach., Vez ci, 1364, 273)

Amours, dittes li ensi : Qu'onques amans ne souffri Si forte labour que j'ai souffert pour li chi Et soufferai autressi Jusqu'a mon retour. (Froiss., Espin. amour. F., c.1369, 141)

Mais Desirs qui se peinne D'acroistre mon labour Tenra mon cuer en peinne Et de mort en paour, Se Diex l'eure n'ameinne Qu'à vous, qui estes flour De toute flour mondeinne (Mach., Ch. bal., 1377, 586)

Et se par vois pleinne de plour, En grant paour, Me fait clamour De son labour, Sagement li responderay, Ne grant durté ne grant douçour, Et sans demour ; C'iert le millour, Et à ce moien me tenray. (Mach., Les lays, 1377, 383)

En peine et en labeur

Mais se je puis trouver voie ne tour, Par quoy puisse veoir vo cointe atour, Einsois que parte ou face mon retour, Je le feray. Et se j'y fail, en peinne et en labour, Dolens de cuer, en tristece et en plour, Pleins et espris d'amoureuse dolour Me partiray. (Mach., Compl., 1340-1377, 258)

Voir aussi labour