JOYEUSETÉ

substantif féminin

[T-L : joioseté ; GD : joyeuseté ; GDC : joyeuseté ; DEAF, J 437) : joioseté ; FEW (IV, 81b) : gaudium ; TLF (X, 772b) : joyeuseté]

A. -[Désigne un état intérieur ou une qualité de la personne]

1.Qualité d'une personne qui aime les joies de la vie, humeur joyeuse, enjouement.

De che dist saint Ambrose ou livre des Offices : «Comme es anchiens gravité ou meureté est honnouree et es josnes joieuseté, ainssi es adolescens vergongne comme par ung douaire de nature fait a recommander.' (Daudin, De la erudition H., c.1360-1380, 296)

Aucunes gens m'ont huy araisonné, En tournoiant, ainsi que je songoye, Pour quel cause j'ay si habandonné Joyeuseté, plaisir, lëece et joye, Et dont ce vient que je ne me resjoye Et plus ne fais dit ne chançon nouvelle, Et que j'ay mis soubz le banc ma vïelle Et renoncé au service amoureux. (Chart., R. Bal., c.1410-1425, 387)

Alors les damoiselles toutes ensemble, ainsin que femmes ont acoustumé, loerent les largesses, la joieuseté et la belle personne de damp Abbés tant qu'elles ne se savoient coisier. (La Sale, J.S., 1456, 251)

Joyeuseté sur tout muable Prent fin en chouse terrible. Tropt grant joye est fort nuyzible, Si charnalité dilicieuse La regit en mal appetible (Pass. Auv., 1477, 106)

Frere, j'ay perdu ma plesance Et la joyeuseté que j'avoye, Deppuis que j'ay veu en ma presance Le chief de Jehan que tant amoye. (Pass. Auv., 1477, 108)

En ceste facetie n'est monstré seullement que ce que c'est de la joyeuseté de une facecieuse personne, car il en est de si plaisans que, quelque mal qu'il leur adviengne, ilz ne s'en sauroyent desconforter. (Tardif, Facéties Pogge M., c.1490, 159)

Expression enjouée, joyeuse (ici du visage).

Il actrampoit la joyeuseté de son viaire par gravité de meurs et, en son ris, on entendoit leesse et non pas mocquerie. (Daudin, De la erudition H., c.1360-1380, 298)

Lesquelz, oyans ces paroles, ignorerent, pour la joyeuseté de la chiere, en quel sens ot ditte la parole, de laquelle, tost après, l'effet leur en donna la clarté. (Chr. Piz., Faits meurs Ch. V, S., II, 1404, 185)

En joyeuseté. Dans la bonne humeur.

Ne enquier pas curieusement des vices des aultres et ne soies pas aigre repreneur ne en laidengant correcteur, et te conduis tellement que ton admonition soit faite en joyeuseté. (Daudin, De la erudition H., c.1360-1380, 278)

Il doit fuir toute corrosité et estre tousjours en moult grant joyeuseté et liesse (Gordon, Prat., c.1450-1500, IV, 8)

Mener joyeuseté

Seigneurs, menez joyeuseté Comme a tel feste convient (Gréban, Pass. J., c.1450, 163)

Proverbe. Par grand travail perd on joyeuseté

...Car le lion nous a, par ses oultrages, Tous enflammés et, en joieux esté, Par grand traveil pert on joieusseté. (Molinet, Faictz Dictz D., 1467-1506, 270)

[À propos d'un animal] Joie de vivre, fougue, vivacité.

Ung asne paissoit ung jour aux champs et, par sa jeunesse et joyeuseté, voulut saulter par sur une haye d'espines pour entrer dedans ung jardin (Tardif, Apologues R., c.1493-1498, 69)

2.Joie.

De nulle part ne peut venir A moy nulle joyeuseté Se n'est que s'i veulle assentir La deesse de leaulté (Lannoy, WERCHIN, Ball. P., 1404, 358)

Apolin, lequel nous crea, Vueille en joyeuseté tenir Le tres puissant roy Abhannir Et toute ceste baronnie ! (Du Prier, Roy Adv. M., 1455, 526)

[Prov., sentence]

Avoir labeur moderee est joyeuseté et santé tant pour l'ame comme pour le corps

A ce pourpoz dist Ysidore : 'Quiers pour toy un oeuvre qui soit prouffitable au corps et a l'ame. Avoir labeur moderee est joyeuseté et santé tant pour l'ame comme pour le corps.' (Colart Mans., Dial. créat. R., 1482, 198)

Si on a une joyeuseté elle vient aprés quinze douleurs

Se on a vgne ioyeusete [l. ioyseuseté] Il vient aprez quinse douleurs [;] Pour vng bien double aduersite [l. aduersité] (MART. D'AUV., La Dance des Femmes, éd. L. Götz, 1460-1508. In : Z. frz. Spr. Lit. 57, 1933, 324)

En particulier. Joie, allégresse (d'ordre mystique).

...par experience celle amour est de grant doulceur, ung fruit de eternité, de joyeuseté plains, donnans reffection et sossiacion, tel que jamais ne puet engendrer fastide ne annuyt. (Crap., Cur Deus, De arrha B.H., c.1450-1460, 271)

Et si t'a oint de sa propre unction de laquelle il estoit oint - c'est de l'onction de l'oile de leticie et joyeuseté -, comme il avoit promis par son prophete David, disans : «Unxi eum oleo leticie pre particibus suis», c'est a dire que ton espoux si t'a vouleu oindre de l'oile de toute joye (Crap., Cur Deus, De arrha B.H., c.1450-1460, 278)

O delectable demonstrance, Demonstree par suavité, Suave et divine apparence Apparue par immencité, O immense joyeuseté, Joye est en moy renouvellee (Myst. Pass. Troyes B., a.1482, 101)

B. -Par métonymie.

1.Plaisanterie, propos enjoué, plaisant.

...parolles vagues et non honnestes ne lui soufferra a dire, et en ses joyeusetéz lui commandera a garder toute mesure et honnesteté (Chr. Piz., Trois vertus W.H., c.1405, 45)

Et se adonc vient la a parler ou ouïr de aucuns esbatemens ou d'aucunes joyeusetéz, elle s'i saura contenir par si plaisant maniere que tous diront que c'est une gracieuse dame et qui bien scet son maintien en tous endroiz. (Chr. Piz., Trois vertus W.H., c.1405, 50)

...assez de femmes de court en maint païs est il de tous estaz, que se elles voyent leur dame et leur maistresse, sans plus, parler bas a une personne une fois ou deux, ou quelque signe de priveté ou d'amistié, ou quelque ris ou quelque joyeuseté faire, par aventure par joenesce ou par ignorance et sans mal penser, se la dicte maistresse est tant soit petit joyeuse ou [ou] en ses abillemens gente et propre, qui sont choses qui a maintes personnes viennent de droicte condicion, plus aux uns que aux autres, tantost ilz seront prests d'en mesjugier. (Chr. Piz., Trois vertus W.H., c.1405, 144)

Durant lequel temps y eut ung notable chevalier de Picardie qui dist à son poursuivant une joieuseté par manière de galerie touchant la mort du roy d'Angleterre. (Monstrelet, Chron. D.-A., t.4, c.1425-1440, 116-117)

Quant les tables furent levees et le maistre d'ostel et tous les autres furent alez disner, Madame remercia damp Abbés de la bonne chiere qu'il avoit faite et de parolles en parolles, de pas en pas, furent a l'autre bout de la sale, ou deviserent de joieusetez jusques a ce que tous furent disnez. (La Sale, J.S., 1456, 250)

...du temps mesmes que Dantes demouroit en leur maison, y estoit ung aultre Florentin, homme imprudent, non saichant et non convenable a aucune chose faire, fors a jouer et a faire rire les gens, duquel les joyeusetez plaisoyent au seigneur (Tardif, Facéties Pogge M., c.1490, 147)

En maniere de/par joyeuseté. Pour plaisanter, en guise de plaisanterie.

Madame, quand eust oyes ces parolles, tresgrandement se couroussa et ne le voult plus approuchier, puis lui dist [à Saintré] : 'Avez vous levee emprinse et departie ça et la, sans mon sceu et congié ? Jamais tant que je vive de bon cuer ne vous ameray.' Qui fut esbay de ces parolles ? Certes, ce fut il, car il ne sçavoit se c'estoit par joyeuseté ou par yre. (La Sale, J.S., 1456, 233)

...il [le duc de Bourgogne] dist à son neveu le duc de Clèves, par manière de joyeuseté : 'J'ay, dist-il, joué à la paulme. J'ay perdu un conte lequel je veul mettre à part. Je le perdis hier, et aujourd'hui je recommence un nouveau jeu.' [Le duc entend par le conte qu'il a perdu hier les soixante ans qu'il vient d'avoir] (Chastell., Chron. K., t.3, c.1456-1471, 134)

...tout en maniere de joyeuseté [les maris] dirent que l'escot estoit gaigné, et que leurs femmes le devoient. [Le paiement de l'écot était l'objet d'un pari que les hommes ont perdu du fait de leurs épouses] (C.n.n., c.1456-1467, 376)

Faire une joyeuseté à qqn. Taquiner qqn.

Sy n'y eut celui qui a son tour ne lui feist aucune joyeuseté [à un jeune chevalier] , mais il estoit tant mauvais et impacient que a tous il fist sentir le trenchant de son espee (Percef. IV, R., c.1450 [c.1340], 280)

2.Chose agréable, plaisante à voir ou à entendre, divertissement, distraction, plaisir.

Si fut le roy tant joyeulx que merveilles et ja ne pensoit plus a rien si non a desduyt et joyeuseté et estoit celuy jour son cueur desdié a toute plaisance. (Hist. Berthe Pépin T., c.1400-1500, 229)

Et l'en requist la dicte damoiselle, comme en luy disant : 'Mon amy, nous avons esté longuement ensemble et tousjours vescu joyeusement et pour l'amour de moy avez faictes chansons et autres joyeusetez, mais pource que sommes maintenant en nostre ancien aage, vous ne faictes plus riens, au moins je vous prie que en faciez une pour l'amour de moy '. (Régn., F.A., 1432-c.1465, 222)

...c'est grant peril de s'endormir ne aler coucher en tele lasseté d'entendement, et sans avoir pris ainçois aucune recreacion de joyeuseté ou d'esbatement (Bouciquaut L., 1409, 434)

Vray Dieu, comment en va le monde ! Toute joyeuseté (y) abonde Maintenant en ceste cité. (Est., p.1460, 21)

Lors que femme enchainte a son enfant plus enchargié sur costé senestre et qu'elle appete doulces viandes et compenages, et aussi que plus desire a veoir danses, sons de instrumens et joieusetez que autrement, certes elle enfantera fille. (Ev. Quen. II, c.1466-1474, 133)

Élément décoratif, ornement.

Et lors l'a de rechief deffié Renouart en le frapant de son tinel sur son chief si rustement que pierre ne flour, painture ne autre joieuseté ne richesse n'y demoura (Guill. Orange T.H.G., t.2, p.1450, 950)

Spectacle divertissant.

...fraiz et mises faitz et faictes, tant en tentes, tapisseries, eschauffaulx, moralitez que autres joyeusetés, tant touchant le mistere de la Nativité Nostre Dame que autrement, a la venue et entree dud. seigneur (Entrées roy. G.L., 1476, 225)

3.Manifestation joyeuse, réjouissance.

...chascun s'i esbatoit et chantoient les ungs aprés les autres. En tel soulas et joyeuseté arriva le roy à Paris. (Cleriadus Z., c.1440-1444, 493)

Et ainsy en joyeuseté furent XXII jours avec tant d'esbatemens que merveilles. Car chescun pensoit comme il feroit le mieulx affin d'avoir l'amour de leur seigneur et de la belle Maguelonne. (Belle Maguel. C., 1453, 59)

En grant joieuseté se passa ceste journee (Fille comte Pontieu B., c.1465-1468, 55)

En grand bruyt et joyeuseté se passe le soupper (Charles de Hongrie C., c.1495-1498, 126)

Ouvrage de joyeuseté. Construction destinée aux divertissements.

...la garde et entretènement de certains ouvrages ingénieux et de joyeuseté et plaisance que MdS m'a fait réparer ou chastel (Comptes Lille L., t.2, 1443, 213)

Au pluriel. Réjouissances.

Et dura ladicte feste par trois jours, moult plentiveuse. Durant laquelle furent faites moult de joieusetés en dansses et aultres esbatemens. (Monstrelet, Chron. D.-A., t.5, c.1444-1453, 82)

Lors furent basses dansses, chanssons et autres joieusetez et morisques tresriches, car c'estoit le jour qu'il n'estoit memoire que si belle et joieuse feste eust esté faite ne si bien ordonnee. (La Sale, J.S., 1456, 170)

Si faisoient tous bonne chiere à ce disgner et, en la chambre où les roys disgnoient, y ot gabé, ris et faictes plusieurs joyeusetés. (Cleriadus Z., c.1440-1444, 653)

Et dura ladicte feste par trois jours, moult plentiveuse. Durant laquelle furent faites moult de joieusetés en dansses et aultres esbatemens. (Monstrelet, Chron. D.-A., t.5, c.1444-1453, 82)

...et ainsy se passa le tempz en touttez joieusetez dont corpz humain peut estre esjoÿ. (Comte Artois, c.1453-1467, 21)

Lors furent basses dansses, chanssons et autres joieusetez et morisques tresriches, car c'estoit le jour qu'il n'estoit memoire que si belle et joieuse feste eust esté faite ne si bien ordonnee. (La Sale, J.S., 1456, 170)

...monsr le cardinal de Bourbon en son hostel à Paris, qui y donna à soupper à icelle dame, à sa compaignie et autres, le mardi derrenier jour de mars, oudit an ; et fut ledit souper moult honorable, plantureux et servy de tout ce qu'il estoit possible de trouver, avecques chantres divers et plusieurs instrumens melodieux, farces, mommeries et autres honnestes joieusetez. (Roye, Chron. scand., II, 1460-1483, 67)

Et ilec ce jour fut fiancée la fille naturelle du roy à mons. le bastard de Bourbon ; et, après souper, y furent faictes plusieurs joyeusetez, dances et autres plaisances, et là mondit seigneur le bastard y dança et y fist grande et bonne chere. (Roye, Chron. scand., I, 1460-1483, 138)

Vous avés ycy belles pucelles pour faire esbatemens et joyeusettés en passant le temps. (Bagnyon, Hist. Charlem. K., c.1465-1470, 123)

Et aprés le disner firent devant le logis du roy dances et esbatemens et autres joyeusetés, pour la grant joye qu'ilz avoyent du bon retour du roy. (La Vigne, V.N., p.1495, 322)

C. -Jouissance (d'un bien spirituel).

User proprement d'aucune chose est de le prendre en la faculté selon le pouoir de la voulenté, mais fruir et user en joyeuseté realement, non pas en espoir, mais de fait. (Somme abr., c.1477-1481, 118)

Et pour ceste cause, il est adjousté en ladicte diffinition 'possession' et pour entendre quelle possession, il est adjousté joyeuseté de felicité. Car adont la possession d'aucune chose est ditte joyeuse quant on l'a a son plaisir et desir. (Somme abr., c.1477-1481, 141)