JOYEUSEMENT

adverbe

[T-L : joiosjoiosement ; GDC : joiosement ; DEAF, J 436) : joiosement ; AND : joiusement ; FEW (IV, 81b) : gaudium ; TLF (X, 771b) : joyeusement]

A. -[À propos d'une personne]

1.Avec la joie de vivre de qqn qui sait profiter de ce que la vie offre, tout en respectant les règles d'une juste modération ; dans un état durable de bien-être intérieur.

Pour vivre joliement, Nettement, joieusement Et sans souscy Ne faut qu'espoir de mercy, Tant seulement ; Et je l'ay si fermement Que j'en mercy Amours et ma dame aussi Tres humblement. (Mach., Les lays, 1377, 451)

Ore te proveray comme veneurs vivent en cest monde plus joyeusement que autre gent, quar, quant le veneur se lieve au matin, il voit la tres doulce et belle matinee et le temps cler et seri et le chant de ces oyselez, qui chantent doulcement, melodieusement et amoureusement, chascun en son langage, du mieulz qu'il peut, selon ce que nature li aprent. (Gast. Phébus, Livre chasse T., 1387-1389, 55)

Dont de doulour excessive Souvent seulete et pensive Suis, regretant le temps passé Joieux qui m'est ore effacé Tout par elle et par la mort Dont le souvenir me mort, Sans cesser remenbrant cellui Par lequel sanz autre nullui Je vivoie joieusement Et si tres glorieusement Quant la mort le vint haper, Que de moy il n'avoit per En ce monde, ce m'iert vis : Car souhaidier a devis Je ne peusse personne Sage, prudent, belle et bonne Mieux que lui en tous endrois (Chr. Piz., Chem. estude P., 1402-1403, 4)

...il chante, dansse et est joieux, en ensuivant le dit de Salmon, qui en la fin de son darrain livre conclud et dit : Bene vivere et letari. C'est a dire : Bien vivre et joieusement. Mais ce bien vivre ne s'entend pas seullement pour mangier bonnes viandes, boire bons vins, dormir longues matinees et en bons liz, et le surplus vivre en tous deliz, mais s'entend vivre premiers bien avec Dieu, soy maintenir honnestement, veritablement, et en ce joieusement. (La Sale, J.S., 1456, 20)

2.Avec l'ardeur, le plaisir, la joie de qqn qui aime, qui se sent aimé.

...sa grant douçour Faisoit adoucir la dolour Qu'Amours et Desirs me faisoient, Qui maint grief estour me donnoient, Desquels je ne me pleing ne dueil, Car je n'en ai peinne ne dueil, Einsois les recueil humblement, Bonnement et joieusement. (Mach., R. Fort., c.1341, 11)

Las ! einsi pers les gracieus convois De vos dous yeus qui ont par meintes fois De leur douçour Tres doucement adouci ma dolour, Joieusement fait joie de mon plour, Et m'ont rendu scens, maniere et vigour, Car de ces trois Estoie nus, quant vëoie l'atour Cointe et joli de vo corps fait a tour (Mach., F. am., c.1361, 151)

Las ! et Amours, pour qui tant mal endure Que ja sans mort n'en cuit estre garis, M'a oublié ; Loiauté et Droiture Faillent pour moy, et ma dame au cler vis Ne laist mon cuer vivre joieusement Ne ne le vuet occire, einsois l'esprent De bien amer, si que sans tricherie Sera de moy honnourée et cherie. (Mach., L. dames, 1377, 62)

Et pour ce vueil loyaument, De cuer et joieusement, Amours servir Tout mon temps et moy tenir Joliement, Et le bel, le bon, le gent, Qu'aim et desir, En foy, de vray sentement Toudis chierir (Mach., Les lays, 1377, 346)

LE QUINT CHEVALIER. (...) Maint sont marïé, Dieu mercy, Qui moult vivent joyeusement Et sont de bon gouvernement Pour eulz et pour le bien publique. (Gris., 1395, 14)

Quant appointié ot tout l'affaire, Joyeusement s'entrebaiserent. Si se couchierent et aiserent A leur aise, je n'en doubt mie, Si com fait amant et amie. (Chr. Piz., M.F., III, 1400-1403, 42)

Quant j'ay nompareille maistresse Qui a mon cueur entierement, Tenir me vueil joyeusement, En servant sa gente jeunesse. (CH. D'ORLÉANS, Chans. C., c.1415-1440, 206)

...lequel [comte Artois] , apprez pluiseurs adieux et doulx baisiers, retourna en sa ville d'Arraz ou il trouva sa bonne et belle femme avecq laquelle il fu joieusement par l'espace de deux a trois ans sans ce qu'il en eust nul enfant, dont il en vivoit en plus grant anoy et desplaisance. (Comte Artois, c.1453-1467, 22)

Madame, qui de celle tres desiree nouvelle fut si joieusement reconfortee que son cuer ne savoit ou il estoit, et faingnist aucunement que point ne l'en chailloit. (La Sale, J.S., 1456, 158)

...et tant joieusement se maintindrent ensemble qu'ilz gaignerent ung beau filz, nommé fu Salhadin, qui tant bien fu adrescié de tous membrez qu'en sez bellez faicturez Nature y emploia sa science. (Fille comte Pontieu B., c.1465-1468, 130)

[À propos d'amour mystique]

Tant apparut belle, tant pure, tant nette que le vray Dieu de saincte amour incontinent fut embrasé de son amour et de son ymaige, comme de Pigmalion faignent les poetes, et contenir ne se pot que joyeusement ne chantast ceste amoureuse chancon dessus dicte : Ma mie est celle Qui est toute belle. (Gers., Concept., 1401, 407)

Car pour ce qu'ils sont ravis sur eulz et trais au dehors de leur propre dillection, ilz vont tous en l'amour de moy ou ilz se reposent joieusement. (Internele consol. P., 1447, 258)

3.Avec la satisfaction, le plaisir ponctuel qu'on éprouve à faire qqc., agréablement, .

Avant : en route vous mettez D'aler, et en alant chantez Joieusement. (Mir. prev., 1352, 275)

Mais comment puet faire joieusement Chansons ne lais cilz qui oncques n'ot jour Joie ne bien, eins a toudis en plour Et en tristesse usé toute sa vie, Sans esperer garison ne aïe. (Mach., L. dames, 1377, 86)

De triste cuer faire joyeusement, Il m'est avis que c'est chose contraire ; Mais cils qui fait de joieus sentement, Je di qu'il doit plus joieusement faire. Et pour ce sont mi chant de rude affaire, Qu'il sont tuit fait d'un cuer plus noir que meure, Triste, dolent, qui larmes de sanc pleure. (Mach., Bal., 1377, 557)

...l'on souppe le plus joyeusement que l'on pourroit. (C.n.n., c.1456-1467, 478)

Ne passa sepmaine de caresme que comme tres devote ne alast les pardons gaynier, et maintesfois sans grant compaignie priveement disner, bancqueter et soupper, et aprés son dormir aux regnards et taissons par ces bois et autres deduiz souventesfois chassier, et par ainsin toute ceste caresme passa le temps joieusement. (La Sale, J.S., 1456, 258)

DIEU. En ce trosne il n'y a ange Qui ne chante joyeusement. (Mir. st Nic. juif, c.1480-1500, 103)

Dans de bonnes conditions, ici avec le plaisir d'être en vie.

Oudit an, le roy envoya grant nombre des gens d'armes de son ordonnance, des frans archers et autres et de son artillerie pour reconquerir le royaume d'Arragon. Dieu leur doint grace de y bien besongner et de retourner joyeusement, car on dit communement que c'est le cimitiere aux Françoys ! (Roye, Chron. scand., I, 1460-1483, 315)

De bonne grâce.

De che dist Boece : 'L'escolier doit amer son maistre et soy joieusement a lui submettre, car chilz ne doit avoir le degré de maistrise, qui subget ne se veult estre.' (Daudin, De la erudition H., c.1360-1380, 55)

Et doit avoir douleur au cuer de ce qu'il fist le pechié, et grant paour de la vengence Nostre Seigneur, grant repentence d'iceulx pechiez, et avoir ferme esperance et voulenté certaine de soy amender et de jamaiz au pechié non retourner, mais les haïr comme venin, et avoir desir de voulentiers recevoir pour sa garison et santé recouvrer, et faire joyeusement la penitence que le confesseur lui vouldra enchargier. (Ménagier Paris B.F., c.1392-1394, 18)

[Sentence] Les choses qui sont acquises par labeur sont joyeusement reçues et diligentement gardees

Combien que, comme dist Basile, que «les choses qui sont acquises par labeur sont joyeusement recepues et diligentement gardees ; et che qui est acquis legierement on le garde plus anuianment et en tient on mains de compte». (Daudin, De la erudition H., c.1360-1380, 74)

[Avec une idée supplémentaire de fougue, d'entrain]

En ce penser fui longuement, Mais ce fu si paisiblement Qu'en joie adès me deportay, Pour ce que mon penser portay En l'espoir que prendre porroie L'esprevier que tant desiroie. Quant en ce propos me senti, Joieusement me departi, Que plus n'i vos faire demeure. (Mach., D. Aler., a.1349, 265)

Quant la force fu abaissié Dou grant feu, la chevalerie Et trestout l'ost entierement, Avec le roy joieusement, Entrerent dedans la cité. Là n'ot Sarrasin respité Que, s'il fust ateins ou tenus, Qui ne fust à sa mort venus (Mach., P. Alex., p.1369, 90)

...et fu incontinent mandé le prince, lequel y vint joieusement pour qu'il entendy que sa besongne estoit comme faitte (Comte Artois, c.1453-1467, 65)

...le roy bailla lettres de commission à maistre Jehan Avin, conseillier en sa court de Parlement, et à Jehan Doyac, de la ville de Cusset en Auvergne, pour faire sur monseigneur de Bourbon, ses villes, pays, officiers et bons subjectz plusieurs dampnez exploictz et nouvelletez que lesditz commissaires prindrent joyeusement à faire, cuidans destruyre et porter dommaige audit mons. le duc (Roye, Chron. scand., II, 1460-1483, 96)

[S'applique à un trait de caractère] D'une façon spontanée, avec entrain.

Du surplus, selon son aige de XIIJ ans, estoit tres habille et hardy valeton, fust pour chevauchier un bien rigoureux coursier, fust a chanter ou a dansser, a jouer a la paulme, a courir, a saillir, et a tous autres essais et esbas que il veoit aux hommes faire : a tout se vouloit joieusement emploier, combien que sa personne estoit et fust tousjours linge et menu, mais son cuer estoit entre les autres tout fer et achier. (La Sale, J.S., 1456, 2)

Et au saillir que le roy fist de sa chambre, ou ce jour estoient Messeigneurs ses freres et autres pluseurs de son sang, Saintré et tous ses amis a genoulz se mirent, lors il commença joieusement a parler et dist : 'Nostre souverain seigneur, il est de coustume a tous nobles hommes de acroistre leurs honneurs par le tresnoble mestier d'armes et en pluseurs façons, dont je desirant comme l'un de ceulz, esperant le congié et licence de vostre bonne grace et non autrement, vouay yersoir en mon petit bancquet, presens mes tresredoubtez seigneurs et dames, damoiselles, chevaliers et escuiers telz, telz et telz, et pluseurs autres, que cest matin je porteroye en mon braz senestre un bracelet d'or, tel qu'il estoit, lequel veez cy, et le surplus pour la façon que, se vostre bon plaisir est, pourrez veoir cy en escript.' (La Sale, J.S., 1456, 86)

En particulier. [À propos de l'accueil réservé à qqn] Chaleureusement.

Là trouva le duc d'Osteriche, Un noble duc, puissant et riche, Qui estoit sires de la ville Et dou païs. Et sachiés qu'il le Reçut si tres joieusement Et si tres amoureusement ; Et la duchesse en tel maniere Li fist si amiable chiere, Et toutes les dames aussi Que je ne say pas nomer, si Que raconter ne le saroie, Tant menoit chascuns feste et joie. (Mach., P. Alex., p.1369, 44)

Quant li message dou roy de France furent venu jusques à lui, il les recueilla joieusement et sagement, ensi que bien le savoit faire. (Froiss., Chron. L., VII, c.1375-1400, 254)

...la roine fu (...) dou chevalier et de la dame tres joieusement requelloite (Froiss., Chron. D., p.1400, 58)

...li rois (...) li dist tout joieusement : 'Mesire Ustasse (...) je vous ai veu moult volentiers, et vous tieng pour la journee pour le mieuls asallant et requerant ses ennemis...' (Froiss., Chron. D., p.1400, 874)

...acompaigniez de pluiseurs ducs, contes, barons et nobles desdis royaumes de France et d'Angleterre, lesquelz furent moult joyeusement et honnorablement receuz en la ville de Paris. (Fauq., I, 1417-1420, 389)

Et pareillement, ala devers le Roy à Laon, Jehanne de Béthune, contesse de Ligney et viscontesse de Meaulx. Lequel Roy fut très content de sa venue et le reçupt très agréablement et joieusement. (Monstrelet, Chron. D.-A., t.5, c.1444-1453, 469)

Il fut receu joyeusement et lyement (C.n.n., c.1456-1467, 186)

Elle fut tantost vers le chevalier attendant, qui la receut joieusement. (C.n.n., c.1456-1467, 270)

...Dieu scet s'elle fut joyeusement recuillie de la marchande (C.n.n., c.1456-1467, 571)

La fut receu joyeusement et bien Ainsi qu'on scet, pour le faire plus court, En tout honneur, de plusieurs gens de bien, Tant de la ville qu'autres seigneurs de court. (La Vigne, V.N., p.1495, 173)

[De Dieu]

Item Dieu par sa misericorde rechoit joyeusement le pecheur retournant envers lui, et esmolit son cuer a faire penitance (Somme abr., c.1477-1481, 180)

4.Gaiement, de façon à susciter la gaieté.

Adieu, mon amy gracieux, Adieu, celluy que je desire, Adieu, l'amour que j'ayme mieulx Par qui souvent mon cueur souspire, Moult me tarde que puisse rire Avecques vous joyeusement, Car je vous ayme loyaulment. (Régn., F.A., 1432-c.1465, 93)

...l'escuier en Bourgoigne se retourna, qui aux galans et compaignons de sorte joyeusement racompta ceste son adventure (C.n.n., c.1456-1467, 125)

...après que les tables furent ostées, pour conclure de l'escot, firent pluseurs manieres de faire mises avant joyeusement sur quoy l'escot seroit prins [Après un bon repas] (C.n.n., c.1456-1467, 376)

B. -[À propos d'une chose] De façon à susciter la joie, la liesse.

...sy devez sçavoir que sa venue fu tost sceue avant la ville qui tant en fu remplie de joye que l'en y sonnoit lez clochez aussy joyeusement comme s'il feust le jour du Noël (Comte Artois, c.1453-1467, 141)

...ilz entrerent ensamble en la ville ou clochez bateloient joieusement (Comte Artois, c.1453-1467, 151)

Au mouvoir fist sonner tamburs, trompettes et busines moult joyeusement, ainsy comme s'ils s'en alassent aux nopces ou a quelque noble convive. (LEFÈVRE (R.), Hist. Jason P., c.1460, 147)

Pour bien le voir on releva planchiers, On mist a point fenestraiges et porches, On fist sonner d'eglise et de clochiers Joyeusement a bransle toutes cloches. (La Vigne, V.N., p.1495, 180)