IDOLATRE

adjectif et substantif

[T-L : idolatre ; GDC : idolatre ; DEAF, I 20) : idolatre ; AND : idolatre ; FEW (IV, 540a) : idolum ; TLF (IX, 1093a) : idolâtre]

I. -Adjectif. Qui adore une idole (au lieu de Dieu), un faux dieu.

Les gens de celui paÿs sont tous idolastres, car il aourent le feu, les serpens et les arbres. (Jean Le Long, Voy. Odoric A.M., 1351, 9)

Item, les paiens idolatres n'eurent onques cultivement divin, mes en estoient plus loing que les desus diz qui ne feroient ne oroisons ne sacrefices. (Oresme, Pol. Arist. M., c.1372-1374, 302)

Certainement toute creature qui s'abondonne a telz sortileges est ydolatre et hors de la foy crestienne, a excommenier de saincte Eglise, et, selond la loy encienne, digne d'estre lapidee, et, selond la nostre, digne d'estre ars. (Gers., Purif., 1396-1397, 65)

Pour ce, ceulx qui ont leur actente Icy, ne qui a moy s'amusent Sur la sepulture presente, Ilz perdent leur temps et s'abusent ; Leur saison despendent et usent Ainsi que bestes et follastres, Et envers Dieu pas ne s'escusent Qu'ilz ne soyent tous ydolatres. (La Vigne, S.M., 1496, 429)

Où l'on se livre à l'idolâtrie.

...leurs temples ydolatres [des Romains] (Chr. Piz., M.F., III, 1400-1403, 186)

Et estoit escript en la mittre qu'elle avoit sur sa teste les mos qui s'ensuivent : 'heretique, relapse, apostate, ydolatre'. (Fauq., III, 1431-1435, 13)

[En constr. attributive]

Doulx Diex, ce m'est le cuer grevant Que les gens de ce pais voy Vivre ydolatres sanz ta foy Tenir ne croire en toy (Mir. Barl. Josaph., c.1363, 245)

II. -Substantif. Celui qui adore une idole (au lieu de Dieu).

...cestui cy [Manassés] fut tres faulx ydolatre (Chr. Piz., M.F., II, 1400-1403, 163)

J'ay demandé a l'air, au ciel, au soloeil et aux estoilles se aucune de ces choses estoit mon Dieu : tout s'est escrié a haulte voix : 'Dieu nous a faiz ; les ydolatres et les payens faillent ; nous ne sommes point Dieu ; querez le ailleurs et au dessus de nous'. (Gers., Trin., 1402, 156)

Je voy ton non en grant mesconoissance, En grant vilté, en grant irreverance, Par ydolatres qui regnent sur la terre. (Myst. st Adr. P., c.1450-1485, 89)

Ydolatres durs et parvers, Avez vous leu en voz escolles Qu'on doit adorer telz ydoles ? (Myst. Pass. Troyes B., a.1482, 348)

Laquelle chose est et fait fort contre noz calumpniateurs, qui toujours crient et hurlent après ses graveures et sculptures et ne entendent pas ce qu'ilz cuident dire, car enciennement estoient aucuns ydollatres qui faisoient eslever aucuns simulacres ou ymages dont la representacion leur venoit premier en leur fentasie, et iceulx adoroient comme dieu (Simon De Phares, Astrol., c.1494-1498, f° 25 r°)