HAVRE

substantif masculin

[T-L : havene ; GDC : havre ; DEAF, H 302) : havene ; AND : havene ; FEW (XVI, 186b) : havene ; TLF (IX, 734b) : havre]

Port de mer.

Pour le salaire du batel Lucas Leparé, lamen dudit Lucas et de 5 autres mariniers qui mistrent ladite nef ou hable de La Rochelle quant elle vint de Normendie (Clos galées Rouen M.-C., t.2, 1341-1342, 29)

...plusoures des niefs q'estoient en la navie qi vint hors de Bretaigne se sont treet en lour havenes sanz congié (Ordre Pleiford V.D., 1342, 328)

Et tantost se mist hors du havène à toutes ses galées. (Hist. chron. Flandres K., t.1, c.1342-1383, 384)

Celle gent que veés illec en celle mer (...) Vous suplient qu'il puissent dedens vo havre entrer (Renaut Mont. B.N. V., c.1350-1400, 488)

...et la prent ariere la mere son cours par un autre chanele q'ele est venue : par qoi la havene ou le porte est plus perillous. (Henri Lanc., Seyntz medicines A., 1354, 92)

...les meires et aldermannes de lour commune assent esluz et assignéz, peusent et aient poeir de tenir plees devant eux des dettes, accomptes, covenances et contractes selon la ley marchant et auxint des crimes, creme, felonie, mahemes et trespas queconques faitz si bien par terre come par meer deinz les ditz ville et eskyvynage, et haven, et aillours hors de notre seignourie (Hist. dr. munic. E., t.2, 1363, 364)

Soudainement et sans noise, par ung point du jour, ilz se mistrent en hable et entrerent en la ville qui de celle partie estoit mal fermée (Chron. Valois L., c.1377-1397, 190)

Et lors vint le navire ferir ou havre, et trairent chevaulx et ce qu'il leur plot hors des nefs (Arras, c.1392-1393, 92)

Et cependant s'en vint Guyon et le maistre de Rodes et leurs gens arriver au Lymacon, dont le cappitaine fut moult joyeux et leur dist comment Sarrasins ont prins terre et comment leur navire estoit ou hable du cap Saint Andrieu. (Arras, c.1392-1393, 132)

La fu o luy ly admiraulx de Damas qui le fist entrer en la petite galleoite dont il estoit eschappez, si comme je vous ay dit par dessus. Et fist tout le navire qui lui estoit demourez au partir du havre. (Arras, c.1392-1393, 138)

Lors fut Gieffroy moult lie, et prent congié de sa seur et de son nepveu et de la compaignie, et s'en vint ou hable, et entra en son vaissel. Le rampin fu devant, les voiles sont levees, ilz se empaingnent en mer et s'en vont si raidement que tantost en perdirent ceulx du port la veue, et la royne et ceulx qui avec lui estoient en la maistre tour. (Arras, c.1392-1393, 216)

...tellement esploittoit, Qu'a Brandis est venus ou Garin demandoit, Et on lui ensegna : sur le havle, tout droit. (Huon Bordeaux B., c.1400-1450, 28)

Du nouvel scor entre la Neuse et le havene de Hulst qui est nouvel andworp et souloit valoir 24 livres parisiz par an : le watergrave en est chargié et en doit respondre (Comptes Etat bourg. M.F., t.3, 1416-1418, 58)

...contenant que (...) icelui suppliant et Perrenot de Beaunoy, (...) qui aloient ensemble en la mer en peschant des harens, se feussent partiz du hable dudit lieu de Dieppe (Chancell. Henri VI, L., t.2, 1429, 135)

De là vint sur une montaigne nommée du Pollet, vers le hâvre, auquel lieu il fit édifier une très forte et grande bastille de bois, et de grand circuit ; et est ladite montagne sur le hâble de Dieppe (Chart. J., Chron. Ch. VII, V., t.2, c.1437-1464, 36)

...ceulx de Bourdeaulx dirent qu'ils seroient tous prests le mercredy ensuivant de rendre et bailler les clefs des tours, chasteaulx, hâvres, portes et barrières d'icelle ville, et faire le serment d'estre doresnavant bons et loyaulx subgectz et hommes naturels du roy de France (Chart. J., Chron. Ch. VII, V., t.2, c.1437-1464, 304)

Et la a ung petit havre ou port a fustes de rammes. (La Sale, Salade, c.1442-1444, 142)

Pendant lequel temps icellui Morbazenne fist faire et fonder une très grosse tour et puissant, sur le bord du halve qui s'embouche devant ung fort chastel, nommé la Garde (...). Duquel halvre les marchandises qui deschendent à Constantinoble sont contrainctes de passer par illec. (Escouchy, Chron. B., t.2, a.1465, 51)

Or sus, messagier, lieve toy, Va-t-en tantost et sans actendre Au port de Londre sans delay Et veille a mon plaisir entendre. Si est que nous voulons descendre En able ou sont les mariniers Que leur voilles ilz veullent tendre Et que incontinent tout soit prest. (Myst. siège Orléans H., c.1480-1500, 100)

Adont les trompetes sonneront longuement jusques ad ce qu'ilz soient tous arrivez ou hable (Myst. siège Orléans H., c.1480-1500, 107)

...ilz ont adez entretenu et entretiennent le havene du dit lieu de Gravelinghes et le cours de la riviere du dit Saint Omer jusques à Gravelinghes (Hist. dr. munic. E., t.3, 1487, 519)

...le Cosmographe ouquel toute la mer et la terre est descripte, c'est assavoir toutes regions, villes el citez, pors, destrois, havres et passages (Simon De Phares, Astrol., c.1494-1498, f° 85 r°)