HALLE

substantif féminin

[T-L : hale ; GD : hale1 ; GDC : halle ; DEAF, H 94) : hale ; AND : hale ; FEW (XVI, 129a) : *halla ; TLF (IX, 656a) : halle]

A. -Place publique couverte où se tient le marché (général ou bien réservé à un seul genre de commerce).

Les quelz André et ses compaignons se retrairent, quant ilz les oïrent issir hors d'icellui hostel, en alant tout au long de la cohue ou halle du dit lieu et jusques à l'ostel d'un appellé Colin Vinet (Doc. Poitou G., t.5, 1389, 400)

Des habitans de la ville d'Oudembourc, pour 40 livres qu'ilz doivent chascun an à mondit seigneur pour cause de l'acensissement perpetuel de leur halle (Comptes Etat bourg. M.F., t.3, 1416-1418, 40)

..a laquelle halle aller, estaller, exposer et vendre leurs derrées et marchandises aux jours acoustumez ilz ont esté, sont et doivent estre subgiez et abstrains (Rouen temps Jeanne d'Arc L., 1424, 72)

...et feront visiter et mesurer les estaulz de ladicte Hale, la largeur de chascun d'iceulz estaulz, les tabletes estans en yceulz, la largeur du portail et l'esgout d'icelle Hale (Fauq., III, 1431-1435, 32)

LE SECOND. (...) Sot je vient d'ung sot arroy, Sot assoctay a vostre roy Pour le saluer soctement. LE PREMIER. Saint Jehan ! tu parles haultement, Cuides tu estre enmy la halle ? LE SECOND. Nenny, je suis en une salle Propre a nourrir petis enffans. (Feste roys, c.1475-1500, 303)

Ça, messire Jehan Tallebot, Vous aussi, monseigneur d'Escalles, Y nous faulsist trouver complot Et penser de noz intervalles. Nous sommes comme en unes halles Icy, au vent et a la pluye ; Noz besoignes se portent malles, Se de brief on y remedye. (Myst. siège Orléans H., c.1480-1500, 395)

...devant la halle des chaivriez ou il vandent lour pel et lour queur (Jug. maître-échev. Metz S., t.3, a.1494 [1422], 32)

Les halles

LE PREMIER DYABLE. Quel dyable as tu ? Com tu t'envoises, Et com tu saus, et com tu bales ! As tu bouté le feu es hales ? Di, Belial. (Mir. emp. Julien, 1351, 183)

D'ilec je m'en vois sanz sejour Par les halles au Grant Godet (Mir. Pierre Changeur, c.1378, 233)

...et lesdiz peliçons de connins il avoit vendus, ès halles de Paris, à certains freppiers que l'en ne congnoissoit. (Reg. crim. Chât., I, 1389-1392, 48)

...une taverne en la ville de Trayneau, près des hales d'icelle ville (Reg. crim. Chât., I, 1389-1392, 139)

...il s'en estoit alez ès halles de Paris pour acheter du pain et du fruit pour son disner (Reg. crim. Chât., II, 1389-1392, 8)

...la grant porte des hales de Paris, par où l'en va au marchié au Blé (Reg. crim. Chât., II, 1389-1392, 12)

...et, oultre ce, en ycellui temps avoir prins ès hales de Rouen une paire de solers pour son usage. (Reg. crim. Chât., II, 1389-1392, 435)

...incontinent furent menez es Halles de Paris et decapitez par vertu de la sentence dudit prevost (Fauq., II, 1421-1430, 49)

De Guillemin Jollain, revendeur de grains ès halles de Paris, pour la confiscacion de 4 mines de vesse, au pris de 12 s. p. le sextier (Comptes Paris V.L.D., t.1, 1455-1456, 848)

...les marchans (...) qui estallent leurs denre[es] au dehors des alez, en la place du Marché Veil... [Aussi p.77, au dehors des ales. Traité comme nom de lieu ds Reg. Poitiers F., t.3, 199] (Reg. Poitiers F., t.2, 1458, 79)

Et, le venredi ensuivant, vint et arriva es halles de Paris deux cens chevaulx tous chargez de marée et de toutes manieres et sortes (Roye, Chron. scand., I, 1460-1483, 104)

...ung jeune garsom, filz d'une venderesse de poirées et poisson de mer des halles de Paris (Roye, Chron. scand., II, 1460-1483, 114)

Sus, messire Jehan de la Polle, Et vous, sire conte d'Escalles, Menez voz gens a une folle Et n'espargnez baheuz ne malles ; Y sont venduz ainsi que es halles, James ne vous eschapperont. (Myst. siège Orléans H., c.1480-1500, 323)

Pres du chasteau a ung lieu aussi large Que peullent estre les Halles de Paris (La Vigne, V.N., p.1495, 204)

[Comme lieu des exécutions]

...lesdiz conseillers presens delibererent et furent d'oppinion que ycellui Guillaume de Bruc, pour les causes devant dites, feust traynez, et d'illec menez ès halles, et en l'eschaffaut feust, comme traittres du roy nostre sire et de son royaume, decapitez (Reg. crim. Chât., I, 1389-1392, 25)

...et, pour solempnité et exemple à tous, elles feussent mittrées et menées ès hales de Paris, et illec piloriées, et crié que la justice que elles avoient et soufferroient estoit pour ce que elles estoient sorcieres (Reg. crim. Chât., II, 1389-1392, 338)

...tout veu et consideré à grande et meure deliberacion, lui fut dit par ledit president de par la court de Parlement qu'il estoit crimineux de crime de leze majesté, et comme tel condempné par arrest d'icelle court à estre ledit jour decapité es hales de Paris, ses biens, seigneuries et terres acquises et confisquées au roy. (Roye, Chron. scand., II, 1460-1483, 56)

Halle aux blés. Place publique couverte où se tient le marché aux céréales, marché aux céréales.

...il emplist sesdiz V sacs de fromment (...) et les mist en la halle au blef dudit lieu (Ch. VI, D., t.2, 1382, 156)

Halle à la chair / de la boucherie. Marché de la viande.

...ladite halle à la char de Maisieres et les deux maisons d'en costé, à tout les appendices d'icelles (Trés. Reth. S.L., t.2, 1365, 170)

...la hale de la boucherie de Maisires et les deux maisons d'en costé, à toutez les appartenances et appendices d'icelles (Trés. Reth. S.L., t.2, 1365, 172)

DRAPERIE

Halle aux coutils

[Ils ont] desediffié et descouvert et de fait appliquié a l'usage commun d'icelle ville une porcion de ladicte halle aux coutilz (Rouen temps Jeanne d'Arc L., 1424, 73)

Halle aux draps. Bâtiment où se fait le commerce des draps.

...ung certain beffroy et deux clocques en icelli pour les necessitéz, sceureté et ralianche des bourgois et habitans de nostre dicte ville de Bethune es cas de peril de feu, d'assault, de faict de guerre ou aultrement, scitué et assis au marchié de nostre dicte ville de Bethune entre notre halle aux draps et les maisons de notre dicte ville (Hist. dr. munic. E., t.2, 1388, 137)

[Ils ont] desediffié et descouvert et de fait appliquié a l'usage commun d'icelle ville une porcion de ladicte halle aux coutilz (...) et illec ediffié une porte et ouverture pour entrer en la halle aux draps joignant d'illec (...) ; a l'occasion duquel desediffiement... (Rouen temps Jeanne d'Arc L., 1424, 73)

Halle aux rayés. Halle où s'exposent les draps rayés.

Et aussi si aucuns des ouvriers d'oeuvre pleine ont à present aucuns draps rayez encommenciez, ils les pourront faire apprester par ouvriers d'oeuvre rayée, et iceulx quant ils seront faits et apprestez vendre en la Halle aux rayez ; mais qu'ils soient bons et suffisans, ainsi que pardessus est dit ; mais que paravant il les ayent monstré aux Bougonneurs desdites Draperies, pour avoir cognoissance du nombre et du compte d'iceux. (Ordonn. rois Fr. L.S., t.2, 1350, 398)

Halle de la laine

Et doit avoir li hosteliers de le halle de le lainne : pour cascun pois de lainne ouvrée, une obole ; et de cascun pois de lainne a sun 3 abenghes ; et avoec chou, a cascun lanier et laniere un d. d'ostage le venredi et le samedi. (Drap. Valenc. E., 1344, 273)

Halle du poids. Halle où les draps sont pesés et examinés.

Et ne pueent ne doivent li peseur et eswardeur laissier entrer en l'iestre de le halle dou pois, drapier ne drapiere, couvreturier ne couvreturiere, ne mesnie qu'il aient ne persone de par yaus, jusques a dont que li drap et couvretures seront peset, rewardet et boulet dou plommet, par celui qui commis i sera pour bouler de par le prevost u le mayeur de le halle (Drap. Valenc. E., 1344, 287)

Jour de halle. Jour d'ouverture de la halle aux draps.

Et doivent encore faire denonchier en un jour de boulage u en un jour de halle, le certainne journée en lequelle on devera ce brief lire devant chou que on le lise, par quoi tout chil et celles qui estre i vorront et a qui che puet toukier, i puissent estre, se il leur plaist. (Drap. Valenc. E., 1344, 265)

Tenir halle. Ouvrir la halle aux draps.

Primes, tant comme au premier point, respondent que on tenra halle 3 jours en la sepmaine devant disner et apres disner, et aussi bien sour jours de festes comme sour jours ouvraules. Et que cascuns porra porter et raporter ses draps hors de le halle toutes fois qu'il lui plaira ; et se laissier les veult en le halle, faire le puet. (Hist. industr. drapière Flandre E.P., t.3, c.1350-13, 323)

Par métonymie. Institution corporative des membres de la halle aux draps.

...nous ne ferons prevost de le halle, mayeur, boursier ne Treze Hommes de personne dont on nous priece, ains le ferons en no loyauté de preudommes creaules et souffissans, qui se sachent a chou congnoistre pour warder bien et loyalment l'onneur et l'estat de le drapperie. (Drap. Valenc. E., 1346, 26)

En (pleine) halle. Devant l'assemblée des membres de la halle.

...est ordené en halle que li foulon aront d'un drap de muison vingt-cinq fleurs de lis... (Hist. industr. drapière Flandre E.P., t.3, 1343, 302)

Lesquelles ordenances, li prevos, et li mayres de le halle et li XIII Homme doivent cescun an, dedens les 15 jours prochains apres chou qu'il seront entret en leur offisce, faire lire en plainne halle (Drap. Valenc. E., 1344, 265)

Halles aux/des merciers

...et sis livres cinq soulz parisis sur deux estaus es hautes halles aus merciers (Phil. Vi Valois, Doc. paris. V., t.1, 1336, 254)

Et que aucuns courporteres de taveletes ne portece plus de L soldées de denrees et ne soit arrestans entour le halle des merchiers mais voisent avant la ville waignier leur pain. (Arch. Lille, 1395, BB 1, n° 374, f° 5, IGLF)

Halle des merceries

...en la cause d'entre les proprietaires de la Hale des basses merceries, d'une part, et la communaulté du mestier de peleterie, d'autre part (Fauq., III, 1431-1435, 31)

Locution figurée. Tenir halle de neant. Faire un marché sans marchandise, perdre son temps, disputer pour une chose qui n'en vaut pas la peine.

...affin que vous cognoissez ma volunté, sans tenir cy halle de neant, je vous conseille que me baillez ma part (C.n.n., c.1456-1467, 523)

Nous tenons cy halle de nëant. (Gréban, Pass. J., c.1450, 404)

Au palais entrer nous convient : Si j'ay tenu halle de neant, Vous en estes trop consentens ; A neant faire vous passés temps. (Gaguin, Passe temps oisiv. T., 1489, 422)

B. -DROIT Lieu où se tient la justice des villes ; salle échevinale.

...avons ordené et accordé que, d'ore en avant, tout li esquevin de le dicte ville, en leur nouvele creation et si tost que il seront revenu en hale de faire serment à la Magdelaine, ainsi qu'il est accoustumé à faire en cascun esquevinage, seront tenu de jurer en halle publiquement, cascuns par se foy et serment (Hist. dr. munic. E., t.1, 1356, 351)

Au chief de trois jours apriès ce que la première lettre fu envoiie aux commissaires dou roi, enssi que li signeur de Tournai estoient en la halle asamblé en conseil, vinrent ces secondes lettres. (Froiss., Chron. R., X, c.1375-1400, 282)

...Jaques de Bruges, lui disant et portant lieutenant du prévost de Lille, vint et comparu en le halle d'icelle ville, au lieu là où ont accoustumé de tenir leur siège les eschevins de ladicte ville (Hist. Lille T., t.2, 1405, 425)

Adont s'est de le halle li bons dus départis. (Geste ducs Bourg. K., c.1410-1419, 425)

Salle aux bourgeois. Salle de conseil.

...Vers la halle aux bourgois ont leur voye aqueullie. La ot .XXX. escuiés de la ville enforcie, Sy fut ung chastelain plain de grant seignorie Pour maintenir la loy, justice et seignorie. (Tristan Nant. S., c.1350, 672)

Jour de halle. Jour où se tient le tribunal.

...en cas criminel ou autre délit aiant regard à détention de corps, yceuls prisonniers seront et devront estre amené par devant nos dis eschevins au prochain jour de halle ensievant ladite prise, pour procéder contre euls par la manière accoustumée, soit à condempnation ou absolution selonc que les cas désirent (Hist. Lille T., t.2, 1377, 406)

Porter qqn en la halle. Assigner qqn en la halle.

Et che fait, s'il ne vient mie lidis forains, li devant dit eschevin font leur enqueste et enquèrent tant comme il puent le vérité dou fait, et aussi bien pour le forain que leur bourgois injuriiet ; et ladite enqueste faite, il le portent en le halle de ledite ville de Lille, pour yestre jugié par les eschevins de ladite ville. Et se par ychelle enqueste il est trouvé ledit bourgois avoir été injuriiet par se coulpe, lidit eschevin le pugnissent (Hist. Lille T., t.2, 1344, 464)

C. -MARINE Construction couverte servant d'abri aux bateaux.

...depui Seine jusques au bout des halles d'icelui 1 costé seroient fais arriere fossés, et dedens le dit clos tout entour jusques a l'autre bout des halles du costé de devers la porte, seroient fais avant fossés (Clos galées Rouen M.-C., t.2, 1364, 153)

...un millier d'aes de chesne de 12 piés de lonc ou environ, d'1 pié de large et d'un poux d'espoise, icelles livrer et asseoir et mectre en eouvre en 3 planchiés de 3 des halles de Bretaigne du clos des gallees (Clos galées Rouen M.-C., t.1, 1390, 328)

...pour 3003 livres de plon noef de lui acheté pour le fait des reparacions des goutieres des halles nommées Flandres du clos des galees (Clos galées Rouen M.-C., t.1, 1395, 330)

...aus dis couvreurs, pour avoir recouvert en plusieurs endroits en clos des gallees lez Rouen pour le proffit du roy nostre seigneur deux des halles estant ou dit clos sur les garnisons du dit lieu, ou il estoit neccessité de recouvrir pour ce que, par fortune de temps, y avoit plusieurs pertruys et estoit tres grant neccessité que ils fussent repparés (Clos galées Rouen M.-C., t.2, 1414, 207)