HAIRE

substantif féminin

[T-L : haire ; GD : haire1 ; GDC : haire ; DEAF, H 64) : haire ; AND : haire ; FEW (XVI, 169a) : *harja ; TLF (IX, 649b) : haire]

A. -Chemise de crin ou de poil de chèvre portée à même la peau par esprit de mortification, cilice.

Raison, celle vielle nonnain, Lor fasoit mangier aigue et pain, Geüner et vestir la haire. (Renart contref. R.L., t.1, 1328-1342, 367)

Après ton haubert qu'as vestu Porter a ta char nu a nu T'enjoing tant conme tu vivras, Et ceste haire sus aras. (Mir. st Guill., c.1347, 28)

A ma char vestiray la haire Aspre et poingnant dès ores mais (Mir. st J. Paulu, c.1372, 94)

Si n'en puis attraire Amoureus salaire Pour crier ne braire ; Demourer au Quaire Et vestir la haire Vaudroit miex qu'estre en tel haire. (Mach., Les lays, 1377, 438)

C'est un pecché [l'orgueil] de son mester Qui taire voet quant dust parler, Et quant dust parler se voet taire. C'est un pecché q'apostazer Fait maint et mainte reguler, Trestout lessant et frocke et haire. (Gower, Miroir homme M., c.1376-1379, 26)

A confessé, ledit Pierre, que le mercredi après la Saint-Christofle derrenierement passée, un appellé Jehan de Flandres, né de la ville de Ganz, lequel estoit en habit d'ermite, et here vestue, nuz piez, grande barbe et grelles cheveux, tenant un bourdon ferré, l'encontra au plus près de la ville du Mans (Reg. crim. Chât., I, 1389-1392, 471)

C'est Cicile et Benoite qui vestoient la haire, Qui puis furent abbesse ambdois de cel aire (JEAN D'OUTREM., Geste Liège B.B., t.3, a.1400, 439)

Et si faisoit moult de abstinences (...) et au vendredi vestoit la haire (Ponthus Sidoine C., c.1400, 52)

...fu trouvé en lieu de tresor plein un secret coffre de haires et cordes et choses d'abstinence et devocion. (Chr. Piz., Faits meurs Ch. V, S., I, 1404, 144)

...et en singne de penitance, jamais je ne buveray de vin le sabmedi, ne coucheray en lit, ne seray à table cedit jour de sabmedi ; mais je vestiray et porteray l'estainne ou la haire vestue audit jour de sabmedi, depuis le partement jusques à ce que j'aye acomply le veu dessus dit (Doc. 1454. In : ESCOUCHY, Chron. B., t.2, a.1465, 218)

...dès sa junesse a vescu en grant austerité de vie comme de porter la haire sur sa cher nue trois jours la sepmaine (Maupoint, Journ. paris. F., App., 1457, 14)

Je vestiroye envis la haire Se n'avoye dessoubz ung pelisson. (Est., p.1460, 23)

L'abus VIIe est habit precieux, Bruyant, pompeux et de riche forrure ; Cil qui le porte appert sciencieux Et n'est que ung fol plain de vice et d'ordure ; Haire poindant, aspre chemise et dure Doit endosser, sans s'endupper ainsy : Il n'est orgueul que de povre enrichy. (Molinet, Faictz Dictz D., 1467-1506, 604)

Et le corps doit estre tourmenté qui a entendu a moult de delices, car le long ris doit estre compensé par pleur, et les molz draps et precieux sont a muer en aspresse de haire (Batallier, Lég. dorée D.-L., 1476, 266)

...pour se faire raser Et couronner prestre portant la haire (La Vigne, S.M., 1496, 224)

Oncq on ne veid plus fol quil [Saint Martin] est Comme ie croy et vous prometz Dauoir laisse telle seigneurie Pour viure en telle paillardie Et auoir peine et ieusner Estre a genoulx et dieu prier Iour et nuyct et vestir la haire (Myst. st Martin K., a.1500, 211)

[Contexte métaph.]

...et comment porrai je faire joieusement et vivre dolereusement ? Par m'ame ce m'est fort a faire ; mais je ressemble le menestrel qui chante tele fois en la place, et il n'i ha plus dolent de li. Et pour ce il me semble que amours et porter la haire, c'est auques tout .I. mestier : Trop font de paine et de haire Amours et porter la haire. (Mach., Voir, 1364, 568)

Proverbe. Qui n'a courage de bien faire ne doit ja vestir la haire

Pour [ce] dit on moult de legier En ung proverbe en reprouver : 'Qui n'a couraige de bien faire Il ne doit ja vestir la haire.' (Liber Fort. G., 1346, 83)

B. -Au figuré.

1.Tourment, peine, souffrance, chagrin.

Tant souffrirent tourment et haire : Droit la furent mors et bruÿ Et de leur traïson pugny. (Renart contref. R.L., t.1, 1328-1342, 196)

Dont Tristece toudis en moy seroit, Mes corps sans cuer long de vous languiroit, Si que durer longuement ne porroit En tele haire. (Mach., Compl., 1340-1377, 260)

'Autant com li pescherres s'est Glorifiez en son mal faire, Autant de tourment et de haire Ly donnes' (Mir. st Guill., c.1347, 28)

Fu cis alerions pourquis Et par soustillité acquis, Et fu legierement perdus, Dont mout demouray esperdus. Perdus fu ; je n'en pos plus faire ; Mais j'en demouray en grant haire, Dont j'eüsse esté a mort mis. (Mach., D. Aler., a.1349, 341)

Il mainent otel glay en menant paine et haire, Que font ly Sarrasin qui ont riche douaire (God. Bouillon R., t.2, c.1356, 375)

Lombardie laissa à destre, Et tint le chemin à senestre, Toudis en costiant la mer. Doit on bien tel signeur amer Qui de peinne et de haire a tant, Pour avoir honneur qu'il atent. N'est pas raisons que je vous mente. L (Mach., P. Alex., p.1369, 47)

Amy Dieu, sire saint Jehan, Et vous, mére Dieu debonnaire, Jettez me hors de ceste haire. (Mir. fille roy Hongrie, c.1371, 37)

...se Fortune se painne De moi donner haire et painne, C'est li dars De quoi les amans fourmainne. (Froiss., Joli buiss. F., 1373, 67)

Qu'Ardans Desirs mourdrist secretement Son triste cuer en doleur et en haire ; Pour ce ne fait pas si joliement Com cilz qui joit et ou joie repaire Et s'en li prent Souvenirs son repaire, Quant il y vient, il le fait sans demeure Triste, dolent, qui larmes de sanc pleure. (Mach., Bal., 1377, 558)

Si n'en puis attraire Amoureus salaire Pour crier ne braire ; Demourer au Quaire Et vestir la haire Vaudroit miex qu'estre en tel haire. (Mach., Les lays, 1377, 438)

Nous avons assés painne et herre : Donnons nous [ore] de repos. (Myst. st Bern. Menth. L., c.1450, 38)

J'en porte en mon cueur sy grant haire Que joye ne solas je n'ay point. (Myst. Pass. Troyes B., a.1482, 592)

À haire. Douloureusement.

Maint paian ont occis a doleur et a haire (Flor. Octav. L., t.1, c.1356, 188)

...A sa mere voult dire, racorder et retraire Commë il ot esté en prison a grant haire (Flor. Octav. L., t.1, c.1356, 324)

Car on la prent de si grant appetit Que il n'est riens qu'à homme puist tant plaire Que femme emblée, soit dommage ou profit ; Mais c'on la teingne en .J. lieu secretaire, Que qui plus l'a à meschief et à haire, Plus est ardant, quand vient à l'aprochier, Ce dient ceulz qui femme ont en grenier. (Mach., App., 1377, 643)

Faire haire à qqn. Tourmenter qqn.

PREMIER DYABLE. (...) Avant ! faisons lui assez haire (Mir. enf. diable, c.1339, 44)

Je sui a cascun deboinaire, Mais Ire me fait moult de haire (Jean De Le Mote, Voie d'enfer P., 1340, 106)

Ces deux la vous feront de haire et d'ennuy tant Que c'ilz ne sont occis (...) Vïenne vous n'arés en jour de vo vivant. (Gir. Vienne D.B., c.1350-1400, 136)

Quant Almauri le vit, adonc jure saint Pere Qu'il ystra tout dehors et si leur fera haire (Flor. Octav. L., t.1, c.1356, 226)

En haut penser, plein d'amoureus desir, M'a bonne Amour embatu sans retraire ; Si l'en merci, quant daingnié souvenir Li ha de moy ; mais trop me fait de haire Pour ce sans plus qu'un regart recueilli, Et si ne sçay s'au donner s'assenti ; Mais mon cuer prist par ses yex doucement Celle que j'aim de cuer entierement. (Mach., L. dames, 1377, 17)

Las ! j'ay failli à mon tres dous desir, Pour ce que trop m'est Fortune contraire, Et tant redoubt le veoir et l'oïr Des mesdisans qui tant me font de haire Que je ne m'os devers ma dame traire ; Dont je me muir à dolour et langui, En desirant de li joie et merci. (Mach., L. dames, 1377, 81)

2.Par extension. Bruit, tapage.

Interjection.

Maiz a la chace fault aler, Car ja sommes prez de la proye. Passer la voy par celle voye. Harou, Clabaut ! Voyci la beste ! Va la, Tirati, et l'arreste ! Haire, Lancelot ! haire, haire ! (Gris., 1395, 26)

Faire haire

...Desboursez les pouvres nyais, Et pour soustenir voz pois Les duppes sont privés de caire Sans faire haire Ne hault braire (Villon, Ball. jarg. T., c.1455-1460, 329)