HABILITER

verbe

[T-L : abiliter ; GD : habiliter ; FEW (IV, 366a) : habilis ; TLF (IX, 626b) : habiliter]

A. -Rendre apte (à).

1.Emploi transitif. Habiliter (qqn / une faculté) à / pour qqc. Rendre (qqn/ une faculté) apte à qqc..

...car celui qui est juste et celui qui est de grant et bonne volenté et celui qui a vertu, nous loons tels pour les fais et pour les oeuvres a quoy ces choses les habilitent. (Oresme, E.A., c.1370, 139)

Mercurius (...) Au nourir X. ans se delite Et la langue li [à l'enfant] abilite Pour parler. (Froiss., Joli buiss. F., 1373, 103)

Vella qui rent et habillite Vostre corps au dangier des loups. (La Vigne, S.M., 1496, 291)

...et les armes de plaisance se font pour excercer les armes et pour continuer le mestier, pour habiliter les corps et apprendre à valloir pour la deffense du bien publique. (La Marche, Avis gage bat. P., c.1494, 23-24)

Rendre capable, exercer, stimuler.

...si m'i delite Que grandement j'en abilite L'entendement et le corage (Froiss., Joli buiss. F., 1373, 48)

...je le convoi De douls regars que li envoi, Qui en regardant m'abilitent Et qui grandement me delitent (Froiss., Joli buiss. F., 1373, 150)

Socrate, Platon, Aristote, (...) Nous font de vessises lanternes Pour nos engins abiliter Non pour le sens debiliter. (Chast., Temps rec. D., 1451, 93)

Préparer qqc. utiliser qqc..

Vous les appellez vos amyes ; Vos dames, vos haultes princesses (...) ; De meschines faictes deesses ; Toutes sont dames en amours ; Et habilitez vos richesses Par servir en leurs nobles cours.v (Martin Le Franc, Champion dames III, F., 1440-1442, 49)

En particulier. Rendre apte à s'activer, à travailler.

Sainct Bernard prechoit bien souvant, Les orguellieux humilioit, Les envieux redargüoit, Les yreulx y pacifioit, Les avaricieux reprendoit, Les luxurieux chastioit, Les golliar durement blammoit, Les paresseux abillitoit (Myst. st Bern. Menth. L., c.1450, 185)

2.Emploi pronominal.

S'habiliter (à / en qqc.). Se rendre apte à qqc., s'exercer (en qqc.), se perfectionner (en qqc.).

Et voulons et ordenons que noz diz subgies prennent (...) leurs jeux et esbatemens à eulx exercer et habiliter en fait de trait d'arc ou d'arbaleste (Mand. Ch. V, D., 1369, 255)

...en l'amphitheatre se faisoient les giex de ces gladiateurs qui se combatoient entre eux, ou pour cause d'eulz habiliter et exerciter, ou pour cause de gloire, ou pour cause de aucun loyer. (Raoul De Presles, Cité de Dieu, 1371-1375, ms. Paris, B.N., fr. 22912, III.14, glose, f° 121c-d)

...en ce tant s'abiliterent Et telement s'i deliterent Que ce furent (...) Li plus preu et li plus sage homme Qui fuissent regnant en ce siecle (Froiss., Joli buiss. F., 1373, 51)

Englés sont de celle nature, il ne sevent ne pueent ne voellent longement sejourner sans euls ensonniier en gerre ; et demandent les armes, n'ont cure a quel title, et trop grandement s'i dilitent et abilitent. (Froiss., Chron. D., p.1400, 202)

...et en toutes vertus se vouldra abiliter et conjoindre (Bouciquaut L., 1406-1409, 28)

Du dextre bras tout nud mieulx militoit Que tel estoit armé jusques aux dents ; A dur mestier d'armes s'abilitoit. (Percef. III, R., t.1, c.1450 [c.1340], 39)

...par amours, jeune enffant s'abillite En dances, lustes et saulx adventureux (La Vigne, S.M., 1496, 191)

Se disposer, s'apprêter à qqc..

Tiercement est apellee euvre de justice, quant Die justifie les pecheurs, quant ilz se habilitent et ordonnent a la grace en faisant ce qui est en eulz. (Somme abr., c.1477-1481, 176)

Emploi absolu.

S'exercer, se perfectionner.

...ainsi en labourant et ouvrant sur ceste matiere je me habilite et delitte (Froiss., Chron. [Livre IV] V., c.1400, 345)

Se hâter.

Or chevauce vers sa contrée La demoiselle dessus dite, Qui tellement se abilite Que retournée est a Montgriès. (Froiss., Méliad. L., t.1, 1373-1388, 65)

Être animé de mouvements.

Et s'aucuns [cheveux] trop cours en demeurent, Qui entour les oreilles cueuvrent, Pour ce que on ne les puet lier, Entour les temples balier Les véissiez et volester, Reflechir et habiliter, En crespissant en contremont. (Le Fèvre, Vieille C., a.1376, 129)

3.Habilité à qqc. Apte à qqc., exercé à qqc..

Teles delectacions sont ordenees pour la santé des corps et pour avoir les corps habilitéz as armes ou a aucun autre bon labeur corporel. (Oresme, E.A.C., c.1370, 222)

Ce n'est pas toutesfois a entendre le ainsy que l'ame en soit en riens neccessitee, maiz elle en est plus preste et plus habilitee a bonne euvre ou a male quant elle veult ensuivre son inclinacion. (Evr. Conty, Harm. sphères H.P.-H., c.1400, 27)

...vostre dit frère et nostre trèsredoubté et souverain seigneur et père fist traistreusement occire en vostre bonne ville de Paris, de nuit, par longs agais, de fait appensé et de courage délibéré, par faulx et mauvais trahistres murdriers à ce habilitez et aussi convenables (Doc. 1411. In : MONSTRELET, Chron. D.-A., t.2 c.1425-1440, 125)

Habilité de + inf Apte à.

Cest enfant [Alexandre] est habileté d'estre un grant roy (Guill. Tignonv., Ditz moraulx philos. E., a.1402, 976)

B. -En particulier. Habiliter qqn

1.DROIT

a)Rendre qqn légalement capable de faire qqc..

Et Hostiense, ou chapitre Per venerabilem, dist, en ceste maniere, que le Pape, la ou il n'y a mariage ne consentement, ne puet lez enfens legitimer, car il ne puet mie suppleer la faute de consentement, lequel consentement est de Droit naturel, mez il puet bien lez enfens habiliter quant aux honeurs espiritueulx et temporeulx et quant a la succession ou patrimoine de l'Eglyse. (Songe verg. S., t.2, 1378, 211-212)

Item, une lettre donnée de Gaultier de Conflans, chevalier, seigneur de Baye et de Hartonges, et de Marie de Chasteauvillain, sa femme, faisant mencion comment il a manumis et habilité ledit deffunct maistre Nicole à recevoir tonsure de clerc, qui lors estoit nommé Coleçon le Crantinat, fil de feu Coleçon le Crantinat et de Marie, sa femme, de Baye, leurs hommes de corps. (Invent. N. Baye T., 1419, XCVII)

b)Investir qqn de certains pouvoirs.

Et si a difference entre celluy qui est habilité par l'Inpereur ou par le Roy, et celluy qui est habilité ou legitimé par le Pape. Car celuy qui est habilité par l'Inpereur ou par le Roy si est reputé habile en sa juridiction seulement. Mez celluy qui est par le Pape habilité ou legitimé, si est reputé par toute Crestianté pour legitime (Songe verg. S., t.2, 1378, 212)

2.[Enseignement] Pourvoir qqn d'un diplôme.

Il tent a estre habilitéIn utroque [In utroque jure 'en droit civil et en droit canon'] (Desch., Oeuvres Q., t.5, c.1370-1407, 31)

C. -Pourvoir de qqc..

Habiliter qqn de qqc.

Loenge a toy car de tous biens mondains Assés soudain tu m'as habilitee Et fait naistre des plus grans des Romains. (Molinet, Myst. st Quentin C., c.1482, 31)

S'habiliter. S'équiper.

...lezquieulz [hommes d'armes] doivent vivre et soy vestir et chauchier et soy habiliter [var. habiller] de leurs gaiges (Bouvet, Arbre bat. R.-B., c.1386-1389, 290)

Et aussi Lyonnel vault bien que on lui presente lances, escus et joyaulx pour soy habilliter [Var. BC soy habillier] et donner courage d'entendre a tout honneur et prosse. (Percef. III, R., t.1, c.1450 [c.1340], 312)