HAÏR

verbe

[T-L : häir ; GDC : hair ; DEAF, H 43) : haïr ; AND : hair1 ; DECT : häir ; FEW (XVI, 178a) : *hatjan ; TLF (IX, 648b) : haïr]

A. -Éprouver un sentiment d'aversion profonde envers (qqn), détester qqn et lui vouloir du mal.

Aimme son maistre et son mestier Seur tout ; et ce li est mestier Qu'il l'onneure, oubeïsse, serve ; Et ne cuide pas qu'il s'asserve, Car s'il les aimme, il l'ameront, Et s'il les het, il le harront : Pourfiter ne puet autrement. (Mach., R. Fort., c.1341, 1)

Et quant einsi les maus d'amer Sen pour vous, dame, point d'amer Ne me devez faire sentir, Ne ne vous devez assentir Que vos cuers se doie envaïr A moy, pour vous amer, haïr. Chiere dame, et vous savez bien Que qui rent le mal pour le bien, Que c'est uns horribles pechiez Pour ceaus qui en sont entechiez. (Mach., D. Lyon, 1342, 192)

Car on doit ruser les ruseurs, Qui puet, et moquer les moqueurs, Les mauvais haïr et blamer, Et les amans loyaus amer. (Mach., D. Lyon, 1342, 215)

...c'est sanz cause desservie Que me haiez. (Mir. parr., 1356, 6)

Et encor fu l'entention Dou roy que domination Eüst dessus tout son païs, Dont il fu des princes haïs. Mais Dieus li peres le menoit En tous ses fais, et soustenoit (Mach., C. ami, 1357, 35)

Mais il fust entrez en mal an, Se Dieus ne l'eüst secouru, Car si anemi acouru Y sont pluseurs qui le gaitoient Et qui mortelment le haoient, Si virent par une fenestre Qu'il aouroit le Dieu celestre (Mach., C. ami, 1357, 38)

N'estoit pas de ses gens haïs, Car chascuns l'amoit et servoit Pour ce que bien le desservoit. (Mach., C. ami, 1357, 105)

Là demoura II. mois entiers, Et on le vit moult volentiers. Li maistres par especial, Et les freres de l'Ospital, Et aussi tous ceus dou païs, De qui il n'estoit pas haïs, Grant honneur et grant reverence Li feïrent de leur puissance. (Mach., P. Alex., p.1369, 52)

Il [le sultan] commanda, sans demourée, Que tous Crestiens en sa terre Fussent pris, et qu'on les enserre Et qu'il soient emprisonné, Mal traitié et fort rensonné. Et on fist son commandement, Et encor plus ; car mortelment Li Sarrazin si les haioient, Et en tous lieus les despitoient. (Mach., P. Alex., p.1369, 115)

Et li Sarrazin ensement S'estoient tout premierement Mis de la plainne en la montaingne ; Honte et mescheance leur veigne, Car ce sont gent qui trop nous héent, Et qui à nous destruire béent ! (Mach., P. Alex., p.1369, 148)

Des mauvois estoit tous li pires, Et des autres amiraus sires, Et avoit le gouvernement Dou soudan tout entierement, De son regne et de son païs ; Et si estoit d'aucuns haïs, Car on avoit moult grant envie De son estat et de sa vie ; Son nom pas ne vous celeray, Einsois le vous exposeray. Irbougua estoit appellez (Mach., P. Alex., p.1369, 182)

Lors Gaverelles le singla Parmi les flans IJ. cops ou IIJ. De s'espée, jusqu'à la crois, Si que les bouiaus li cheoient Par mi les plaies qui sainnoient. Là fist Hanris de Gibelet Le pieur cop et le plus let, Car trop durement le haoit Pour ses enfans que pris avoit, Einsi com devant conté l'ay, Si qu'il ne fist pas lonc delay ; Einsois la teste li fendi, Si que la cervelle espandi. (Mach., P. Alex., p.1369, 269)

Hé ! mesdisans, com je vous doy haïr, Quant j'ay perdu par vous le dous repaire Où celle maint qui me fera fenir, S'elle vous croit, par mort crueuse traire. (Mach., L. dames, 1377, 122)

Il ne m'est pas tant dou mal que j'endure Comme de ce que je voy loyauté Par traïson mise à desconfiture ; Car j'ay long temps parfaitement amé, Loyaument, en bonne foy, Celui que plus au jour d'ui haïr doy Et qui mon cuer tient en plus grant soussi, Pour ce qu'il m'a mauvaisement tray. (Mach., L. dames, 1377, 230)

Car ja pour ce ne le harray N'eschueray Ne ne vorray Qu'il ait esmay Ne riens dont il soit en irour, Et aussi bien me garderay Que je diray Et mousterray Que je l'aim de commune amour. (Mach., Les lays, 1377, 383)

Et s'elle murtrir Vuet .J. amant et honnir, Haïr, Fuïr Et tenir Dolours En li et tristours, Ce n'est pas bonne nature. (Mach., Les lays, 1377, 387)

...elle a oy dire par plusieurs fois à laditte Marguerite que ce estoit l'omme du monde que plus elle haïoit que ledit feu Hennequin, et que encores le feroit-elle getter mort sus le carrel, et en deust estre menée au gibet de Paris. (Reg. crim. Chât., I, 1389-1392, 258)

... [il] dist audit Jaquotin que aussi estoient iceux Rotisseur et sa femme les gens du monde qui plus d'injures et vilenies li avoient fait et à sondit mary, et que elle hayoit le plus, et que elle voudroit bien qu'il feust très-bien batus de batons, sanz cousteaux, et que, sur l'amour que il avoit à elle, il le vengast desdiz Rotisseur et sa femme, qui ainsi les avoient injurié. (Reg. crim. Chât., I, 1389-1392, 265)

Ilz [le roi Elinas et Présine] furent espouzez, et menerent longtemps bonne vie ensemble. Mais ly pays du royaume d'Albanie estoient moult esbahiz qui celle dame estoit, combien qu'elle gouvernast saigement et vaillaument. Mais Mataquas, qui estoit filz du roy Elinas, la haioit moult. (Arras, c.1392-1393, 9)

Atant et vous le roy Uriien, l'espee ou poing, et voit le soudant de Barbarie, qui moult le heoit pour son oncle le soudant qu'il avoit occiz en Chippre. (Arras, c.1392-1393, 236)

Un sien prevost, qui moult hayoit Les Juïfs de mortelle haÿne (Chr. Piz., M.F., II, 1400-1403, 264)

...aucuns publioient à Paris, comme avoit ledit Berry entendu, qu'il haioit les habitans de Paris et leur voloit mal (Baye, II, 1411-1417, 19)

...Piquet estoit homme noiseux et rioteux et hay de pluiseurs gens (Fauq., I, 1417-1420, 376)

Item, est assavoir que les Lucitains estoient gens de une partie d'Espaigne qui moult heoient les Rommains (La Sale, Salade, c.1442-1444, 27)

Et non seulement habandonner de ceulx qu'ilz ont tant et si très loyaulment servy, ains permetteras qu'ilz en soyent jusques au destruire heÿs (La Sale, Sale D., 1451, 77)

...car homme de telle condicion ne puet estre de nullui amé, ains est hays de tous. (La Sale, J.S., 1456, 23)

...moult luy tardoit de rencontrer celle qu'elle hayt plus que poison. (C.n.n., c.1456-1467, 275)

...[elle] luy respondit tout froidement que lui ne aultre elle ne haioit, ne vouldroit hayr, et qu'elle aymoit chascun par bien et par honneur. (C.n.n., c.1456-1467, 386)

...il me condemnera a pendre, et nul de la ville ne s'i opposera pour moy, car ilz me hayent trestous. (C.n.n., c.1456-1467, 450)

Il couvient que je te herré, Car tu m'as fait grant trichery ; Ton fait, il sont tout trompery (Path. D., c.1456-1469, 132)

Nous en serons de Dieu haÿs, Si me dobte, bons et maulvaiz ! Souvent les bons portent le faiz Et la punicion des pecheurs. (Pass. Auv., 1477, 269)

C'est pour ce que j'ay la barbe roussete Et que je ne puis heurter au guichet. Et vela pour quoy ma femme me haict. (La Vigne, S.M., 1496, 266)

Remarque : Morphol., haier

Car unqes rien ne vous mesfis Ne envers vous rien ne mespris Pur quoi vous nous deussez haier (Héraut Chandos, Vie Prince Noir T., c.1385, 114)

Haïr qqn à/de mort

Ma joie seroit bien faillie, Mes j'ai si grant espoir en li, Qu'elle haroit a mort celi Qui deshonneur pourchasseroit (Dame Lycorne G., c.1349-1350, 172)

Il respondit que de vous ne tenroit pour I denier et qu'il vous haioit a mort (JEAN D'OUTREM., Myr. histors G., a.1400, 22)

...et comme si de mort haïssent l'un l'autre, vinrent devant la face des dames férir et hurter ensamble moult fièrement (Chastell., Chron. K., t.3, c.1456-1471, 455)

LUCIFER. Les haulx gouverneurs de la loy Ne sont ilz pas de son accord [de Jésus] ? SATHAN. Nennil, ilz le hëet a mort : Ame d'iceulx ne s'i encline, Car de luy ne de sa doctrine Ilz n'en peuent oÿr parler (Myst. Pass. Troyes B., a.1482, 618)

[En tournure nég., p. litote]

[MADELEINE, à Jésus] . ...je vous prye Que bien souvent me veniés voir : Corps et biens et tout mon avoir Pour vous servir obligeron, Marthe, ma seur, et Lazaron, Mon frere, qui ne vous het pas. (Myst. Pass. Troyes B., a.1482, 441)

Emploi absolu.

Vous savez bien que je di voir Et si est contre l'evangile, Qui dit que c'est chose si vile De haïr ; et c'est un mors tel Com de vivre en pechie mortel ; Qu'on passe les commandemens De Dieu, qui est nos sacremens ; Dont la fin est tele sans fable Qu'on en pert gloire pardurable. (Mach., P. Alex., p.1369, 237)

Item, il aimme et hait manifestement. (Oresme, E.A.C., c.1370, 256)

Helas ! pour quoy virent onques mi oueil Biauté, pour moy decevoir et traïr, Ne corps changant ne cuer, plein de tel vueil Qu'il faint amer et ne fait que haïr ? Miex me vausist estre nés, sans mentir, Sans yex qu'amer dame, où tant truis contraire, Quant loyauté ne meint en son viaire. (Mach., L. dames, 1377, 69)

Pour ce dame nuit et jour Doit avoir l'ueil et le cuer à s'onnour Et tel amant fuir, car, sans mentir, S'il cuide amer, ne fait il que haïr. (Mach., L. dames, 1377, 198)

Bien est fol qui en tes dons s'affie [Fortune aveugle] . Or hès, or aimes, or fais, or despieces, il n'a en toy de seurté ne d'estableté ne qu'en un cochet a vent. Las, ma tres doulce amie, je sui le faulx crueux aspis et vous estes la licorne precieuse. Je vous ay par mon faulx venin trahie. (Arras, c.1392-1393, 243)

Emploi pronominal. Éprouver un sentiment de haine envers soi-même.

Bien me doy hair et despire Quant j'ay tant mon orgueil creu... (Mir. parr., 1356, 25)

Dont je doy moy meismes hair, Qui bée a mon frére trair (Mir. emper. Romme, 1369, 255)

[Part. passé en empl. subst.] Le haï de qqn. L'ennemi de qqn.

Lequel le fist ainsi, mais non pas sans dur, pour cause des autres qui labouroient en contraire et qui volentiers eussent vu la confusion de leur hay. (Chastell., Chron. K., t.4, c.1456-1471, 27)

infinitif substantivé.

...sy fery le Sarazin entre col et escu par tel haÿr qu'il lui fist voler le chief jus les espaulles (Messire Gilles de Chin L.-R., c.1400, 128)

Et sy te a porté grant grief ton haïr et ton amer peu de pourfit. (Chastell., Temple Boc. B., 1463-1464, 161)

Proverbe. Il n'est pas sire de son pays, qui de ses hommes est haï

Et pource dit le proverbe commun qu'il n'est pas sire de son pays, qui de ses homes est hay (Songe verg. S., t.1, 1378, 232)

Car de son païs n'est li hons sires clamez, Quant il est de ses gens haïs et despitez (Cuvelier, Chron. Guescl. C., t.1, c.1380-1385, 248)

Car sire n'est de son paÿs Qui de ses hommes est haÿs. (Chr. Piz., M.F., I, 1400-1403, 141)

...et cilz n'est pas sire de son païs, qui de ses hommes est hays. (La Sale, Salade, c.1442-1444, 7)

Le taureau n'aime pas le gourreau, toutefois il a ce qu'il hait

Impuissanche de resister, car comme dist Ovide ou livre sans titre : «Le toreau n'aime pas le goreau ['le joug'] , toutefois a il che qu'il het». (Daudin, De la erudition H., c.1360-1380, 207)

Qui que l'on hait au premier, on l'aimera au dernier. Celui qu'on commence par haïr, on finit par l'aimer.

...car qui que l'en hee au premier, l'en aimera au desrain et prisera mille fois plus quant on verra sa grant prudence et sa constant bonté. (Chr. Piz., Trois vertus W.H., c.1405, 103)

[Sentence]

Et c'est che qui est dit en Proverbes ou .XXVIIe. chapitre : (...) 'Mieulx vaillent les plaies de chelui qui aime que baissiers plains de fraude de chelui qui het'. (Daudin, De la erudition H., c.1360-1380, 196)

B. -Éprouver de l'aversion pour qqc., détester qqc..

Messire Pierre de Gresille, Qui het le temps, quant il gresille (Mach., P. Alex., p.1369, 141)

Car quant je voy que n'ay voie n'adresse à tost veoir vostre maniere gente Et vo douceur qui de loing mon cuer blesse, Qui toudis m'est par pensée presente, Je n'ay confort ne retour Fors à plourer et à haïr le jour Que je vif tant ; c'est mes plus grans delis. Et tout pour vous, biaus dous loiaus amis. (Mach., L. dames, 1377, 175)

Et si renoy le bon temps, les bons jours Et tous les diex qu'onques eurent amie ; Ne plus ne vueil aourer Venus n'Espoir, ne vivre en doulz penser, Eins vueil fuir et haïr toute joie, Quant j'ay perdu la riens que plus amoie. Si vueil user toute ma vie en plours Et tant plourer que m'arme soit noïe En mon plourer et qu'avec mes dolours Ma fourme soit en larmes convertie. (Mach., L. dames, 1377, 201)

Lasse ! dolente, or ne te puis veoir ; Pour ce m'estuet, dont je souspir et pleure, Haïr mes jours pour ta longue demeure. Et souvenirs, qui ne me laist durer, L'impression de t'image honnourée, Juene, gentil, bonne et belle sans per, Peint en mon cuer avec douce pensée, Pour moy faire joie avoir. (Mach., L. dames, 1377, 205)

Des autres mois soit [le mois de mars] desjoins et ostés Et de Nature oubliés et hays, Et Avril soit exauciés, honnourés, Li biaus, li dous, li courtois, li jolis, Qui florist de toutes pars Les prez, les bois et les champs et les pars, Et me garist maugré Mars et sa route, quant il m'a fait avoir en piet la goute. (Mach., L. dames, 1377, 222)

Morte m'esperence truis, Quant souvenirs ne me rent Nul aligement Fors grief torment Qui m'aprent Haïr mes jours et mes nuis, Et je de toy fermement Croy que nullement D'esbatement N'as talent Et qu'an riens ne te deduis. (Mach., Les lays, 1377, 354)

Las ! elle het mon preu et ma santé, Pour ce que j'aim s'onneur et sa biauté, Et si la serf de cuer en tel cremour Que nulle riens ne li pri, eins l'aour. (Mach., Motés, 1377, 505)

Sy comme aucuns qui sont si affichiéz et si ahurtéz a leurs oppinions que il heent et leur desplest et ne veullent oïr raysons au contraire. (Oresme, C.M., c.1377, 178)

Je hé ma vie et desire ma mort ! (Garenc., Poésies N., 1390-1400, 15)

L'ystoire nous dist que Remondin fu moult courrouciez en cuer quant il ouy la requeste que ly conte de Poittiers, ses sires, et le conte de Forests, ses freres, lui fesoient, car il amoit et doubtoit tant sa dame que il heoit toutes choses que il pensoit qui lui deussent desplaire. (Arras, c.1392-1393, 43)

Jamais ne t'a pleu mariage ; fuy l'as tousjours, craint et refusé, mesmement hay et mesprisé les bons et justes conseilz de ceulx qui t'y ont voulu joindre (C.n.n., c.1456-1467, 556)

Détester, repousser avec aversion (une chose nég., mauvaise).

Aussi ne dois tu la puissance De Fortune, ne sa muance En ton cuer amer ne prisier, Mais haïr, fuïr, desprisier, Ne tels biens ne desire en toy. Et se tu retiens mon chastoy, Tu aras le bien sans faillir Qu'elle ne te porroit tollir. (Mach., R. Fort., c.1341, 91)

Bien doi avoir le cuer dolent Et la mort hair et maudire, Car tolu m'a le meilleur sire C'onques nasquist... (Mir. st J. Cris., c.1344, 254)

En Chypre avoit un escuier Qu'on devroit mettre et estuier Droitement ou siege d'onnour, Car riens ne het fors deshonnour. (Mach., P. Alex., p.1369, 179)

Et selon toutes teles circonstances ou aucunes [delectacions] superhabundent et excedent les desactrempéz, c'est quant il se esjoïssent d'aucunes choses dont il ne convenist pas soy esjoïr et qui sont laides et a haïr. (Oresme, E.A., c.1370, 224)

...le grant bien de li en moy redonde Par grace de fine amour Qui me contraint à haïr deshonnour Et tout vice (Mach., Bal., 1377, 562)

Vos dous parlers me soustient et norrist En flun de joie et de toute douçour, Vostre sage maintieng si m'enrichist Qu'il me contreint à haïr deshonnour, Vos gentilz cuers me fait plus de tenrour Qu'en cent mil ans desservir ne porroie, Et vos regars meinteint mon cuer en joie. (Mach., L. dames, 1377, 163)

Lasse ! chetive, dolente, Bien haïr ma vie doy, Quant je voy Que tous ces maus nous presente Bonne foy. (Mach., Les lays, 1377, 354)

Quar ce que j'ay plus doubté que mourir M'est avenu ; bien doy l'eure haïr. C'est qu'il me faut, et par force, abstenir D'aler parler et aussi d'envoier Vers ma dame que j'aim, craing et desir Plus que chose que Dieux ait fait venir. (Mach., Les lays, 1377, 470)

C'est une maniere de pechié que Dieu het moult, et quiconques est pris en ce pechié, il est dampné si comme Judas qui en desperance se pendit (Ménagier Paris B.F., c.1392-1394, 30)

...Et sy vous tiens pure et sy munde Que vous hayés tout vice immunde, Par lequel on a fel renom (Molinet, Faictz Dictz D., 1467-1506, 472)