HERAUT

substantif masculin

[T-L : hiraut ; GDC : heraut ; DEAF, H 477) : hiraut ; AND : heraud ; DECT : hiraut ; FEW (XVI, 199a) : *heriwald ; TLF (IX, 768a) : héraut]

Officier chargé de transmettre les messages importants, de faire les proclamations solennelles, de régler les jeux et les cérémonies de chevalerie et de tenir registre des noms et des blasons des chevaliers (grade intermédiaire entre le poursuivant d'armes et le roi d'armes).

Pour despens de Navarre le heraut faiz en alant en messagerie devers Messire Jehan Chandos en Guienne, pour li monstrer comme les gens des compaignes qui estoient à Chasteau Gontier avoient couru le païz de Costentin, essaié à prendre la ville de Cherebourg (Compte Navarre I.P., 1367-1371, 357)

Mon seigneur, un tournoy est pris A faire (...) Ainsi conme dit un heraut Qui la hors l'a crié bien hault (Mir. fille roy Hongrie, c.1371, 33)

Et lors vvida chascun la place, fors cilz qui furent commis a garder le champ, et Jossellins. Et lors monta Remondin a cheval moult legierement, et prist la lance. Et, d'autre part, monta Oliviers moult vistement, et prist la lance au fer trenchant. Et lors cria un herault par trois foiz : Laissiez les aler, faictes vostre devoir, faictes vostre devoir. (Arras, c.1392-1393, 62)

Et lors cria un heraut, de par le roy, que nulz ne feust si hardiz qu'il parlast mot, ne ne fist signe nul que nulz des champions peust entendre ne appercevoir, sur peine de la hart. (Arras, c.1392-1393, 62)

En ceste partie dist l'ystoire que en moult noble estat entrerent les deux freres en la ville de Lucembourc, et par devant eulx avoit grant foison trompettes, heraulx et menestriers. Les bourgois avoient fait toutes les rues encourtiner de riches draps tout jusques au chastel. (Arras, c.1392-1393, 165)

Et fu la feste prononchie et criie et segnefiie par hiraus ens ou roiaulme d'Escoce, en Alemagne, en Flandres, en Hainnau, en Braibant et ens es marces d'Aquitainnes. (Froiss., Chron. D., p.1400, 597)

Et de fait par .II. de ses heraux, notables hommes venus par de ça Lencastre et Faucon, roys darmes, me manda moult a certes priant et promettant du bien largement que par de la alasse. (Chr. Piz., Avision T., 1405, 165)

...et fu envoyé ung herault par devers ledit du Chastel pour avoir saufconduit pour les dessus nommez. (Fauq., I, 1417-1420, 264)

...les lettres que on disoit estre envoyéez aus dessusdis prevost des marchans, bourgois et habitans de ladicte Ville de par monseigneur le Dauphin, par Rommarin, son herault ou poursuivant d'armes (Fauq., I, 1417-1420, 269)

...Neufchastel, herault du sire de Neufchastel (Comptes Etat bourg. M.F., t.2, 1418, 129)

Aux heraulx, trompetes et menestrers qui servirent monseigneur le jour de Pasques communiaux derrenierement passees mil IIIIcXIX, la somme de cinquante frans que mondit seigneur leur donna cedit jour pour le servir et pour crier largesse pour la solempnité dudit jour (Comptes Etat bourg. M.F., t.1, 1419, 43)

...je loe et veul que avant vostre partement un mois vous envoiez un roy d'armes ou herault a la court (La Sale, J.S., 1456, 81)

Desquelles nouvelles il ne voulu riens croire jusques à ce qu'il en fut autrement acertené par lesdiz monseigneur Charles et duc de Bretaigne ; laquelle chose lui fut depuis dicte et certifiée par le herault dudit duc de Bretaigne. (Roye, Chron. scand., I, 1460-1483, 211)

Et si fist le roy d'autres dons particuliers à aucuns seigneurs d'autour dudit Edouart et aux heraulx et trompetes de ladicte compaignie, qui en firent grant feste et bruit, en criant à haulte voix : Largesse au très noble et puissant roy de France ! Largesse ! Largesse ! (Roye, Chron. scand., I, 1460-1483, 344)

...maistre Girard de Thon, natif du pays de Haynault, qui estoit ou avoit esté chevaucheur ou herault de monseigneur le duc de Bourgongne (Trés. Reth. L., t.3, 1473, 488)

Et puisque nous avons parlé de l'office d'armes, je deviseray d'iceulx. Le duc a en son hostel six roys d'armes, huict heraulx et quatre poursuyvans, et leur sont leurs cottes d'armes delivrées et renouvellées par l'escuyrie ; mais ilz ne sont pas subjectz à l'escuier, et n'ont à respondre que au duc et à son premier chambellan (La Marche, Mém., IV, Pièces annexées, 1474, 67)

Et à faire ung poursuyvant doit avoir deux heraulx, qui doivent tesmoigner qu'il est personne honneste, qu'il a discretion et renommée de vertu et de verité pour entrer en l'office d'armes, qui jadis furent nommez les voir disans. Le prince luy donne tel nom qu'il luy plaist, et en le nommant, le baptise de vin que les heraulx luy ont apporté en une tasse (La Marche, Mém., IV, Pièces annexées, 1474, 67)

LE ROY. Gentil herault, par toy fault que soit pris Le grant chemin et en voye te mectre Pour t'en aller vers l'empereur de pris, Et luy donras de par moy ceste lectre. (La Vigne, S.M., 1496, 250)

Heraut d'armes

A cest assault se trouva ung nommé gentil garçon, dit maintenant Provence, herault d'armes de chelz le roy (La Vigne, V.N., p.1495, 251)

Audit temps, le duc de Bourgoigne envoya son herault d'armes, nommé Flandres, par devers les manans et habitans de la ville d'Amyens pour le(s) reduire à luy et son obeÿssance, et leur envoya les lettres dont la teneur s'ensuit... (Le Clerc, Interp. Roye, c.1502, 265)

Roi des herauts. Chef des hérauts d'armes.

...Martin Carbonnel, roy des heraus de Monseigneur (Compte Navarre I.P., 1367-1371, 148)

Au figuré. Estre heraut. Faire du bruit.

Merde par la gueule vous sault ; Mieulx restoupez vostre besace Et vostre cul, qui est herault. (Desch., Oeuvres R., t.7, c.1370-1407, 201)