GRAVELLE

substantif féminin

[T-L : gravele ; GD : gravele1 ; GDC : gravelle ; DEAF, G 1345) : grevegravele ; AND : gravele ; DECT : gravele ; FEW (IV, 255) : *grava ; TLF (IX, 453b) : gravelle]

A. -Gravier, sable.

1.Au propre.

Or ont tant alé sus la gravele menue, Que la fontaine fu d'aus .iiij. perceüe (Brun de la Mont. M., c.1350-1400, 28)

...la fontenelle, Qui fu clére c'argent ou fons de la gravelle, Dont l'iave descendoit merveilleusement belle... (Brun de la Mont. M., c.1350-1400, 31)

Biaus doulz sire, Je vous pri que vous veuilliés dire A Toute Belle, en qui commant Sui tous, qu'a li me recommant Autant de fois com ceulz qui sont, Qui ont esté et qui seront (...) ; Com tous les grains qui onques crurent : De grains de sel et de gravelle, De sablon, de pouldre et greelle ; Orge, avaine, soile et froment (Mach., Voir, 1364, 772)

Item un ruisselet et plaisans et gracieux sourt de ceste montaigne que l'yaue rent sur toutes clere et necte et joyeuse a veoir, et la gravelle en est toute de pierres precieuses et fines et de diverses vertus et de toutes manieres, que l'yaue font esmerveillablement resplendir et reluire. (Evr. Conty, Eschez amour. mor. G.-T.R., c.1400, 313)

...et pour ce faint la fable que tousdiz puis celle heure, le fleuve dessusdit ot la gravelle d'or (Evr. Conty, Eschez amour. mor. G.-T.R., c.1400, 457)

...de celle fontaine lee Par plus d'un millier d'uissellés Descendoient biaux ruissellés, Jus de la roche decourans, Sus clere gravelle courans. (Chr. Piz., Chem. estude P., 1402-1403, 36)

...la ou l'eaue clere surdoit par entre deux terres, elle venoit de tel randon en la fontaine qu'elle faisoit la gravelle, dont toute la moindre estoit rubis, saphir ou esmeraude ou autre pierre de vertu de diverses couleurs, entrehurter et fourmiier les unes contre les autres tant fort que l'en auoit le son melodieux. (Percef. IV, R., c.1450 [c.1340], 986)

...Jupiter lui apparut en guise d'un mouton cornu et feri de son pié en la gravelle (La Sale, Sale D., 1451, 235)

Gravelle d'or

Dont le premier flueue si a a nom Phison ou Ganges, cest tout vn, et queurt par my Ynde ou Sinlac ; en la quelle riuiere il a maintes pierres precieuses et moult de grauelle dor. (Mandeville, Voy. L., p.1360, 405)

Gravelle rouge

...mais en aucuns lieux il a grauelle rouge, et pour ce on l'apelle la Mer Rouge. (Mandeville, Voy. L., p.1360, 259)

2.Au figuré.

a)[Avec une idée d'instabilité et de changement]

En celle saule de Saintte Escripture trouveras clarté moult grande, illuminans, et de toutes tenebres contrarians, toy degettans de l'ombre de mort et toy conduisans a vraie lumiere de vie : ceste est vraie foy formans toute lucidité en creatures humainnes - mais que celle foy soit stablie sur ferme pierre sans gravellez de nungs sablons de heresie -, qu'est de tant grans vertus qu'elle fait de choses impossibles a nous choses possibles. (Crap., Cur Deus, De arrha B.H., c.1450-1460, 284)

Fonder en la gravelle

Et dont me perchoit chelui doleur si legierement et tant profondement, se non pour che que j'avoie fondé mon cuer en la gravelle, en aimant che qui devoit morir comme s'il ne se deust pas morir. (Daudin, De la erudition H., c.1360-1380, 272)

Proverbe. [Avec une idée d'effort inutile] Semer en gravelle

Remarque : Cf. T-L IV, col. 577 ; TPMA IX, 442, 'In den Sand säen' : n°100 Fols est qui a essiant, ueult sors grauelle semeir.

b)[Avec l'idée d'un nombre infini] Grains de sable.

Et si poeuls bien mon poeuple esmer A la gravelle de la mer ; Autant de gens a moy venront Que des estoilles au ciel sont. (Renart contref. R.L., t.1, 1328-1342, 125)

...car aussi comme c'est forte chose de nombrer les fueilles des arbres des forests et les plumes toutes des oyseaulx, les gouttes de pluie et la gravelle de la mer, aussi est ce chose impossible de nombrer les pechiez qui de la langue yssent. (Frère Robert, Chastel perill. B., c.1368, 398)

Ilz habonderent de maint hoir, Multiplians sanz nul amer Plus que la gravelle de mer, Vivens du leur en bonne vie, Sanz avarice et sanz envie (Desch., Oeuvres R., t.8, c.1370-1407, 263)

...et ce filz viveroit, et sa lignee il multiplieroit ainsi comme les estoilles du ciel et la gravelle de la mer ou la pouldre de la terre. (Ménagier Paris B.F., c.1392-1394, 61)

Nombrez gravelles Et les estelles La sus au ciel, Herbes et fueilles, Fleurs et abeilles Qui font miel, Tout grain d'ostel, Semence et sel, Les gouttes d'eau, neiges et grelles... (Alecis, Blas. faulses am. P.P., a.1486, 209)

Il scet la gravelle de mer Et goutes de pluye nombrer, Qui toute chose est congnoissant (Alecis, Passe temps P.P., 1480, 285)

B. -Grève.

Dieus de sommeil l'un de ses fils apelle - C'est Morpheüs - si li dist la nouvelle Qu'Yris a dit de par Juno la belle, C'est que li drus D'Alchioyne gist mors sus la gravelle : 'Va li moustrer par tel maniere qu'elle Voie peri Ceys et sa nacelle.' (Mach., F. am., c.1361, 166)

Au tiers jour vint le tricoplier Qui n'osast penser ne cuidier Que nostre gent einsi peüssent Les Turs enchacier, ne dehüssent. Il arriva sus la gravelle, Et on li conta la nouvelle, Dont moult grant joie demena. Tantost au prince le mena Uns chevaliers qui là estoit, Qui sus la greve s'esbatoit. (Mach., P. Alex., p.1369, 170)

Alcione ou milieu de yver post ses oeufs en la gravelle de la mer et les couve par .VII. jours, et par .VII. jours les pourmaine, et li a donné Dieu si grant grace que par ces .XIIII. jours les mariniers ne doubtent quelconque tempeste de mer. (Foul., Policrat. B., I, 1372, 135)

...'li aige et li gravelle A l'un l'autre jeue et revelle'. (Froiss., Joli buiss. F., 1373, 91)

Aussi quant ilz sont au soujour [les chiens] , on les doit mener deux foiz le jour esbatre demie lieue loing sus gravele de riviere, affin qu'ilz aient plus durs piez. (Gast. Phébus, Livre chasse T., 1387-1389, 121)

Sur la nette et argentee gravelle rayoit le cler souleil, par quoy Narcisus povoit veoir la figure de soy moyannens les rayes ferens sur l'eaue. (Premierfait, Cas nobles hommes G., 1409, 168)

C. -Par analogie. MÉDECINE Concrétion rénale, calcul, petits corps présents dans les urines.

...gravelle qui est un rains ['branche, ici, espèce'] De langour mortel, incurable, Quant elle a esté trop durable Et qu'elle est ja trop enfossée Et de trop longtemps enossée Es gens qui ont eage moien. (Desch., Oeuvres R., t.8, c.1370-1407, 289)

Là trouvèrent il le conte Guillaume, qui gisoit si malades de gouttes artetikes et de gravielle, qu'il ne se pooit mouvoir. (Froiss., Chron. L., I, c.1375-1400, 121)

La passion appelle[e] espidimie de la pierre de la gravelle et la taille de la pierre est prinse en figure pour les aides importables du royaume de France, par lesquelles en grant partie le royaume a este destruit. (Mézières, Songe vieil pèl. C., t.1, c.1386-1389, 112)

Item por le pire et por le gravelhe qui fait que li homme ne puit pishiir, R. semence de peirsin machidone (...) et broies tot ensemble, et destrenpreis de blanc vin, et en faite le malade desjuneir toz lez jours et maiement ['surtout'] en baingh, se li aderat mult. (Méd. nam. H., c.1400-1500, 202)

J'ay la pierre, j'ay la gravelle, Je suis enflez et ydropique (Mir. ste Genev. S., c.1410-1420, 151)

...et quant on la cure on a abundance d'orine et plenté de gravelle en la fin du paroxime et en la fin de la lunacion (Gordon, Prat., c.1450-1500, VI, 9)

...se en l'orine sont gravelles, nous coulerons l'orine et ferons secher la gravelle ; se elle est molle et traictable, c'est moult grant esperance de rompre la pierre (Gordon, Prat., c.1450-1500, VI, 12)

...ledit suppliant (...) porta de l'orine d'icelle chamberière à ladicte femme ; laquelle lui dist que icelle chamberière estoit fort chargie de gravelle blanche et avoit la mere du ventre close (Doc. Poitou G., t.11, 1465-1474, 87)

Je croy, dist Agnechon la Pelee, que la gravele viengne plus tost de boire trouble vin ou autre beuvrage trouble et especialement de chevauchier sans selle. (Ev. Quen. I, c.1466-1474, 99)

Octovien Auguste, à qui Dieu donna si grant prosperité que la monarchie du monde fut tout en paix et sans guerre de son temps, et soubz son regne d'Empereur nasquit Nostre Seigneur Jhesucrist, et toutesfois il fut traveillié de gravelle et d'autres dangereuses maladies toute sa vie. (La Marche, Mém., I, c.1470, 179)

...ceulx qui ont la urine grosse et plaine de gravelle pou souvent ont la pierre (Panis, Guidon, 1478, tr.VI, doct.2, chap.7)

...come vin nouveau de Rin fait apparoir en l'orine grande quantité de gravelle et grande multitude d'orine lave et esrache le petit sablon adjoincte au rains et est debouté hors avec elle. (Rég. santé corps C., 1480, 64)

Il guarit de goutte artetique, Chault mal, fievre continuelle, Il guarit de peste et colicque, De langueur, de pierre et gravelle. (Flamang, Vie Pass. st Didier S., 1482, v.9424)

...et me dist plusieurs choses que j'ay veritablement trouvées vrayes, par especial des envies qui se esleveroient contre moy et des procedeures que j'auroye contre ses bigotz sur ma viellesse et aussi que seroie subject à gravelle, dont bien gueriroye (Simon De Phares, Astrol., c.1494-1498, f° 156 v°)

Et puis luy advint une terrible maladie de l'escoriation et de gravelle (Comm., III, 1495-1498, 86)

Avoir gravelle

C'est grant doleur que d'estre en maladie, D'avoir les fievres, froidures ou frissons, Rage de dens et mal d'espidemie, Estre batu souvent de gros bastons, Avoir gravelle et mal de trenchoisons, Si n'est il mal tel, à mon jugement, Com le meschief que d'avoir pou d'argent. (Mach., App., 1377, 646)

...formage mol, selon Rasis, est de froide et moiste nature et réprime la ferveur de cole et engendre char, et n'est pas bon à gens de froide nature ne à ceulx qui ont gravelle ou pierre (La Haye, P. peste, 1426, 201)

Le XXIIIe jour de juing, l'an dessus dit, est venu en la chapelle de ceans, Maturin Sagault parroissien de Souldan ou diocese de Poitiers, lequel a esté malade par l'espace de deux ans, et es mains des midicins qui l'ont abandonné, disans qu'il avoit gravelle et autre maladie incurable (Mir. ste Cath. Fierbois C., 1470-1483, 125)