GERMAIN

adjectif

[T-L : germain ; GDC : germain ; DEAF, G 568) : germain ; AND : germain ; DECT : germain ; FEW (IV, 120b) : germanus ; TLF (IX, 218b) : germain1]

A. -Né d'un même père et d'une même mère (p. oppos. à celui qui est né seulement de l'un ou de l'autre).

Frere germain

...ja ne fineray, s'aray nouvielle oÿe De Flourence la bielle, qui m'a esté ravie Par mon frere germain (Flor. Rome W., c.1330-1400, 239)

Tu scez je t'aime de cuer fin Et c'est de raison, car ton pére Et moy sommes deux germain frére (Mir. march. larr., c.1349, 98)

Vous devez savoir que par grace nous sommes fréres et germains. Pour quoy ? Car nous sommes touz creez d'un pére, c'est assavoir de Dieu, et d'une mére, c'est assavoir de sainte eglise. (Mir. st Val., c.1367, 121)

Li roys qui ja bien le savoit, Son commandement fait avoit Au noble prince d'Entioche, Qui est fors com chastiaus sus roche, En batailles fermes, seürs, Sages, avisiez et meürs, Dous aus gens d'armes et humains, Et s'estoit ses freres germains, Engendrez de pere et de mere. (Mach., P. Alex., p.1369, 138)

La tierce coustume, qui est en Bretaingne, est telle que le filz ou la fille de son frere germain ainsné, si represente la persone de son pere et vient a la succession, exclus lez freres mainsnez. (Songe verg. S., t.1, 1378, 262)

Cuides tu que devant la face de fortune ne me repute peu eureuse, quant (...) je pense que je suis hors des miens en estrange lieu, et meismement .II. freres germains que j'ay sages preudeshommes et de belle vie, que il a convenu que par ce que de ça n'estoient pourvueus que ilz soient alez vivre ou païs de la sus les heritages venus du pere (Chr. Piz., Avision T., 1405, 169)

...combien qu'il se deissent guerroier le duc de Bourgoigne, en poursuiant la mort du feu duc d'Orleans, frere germain du Roy, qu'il avoit fait tuer en ladicte ville de Paris (Baye, II, 1411-1417, 32)

...car il lui touchoit comme à la mort de son propre frère germain. (Monstrelet, Chron. D.-A., t.2, c.1425-1440, 65)

Lors sanc Marc et sanc Marcellient, Qui estoyent freres germains Et servoyent Dieu et les seins, Furent pris (Myst. st Sébast. M., c.1450-1500, 10)

...[ils] se entreaymoient autant ou plus que pourroient faire deux freres germains ensemble (C.n.n., c.1456-1467, 385)

Encheute a enffans de plussieurs mariaige. Jugement (...) que dit coment que, se plussieurs enffans que soient freres et suer, dont li aulcun ne sont mie germain, partent heritaige ensambles que vient de pairt lour peire ou de pairt lour mere, et il avient aprez copt que li ung des enffans germain aille de vie a mort, tout son heritaige eschiet a cez suers ou a ces freres que sont germain (Jug. maître-échev. Metz S.M.S., t.1, a.1494, [1345], 245)

Joachim de Babillone fut en ce temps moult estimé pour la science des estoilles, par especial pour l'experience qu'il avoit ès nativités et revolucions d'icelles et en observoit plusieurs, entre lesquelles, ainsi qu'il recite, en fist deux merveilleuses à deux jeunes hommes, freres germains, l'un nommé Anileus et l'autre Asinius (Simon De Phares, Astrol., c.1494-1498, f° 76 r°)

Soeur germaine

De messire Edouart de Guerles ne demoura nulz enfans, mais sa serour germaine, la femme au duc Guillaume de Jullers, avoit des enfans (Froiss., Chron. M., XIV, c.1375-1400, 153)

...se aucun est mort et le filz du frere germain dudit mort dit la possession des biens demouréz du decés à lui appartenir, et le filz de la suer germaine dudit mort dit la possession aussi à lui appartenir, comme aussi prochain par consanguinité comme le filz du frere, le filz du frere disant que non, car sa mere, suer du mort, fu marié de par pere et de par mere, qu'il en est fors cloux, la possession demoura à chascun par moitié (Cout. bourg. glosé P.M., c.1380-1400, 158)

LE MARQUIS [au sergent] . (...) porte [ma fille] (...) A la contesse de Panice. Diras qu'elle le me nourrice, Qu'elle est ma droite suer germaine, Et que pour m'amour pregne paine De l'enseignier (Gris., 1395, 55)

'...la roine d'Escoce est serour germainne de nostre signeur le roi d'Engleterre.' (Froiss., Chron. D., p.1400, 785)

...icellui comte d'Erminacq avoit eu habitacion charnelle aveuc une sienne soeur germaine (Escouchy, Chron. B., t.2, a.1465, 290)

[Dans un cont. allég.]

...'je suis toute preste d'obeir entierement au commandement et de vous, Doulce Amour, royne souveraine, et de ma suer germaine, la Riche Precieuse, Verite la royne.' (Mézières, Songe vieil pèl. C., t.2, c.1386-1389, 453)

Elle adoncques feist signe a sa compaigne compaign(i)e et seur germaine Sapience qu'elle portast la parole pour exposer ce que entre [el]les, Vertuz, avoyent deliberé et parlamenté ensemble. (Gers., Concept., 1401, 393)

B. -Né du frère ou de la soeur du père ou de la mère.

Cousin(e) germain(e)

Quant il ouÿ la mort conter et desrenier De son cousin germain, n'i ot que couroussier (Renaut Mont. B.N. V., c.1350-1400, 208)

Et se de Fortune te plains, Elle n'a cure de tes plains Ne des annuis dont tu yes plains, Einsois en rit, Ne il n'est corps ne cuers humains, Soit freres ou cousins germains, Qu'elle en feïst ne plus ne mains. (Mach., F. am., c.1361, 229)

...Renaus et Robers li Baveus, Qui sont cousin germain tous deus, Et enfant de monseigneur Guy (Mach., P. Alex., p.1369, 140)

...Henry de Persy, cousin germain au conte de Northombrelande. (Froiss., Chron. M., XIV, c.1375-1400, 112)

Deux crestiens sommes au mains, Et si sommes cousins germains (Mir. st Lor., 1380, 123)

...car la suer de la femme dudit prisonnier a espousé le cousin germain de ma femme et de ses enfans. (Reg. crim. Chât., I, 1389-1392, 536)

Lors respondi, pour tout le lignaige, un moult estous chevalier, qui fu filz du cousin germain de Jossellin (Arras, c.1392-1393, 68)

...freres et cousins germains S'occyoyent (Chr. Piz., M.F., IV, 1400-1403, 8)

...Jehan, duc de Bourgoigne et contes de Flandres, cousin germain du Roy (Baye, I, 1400-1410, 137)

Ogier est moult preudhons, hardis et redoubtés, Vo cousin est germain, a lui garde prendés (Huon Bordeaux B., c.1400-1450, 3)

Ens o chastel avoit ses oncles IIII enffans, Qui la belle Callisse furrent moult honnourans, Car loeur cousine estoit germainë atenans. (Huon Bordeaux B., c.1400-1450, 219)

Il fait bon guaignier le pardom, - Il est nostre cosin germain - Jeham, prenons le plux pour le moings, Car saige serons de l'ansuyvre. (Pass. Semur D.M., c.1420 [1488], 123)

Car Tancred Guiscart, qui filz naturel estoit dudit roy Rogier et cousin germain de ceste dame, lequel s'estoit fait legitimer, s'y opposa. (La Sale, Salade, c.1442-1444, 170)

Cousin remué de germain. Cousin issu de germain.

...combien que ycellui Guillaume feust son cousin remué de germain et ne lui eust fait aucun desplaisir, ne se doubtoit point de lui, le dit chevalier et ses diz varlez, meuz de très mauvaise voulenté, lui coururent sus et lui osterent son espée, et au varlet qui avec lui estoit son badelaire, et lors le dit chevalier le print par le chaperon et lui abati devant le visaige (Doc. Poitou G., t.5, 1377, 57)

...ilh astoit son cusins remueis de germains (JEAN D'OUTREM., Myr. histors B.B., t.2, a.1400, 168)

Maistre Denis Plusdoré, medicin et astrologien, natif de Mehung sur Loire, cousin remué de germain, feu maistre Jehan de Mehung, subtil carculateur et grant astrologien fut en ce temps envoyay en Angleterre (Simon De Phares, Astrol., c.1494-1498, f° 149 v°)

C. -Par extension. Proche parent.

L'EMPEREUR. Vella bien dit. Il n'aura dens sa main Aulcun baston pour sa vie deffendre. Mahon n'est poinct tant mon cousin germain Que je voulsisse pour luy ce dangier prandre. (La Vigne, S.M., 1496, 248)

Emploi substantival. au pluriel. Parents proches.

Chascun scet que celluy Cristus Avoit des disciples foison Et dit on que de sa maison En avoit dix ou douze au mains, Que ses privéz, que ses germains, Et encor a l'aïde d'eulx En avoit bien septante deux Tous en son command, ce suppose. (Gréban, Pass. J., c.1450, 369)

...tous vos affins, consanguins et germains N'ont point les mains de vertu des Romains (Molinet, Faictz Dictz D., 1467-1506, 62)