GARNEMENT

substantif masculin

[T-L : garnement, warnement ; GD : garnement ; DEAF, G 309) : garnirgarnement ; AND : garnement ; FEW (XVII, 531a) : *warnjan]

A. -Équipement.

1.ARMES, ARMURERIE Tout ce qui sert à équiper une personne, un animal, une chose.

a)COSTUME MILITAIRE Équipement (vêtements et armes) d'un soldat.

Li herdis cuer n'est mie tousdis ou garnement, Ensois est ens ou corpz ou Jhesus le consant. (Lion Bourges K.P.F., c.1350, 174)

La neutie aprestait le sien aornement : Chevalx et armure et noble garnement. (Lion Bourges K.P.F., c.1350, 318)

La peüst on veoir maint riche garnement, Maint escu, mainte lance ferree gentement, Maint bacinet aussi ouvré joliement, Pavais, dars et faussars qui trenchent radement (Cuvelier, Chans. Guescl. F., c.1380-1385, 326)

Escu lui fault, espée et lance, Cotte d'acier et gardebras, Hernoys de jambes pour le bas, Solers de fer et une piece Que la poitrine ne despiece, Plates, jaques et gantelès, Braconnieres et bacinès, Hache, dague, camail, visiere, Mais qu'il y ait bonne lamniere, Cotte d'armes pour pairement, Et si lui fault maint garnement, Court et long menteaulx, hopelendes Fourrées de gris, belles, grandes, De menu vair, de roix, d'ermines, Foynes, martres bonnes et fines (Desch., M.M., c.1385-1403, 79)

Et alons premier a ses fuans, se les toulons leurs garnimens et nos armons, et alons faire socours a l'empereur et a ses gens. (JEAN D'OUTREM., Myr. histors G., a.1400, 37)

Mais ly prince, au commencement, Chars coursables faisoient faire, Et mettre ens quanque neccessaire Leur estoit pour leur corps deffendre Et pour les ennemis offendre. Parez de riches paremens Furent les chars, et garnemens Avoient la vestu li roy Et li prince, en moult grant arroy (Chr. Piz., M.F., II, 1400-1403, 179)

Pièce de l'équipement.

Adonc atainst un haubergon D'une belle et plaisant facon Et me dist : 'Pren ce garnement Qui fait fu anciennement Pour bateillier contre la Mort Et contre touz ceus de son ost...' (Guill. Digull., Pèler. vie hum. S., c.1330-1331, 124)

Ce qui sert à monter une épée.

...tant pour ung garnyment d'espée, ung mantelet, pour peignere, que pour des gorgias pour madame et madamoyselle, et pour empoulètes d'uille de naffe (Comptes roi René A., t.2, 1479, 357)

b)Pièce de l'équipement (d'un cheval).

À maistre Pierre, le sellier, la somme de unze frorins dix gros pour la selle et autres garnymens qu'il a faiz au cheval que nous envoyons à nostredit frère (Comptes roi René A., t.3, 1480, 248)

c)Élément de l'équipement (d'un navire).

...les quatre galées de France (...) lesquelles sont mises en vente par excécucion de l'arrest pronuncié à l'encontre dudit Jacques Cuer, avec leur artillerie, yssarce et autres garnimens en aucune d'icelles (Aff. Jacques Coeur M., 1453-1457, 181)

2.Équipement d'une maison, mobilier.

Item plus passé Guillaume Vinon de Saint Estient six linceux, dues détrés, et certaint autre petit garnyment d'ostel, chargié ou port de Belleville pour mener a Lion, paié ii bl. (Journal Bellev. H.D., 1424-1425, 112)

B. -COSTUME

1.Vêtement.

Or y a femme que se farde Et se mire et se regarde Et vist de riche garnement. (Dupin, Mélanc. L., c.1324-1340 [c.1450], 155)

L'autre se reveut deporter En tresbeaux garnemens porter, L'un en dormir, l'autre en veillier (Renart contref. R.L., t.1, 1328-1342, 65)

Il est hui si bonne journée (...). Vestez voz meilleurs garnemens Et vous tenez honnestement (Mir. st J. Cris., c.1344, 257)

Povre es de corps, (...) Vestu d'ort et vil garnement, Qui soloies si richement Vivre et vestir si nobles draps. (Mir. Barl. Josaph., c.1363, 253)

Item, que nuls (...) ne puist lever establye, ne taillier garnement, jusques ad ce qu'il aura esté par lesdits maistres examiné et approuvé souffisant de taillier et lever ouvrouoir, se ce ne sont robes ou garnemens pour seigneurs qui ont leur tailleurs ou garnemens pour enfans (Mét. corp. Paris L., t.3, 1366, 186)

Que nul d'icelluy mestier ne puisse ouvrer au samedy puis chandelles allumées, au dymenche (...) se n'estoit qu'il convinst par necessité eslargir ou extroicir un garnement qui paravant fust fait et parfait (Ordonn. rois Fr. P., t.19, 1366, 488)

Povre valet sont souvent appellés Gentil homme, ce font leur garnement ; Un mal vestu est appellé truant (Desch., Oeuvres Q., t.5, c.1370-1407, 244)

Puis que je me suis despoilliez De touz mes sales garnemens, Et qu'ay pris plus nez vestemens, A la royne vueil aler Et d'une chose a li parler Que je scé puis un mois entier (Mir. ste Bauth., c.1376, 126)

Tenez, ce garnement vous doing: Pour l'amour Dieu soit, et vous pri Que vous le vestez sanz detri Et le portez. (Mir. Pierre Changeur, c.1378, 257)

Ce garnement que j'ay vestu, Le congnois tu point ? (Mir. Pierre Changeur, c.1378, 263)

Usére, or tost isnel le pas En ma chambre en alez bonne erre Les garnemens a homme querre, Telz qu'ilz y sont, rouges ou pers. (Mir. fille roy, c.1379, 49)

Et pour ce qu'il ne vault faire miracle devant Herode ne dire mot - car il n'en estoit pas dignes - en lieu des garnemens royaulx, Herode le fist vestir d'une blanche cote vielle et usue, par maniere de gaberie, et ainsi le renvoia a Pilate, devant lequel il fu fort accuséz des faulz tesmoings. (Mézières, Vertu sacr. mar. W., c.1384-1389, 82)

...et en ce temps fourra plusieurs garnemens à iceulx mariez, pour lesquieulx il acheta à plusieurs marchans de la ville de Paris des fourreures pour lesdiz mariez (Reg. crim. Chât., II, 1389-1392, 359)

Or faictes venir la damoiselle. Et tantost le roy et le duc Oste l'alerent querre et lui firent poser le noir et vestir des plus riches garnemens qu'elle eust, et de ses plus riches joyaulx, esmaulx, fermaulx d'or a riches pierres, ceintures et chappeaux. (Arras, c.1392-1393, 190)

Item, et se aucunes de voz pennes ou fourrures ont esté moulliees et se soient endurcies, faictes deffourrer le garnement et arrouser de vin la penne qui est dure, et soit arrousee a la bouche ainsi comme ung cousturier arrouse d'eaue le pan d'une robe qui veult retraire. (Ménagier Paris B.F., c.1392-1394, 133)

À Lorin Le Peletier, le XXVIIIe jour de may, l'an IIIIxxXVII, pour sa peine et salaire d'avoir fourré, pour mondit Seigneur, dès le XXe jour d'avril, l'an IIIIxxXVI, que mondit Seigneur s'en ala en Hongrie et depuis, 7 hoppelandes ; c'est assavoir quant il parti 5 hoppelandes de drap de soye à devise de gettz et une manche noire, une longe dessus, fourrées de menu vair ; un hainselin de satin noir à boutons d'or esmailliez, fourré de gris ; et depuis, pour lui envoier où il estoit prisonnier, une hoppelande longue de gris, fourré de gris, qui sont 7 garnemens ; pour chascun 1 franc, valent : 7 francs. (Raponde, Comptes La Trémoille L.T., 1396-1406, 79)

Si ot vestu un garnement Riche et cointe, qui lui trayne De toutes pars (Chr. Piz., M.F., II, 1400-1403, 267)

En particulier. Chaque vêtement composant la robe (DEAF G, 315).

Mais quant je voy les brayes avaler, Et rebrasser robes et garnemens, Et ses coulles sur ces fesses baler, Jambes lever, esrailler fondement, Sans sermonner ne faire parlement Mais fraper ens comme preus et hardis, c'est bon estat, j'en prise bien la galle. (Recueil galant. V.-B., c.1350-1400, 79)

...un blanc court de Broixelles, à faire pour le corps dudit seigneur, 2 seurcos fourrés de menuvair, une doubleure à mantel, et autres garnemens pour nos joines seigneurs (Comptes argent. rois Fr. D.-A., I, 1352, 83)

...un marbré verdelet lonc, de Broixelles, à faire audit seigneur une robe de 4 garnemens, fourrée de menuvair, pour la veille des Grans Pasques (Comptes argent. rois Fr. D.-A., I, 1352, 83)

Une robe d'escarlate vermeille de six garnemens, c'est assavoir les cinq garnemens fourrez d'armines et la cote sengle. (Invent. mobilier Ch. V, L., 1379, 355)

...pour la façon de la robe du Roy, qui est de 6 garnemens, housse, seurcot clos, seurcot ouvert, coste simple, garnache et mantel à parer, avecques trois chapperons, l'un double, l'autre pour fourrer de menuvair, et l'autre sangle (Comptes argent. rois Fr. D.-A., II, 1387, 285)

...pour la façon d'une robe de 5 garnemens de drap pers de Broixelles, que ladicte Dame ot le jour de Noël. C'est assavoir la chappe, seurcot ouvert, seurcot clos, mantel à parer, et coste simple. (Comptes argent. rois Fr. D.-A., II, 1387, 296)

...pour la façon d'avoir fourré d'ermines une robe d'escarlate vermeille de 5 garnemens. C'est assavoir, housse, elles et ellettes, seurcot clos, seurcot ouvert, garnache, mantel à parer, manches de petite coste et chapperon, pour ledit seigneur, qu'il ot le jour de Grans Pasques. (Comptes argent. rois Fr. D.-A., II, 1387, 305)

...une robe royale de trois garnemens (Chart. J., Chron. Ch. VII, V., t.3, Fragm. hist., 1405, 262)

Item, que si aucun taillandier de robbes ou d'autres garnimens, en ladicte ville ou faulxbourgs, mestaille aucune robbe ou garniment, pour mal ordonner le drap ou par l'ingnorance de sa taille, il repparrera le dommaige à celluy à qui appartiendra ladicte robe ou garniment, et en paiera deux solz six deniers d'amende à ladicte ville et deux solz six deniers à ladicte confrairie, et deux solz six deniers ausdiz maistres jurez pour leur visitacion (Doc. Poitou G., t.10, 1462, 339)

2.Par métaphore. [De la Nature au printemps] Habit, ornement.

Car si cointement s'aparelle Et de garnemens si nouviaus Que toute joie et tous reviaus Sont en coer, qui bien y prent garde (Froiss., Pris. am. F., 1372-1373, 114)

Ce fut en ce printemps de esté, Que le temps de yver eut esté Et venue la saison nouvelle, Que toute chose renouvelle ; Que les fleurs sont en arbres vers, De fruitz porter font leurs devoirs Et que la terre est fiere et gobe. Si se vest de nouvelle robe, De nouveaulz vers aornemens Fait elle lors ses garnemens. (Courcy, Chem. vaill. D., 1424-1426, 2)

C. -Ornement, parure, objet précieux.

En celi tamps, un jour ja vi Q'un soir je m'estoie couciés (...) En une cambre belle et cointe, Vestie de biaus paremens Et de moult rices garnemens (Froiss., Pris. am. F., 1372-1373, 115)

Par dessus ces cas recitez, se tu voulloyes mescongnoistre les tempestes espoventables, les clameurs du peuple fuyant, et les sanglantees boucheries dez hommes mors a tas, et comme on transportoit les riches garnemens dez maisons ardans, en divers temps que lez Gotz, lez Wandres, lez Huns et les Danoys entrerent pieça en France, tu en auras la preuve par eglises lors destruitez, dilapidees et arses, et par la translation dez corps saintz et dignez reliquiaires de pays en aultre, dont lez aucuns ne furent puis reportés. (Chart., L. Esp., c.1429-1430, 144)

En particulier. Pièce confectionnée destinée au service religieux (vêtements sacerdotaux et parements de l'autel).

...8 fins draps d'or de Lusques tenans sur l'ardant, baillés à Pierre Marie, chasublier, pour faire une chapelle de 6 garnemens : c'est assavoir chasuble, tunicle, damaticle et 3 chapes, 2 draps pour autel, 3 paires de paremens à aubes et 3 fanons (Comptes argent. rois Fr. D.-A., I, 1352, 295)

...une autre chappelle blanche, de quoy les tables sont de samit brodées à ymages, et aux deux boutz les armes de France, et sont les garnemens de camocatz blanc, brodez à rondeaulx, et dedens les rondeaulx a papegaux d'or ; et sont les orfroiz brodez à aigles d'or, à compas de perles et à fleurs de liz, garnye comme dessus, sans nappe parée. Et fut achetée de l'exécucion de l'arcevesque de Reims. (Invent. mobilier Ch. V, L., 1379-1391, 138)

...une chappe et les deux tunicques avec le garnement du grant autel (La Sale, J.S. E., 1456, 366)