GALE

substantif féminin

[T-L : gale1 ; GD : gale1 ; DEAF, G 85) : galergale ; AND : Ø ; FEW (XVII, 473b) : wala]

I. -Réjouissance ; plaisanterie.

A. -Réjouissance, amusement.

Enquel lieu il sont arrivés tout a point a heure de prinsomme, la ou lez tenebres de la nuit commencierent a cloirre, et d'ilecquez s'en sont alé a Collace a l'oustel Collatin, ou il troverent Lucrece, sa fame, non pas en l'estal ou il avoient trouvé lez autres brus royalz, lesquelez il avoient trouveez soy esbatanz et passans le tempz avecquez leur compeingnez en convis et en gales, eincez la trouverent, tarde nuit, occupee en lainfice, seant enmi la meson entre les chamberieres qui veilloient a la besoingne. (Bers., I, 1, c.1354-1359, 57.9, 95)

S'uns aultre le disoit, (...) Jou de my n'en feroie for que galez et ris, Ne je ne l'en creroie pour riens (Hugues Capet L., c.1358, 129)

N'avés vous en Escoce esté Et la demi an arresté ? En Engleterre et en Norgalles, Ou bien avés eü vos gales ? (Froiss., Dits Débats F., 1363-1393, 181)

...ensi qu'on ramentoit galles Et aventures qui sourviennent (Froiss., Joli buiss. F., 1373, 93)

Touz les compaignons de la galle Retournerent en Acquitaine (Héraut Chandos, Vie Prince Noir T., c.1385, 103)

La bonne gale est quant d'aucuns folz non lectrez s'i boutent qui miex cuident entendre et exposer les textes des aucteurs que les plus savens, et les lisent et ymaginent dessus. (Chr. Piz., Avision R.D., 1405, 83)

...soubz umbre de certains jeulx, gales ou esbatemens qu'ilz font voulentiers le jour de la dicte feste saint Nicolas, qui est d'aler d'ostel en hostel en la dicte ville, pour demander ou avoir ce que les bonnes gens leur vouldront donner, comme eufs, lart, fromaiges et autres choses (Doc. Poitou G., t.7, 1414, 262)

Sa mesure rest prodigale ; Sa prodigalité, souffrete ; Chanson miserable, sa gale, Et sa façon, chose contraicte. (Robinet, Compl. François H., p.1420, 145)

HERESIE. Comme chascune se complaint ! Je ne vy oncques telle galle ! Mal seroie venue a Basle S'il advient ainsy c'om pourpense. (Concil Basle B., 1434, 98)

Pigneresses menans grans galles, Ayans es mains cloches et galles, Par ces rues, comme clicquettes, Iront sonans leurs esquallettes, Et puis donront a leur curé Bien a boire au hanap doré. (Molinet, Faictz Dictz D., 1467-1506, 542)

Puis quant la bourgoise est en galles, Une caterve, une brigade Vient jouer, aux sons des cimbales, Au glic ou a la condamnade. (Coquill., Oeuvres F., 1478-p.1494, 169)

En particulier. Plaisir amoureux.

Grace et ses trois filles, Heugale, Heuprosigne et Heupasitee, Firent mainte amoureuse gale Qui tart vous seroit racomptee. (Martin Le Franc, Champion dames I-II, P., 1440-1442, 21)

A vous parle, compains de galle, Mal des ames et bien du corps : Gardez vous tous de ce mau halle Qui noircist les gens quant sont mors ; Eschevez le, c'est ung mal mors. Passez vous au mieulx que pourrez, Et, pour Dieu, soiez tous recors : Une foyz viendra que mourrez. (Villon, Test. R.H., 1461-1462, 132)

[Jeu avec galle ?] Maladie de gale. Violent désir de (ré)jouissance' (Éd.).

J'ey veu qui n'estoyt c'une mulle Et une seulle damoyselle En ceste ville, layde ou belle ; Maintenant on en voidt un cent. Je ne say pas que cela sent, Sinon que tous nobles deviennent. Et sy plus d'aultres en surviennent, Adieu vous dy la marchandise ! J'ey veu qu'on ne parloyt de frise, De vasquines ne vertugales ; Mais la maladye de galles [le -s est peut-être pour la rime] En a trouvé l'invention (Mère Ofic. T., c.1500, 111)

Aller en gale

L'autre dit : 'Ma femme est si male, Que je ne puis aler en gale, En esbatement n'en deduit' (Desch., M.M., c.1385-1403, 29)

Faire grant gale. Faire la gale. Faire ses gales

Si li fu recordé comment li routier de Gand avoient esté à Malle et abatu l'ostel ou despit de lui, et le cambre où il fu nés arse (...) et la cuvelette ossi où on l'avoit d'enffanche bagniet (...) toute deschirée et aportée à Bruges, et là fait leurs galles et leurs ris. (Froiss., Chron. R., X, c.1375-1400, 250)

Et fist faire les gales et les veilles, Les jeux, les ris et les autres merveilles Dont joye sourt. (Chart., D. Fort., 1412-1413, 178)

Quant nous fusmes tous en la salle, Qu'est il de faire ? De dancer - Et Dieu scet se on faict la galle A mener dancer ses bourgeoises ! (Coquill., Oeuvres F., 1478-p.1494, 308)

Octavo, quant l'en veult congnoistre De mort et paine capitalle, Les deesses y doivent estre ; Mais plusieurs lors faisoient grant galle Et se pourmenoient en la salle Quant ce cas fut deliberé. Par quoy la sentence finalle Si estoit nulle ipso jure. (Erreurs jug. belle dame P., a.1500, 183)

Mener la gale. Mener grande/joyeuse gale. Se livrer aux réjouissances, au plaisir.

Ne de trouver ces pelerinages hors ville pour aler quelque part jouer, ou mener la gale en quelque compaignie joyeuse n'est fors pechié (Chr. Piz., Trois vertus W.H., c.1405, 182)

Et ne menoit ris ne feste ne gale, Mais bien sembloit sa douleur dure et male Car chascun jour tournoioit par la sale, Pensant toudis (Chart., D. Fort., 1412-1413, 178)

Ill [le roi] est lassus en sa grant salle Ou il mene la bonne galle En actendent qu'aillez a luy. (Pac. Job M., c.1448-1478, 256)

RENOMMEE. Tout ce qui reluit n'est pas or. Sept vingt ans y a, s'[a] peu non, Que n'y menay joyeuses galles, Et lors je tins en grand renom Edouard, le tiers de ce nom Et son fils, le prince de Galles (Molinet, Faictz Dictz D., 1467-1506, 196)

...tous les soirs le fit souper en banquet avecques luy et mener grant gale (Chastell., Chron. K., t.3, c.1456-1471, 25)

Parfaire la gale. Aller jusqu'au bout du plaisir (?).

Mais ilz dient que par soulas Ainsy boivent ; ou soient las Ou non de boire, il leur faut faire L'usage et la gale perfaire [variante du vers 5174 des mss EFU] , Car n'y a pas de joye tant Ou lieu, ou l'en ne boit d'autant. (Chr. Piz., M.F., II, 1400-1403, 32)

B. -Plaisanterie.

J'ay veu porter souffrances A Werwic qui cuidoit Tourner Anglois soubz France Et France soubz son doit ; Payé fut de ses galles, Car il passa par la Et le prince de Galles Oncques puis ne parla. (Molinet, Faictz Dictz D., 1467-1506, 301)

Dire gales. Dire une gale. Faire des plaisanterie.

C'est uns chevaliers de Norgales, Qui saroit trop mieus dire gales, Que porter espée ne lance. (Froiss., Méliad. L., t.2, 1373-1388, 311)

Et là dit le duc de Bourbon pluiseurs oizeuzes parolles et galles, pour faire rire les rois et les seigneurs qui devant la table estoient (Froiss., Chron. [Livre IV] V., c.1400, 603)

Jhesus, dy nous cy une galle En attendant le point du jour. (Marcadé, Myst. Pass. Arras R., a.1440, 139)

Tenir à gales

Et ne tenés mies a gales Les parolles que je vous baille, Car cilz preus chevaliers sans faille Nul autre chevalier ne doubte. (Froiss., Méliad. L., t.2, 1373-1388, 253)

C. -Bonne humeur, joie.

Melyador, qui en ses gales Estoit la grignour part dou jour, S'en chevauce sanz nul sejour. (Froiss., Méliad. L., t.2, 1373-1388, 16)

Jamais je ne cuidaisse en mi Qu'en ce divers paÿs de Galles, On y euist solas ne galles, Ne sentemens de cançons faire (Froiss., Méliad. L., t.2, 1373-1388, 24)

II. -[À partir de l'idée d'exubérance ?] Jet d'arbre, rejeton d'un arbre coupé (?)' (Éd.: 'C'est peut-être le mot galo' cf. Mistral II, 14).

TERRE. Ton ouvraige est fait ! L'OMME. Le voir il me plet : Vessi bonne gale, Je le veulx avoir ! (Oliou, Mess. Arg. A., c.1470, 493)