FURIEUX

adjectif et substantif masculin

[T-L : furïos ; GDC : furieux ; FEW (III, 901b) : furiosus ; TLF (VIII, 1338a) : furieux]

A. -Adjectif. Qui présente les caractères de la folie furieuse, qui est atteint de folie furieuse.

Et ne prent pas Aristote fureur pour une maladie de laquelle un homme est dit furieus et hors du sens (Oresme, E.A.C., c.1370, 214)

...icelle feue Jehannecte (...) comme furieuse, tant par trop boire dont elle se sentoit delegier, et par souspeçon de jalousie (...) fut trouvée morte pendue (Paris domin. angl. L., 1420-1435, 208)

Nul qui soit hors de son scens ou furieux ou lunactique, si il meurt en telles maladies ou semblables ne doit estre deboucté du service de l'Eglise (Cout. instit. Anjou Maine B.-B., t.2, 1437, 517)

Furieux ne peut faire testament, s'il ne le faisoit avant qu'il fust furieux, ou après ce qu'il seroit hors de sa furosité (Cout. instit. Anjou Maine B.-B., t.2, 1437, 294)

Se c'est de cole on l'appelle proprement manie et sautent et sont furieux et ainsi que loups et ont regart terrible, aulcuns l'appellent demone lupine (Gordon, Prat., c.1450-1500, II, 18)

Qui dénote la folie.

...et tant que je ne suis mie cheuz, moyennant vostre grace en telle obstinacion furieuse que vous juge estre mauvaiz ou envieux, comme font les dampnez. (Gers., Trin., 1402, 165)

Substantif masculin. Personne atteinte de folie furieuse.

Et aprés ce char alloient les prestres de celle grant mere et les menistres touz armés, lesquiex se chastroient euls mesmes ou estoient chastrez, lesquiex estoi[en]t appellés galles et coribans, desquelz nous avons fait mencion cy dessus ou quart chapitre du .ii.e livre. Et ces galles coribans en maniere de furieux et de hors du sens degettoient leurs membres et se demenoient tres laidement et frappoient les cimbales d'arain ensemble et grans fers de charue (Raoul De Presles, Cité de Dieu, 1371-1375, ms. Paris, B.N., fr. 22912, VII.24, glose, f° 332)

Furieux ne peut faire testament, s'il ne le faisoit avant qu'il fust furieux, ou après ce qu'il seroit hors de sa furosité (Cout. instit. Anjou Maine B.-B., t.2, 1437, 294)

Il adouchoit lez furieux, humilioit lez orgueilleux, appaisoit lez discordez et brief faisoit tant que par sez meritez il estoit amé et loé dez hommez et amé de Dieu (Comte Artois S., c.1453-1467, 2)

Il n'est engendrement qu'en boing (...) Ne santé que d'homme bouffy Ne hault vouloir que couardye Ne conseil que de furïeulx Ne doulceur qu'en femme estourdye Ne bien conseillé qu'amoureux. (Villon, Poèmes variés R.H., c.1456-1463, 56)

B. -Violent, plein d'ardeur violente, irascible.

...le josne homme furieux ou boulant... (Daudin, De la erudition H., c.1360-1380, 280)

...lequel Meslon qui estoit vindicatif et furieus, qui ne vouloit en riens estre corrigé par les dessus nommez, mais estoit très fort courroussié et esmeu dont on le corrigeoit ou vouloit corriger, adressa ses parolles à ung nommé Regnart (Doc. Poitou G., t.10, 1456-1464, 425)

Liégeois après, peuple très-furieux, Drus et puissans, orgueilleux et doutables, En armes durs, aux champs laborieux, Pour embarber un haut roy glorieux Par luy donner encontres redoutables, Soubs le pouvoir de tes bras non portables Tu les fis cheoir vaincus, humiliés, Par ton jadis haut père ainsy ployés. (Chastell., Ép. Phil. Bourg. K., 1456, 156)

Quant une femme a son cocq lent et niche, elle par force lui doibt faire mengier des aulz, dont ilz deviennent hardis, furieuz et fort combatans (Ev. Quen. II, c.1466-1474, 140)

Mort enragée et plaine d'yre, Mort furieuse, mort despite, Mort tempestative et subite, Reçoy les poisons poecené(e)s Yssue(e)s de la gueulle et des né(e)s Du chien infernal Cerberus. (Cene dieux, c.1492, 128)

Qui est marqué par la violence, par une ardeur violente, par la colère.

L'onneur et la grace de Dieu en ce appare[u]t que par son moyen, par le moyen de luy seul, homme, il [saint Paul] voult convertir tant soudainement et merveilleusement le monde a sa foy et a sa loy contre toute la furieuse puissance des tirans (Gers., P. Paul, a.1394, 494)

...furieuses rages Demoniacles (Chr. Piz., M.F., II, 1400-1403, 117)

Non pas les juenes hommes soient appelléz es consaulx des princes, car, dist il, comme leur entendement ne puist encores estre perfect pour le juene aage qui trop pou leur a donné espace de moult aprendre et veoir parquoy aient grant experience pour bien congnoistre le mieulx du pis, et avec ce soit leur nature communement de chaude cole, furieuse, de grant voulenté, tost meue à pou d'achoison, tost deliberant sans consideracion, entreprenant sans circonspection à voulenté et non regart de raison (Chr. Piz., Paix W., 1412-1413, 73)

IMPERATOR. Ce sont gens de grant ferité ; Mais je prometz a tous noz dieux Que leur couraige furieulx Sera rabaissé bien briefmant (Myst. st Adr. P., c.1450-1485, 32)

Adont le dit hoste (...) se efforça de appaisir le furieux desir et le crueuse voullenté des diz quatre loudiers. Et leur dist, de meure et deliberee parolle : 'Quelle fourcenerie vous esmeut maintenant ? Regardez bien quelle chose vous voullez faire et comment vous parlez...' (Rasse Brunh., Flor. Elvide B.N. C., a.1456, 10)

O sentence pleine de rage, Munie de furieux oultraige, Garnye de venimeux langaige, Portant en paincture l'ymage De la mort... (Cene dieux, c.1492, 124)

Lors les ditz ennemis, voyant que leur secours ne venoit point et qu'on recommençoit la baterie pire que jamais contre leur dicte place par assault hardi et furieux, furent contraints de tout habandonner et se rendirent a la personne du roy mesmes (La Vigne, V.N., p.1495, 253)

C. -[D'une chose] En état d'agitation violente.

Il esconvient evacuer par medecine laxative la matiere digeree, et non mouvoir la matiere crue, especialment ou commencement, se ainsi n'estoit que la matiere feust furieuse. (Saint-gille, A.Y., 1362-1365, 57)