FRUCTIFIER

verbe

[T-L : fructifiier ; GD : fructefier ; GDC : fructifier ; AND : frutefier1 ; FEW (III, 823a) : fructificare ; TLF (VIII, 1306a) : fructifier]

I. -Emploi intransitif.

A. -Au propre. Produire des fruits.

...le bled fructifie plus fort en grasse terre qu'en maigre (Daudin, De la erudition H., c.1360-1380, 368)

...car ilz espérent que de celle nue ilz doient avoir pluie, qui leurs terres doit arrouser et faire fructiffier (Mir. st Ign., 1366, 71)

...Au vray Dieu (...) Qui les blez fait multiplier, Et les vignes fructiffier (Mir. st Ign., 1366, 96)

...rien ne croist ne ne fructefie ou le ray du soleil ne puet attaindre. (Corbechon, Soleil Lune S., 1372, 348)

Derechief les arbres sont differans en maniere de fructifier selon Aristote, aucuns portent leurs fruit sus les feuilles (Corbechon, éd. G. Sodigné-Costes, 1372. In : Bien dire et bien aprandre 11, 1993, 392)

De sa vertu du soleil ne fault il point doubter, qu'elle est si grande qu'elle est a tous magnifeste et sensible, si comme on peut veoir evidanment en la mutacion des .IIIJ. temps qu'il fait et des jours et des nuys de diverses manieres et mesmes en la generacion des bestes et des plantes et en moult d'autres choses. Briefment, sa vertu est sur toutes generative et fructificative en tant que riens ne peut fructifier ne croistre, selon le philosophe, se sa vertu et ses rays ne l'attaindent. (Evr. Conty, Harm. sphères H.P.-H., c.1400, 16)

...de laquelle vertu parle Cassiodore, qui dit que charité est comme la pluie, qui chiet en printemps, qui toute plante fait fructifier (Chr. Piz., Faits meurs Ch. V, S., I, 1404, 89-90)

Aucune fois [les miracles] se font en plantes ou arbres, qui ont vertu de croistre ou de fructefier, comme la verge de Aaron, qui flourit. (Somme abr., c.1477-1481, 163)

Et [Dieu] qui a fait fructiffïer La terre et ediffïer Ton corps et creature humaine (Oudin, St Genis M.S., c.1490, 55)

[Dans un cont. métaph.]

Ainssi les enfans par le sage vigneron, c'est Dieu commandant ou disposant, sont trenchiés par le sarcet de discipline, et de che ilz pleurent, mais ce fait affin que ilz fructifient plus habondanment, comme ou lieu dessus allegié est dit de Nostre Seigneur : «Tout rainseau non portant fruit en moy sera purgié, affin qu'il apporte fruit plus largement». (Daudin, De la erudition H., c.1360-1380, 210)

Nagaires je m'esbanoyoye par le plaisant et fructifiant jardin de la sainte Escripture (Gers., Concept., 1401, 388)

B. -Par analogie. [De pers., d'animaux] Se multiplier.

Puis vis que de cel iaue ung poisson descendoit Qui tant fructefia que cescuns en vivoit (Chev. cygne R., c.1356, 106)

Trop ne se poet Calcas esmervillier De ce qu'il voit la generation Au roy Bructus ensi fructefiier Et raemplir les sieges d'Albion De la lignie au fort roi Pharamon. (Froiss., Ball. B., c.1362-1377, 39)

...comme le dit Pierre ait nagueres mariée une sienne fille appellée Jehanne à André Partenay, soubz esperance qui s'entramassent et fructifiassent ensemble comme bonnes genz, selon que ordre de mariage requiert (Doc. Poitou G., t.5, 1381, 167)

L'homme a fructiffiet sur terre Et tant d'hoirs en sont descendus Que ce seroit doleur amere S'a tousjours estoient perdus. (Marcadé, Myst. Pass. Arras R., a.1440, 2)

Adam, a par luy, ne povoit Humainement fructiffier, Et toutes fois il convenoit Lignage humain multiplier. A l'impotence supplier Femme larges rains aporta. (Martin Le Franc, Champion dames I-II, P., 1440-1442, 149)

[D'une collectivité] Estre fructifié. Voir sa population augmenter.

[Des mesures sont proposées] ...affin que le villaige dudit Grignon en puisse estre mieulx peuplé et fructifié. (Chartes communes Bourg. G., t.2, 1491, 640)

Fructifier d'enfants

...lyqueis sires Henrottes fructefiiat mervelheuzement d'enfans (Hemricourt, Miroir Hesb. B.B., 1353-1398, 411)

C. -Au figuré. [D'une pers. ou d'une chose] Prospérer, se développer.

Si lairons de Butor et de sa compaignie, Si dirons de son filz ou biauté frutefie (Brun de la Mont. M., c.1350-1400, 94)

Dieus devez graciier Qui vous a donné forche et hardement si fier, Et biauté dont en bien porez fructifiier (Hugues Capet L., c.1358, 56)

...Si que, fieux, je vous vueil reprendre Et, en vous reprenant, aprendre Que c'est si mauvaise racine De vivre en pechié de hayne, Que bien jamais ne fructifie... (Mach., P. Alex., p.1369, 237)

Se uns homs occïoyt son seigneur En ceste heure, il seroit greigneur Et plus puissans et trop plus grans Que nul de ses appartenans. En tous lieux fructiffïeroit Tant que de tous amez seroit Et plus grans que tous ses voisins (Coudrette, Mélus. R., c.1401-1402, 119)

...sans propres vertus et mérites dont il estoit plein, il pouvoit prospérer et fructifier en la très-charitable et soingneuse déprécation de ses sujets qui journellement y labouroient et veilloient (Chastell., Chron. K., t.2, c.1456-1471, 143)

Et tellement entretindrent la ville en paix et tout le païs d'environ selon le conseil et bonne ordonnance du Cappitaine, comme dessus a esté recité, que, en bien pou de temps, le pueple multiplia et fructiffierent les marchandises (Bueil, I, 1461-1466, 111)

Mes le doulx cuer, s'est bonne terre Laboree par devocïon, Arosee par contrictïon ; Le doulx cuer en m'oyant fructiffie, Et de ses pechés mercy crie. A cely mon pere pardonne Et d'abondant grace luy donne. [Réf. à la parabole du semeur (Luc 8, 15)] (Pass. Auv., 1477, 137)

Celuy hault Dieu qui les bons gloriffie Soit gracié de vostre bon vouloir ! En ce faisant, vostre ame fructiffie Et vostre corps se fait trop mieulx valoir. (La Vigne, S.M., 1496, 358)

Participe présent en emploi adjectival. Fructueux, de bon rapport.

Tu dis que nostre art [la chasse] est trop laborieux et trop somptueux, et pourtant dis je qu'il est fructifiant, car maintenant on ne peut parvenir a grans biens, si ce n'est par labeur. (Rob. Herl., Déb. fauc. lévr. H., c.1470-1500, 38)

RELIGION [À propos de la Vierge]

...vostre biauté virgine (...) Qui resplendist et fructiffie En lumiére (Mir. parr., 1356, 39)

Fructifier à qqn/à qqc. Profiter à qqn ou à qqc..

Encore dy je que peu doit priser sa naissance et mains desirer la continuation de sa vie qui passe ses jours, ainsi que fait homme nez pour soy seulement, sans fructifier a la commune utilité, et comme cellui qui estaint sa memoire avecques sa vie. (Chart., Q. inv., 1422, 11)

...Dieu mercy, j'ay achevé Ceste simple translation à ma povre discrétion, Laquele peut fructifier, Qui la vouldra estudier, Encore à ceulx qui sont à naistre (La Haye, P. peste, 1426, 162)

II. -Emploi transitif.

A. -Produire (des fruits).

...estoient les terres dures et seiches et arses du soleil, et ce qui en yssoit ne fructifioit riens, car la grant challeur du temps de l'air l'avoit tantost bruit. (Froiss., Chron. M., XIV, c.1375-1400, 84)

B. -Par analogie. Produire.

Ego quasi vitis fructificavi suavitatem odoris, etc. (...). Ces paroles proposées en latin veulent ainsi dire en françois : J'ay conme la vigne fruttifié soueveté d'odeur. (Mir. st Panth., 1364, 307)

C. -Au figuré. Faire prospérer.

Se ment dame ai servy de l'amoureus mestier, Et nature ait vollu l'euvre fructifiier Tant [que] engenré fussent par my chil escuiier, J'en voroie de cuer Jhesu Crist graciier (Hugues Capet L., c.1358, 123)