FOREST

substantif féminin

[T-L : forest ; GD : forest ; GDC : forest ; AND : forest ; DECT : forest ; FEW (III, 708b) : forestis ; TLF (VIII, 1076a) : forêt]

A. -Vaste étendue couverte d'arbres, forêt.

...Loing de cy et en lieu secré Conme en forest et lieu desert (Mir. Berthe, c.1373, 179)

Ainçois con plus fais de voiage, Plus truis ceste forest sauvage Et deserte sanz nulle adresse. (Mir. Berthe, c.1373, 187)

Si la menérent ou desert De la forest c'on dit du Maine. (Mir. Berthe, c.1373, 228)

...et ycelle robe tira jus de ladite perche, et l'emporta mucer en un arbre de chesne estant en la forest au plus prez de ladite eglise (Reg. crim. Chât., I, 1389-1392, 7)

...lui et un compaignon nommé Jehannin Oudin (...), avoient gardez plusieurs pourceaux ès forez d'environ la ville d'Orliens, Estamptes ou païs d'environ (Reg. crim. Chât., I, 1389-1392, 292)

...un buisson lez la forest de Dourdam (Reg. crim. Chât., I, 1389-1392, 442)

Lors vindrent en la forest, et commenca la chace. Ly pors fu fiers et orguilleux, et devoura pluseurs levriers et alans, et prinst son cours par la forest qui estoit haulte et droicte, et commenca grant la huee. (Arras, c.1392-1393, 18)

Et [Remondin] monta a cheval, et s'en va grant aleure au travers de la forest, ne scet quelle part. (Arras, c.1392-1393, 23)

Et leur habandonne la pescherie en la mer qui est prez de ceste place, a ung quart de lieue, et tendre en la forest aux oysiaux et a toute sauvagine, pour leur despense. (Arras, c.1392-1393, 75)

...IIJc arpens de bois chauffage, à coper et abatre es forests du Roy de Bondis, Laye, Senart et Pommeroie, et autres plus prochaines forests de Paris (Fauq., I, 1417-1420, 204)

L'ost des Rommains devoient passer par la forest de Latine, pour aller sur les Boyans. (La Sale, Salade, c.1442-1444, 51)

Cestui fut envoyé devers Baudoyn, forestier et garde des forestz le Roy, lequel avoit ravi Judit, fille dudit empereur Charles le Chauf, laquelle depuis il espousa et fut ratiffié le mariage par ledit empereur et fut donnée ousdits mariez la terre de Flandre et en fut faict conte et n'estoit lors le païs de Flandres habité et n'estoit que bois, desers et forestz. (Simon De Phares, Astrol., c.1494-1498, f° 108 r°)

Pres de ces villes a une grant forest, Advironnee de fertilz labouraiges, Qui de bien loing evidamment parest Pour la haulteur des fueilles et branchaiges (La Vigne, V.N., p.1495, 229)

Et fut dit que à l'occasion que les nouvelles luy en viendrent en la forest de Loches, il en fist abatre grant partie ; et estoit sa coustume telle que, quant aucunes mauvaisses nouvelles luy venoient dedans aucuns abitz ou sur quelque cheval, jamais après ce ne vouloit vestir lesditz abitz ne monter sur ledit cheval. (Le Clerc, Interp. Roye, c.1502, 332)

Haute forest. Forêt de grands arbres, futaie.

Un cerf par devant nous trouvames, Si le suimes ci de près Tout parmy la haulte forest (Mir. femme roy Port., c.1342, 171)

Coustume est en Bourgoingne que chaisnes coppéz en haultes forests, qui porte glain, l'amende est de LXV solz ; et se le chaisne est en revenue qu'il ne porte pas, et l'en le cope, l'amende est de VII solz. (Cout. bourg. glosé P.M., c.1380-1400, 232)

Et adonc laisse il le fort boys et vient fuyr es fustoyes ou hautes forestz, quar les fustoyes et hautes forestz, ce sont hauz arbres mes dessoubz est cler pays, si ne li grieve pas tant a y fouir comme il fet par mi le fort boys et espés, quar il fuyt touz jours a l'ombre, et au fort boys il ne le fet pas. (Gast. Phébus, Livre chasse T., 1387-1389, 202)

Et estoit la fontaine en un fier et merveilleux desrubaux, et avoit grans rochiers au dessus et belle praierie au long de la valee, oultre la haulte forest. (Arras, c.1392-1393, 23)

Item, toutes les bestes qui vont en pasturage en la haulte forest doivent chacune trois deniers, excepté les frans, à païer au dit jour de la feste saint Jehan, hors deffens. (Hector De Chartres, Cout. R., 1398-1408, 59)

...pour les prendre [IIJc arpens de bois chauffage] es lieux plus prouffitables et mains dommagables, hors les haultes forests (Fauq., I, 1417-1420, 204)

Forest coutumiere. Forêt (à l'exclusion des bois en défens) dans laquelle les coutumiers jouissent de certains droits.

...ilz pevent prendre et abattre le boiz vert en forest coustumiere par amende sans perdre le ferement, mes qu'ils le puissent abattre par sec. (Hector De Chartres, Cout. R., 1398-1408, 9-10)

Forest de glands. Forêt aux glands.

...se de glan rancontre la forest Dentour Pactay et chastaignes ont vente, Paié vous tient sans delay ny arrest (Villon, Poèmes variés R.H., c.1456-1463, 50)

En particulier. La forest où domine Glocus. Les bois que Glaucus veut inonder ou la mer où règne Glaucus (dieu de la mer).

Et du dieu Mars soit pugny a oultrance Ainsi que fut roy Sardanapalus, Qui mal voudroit au royaume de France ! Prince, porté soit des serfs Yolus En la forest ou domine Glocus Et soit privé de paix et d'esperance, Car digne n'est de possider vertus Qui mal voudroit au royaume de France ! (Villon, Poèmes variés R.H., c.1456-1463, 59)

Remarque : R.H., Comment. Lais Poèmes, 96 ; éd. Thiry, 272.

[Dans un cont. métaph.] La forest de + subst. désignant une chose abstr.

En la forest de Longue Actente, Chevauchant par divers sentiers M'en voys, ceste annee presente, Ou voyage de Desiriers. (CH. D'ORLÉANS, Ball. C., c.1415-1457, 165)

Ainsi que chassoye aux sangliers, Mon cueur chassoit aprés Dangiers En la forest de ma Pensee, Dont rencontra grant assemblee Trespassans par divers sentiers. (CH. D'ORLÉANS, Rond. C., 1443-1460, 403)

B. -Eaux et forests. Voir eau

Messire Jehan de Villiers, seigneur de l'Isle Adam, fist en la Court le serement de l'office de maistre des Eaues et Forests de Normandie (Fauq., I, 1417-1420, 3)

Grand maistre des Forests

Et encores depuis aucun temps on a fait ung Grant maistre des forestz, qui est chose bien superflue ; et veult avoir le ressort des lieutenans particuliers, que on pourroit reputer ung vray abus ou au moins chose de nul fruit, car la court de Parlement souffiroit pour ung ressort (Juv. Urs., Verba, 1452, 342)

Les jours des forests. Assises des eaux et forêts à jour et à lieu fixes pour juger les délits relatifs à la forêt et à la chasse.

Et pour cause de ce ledit seigneur se doibt presenter au pasnage de la forest et aux jours des forests a Brethueil, et aux ples du verdier quant on lui fait assavoir par le sergent de la garde (Hector De Chartres, Cout. R., 1398-1408, 287)