FILLETTE

substantif féminin

[T-L : fillete ; GD : fillette1, fillette3 ; GDC : fillette ; AND : fillette1 ; FEW (III, 517b) : filia ; TLF (VIII, 891b) : fillette1]

A. -Petite fille, jeune enfant de sexe féminin.

Si se tenoient là les deus filletes toutes esgarées, dont on pooit avoir grant pité, car elles estoient hiretières de Castille, qui bien leur fesist droit, par le succession dou roy, leur père. (Froiss., Chron. R., VIII, c.1375-1400, 29)

Et proprement li enfant en Bretagne et les jones fillettes en avoient fait une cançon que on y chantoit tout communement. (Froiss., Chron. R., VIII, c.1375-1400, 201)

Ore penser vois d'autre affaire, C'est de visiter la fillette Qui si joune est orfelinette (Mir. fille roy, c.1379, 31)

...elle vit une fillete de l'aage de XV mois ou environ, laquele fu trouvée à Nostre-Dame de Paris après disner sur les carreaux (Reg. crim. Chât., II, 1389-1392, 530)

LE SERGENT. (...) Car ma dame [Griseldis] , qui perduz a La fillette et cestui beau filz [ses enfants] , Cuide bien que soient occiz Ou destruis en autre maniere. (Gris., 1395, 68)

...et avoit une filette de l'aage de trois ans (Monstrelet, Chron. D.-A., t.3, c.1425-1440, 297)

Naguère il s'est bien avisé Que vous aviez une fillette, En toutes bonnes moeurs parfaite (Myst. ste Barbe P., 1493, 28)

Jeune fille.

...cellui qui l'a escripte vueille Dieux donner en don Or et argent assez, car il en aroit bon beson Pour donner aux fillettes et maint bon compaingnon (Renaut Mont. B.N. V., c.1350-1400, 930)

A la filette dist : 'Bien ait qui te porta...' (God. Bouillon R., t.2, c.1356, 481)

LE SENESCHAL. Sire, je riens tant ne desir Com la fillette. (Mir. Rob. Dyable, c.1375, 72)

Aime moy, fillete doulce, Je te donray une bourse Jolie d'or et de soye. (Chr. Piz., Dit Pastoure R., 1403, 236)

Une fillete de XVI ans (N'est-ce pas chose fors nature ?), à qui armes ne sont pesans, Ains semble que sa norriture Y soit, tant y est fort et dure ! (Chr. Piz., J. d'Arc, 1429, 34)

S'il se trouvoyt au boys toust seuz Avec quéque belle filiete, Il luy euseroit sa tablete. (Myst. st Bern. Menth. L., c.1450, 74)

Recipe pour mauvais tetins Et pour ceulx qui portent mollettes Pour les faire tous les matins Aussi rondes comme billettes, Cela n'est pas pour les fillettes, C'est pour ces grans veilles fardés. (Dorib., p.1480, 250)

...moy povre, simple et jeune fillette (La Vigne, V.N., p.1495, 299)

[À propos de la Vierge Marie]

De pucelette Jeune fillette Ung petit enfant naquira, Que toute povre bestelette Adorera En la creschecte (Myst. Viel test. R., t.6, +- c.1450, 221)

Au figuré. [Correspond à fille A 3]

...l'iglise ou chapelle de N. D. de Runazhan, tref ou fillete de la parroesse de Ploeuc, du diocese de Treguer (Actes Jean V Bret. B., t.4, 1439, 219)

B. -Servante (en partic. d'auberge).

...lequel prisonnier elle congnoissoit de veue, qui buvoient ensamble ou bouge dudit hostel, et lui dist sa fillete dessus nommée que ledit prisonnier avoit trait une choppine de vin, et que elle leur avoit baillié un pain. (Reg. crim. Chât., I, 1389-1392, 559)

...ainsy comme il, en la compaignie d'une fillete dudit hostel, avoit trait une choppine de vin pour son boire et desjeuner (Reg. crim. Chât., I, 1389-1392, 560)

...pour toute compaignie [elle] n'avoit que une petite jeune fillette qui la servoit. (C.n.n., c.1456-1467, 567)

C. -Jeune femme faisant commerce de son corps, prostituée.

Brusselle adieu, ou les bains sont jolyz, Les estuves, les fillettes plaisans (Desch., Oeuvres Q., t.4, c.1370-1407, 6)

...le dit chevalier qui n'estoit ne n'est pas en aucun lien de mariage, par esbatement et comme meu de jonesse, demanda à aucuns de ses diz serviteurs se ilz savoient aucune fillette, la quelle il peust bonnement aler veoir, et que nature le contraignoit à ce. (Doc. Poitou G., t.5, 1388, 357)

...une femme nommée Margarite, qui est des filletes de la rue Percée (Reg. crim. Chât., I, 1389-1392, 170)

Dit avec ce sur ce requise que oudit mercredi, de relevée, elle beut en l'ostel d'icellui chappelier avec plusieurs compaignons et fillettes de son estat (Reg. crim. Chât., II, 1389-1392, 423)

He ! tu mens fausement ; tu as esté avecque tes filletes putaignes et makerelles, et pour ce je pri à Dieu que de malle faucille roillie peus tu avoir le vit coupee (Man. lang. G., 1396, 73)

Il n'y a si meschant homme mescanique qui ne veullent porter martres, et leurs femmes gris ou menu ver, voire les fillettes vendans amourettes en gros et en detail (Juv. Urs., Nescio, 1445, 547)

Quant ces chevaliers ou escuiers vont faire leurs armes et ont prins congié du roy, se il fait froit ilz s'en vont a ces pales d'Allemaine, se rigollent avec ces fillectes tout l'iver (La Sale, J.S., 1456, 277)

Je prens qu'aucun dye cecy, Sy ne me contente il en rien. En effect, il conclud ainsi, Et je le cuide entendre bien, Qu'on doit amer en lieu de bien. Assavoir mon se ces fillectes Qu'en parolles toute jour tien, Ne furent ilz femmes honnestes ? (Villon, Test. R.H., 1461-1462, 61)

A servans et filles mignoctes Portans seurcoz et justes coctes, A cuidereaux d'amours transsiz Chauçans sans mehain fauves boctes, Je crye a toutes gens mercys. A fillectes moustrans tetins Pour avoir plus largement hostes (Villon, Test. R.H., 1461-1462, 148)

DEMANDE. Ou est l'aumosne en tous temps la mieulz employé : ou aune vielle mendiant, ou a une fillette d'estuves ? RESPONSE. A une fillette d'estuves, car elle ne poeult son pain gaingnier par honneur. (Devin. R., c.1470, 148)

Fillette amoureuse

Guillette la Damoiselle, qui lors estoit coustumière de tenir et avoir en son hostel, à Rouen, fillettes amoureuses pour esbatre les compaignons. (Ch. VI, D., t.2, 1382, 236)

Fillette commune

...auprès du lieu où demeurent les fillectes communes. (Chancell. Henri VI, L., t.2, 1429, 135)

Fillette de joie

...ung escu d'or (...) pour donner aux fillectes de joye de ceste ville de Masseille (Comptes roi René A., t.3, 1478, 45)

Fillette de peché

...Jehan Pince, son cousin, cordouennier, homme aagé de XXXVJ ans ou environ, qui demeure assez près de la porte par où l'en va à Laon, et est cousturier, non marié, tenant une fillette de pechié avecques lui (Reg. crim. Chât., I, 1389-1392, 171)

Fillette de vie

... [il] se tint long temps sanz rien fere ou ouvrer, jusques ad ce que tout l'argent qu'il avoit fu despendu, tant au jeu de dez comme en la taverne, comme aus filletes de vie. (Reg. crim. Chât., I, 1389-1392, 61)

...il vit icelle Marion boire en son hostel avec plusieurs compaignons et filletes de vie (Reg. crim. Chât., II, 1389-1392, 426)

D. -[Par dérision] Fillettes du roi. Boulets de fer fixés aux chevilles des prisonniers, fabriqués à la demande de Louis XI.

Autres fois avoit faict terribles anneaulx à des Allemans, très pesans et très terribles, pour mectre ès piedz, et estoit ung anneau pour mectre à ung pied seul, mal aysé à ouvrir, comme ung carcan, la chesne grosse et pesante et une grosse boulle de fer au bout, beaucoup plus pesante qu'il n'estoit de raison, ne qu'il ne appartenoit. Et les appella-l'on les fillettes du roy. (Comm., II, 1489-1491, 321)

Remarque : Doc.1480 ds GD IV, 4a, s.v. fillette³. FEW III, 517b. GAY I, 714a.