FIANÇAILLES

substantif féminin pluriel

[T-L : fïançaille ; GD : fiançaille ; GDC : fiançailles ; AND : fiançaille ; FEW (III, 499b) : *fidare ; TLF (VIII, 823b) : fiançailles]

Promesse solennelle de mariage.

Si furent là confremées les convenenches des fianchailles, et les fiança li arcevesques de Bourges, et là ot grant fuisson de signeurs. (Froiss., Chron. R., XI, c.1375-1400, 196)

...icelli prisonnier dist et afferma par serement le cas estre tel comme icelle Marion dit et afferme, et eulx avoir fiancé li uns l'autre, et paravant lesdites fiançailles et depuis, eu compaignie charnele à icelle Marion (Reg. crim. Chât., II, 1389-1392, 382)

Et dit on que depuis assez tost après le dit Loys la fiença, et le lendemain des dites fiançailles l'espousa (Doc. Poitou G., t.7, 1412, 225)

Faire les fiançailles

Or disons dès cy sanz prolongne Quant les fiançailles ferons Et en quel lieu espouserons Par vostre assens. (Mir. chan., c.1361, 160)

Et presens noz amis ensemble, Nous y ferons les fiançailles Premier, et puis les espousailles (Mir. chan., c.1361, 161)

Et pour ce que icellui de Lisle delessa elle qui parle par aucun temps, elle fist son ami ledit Hennequin de Ruilly, son mary, lequel, après ce qu'il ot compaigné et frequenté elle qui parle par six sepmaines ou environ, d'un commun assentement, fiancerent li uns l'autre ; et lesqueles fiançailles ainsi faites, icellui de Ruilly ala ou pays d'Espaigne, ouquel il demoura par l'espace de demi-an ou environ ; et, en après ce qu'il fu retourné, eulx espouserent li uns l'autre (Reg. crim. Chât., II, 1389-1392, 316)

Fin de compte, lez fianchaillez furent prestement faittez ou chastel de Boulongne et jour pris pour faire lez noepcez ung mois apprez en la ville d'Arras. (Comte Artois S., c.1453-1467, 16)

...et furent lesdictes fiançailles faictes sur certaines et grandes paines de repentizes (Escouchy, Chron. B., t.2, a.1465, 308)

Les fiançailles furent faictes par procureur, et la fiença le procureur et conte de Lencastre pour et au nom du roy (Jehan de Paris W., 1494-1495, 19)