FAMILIER

adjectif et substantif masculin

[T-L : fameliier ; GD : famelier ; GDC : familier ; DEAF, F 93) : familïer ; AND : familier ; FEW (III, 408b) : familiaris ; TLF (VIII, 632b) : familier]

I. -Adjectif.

A. -[D'une pers.]

1.Qui fait partie de l'entourage proche, intime.

Item, justice et injustice sont plus grandes en tant ou ce que les genz sont plus amis, si comme priver de ses pecunes son famillier compaignon est plus dure chose et plus injuste que priver un autre son voisin. (Oresme, E.A., c.1370, 432)

Et dit que de l'abbé ou gens familliers et serviteurs dudit lieu, afin de soy partir d'illec hastivement, il ot d'iceulx et exiga la somme de deux frans. (Reg. crim. Chât., II, 1389-1392, 69)

... [le bourgeois] trouva par pluseurs et subtiles fassons que le bon compaignon, mary de ladicte gouge, fut son amy tresprivé et familier (C.n.n., c.1456-1467, 23)

Car, comme recite Seneque en son premier livre De Yre, il tua de sa main en plaine table en souppant ung sien moult familier serviteur et lequel il avoit de jeunesse nourry. (Fillastre, Traité Conseil H., c.1472-1473, 242)

DIEU. (...) Pour ce entendez maintenant, Gabriel, Et vous aussi, familier Raphael, Ce qui me vient a cueur et a couraige (La Vigne, S.M., 1496, 208)

Mais il le fist son serviteur Et son appostre familier Tant qu'il fut, pour ung bon docteur, Le plus exquis entre ung millier. (La Vigne, S.M., 1496, 284)

Familier à/de qqn. Qui vit dans l'intimité de qqn, intime avec qqn.

Soyes a chaschun debonnaire sans estre flateur, a peu soies familier, fay a chaschun droit. (Daudin, De la erudition H., c.1360-1380, 277)

...avec la royne des cieux, nostre Dame, laquelle fut jadis ca jus en terre moult familiere a vous, saint Pierre. (Gers., P. Paul, a.1394, 484)

Et, tantost après ledit partement ainsi fait que dit est, monseigneur le duc de Bourbon porta guerre au roy et à ses pays, et print toutes les finances qui estoient au roy, estans es pays de mondit seigneur le duc. Et si y fist prendre et arrester le seigneur de Crussol, qui bien estoit fort familler du roy, et lequel seigneur de Crussol passoit lors par les pays de monseigneur le duc de Bourbon, menant avecques soy sa femme et plusieurs de ses biens, tous lesquelz furent en arrest en la ville de Cosne en Bourbonnoys. (Roye, Chron. scand., I, 1460-1483, 38)

Jaques de la Marche fut en ce temps moult familier du pappe Gregoire (Simon De Phares, Astrol., c.1494-1498, f° 120 v°)

Estre familier qq. part. Avoir ses entrées qq. part.

Ce que nostre musnier sceut tresbien, pource qu'il estoit assez familier leans. [La femme du seigneur a 'volunté de se baigner'] (C.n.n., c.1456-1467, 43)

2.Amical, bienveillant, favorable, intime.

Familier à qqn

Si l'orent a question mis Pour quoy se rendoit si commun. Et familier a chascun, Comme a lui il appartenist Que plus fierement se tenist. (Chr. Piz., Chem. estude P., 1402-1403, 254)

LAOMEDON. Aux dieux Barbe ! ADRASCUS. Aux dieux pour tous. Les Dieux vous soient familiers. BARBARA. A Dieu, Barons et Chevalliers. Dieu vous conduise à sauveté. (Myst. ste Barbe P., 1493, 37)

Neantmoings, lesdis membres ont diverses actions et offices par la divine Providence si bien conduictes et ordonnées que l'ung membre ne peut bien exercer son office, sinon par tant que les autres membres luy soient en aide et familiers. (Bueil, II, 1461-1466, 67)

Familier à qqc. Favorable à qqc..

...Combien que ceste secte [les philosophes de l'Académie] semble amener tenebres en toutes choses, toutesvoies nulle n'est plus loyale a verité examiner et, Tulle Ciceron tesmoignant, qui vers elle se tourna en sa vieillesce, il n'est quelconque a proffit plus familière ne meilleur. (Foul., Policrat. B., I, 1372, 97)

3.[Avec une nuance d'habitude dans une action qui demande une certaine intimité]

Familier à + inf. Habitué à.

Quant je vis celle très belle et bonne damoiselle ainsi prochaine et familiere a son mary servir, Dieu le me pardonne s'il m'en despleust ! (La Sale, Sale D., 1451, 135)

B. -[D'une chose]

1.Agréable, aimable.

...et, voyant qu'il ne le povoit corriger par nulle discipline, ne retirer par nul enseignement de ses mauvaises inclinacions, à ceste cause, pour exemple familliere, il lui composa le jeu des eschetz, qui est de grande consideracion et dure jusqu'à present. (Simon De Phares, Astrol., c.1494-1498, f° 45 v°)

Et pour tenir les chevaulx sur culieres, Sur eschauffaulx misteres assistoyent, Qui en sentences doulces et familieres Du roy françoys le triumphe notoyent. (La Vigne, V.N., p.1495, 202)

Amical.

...il n'y eut celui qui ne tenist a estre congneu de son compaignon par salus familiers qu'ilz s'entrefirent. (Percef. IV, R., c.1450 [c.1340], 655)

2.Accoutumé, habituel.

...mais certainement lezdis barons ou chevaliers en l'ost des roys, pour l'occupation de leurs propres et familieres besongnes, mal porroient estre si franc et si despechie de leurs propres neccessites comme seront lez chevaliers de nostre sainte Chevalerie (Mézières, Sustance H., 1396, 64)

Et premierement elle [Male Volonté] print ung habit qui se nommoit dissimulacion : il me estoit avis que ce estoit familiere prodicion ou trayson. (Gers., Noël, p.1404, 305)

3.Qui va trop loin dans l'intimité.

Aucuns pour echever le parler des gens, et afin que on ne les juge devos, se abandonnent a paroles et vie mondaine, et a boire et a mengier, et souvant trebuchent en pis. Aucuns pour l'amour de lignage trop familiere glassent et coulent en charnele plaisence : n'i a riens seur. (Gers., Pent., p.1389, 82)

4.La chose familiere. Les affaires de la famille.

Finablement au regart de l'aministration de la chose familiere le convient instruire, affin que icelles choses ou possessions temporeles il multiplie songneusement et lealment, qu'il les garde soubtivement et dispense prudentement. (Daudin, De la erudition H., c.1360-1380, 316)

II. -Substantif masculin.

A. -Personne attachée au service de qqn, à une maison.

...congneut et confessa que, ou temps qu'il estoit varlet et famulier de maistre Clement de Reillac, advocat en parlement, il mal print et embla, en la chambre dudit son maistre, une espée (Reg. crim. Chât., I, 1389-1392, 189)

...un nommé Thomas Le Borgne, qui est familier et serviteur dudit mons. de Touraine (Reg. crim. Chât., I, 1389-1392, 341)

Jehan Le Coignac, escuïer, famillier et serviteur de mons. l'evesque de Poitiers (Reg. crim. Chât., I, 1389-1392, 546)

Et environ quatre heures fut portée ladicte royne depuis l'ostel de Saint-Pol à Paris jusques dedens ladicte eglise de Nostre-Dame, en une lictiere en figure de royne, par ses familiers et serviteurs. (Fauq., III, 1431-1435, 167)

...Nicolas Trahagnot et Jehan Alexandre, chevaliers et familliers de l'empereur de Constantinoble (Comptes Paris M., t.2, 1458-1460, 177)

S'ensuyvent les noms de plusieurs mignons, familiers et domestiques du roy. (La Vigne, V.N., p.1495, 151)

B. -Personne qui appartient à la famille ou qui est admise comme un proche, ami, confident.

LE PREMIER CHEVALIER. (...) Puis [Griseldis] pense du gouvernement De l'ostel, puis est ses mestiers D'accorder les familïers Du marquis s'ilz se sont mellez (Gris., 1395, 48)

...maistre J. de Havencourt, advocat ceans et bailli de l'evesque de Paris, maistre Robert Lijote, notaire du Roy, et Guillaume de Biaiz, soy disans executeurs du testament dudit evesque, et familiers et amis dudit evesque (Baye, I, 1400-1410, 275)

Il y a en Paris ung home mout poisant, Dont li peuples se va durement conplaignant, Et par espécial trestous (...) Les familliers du roy, trestous moyens, petis et grans (Geste ducs Bourg. K., c.1410-1419, 365)

...un tel seigneur que le seigneur de Saintré, duquel par tout sont de belles nouvelles, et qui est si prouchain familier de nostre seigneur le roy. (La Sale, J.S., 1456, 285)

Alba Silvius roy des Latins, très renommé en ce temps à l'occasion de la science des estoilles, lequel fut fort amy et famillier d'icelui Salomon et de Totz Grecus, son disciple. (Simon De Phares, Astrol., c.1494-1498, f° 34 v°)

Aussi à ung quart de lieue est l'abbaye fondée dudit saint Maurice, par ung roy de Bourgongne, nommé Sigismond, motier de IX cens moynnes, comme j'ay oy de l'abbé du lieu duquel, pendant que j'estoie frequentant icelles montaignes, pour les herbes qui y sont, estoie fort son famillier et souvant à sa table. (Simon De Phares, Astrol., c.1494-1498, f° 100 v°)

La paix de Jesus, nostre sire, Vueille estre en ceste compaignie ! Mes familliers et ma mesgnie, Pensés Dieu aorer et croire : Laurens, nostre amy, est en terre. (Myst. st Laur. S.W., 1499, 253)

Proverbe. Il n'est point de si mauvais ennemi que le familier

...et n'est point de si maulvaix ennemy que le familier. (Juv. Urs., Aud. celi, 1435, 186)

C. -RELIGION

Les familiers d'une eglise. Les officiants habituels (d'une église).

Item je doins et laix es familiers de l'englise de la Magdeleine de Besançon vint solz por faire le servise, si con dessus. (Test. Besanç. R., t.1, 1335, 342)

Sorte de frère lai attaché à un prieuré ou à un monastère.

FRERE MICHIEL. Nous qui sommez voz familiers Vous ferons tousjours assistance. FRERE NICOLE. Entre nous aultres reguliers Ferons tresbonne diligence. (Flamang, Vie Pass. st Didier S., 1482, v.9059)