FAILLE

substantif féminin

[T-L : faille3 ; GD : faille1 ; AND : faille ; DECT : faille3 ; FEW (III, 391a) : *fallia ; TLF (VIII, 590b) : faille2]

A. -Manque, défaut.

LE TIERS CHEVALIER. Ne say se sont faultes ou failles Des noces du puissant marquis, Car ce propre jour nous a mis Certainement qu'espouser doit (Gris., 1395, 32)

Fait de manquer son but, échec.

Encor aloie en la maison Ou ma dame avoit son retour. G'i fis mainte voie et maint tour, Maint aler et tamainte faille, Ensi qu'Amours ses servans baille. (Froiss., Espin. amour. F., c.1369, 150)

Sans faille. À coup sûr, sans faute, certainement.

Li cuer si me dit et remort Qu'ainsi doit avenir sanz faille. (Mir. nat. N.S.J.C., c.1343, 227)

ANTHENOR. Et toy, Grimaut, se Dieu te voie, Vas mettre la selle au coursier (...) GRIMAUT. Mon seigneur, voulentiers, sanz faille G'y vois courant. (Mir. marq. Gaudine, 1350, 157)

LE VALLET. (...) [ma dame] fort travaille. LA VENTRIERE. Elle n'a garde, non, sanz faille. Je la vi au moustier orains. (Mir. enf. ress., 1353, 19)

Mais qui vorra savoir sans faille Nos deus noms, et sans controuvaille, Vesci comment on les sara... (Mach., C. ami, 1357, 141)

Si commenceray sans delay, Mais qu'aie nommé a delivre Celui pour qui je fais ce livre, Et mon nom aussi, car sans faille, Il n'est pas raison qu'a ce faille, Car j'y sui contreins et tenus Et oubligiez trop plus que nus, Qu'amours fine le me commande, Et deduis vuet que j'y entende... (Mach., F. am., c.1361, 144)

Ne say se vous savez l'istoire De Piquus ; mais c'est chose voire Que Piquus fu rois de Laurente (...) ; Et fu li plus vaillans sans faille De la troienne bataille, De hardement, de vasselage, Voire selonc son juene aage, Car ans n'avoit pas plus de .XX. (Mach., Voir, 1364, 616)

Cis bestiages amassés Entour moi contreval ces roches Et plus au bois et plus aus croches En mes cages, sont miens sans faille ; Et se tu de la moie aumaille Me requiers que je la te nombre, J'en ai tant que n'en sai le nombre (Mach., Voir, 1364, 636)

Il li orent moult en couvent ; Mais, vraiement, ce fu tout vent ; Car bien say qu'il n'i furent pas, N'onques il n'en passerent pas, Et vesci la cause, sans faille. (Mach., P. Alex., p.1369, 58)

Li roy li dist : 'Tu ne scez pas Encor comment m'espée taille, Mais briefment le saras, sans faille.' Il passe avant ; si li rendi Tel cop que tout le pourfendi... (Mach., P. Alex., p.1369, 71)

Et je qui pour riens el ne fri Que d'oïr tels solas sans faille, Li escrips ensi qu'il le baille (Froiss., Joli buiss. F., 1373, 214)

Mais quant à ce suis menée Que mon cuer sans dessevrée, Tout entier, te baille, Où vraie amour enserrée Est, loyal, ferme et secrée, Ce seroit, sans faille, Pechiés d'estre si moquée ; Et pour ce à vois esplourée Te pri, ne te chaille D'autre amer, quar, qui que bée A m'amour qui t'est donnée, En vein se travaille. (Mach., Les lays, 1377, 421)

Mais, comment qu'il aille, Ameray, Serviray, Cremiray Et obeiray Ma dame sanz faille. (Mach., Les lays, 1377, 472)

Chamberiere, sanz demouree, Alons en sanz faire demour, Car savoir veul sanz nul sejour Comment Fïacre se deporte. En ly vëoir me reconforte - Je l' sanz faille. (Vie st Fiacre B.C.P., c.1380-1400, 24)

JANICOLA. (...) Ains est bien raison que g'y aille [vers le marquis] , Que je bien doy faire sanz faille Son plaisir de tout mon povoir. (Gris., 1395, 35)

...grant peril seroit, sanz faille A lui retourner ou paÿs (Chr. Piz., M.F., II, 1400-1403, 302)

NERON. Alez, tüez, jetez auls chiens ! Delivrez nous de tel merdaille ! PAULIN ET AGRIPPE. Nous le feron, sire, sans faille. (Mart. st Pierre st Paul R., c.1430-1440, 136)

Après, Leviatham, sans faille, Te fault voler, comme qu'il aille, Es abbayes et priorés : Faiz que Dieu n'y soit plus orez, Si que les moinnes et prieux Soient l'ung sur l'autre envieux. (Myst. st Adr. P., c.1450-1485, 4)

Dictes tousjours des maulx, sans faille, De chacun, voire en son abscence (Sots triumph., c.1475, 45)

Faire faille à. Manquer à.

Or use dont de ta science Et met en pais ta conscience, S'en oste hors erreurs et doubtes, Et saches une fois pour toutes, Se tu aucune chose pers, Soiez avisiez et apers Que tu puisses par bien ouvrer A point ta perte recouvrer Ou chose qui ta perte vaille. Ad ce ne pues tu faire faille. (Mach., D. Aler., a.1349, 342)

...point ne luy feray faille Et prieray, coment qu'il aille, Tres humblement le roy de gloire Pour mon amy qui tant travaille (Pac. Job M., c.1448-1478, 373)

B. -JEUX

1.Jeu de dés où le joueur défaillant est remplacé par un autre qui attend son tour' (?).

C'est ung mestier qui ne vault une maille, Avantureux comme le jeu de faille (CH. D'ORLÉANS, Rond. C., 1443-1460, 392)

Remarque : Cf. H. J. Murray ds S. Sasaki, Sur le thème de nonchaloir ds la poésie de Ch. d'Orléans, 1974, 193. Ou « variante du jeu de paume (...) où le joueur défaillant est aussitôt remplacé par un suppléant qui attendait son tour, comme dans le jeu de la vie », cf. A. Planche, Ch. d'Orléans ou la rech. d'un lang., 1975, 266.

2.Par métaphore. À la faille. D'un coup de dés, au hasard.

Veillesse fait me jouer a telz jeux, Perdre et gaingner, et tout par ses conseulx ; A la faille j'ay joué ceste annee, Ne bien, ne mal, d'aventure menee. (CH. D'ORLÉANS, Ball. C., c.1415-1457, 183)

Remarque : Cf. S. Sasaki, Sur le thème de nonchaloir ds la poésie de Ch. d'Orléans, 1974, 193. Poirion, Lex. Ch. d'Orléans, 79, y voit le sens de « sorte de jeu de quitte ou double ».