FELON

adjectif et substantif

[T-L : felon ; GD : fel1, felon1 ; AND : felun1 ; DECT : felon ; FEW (XV-2, 123b) : *fillo ; TLF (VIII, 730a) : félon]

A. -[Idée de méchanceté, de cruauté, de violence]

1.[D'une pers.]

a)Méchant, mauvais.

Lors vient Dongiers li despiteus, Fel, desdaingneus et po piteus, Qui volentiers occist et tue Amans cui Amours esvertue, Et contredit la compaingnie Et ne vuet pas que courtoisie Soit a ce loial amant faite. (Mach., D. Aler., a.1349, 323)

Car vraiement Loing et pres plus aaise en serons Et meins assez en doubterons Des mesdisans faus et felons Le parlement. (Mach., F. am., c.1361, 224)

Pluseurs eglises a fondées, Qui sont moult richement doées ; Chartreus, mendians et chanoinnes, Nonnains emmurées et moinnes. Il n'est felons ne despiteus, Einsois est humbles et piteus, Plus que turtre ne colombele, N'amis vrais à s'amie bele. (Mach., P. Alex., p.1369, 31)

En droit de moy je ne plaindroie mie Avoir tous temps les mules es talons, Les escroelles et mal en la vecie, Estre roigneux de roigne à gros bourgons Ou estre point du point d'escorpions, Si que le mal y perust longuement, Com le meschief que d'avoir pou d'argent. Car on em pert toute joieuse vie Et devient on muz, chagrins et felons, On n'ose aler en bonne compaignie Et en pert on l'amour des compaignons. Si puis prouver, et par bonnes raisons, Qu'il n'est si grant doleur ne tel torment Com le meschief que d'avoir pou d'argent. (Mach., App., 1377, 646)

... comme dit un docteur, tout riche est fel et mauvais, ou hoir de fel et de mauvais. (Foul., Policrat. B., III, 1372, 234)

Quant Ethioclés ot oy Ces nouvelles, pou s'esjoy, Car trop fu fel et deputaire (Chr. Piz., M.F., II, 1400-1403, 304)

Galiachim ung povre hermite estoit qui vivoit en povreté, Pour acquerir l'amour de Dieu ; mais il estoit fel, despit et orgueilleux, par quoy le bien qu'il faisoit ne luy pourfitoit gueres. (Nouvelles inéd. L., p.1452, 95)

Si une femme avoit rude mary, fel et mauvais, elle venoit au remede a ce bon maistre. (C.n.n., c.1456-1467, 468)

Proverbe. Qui a felon voisin il a mal matin

Et sachiez, pour voir, que puis que li homs congnoist et entent que il a entour lui personne qui le vueille grever, il fait que folz se il ne s'en delivre, car souvent avient que qui a felon voisin il a mal matin. (Bérinus, I, c.1350-1370, 142)

Estre felon à qqn. Se montrer dur, mauvais envers qqn.

...mais a Cathon, Combien que d'umble lieu fust née, Impotent du corps, mal senée Lui fut, tresorgueilleuse et felle, N'onq ne trouva douçour en elle, Fors tout tourment et villenie, Et lui fist mainte tricherie Que nuls hom croire ne pourroit. (Desch., M.M., c.1385-1403, 84)

Le regart de celle [la femme que j'aimais] m'a prins Qui m'a esté felonne et dure ; Sans ce qu'en riens j'aye mesprins, Veult et ordonne que j'endure La mort et que plus je ne dure. (Villon, Lais R.H., c.1456-1457, 13)

Cruel, violent.

Dont ce fu pour moy bele chose, Car acors fu a leur parclose Que moult seroit bien emploiez, Se par gré m'estoit ottroiez, Einsi m'a il esté puis dit, Et que nuls n'i mist contredit, Fors qu'un seul, li menres de tous, Mais il estoit fel et estous, Si qu'on ne faisoit de lui force Et n'avoit contre euls point de force. (Mach., D. Aler., a.1349, 321)

Pour quoy me veulz tu traveillier, Tirant fel, plain de cruauté ? (Mir. st Guill., c.1347, 23)

Li douse bourgois partirent et chevauchièrent tant que il vinrent à Malle dallés Bruges, et là trouvèrent le conte, lequel il trouvèrent à l'aprochier felon et cruel et durement courouchiet sus ceuls de Gaind. (Froiss., Chron. R., IX, c.1375-1400, 181)

...je vous amaine le medicin qui vous destrempera un tel electuaire que vous en serez tous penduz par la gorge. De ce mot furent les freres moult courrouciez. Et sachiez, se le messaige n'eust si tost hasté le cheval, qu'il estoit mort sans remede, car ilz estoient felz et crueulx, et ne craingnoient Dieu ne homme. (Arras, c.1392-1393, 198)

A la fin, sa force affoibli [;] Tarquinïus li orgueilleux, Qui fu felon et merveilleux ['arrogant, violent'] [,] Si l'occist par voye soubtille (Chr. Piz., M.F., III, 1400-1403, 190)

O come benoite sera l'eure quant le crueux, le fel, le despiteux tirant, et ses detestables pillars seront hors boutez de nostre d[ro]it heritage et propre mansion ! (Gers., Concept., 1401, 394)

[Comme épithète de nature]

...mais La veïssiés (...) Maint felon Sarasin a terre trebuchier. (Belle Hélène Const. R., c.1350, 204)

...pour rescourre mon pays des felons Sarrazins, et pour saincte crestienté soustenir et essaucier. (Arras, c.1392-1393, 103)

Et li rois at Madakins appelleit, .l. mult felon Sarasin qui forment haioit JhesusCris (JEAN D'OUTREM., Myr. histors B.B., t.3, a.1400, 263)

...leur roy mort par lez felons Sarrasins qui au commandement de Salhadin l'avoient cruellement detrenchié (Saladin C., c.1465-1468, 48)

[D'un aspect de la personne, de son comportement, de ce qu'elle fait...]

Coeur felon

...et dist de cuer felom... (Gir. Ross. H., c.1334, 127)

Ne riens tant cuer felon ne fait Com grant pooir qui mal en use (Mach., J. R. Nav., 1349, 139)

Quant il plaira au roy celestre, Son cuer felon et perverti Ara tost en bien converti (Mir. st Sev., 1362, 189)

Et s'un pain, vraix Diex et vraiz sire, Que j'ay de felon cuer par ire, Non pas de bonne voulenté, Au povre par despit jetté, M'a esté de si grant prouffit (Mir. Pierre Changeur, c.1378, 251)

Moult fu bons cevaliers si con lisan trouvon, Mais il estoit traïtrez et ot le cuer felon (Jourd. Blaye alex. M., a.1455, 866)

...dont il n'eut guerres de ioye, pour ce que felon cuer a tost perdu la vertu de pacience (Chron. conq. Charlem. G., t.1, 1458, 47)

Regard felon. Yeux felons. Regard, yeux menaçants.

...il avoit ung felon regart et retournoit ses yeulx a destre et a senestre trop fierement (Vignay, Oisiv. emp. G., a.1330, 268)

Mais il convendra que celle dicte bonne chiere soit ordonnee et menee par tel sens et si rassissement que nul ne puist apercevoir que faintement le face, car se une foiz estoit trop grande et autre foiz a yeulx felons - si comme le cuer que on voit bien que le ris en yst a force -, tout seroit honny (Chr. Piz., Trois vertus W.H., c.1405, 63)

...un haut grant homme noir, atout un laid murtrier visage et une felle veue (Chastell., Chron. K., t.2, c.1456-1471, 53)

[D'une action]

...as bailles yot ung estour sy félon Que là furent payen ochis en requulon. (God. Bouillon R., t.2, c.1356, 140)

...la commensat l'estour fors, felonz et ingals (JEAN D'OUTREM., Myr. histors G., a.1400, 194)

Moult fu la bataille felonne et perilleuse devant Parpingnan (Comte Artois, c.1453-1467, 32)

L'escarmuce se commencha entre deux villes, tant felle, grande et hydeuse que cent lances et les archiers ne les povoyent soustenir. (Molinet, Chron. D.J., t.1, 1474-1506, 68)

Proverbe. Il n'est si felle guerre que de voisins et d'amis

Et on dist et voirs est qu'il n'est si felle guerre que de voisins et d'amis. (Froiss., Chron. L., II, c.1375-1400, 47)

[De paroles, d'une lettre...]

'De telz paroles et aussi d'autres felles et venimeuses estoient servis souvent les Portingalois des Espaignolz quant ilz les trouvoient.' (Froiss., Chron. M., XII, c.1375-1400, 252)

...tant pour ce que le duc de Guerles est ung petis prince ou regard des aultres, que pour ce que la lettre de deffiance, si comme renommée couroit, car onques ne le vey scellée, estoit felle et impetueuse, et faisoit moult à ceulx qui en ooient dire les nouvelles à esmerveillier. (Froiss., Chron. M., XIV, c.1375-1400, 180)

Ainsi (...) fut le royaulme de France en aimoy (...) par les deffiances qui vinrent du duc de Guerles ; car elles furent felles et mal courtoises et hors du rieulle des aultres deffiances (Froiss., Chron. M., XIV, c.1375-1400, 1)

Emploi substantival.

Les felons aiment le mesdire, Par tout veullent bien escondire (Renart contref. R.L., t.1, 1328-1342, 62)

Aux felons bailla les chevaulx Pour courre par mons et par vaulx, Pour gent mettre a perdicion (Renart contref. R.L., t.1, 1328-1342, 87)

... comme dit un docteur, tout riche est fel et mauvais, ou hoir de fel et de mauvais. (Foul., Policrat. B., III, 1372, 234)

Le lance a avallee o pignon de cendail, Et va ferir le fel deseure le camal. (Huon Bordeaux B., c.1400-1450, 16)

Mais ne se tindrent mie atant Les .II. felons, ainçois batant Le maleureux pere avalerent En une orde fosse et gicterent, Ou la de plourer ne fina, Tant qu'a grant douleur deffina. (Chr. Piz., M.F., II, 1400-1403, 295)

[Toi, Marie d'Orléans] qui nostre paix batist et brasse ! La paix, c'est assavoir des riches, Des povres le substantament, Le rebours des felons et chiches ; Tres necessaire enfantement, Conceu, porté honnestement, - Hors le pechié originel - Que dire je puis sainctement, Souverain bien de Dieu eternel. (Villon, Poèmes variés R.H., c.1456-1463, 40)

Coment vous estes gracïeux, Mon bon maistre, mon redempteur, Qui pour ces felons vicïeux Pardon demandés au createur, Combien qu'il soyent esté l'acteur De la poine que vous souffrés. (Pass. Auv., 1477, 216)

Pour amolir les felons orgueilleux Tirannisans voz pays et voz lieux (...) Passer vous fault les grans mons merveilleux (La Vigne, V.N., p.1495, 154)

En appellatif.

Or tenés, maulditz et felons (Pass. Auv., 1477, 94)

Felons, ne vous pourrés lasser D'ainsi presser Mon pouvre enfant de voz marteaulx ? (Pass. Auv., 1477, 199)

[Même mot ?]

Garde toy, faillon, que tu feras. (Lettres rémission René II P.D.H., 1500, 359)

b)[Avec une valeur plutôt positive] Vaillant, vigoureux (qui emploie la violence pour une cause jugée bonne ou présenée comme telle).

Premiers soies entre les gens Debonnaires, courtois et gens Et douls com pucelete en feste, Et, le bachinet en la teste, Fel, outrageus, hardis et fiers : A le meslee assaus et fiers (Froiss., Dits Débats F., 1363-1393, 105)

...ja soit ce qu'elle semblast de prime face vive, saine, fresche, forte, ferme, franche, fiere et felle, se estoit elle foible, fresle, fade, palle, matte, morte, morne... (Molinet, Faictz Dictz D., 1467-1506, 79)

...somme, vecy le temps Qu'il doibt monstrer s'il est poinct valeureux, Fier, fort, felon, fringant, adventureux (La Vigne, S.M., 1496, 172)

SATHAN. Nous sommes bien mil et cinq cens Devant toy. Que nous veulx tu dire, Fiers, fors, felons, deables puissans Pour tout le monde à mal produyre ? (La Vigne, Munyer T., 1496, 227)

2.[D'un animal] Cruel, violent.

Et cils seur qui li sors chëoit, Trop mortelment li meschëoit ; Car li rois Minos devourer Le faisoit la, sans demourer, Par un moustre trop mervilleus, Trop felon et trop perilleus. Mais nuls ne se doit mervillier, Se Minos vout ad ce veillier, Ne s'il en fu fort esmeüs, Car peres fu Androgeüs. (Mach., J. R. Nav., 1349, 230)

Li princes de Galles, qui durement estoit hardis et corageus, et le bacinet en le tieste, estoit comme uns lyons felz et crueus, et qui ce jour avoit pris grant plaisance à combatre et à encaucier ses ennemis, sus le fin de le bataille estoit durement escaufés. (Froiss., Chron. L., V, c.1375-1400, 55)

Mais onques homs serpent ne vit Si fel, si crueus ne si fier Com le serpent qui m'escondit, Quant à ma dame merci quier. (Mach., Bal., 1377, 563)

Rétif, violent.

Se le cheval est felon, si soit castrés. (Chir. chevaux P., c.1325-1350, 378)

3.[D'une chose] Terrible, cruel.

Je te conjur, mal felon, de par Dieu omnipotent et de par le Pere et de par le Fil et de par le Saint Esperit et de par tous les sains et par tous les anges de Nostre Seigneur Jhesucrist, et par toutes les vertuz que Dieu donna a parolles ne en voix, par les vertuz que Dieu fist de faire le ladre gairir de sa maladie, et que tu, mal felon, ne ailles plus avant (Ménagier Paris B.F., c.1392-1394, 141)

Ne vous esmervelliés s'il me va ennuiant Quant cil que j'ay bien fait et mis en honneur grant, Et a qui j'ay donné terre si souffisant, A mon fil enherbé par son felon beubant. (Cip. Vignevaux W., p.1400, 93)

Par sen felon malice du mez il s'acointa, Que le mez Ciperis trestout lui devisa, Dont il vint, ne ou va, ne qui l'envoioit la (Cip. Vignevaux W., p.1400, 123)

...li gentilhonme sont de noble et loiale condition, et li conmuns peuples est de fele, perilleuse, orguilleuse et desloiale condition. (Froiss., Chron. D., p.1400, 42)

...les simples, qu'on peüst prendre Pour quelque fallace ou lengage, Dieu scet le tres felon dommage Et l'amende ou ilz fussent mis ! (Chr. Piz., M.F., II, 1400-1403, 58)

[D'une élément naturel] Violent, emporté.

...la riviere de Derne qui est felle et orgueilleuse par heures, et plus en esté que en yver, quant les glaces et les neges fondent sus les montaingnes (Froiss., Chron. M., XIV, c.1375-1400, 87)

[D'une chose personnifiée] Cruel, impitoyable.

Mort felonne et despiteuse, Fausse, desloyal, crueuse, Qui regnes sanz loy, Je me plaing a Dieu de toy, Car tu es trop perilleuse. (Desch., Art dictier R., 1392, 281)

Raymondin se prent a plourer, A soy batrë et tourmenter. 'Ha, hay ! dist il, faulse Fortune, Tu m'as esté felle et enfrune ! Bien es mauvaise et malostrue. Il est plus fol que beste mue Qui point se fie a ton affaire, [ Et est deceu qui ce vuelt faire. ] Tu n'as compere ne commere, A l'un es doulce, a l'autre amere ; Nul ne se doit fïer en toy...' (Coudrette, Mélus. R., c.1401-1402, 121)

Tout lui messiet et reconfort l'enaigre, Car si mal nee, Venimeuse, dangereuse et dampnee Est de nature -- et si desordonnee -- Jalousie la felle et forsenee, Que des qu'elle entre Dedens le cuer qui nous est le droit centre Et le milieu, et du corps et du ventre, Tout bien s'enfuit, s'il en a point dedentre, Sans nulz respis (Chart., D. Fort., 1412-1413, 184)

Il dit que Fortune, la felle, A vouloir de soy raviser Et toutes faultes amender Qu'a faittes contre mon plaisir, En faisant sa roe tourner. (CH. D'ORLÉANS, Ball. C., c.1415-1457, 61)

O triste Mort, felonne et oultrageuse, Detestable, perverse, furïeuse... (Hautev., Compl. H., c.1441-1447, 57)

...depuis le premier aage Je ne receu plusgrant perte et dommage, Que j'ay receu par la Mort aspre et felle, Qui a ravy (...) Celluy où tant avoit parfaiction De sens humain et raison naturelle. (Robertet, Oeuvres Z., c.1450-1500, 168)

Advis m'est que j'oy regrecter La belle qui fut hëaulmiere, Soy jeune fille soubzhaicter Et parler en telle maniere : 'A ! Viellesse felonne et fiere, Pourquoy m'as si tost abatue ? Qui me tient, qui, que ne me fiere Et qu'a ce coup je ne me tue ?...' (Villon, Test. R.H., 1461-1462, 52)

Faulse beaulté [m'amye] qui tant me couste chier, Rude en effect, ypocrite doulceur, Amour dure plus que fer a macher, Nommer que puis, de ma deffaçon seur, Cherme felon, la mort d'un povre cueur, Orgueil mussé qui gens met au mourir, Yeulx sans pitié, ne veult droit de rigueur, Sans empirer, ung povre secourir ? (Villon, Test. R.H., 1461-1462, 83)

B. -[Idée de manquement à des engagements]

Qui est déloyal envers son seigneur, qui est déloyal.

Adont saillirent avant quatre prince felon et traïtour, sy en fu li uns Theodaris d'Abillan, et dirent a Logre : 'Nous te faisons certainement assavoir que nous fusmes li premier qui pourparlasmes par quoy li royaume te fu renduz et delivrez...' (Bérinus, I, c.1350-1370, 198)

«...Puis le vendi Judas le fel malisieusement...» (Renaut Mont. B.N. V., c.1350-1400, 729)

En Hardré a si fel gaignon Et traistre... (Mir. Amis, c.1365, 43)

«...De fouler ma baniere feïstes mal esploit.» Dieu ! L'ennoia cha jus et lui en desplaisoit, Quant ung felon traïtre ainsi la vieutissoit. (Cip. Vignevaux W., p.1400, 129)

Gondebreuf le Frison d'illec se party, Pour dire au roi Charlon comment il sont trahy Par le fel Guanelon, le traïtre failli. (Galien D.B., c.1400-1500, 62)

Fut en oultre souffert regner dedans eulz en leur royalme espirituel ung tres felon et despiteux tirant qui se nomme Pechié originel, pour et en lieu de la bonne vertus et royne Justice originele. (Gers., Concept., 1401, 398)

Car tant estoit felon et plain de malvaix art que oncques en Guennelon n'en eult otant. (Gérard de Nevers L., c.1451-1464, 6)

[Comme épithète de nature] Traistre felon

«...Aÿ ! felons traïttres, mescreans et ados...» (Flor. Rome W., c.1330-1400, 216)

'...Vous ne devez tenir cestë abusïon ; Espoir qu'il a lassus ung traïstre felon Qui nous a enchantez en sa maleicïon...' (Hern. Beaul. D.B., c.1350-1400, 55)

«Par Dieu, n'eschapperez, fel traïtres pulent !» (Renaut Mont. B.N. V., c.1350-1400, 337)

O trahistre, felon Judas, Ne souffist mie, së au las Te pendi Desperacion, Quant ëus fait la trahison De ton bon maistre que baisas Et quë aus Juifs delivras (Guill. Digull., Pèler. âme S., c.1355-1358, 154)

'...Tu es trop oultraigeux, fel trahitre !' et entant luy getat ung batton qu'il estoit tenant tout parmy le viaire (JEAN D'OUTREM., Myr. histors G., a.1400, 180)

Et en ala le vois parmy la région Que par le faus consail du traïtre félon Fist puis au roy son frère souffrir grant cuisenchon (Geste ducs Bourg. K., c.1410-1419, 263)

Remarque : La version révisée du présent article bénéficie de la contribution de Gilles Roques, 'La famille du français félon dans le Dictionnaire du Moyen Français' (Colloque d'Helsinki).

Voir aussi felle2félonesse