EXCELLENT

adjectif et substantif

[T-L : excellent ; GDC : excellent ; AND : excellent ; FEW (III, 272b) : excellere ; TLF (VIII, 391a) : excellent]

A. -[D'une pers. ou d'une chose] Qui est au sommet d'une hiérarchie de valeurs, qui est supérieur, qui possède des qualités éminentes, qui se rapproche de la perfection, excellent.

L'empereour trouva, qui tant fu exellens, Qui devoit la endroit tenir ses parlemens Pour responsse baillier as messagiers pullens (Flor. Rome W., c.1330-1400, 145-146)

Il m'est avis que pas ne mespris, quant Je l'enamay, qu'en ce monde vivant N'avoit dame qui fust si excellent, Ce disoit on. Si devins siens en bonne entention, Ne jamais n'i cuidasse, se bien non, Pour la grandeur de son trés bon renon Qui m'a destruit. (Mach., J. R. Beh., c.1340, 88)

Einsi son exellent bonté Et sa parfaite humilité, Sa maniere qui n'est volage, Son gentil port, son maintieng sage, Son biau parler, sa haute honnour... (Mach., R. Fort., c.1341, 12)

Doulx Dieu, qui de l'iaue fis vin Par ton grant pouoir excellent... (Mir. st J. Cris., c.1344, 254)

L'empereour trouva, qui tant fu exellens, Qui devoit la endroit tenir ses parlemens Pour responsse baillier as messagiers pullens (Flor. Rome W., c.1330-1400, 145-146)

Donques puis je bien encore conclurre que la consideracion et le propos de nostre bon roy Charles est a recommender, qui fait les bons livres et excellens translater en françois. (Oresme, E.A., c.1370, 101)

...car la multitude, c'est assavoir les populaires, et les sages excellens dient que c'est felicité, et cuident que bien vivre et bien ouvrer soit estre bieneuré ou avoir felicité et que tout ce est une meïsme chose. (Oresme, E.A., c.1370, 108)

Mais ce sont grans despenses et en grans choses, aussi comme se magnificence estoit une grandeur de liberalité ou une excellente liberalité. (Oresme, E.A., c.1370, 243)

Ma tres doulce dame excellente, Pour ce que vo loyaux cuer sente Et sache le bien et dolour Que bonne Amours en mon cuer ente Pour vous, qu'on doit dire vraie ente De tout bien et de toute honnour. (Mach., Les lays, 1377, 472)

...Conment par la Dieu courtoisie Est nostre loy auttorisie Plus que nulle autre et gracieuse, Plus excellent, plus vertueuse (Mir. st Lor., 1380, 123)

...creer et produire une dame souveraine et excellente sur toutes autres, qui oncques furent, ou jamais seront (Gers., Concept., 1401, 394)

Si ert acoustumé jadis, Ainsi comme on treuve en mains dis, Que tous hommes et toutes femmes Qui eussent loenges et fames D'avoir excellent sapience, Ilz honnouroient tant science Qu'ilz reputoient deité D'estre en si hault degré monté, Et les aouroient com dieux, Non obstant ne loise aux mortieulx. (Chr. Piz., Chem. estude P., 1402-1403, 223)

Toute la nuit durant, carpentèrent no gent Pour drechier la bricolle, un engien exselent. Une boiste y avoit faite par tel convent Que, quant on veut grever une ville forment, On enplist celle boiste, qui tient mout largement D'ordures, de carongnes, de matère de gent, Et puis, au desclichier, tout chil abillement Est jetés en la ville ; si put si ordement Que nus ne puet entour durer nesunement (Geste ducs Bourg. K., c.1410-1419, 459)

...le agument de l'entendement humain a tant petite vigueur en si excellente clarté qu'elle ne se puet affiquier ne adherdre en elle, s'elle n'est nettoiee par netteté de foy. (Somme abr., c.1477-1481, 133)

...ainsi que recite l'excellant docteur Haly Abenragel en la fin de sa Somme. (Simon De Phares, Astrol., c.1494-1498, f° 35 r°)

Cestui descendit de celui Emylian qui merita le triumphe si excellant en Romme, qui n'eut gueres pareil devant, ne après. (Simon De Phares, Astrol., c.1494-1498, f° 62 v°)

Cestui Montbarsac fut excellant medicin et astrologien (Simon De Phares, Astrol., c.1494-1498, f° 102 v°)

Et la demoura jusques au vingt deuziesme jour du dit moys, que trespassa maistre Jehan Michel, premier medecin du roy, tres excellent docteur en medecine, duquel le roy fut moult fort mary. (La Vigne, V.N., p.1495, 300)

Excellent de

Trés bien tailliez Hanches, cuisses, jambes ot, et les piez Votis, grossez, bien et bel enjointiez, Par maistrise mignotement chauciez. Dou remenant Que pas ne vi, dame, vous di je tant Qu'a nature tout estoit respondant, Bien fassonné et de taille excellent. (Mach., J. R. Beh., c.1340, 72)

Excellent en

Ma dame reverent et chiere, Digne de loange et d'onnour, Excellent en toute valour Que cuers porroit ymaginer, Yeus vëoir, oreille escouter, Main figurer, ne bouche dire... (Mach., R. Fort., c.1341, 83)

...c'est une chose qui avient trop peu que une personne soit puissant et excellant en pratique et en speculative. (Oresme, Divin. C., c.1366, 108)

Et pour ce, es cités ou sont tels estatus et teles loys par quoy les paoureus couars sont senz honeur, vituperés ou deshonoréz et les fors honoréz, pour certain ileques sont trouvés gens tres excellens en ceste fortitude. (Oresme, E.A., c.1370, 211)

Megastenes et Dionisius, hommes excellans en engin et florissans pour ce temps ès sciences de astrologie (Simon De Phares, Astrol., c.1494-1498, f° 58 v°)

Cestui fut excellant en engin et perspicu en la science des estoilles (Simon De Phares, Astrol., c.1494-1498, f° 76 v°)

Cestui fut tenu le plus excellant en la partie judicative que l'on sceust pour lors. (Simon De Phares, Astrol., c.1494-1498, f° 101 v°)

Très/moult excellent

...touz jourz est garniz de grant chevalerie Et de tres excellent, pour voir, bachelerie. (Gir. Ross. H., c.1334, 152)

Par mon chief, dist li hostes, il sont mont exeillent, Car j'ay ouÿ parler de leur hardiement (Renaut Mont. B.N. V., c.1350-1400, 253)

Le plus excellent

Il a en ceste ville venu nouvellement De tout le mon de guere le chevalier plus gent, Le plus bel, le plus noble et le plus exilent (Renaut Mont. B.N. V., c.1350-1400, 256)

CUPIDO. Je vous mariray, ma bourgoise, Car [vrayement] vous estes en aage, Mais les amours de mariage Ne sont pas des plus excellentes. (P. moyne, a.1500, 45)

B. -En particulier. [D'une pers.] Qui tient un rang élevé.

Aucuns magnifierent en saint Pierre l'onneur qui luy est fait par le monde es eglises et ailleurs par seigneurs et princes, tant soyent excellens, jusques a baisier non pas ses piés seulement mais ses os, sa robe et sa chayne. (Gers., P. Paul, a.1394, 487)

Pour Dieu, pour Dieu, tres nobles et excellens princes françois, chevalerie, et tous autres nobles presans et à venir, que ceste chose et mortel peril ne parte jamais de voz memoires (Chr. Piz., Paix W., 1412-1413, 136)

[Comme laudatif dans l'énoncé d'un titre]

En la confiance de l'aide de nostre seigneur Jhesu Crist, du commandement de tres noble et tres excellent prince Charles, par la grace de Dieu roy de France, je propose translater de latin en françois aucuns livres lesquelx fist Aristote le souverain philosophe, qui fu docteur et conseillier du grant roy Alexandre. (Oresme, E.A., c.1370, 97)

Savoir faisons, conme nous feissons a Amiens honmage a excellent prinche nostre chier signeur et cousin Phelippe roi de France, lors nous fu dit et requis de par lui que nous reconnissions le dit honmage estre lige (Froiss., Chron. D., p.1400, 193)

...le service pour l'âme de feu très exellent prince et nostre souverain segneur Charles VIe, roy de France (Fauq., II, 1421-1430, 110)

...Ysabel de Baviere, royne de France, en son vivant femme de tres hault et tres puissant et tres excellent prince le roy Charles de Valois VIe (Fauq., III, 1431-1435, 167)

Ores, treshault, excellent et puissant prince et mon tresredoubté seigneur (La Sale, J.S., 1456, 309)

...madame Agnès de Bourgongne ou chasteau de Molins en Bourbonnois, laquelle en son temps ot espousé feu prince de très noble memoire monsr Charles, en son vivant duc de Bourbonnois et d'Auvergne, dont vint et est yssue très noble et très honneste lignée, tant masles que femelles, comme très hault, excellent et puissant prince monsr Jehan, duc de Bourbonnois et d'Auvergne, qui espousa très excellente princesse madame Jehanne de France, fille ainsnée du bon roy Charles VIIe de son nom (Roye, Chron. scand., II, 1460-1483, 33)

[Laudatif, à propos de la Vierge]

Vierge royal, dame excellente, Sur toutes autres pure et monde (Mir. nat. N.S.J.C., c.1343, 217)

Vrais Dieux ! Or ne scay je mais ou attendre, fors en vostre tres saincte benigne grace. Tres noble et excellente Vierge, Royne, Mere du Sauveur de tout le monde, veulliez reconforter ceste povre orpheline et la veulliez garder par vostre saincte pitié et par vostre misericorde, que ces faulx Sarrasins n'aient ja puissance sur son corps. (Arras, c.1392-1393, 181)

C. -Emploi substantival. Celui qui est supérieur par ses qualités.

Helas ! je sui arrivé à mal port, Quant pour amer m'est pris la fievre lente Qui me fera mourir à desconfort, Se secours n'ay de la tres excellente Sens qui je n'ay nul plaisir Et pour qui m'est souvent maint mal sentir (Mach., App., 1377, 640)

Prothogoras aussi en ce temps fut des plus excellans d'Athenes, pour l'experience qu'il avoit en la science de astrologie. (Simon De Phares, Astrol., c.1494-1498, f° 47 v°)