ENTOUR

préposition et adverbe

[T-L : entor ; GD : entor1 ; GDC : entor ; AND : entur ; FEW (XIII-2, 52b, 53a) : tornare ; TLF (VII, 1224a) : entour]

I. -Préposition.

A. -Autour de.

1.Entour qqc.

Qui est entour un cercle (Oresme, E.A.C., c.1370, 142)

...laquelle jument, à l'aide d'un colier de corde que elle avoit entour son col, il lya et atacha à un buisson (Reg. crim. Chât., II, 1389-1392, 273)

...les autres grans dames vindrent, qui l'enmenerent [Mélusine] la dedens, et lui administrerent ce qu'elles devoient, combien qu'elle feust assez pourveue de sens. Mais elle les mercioit humblement de ce que elles lui monstroient pour son bien et honneur. Et lors fu couchiee, et attendirent entour le lit, en devisant de pluseurs choses, tant que Remondin venist (Arras, c.1392-1393, 41)

Et après disner, Gieffroy s'arma de toutes pieces, et puis demanda une estoile, que le chappellain qui lui avoit chantee la messe, tenoit, et la mist entour son col, et la croisa par devant son piz. (Arras, c.1392-1393, 297)

...et loiierent entours lors testes belles blances loiures de toille (Froiss., Chron. D., p.1400, 304)

Entour qqc./un lieu Autour de, dans l'environnement de, près de.

Lors plus de dis fois ou de vint Resgardai entour la haiette, Mais je ne vi riens fors herbette, Arbres, fueilles, fleurs et verdure. (Mach., R. Fort., c.1341, 107)

Car le manoir ou je gisoie Estoit loing de gens et de voie, Assis dessus une riviere Douce, clere, seinne et legiere, Qui couroit entour un vergier... (Mach., D. Lyon, 1342, 162)

...Puis entour son nif les assamble, Et quant il sont la tuit ensamble, Il y tiennent un grant concire... (Mach., J. R. Nav., 1349, 194)

Et estoient bien ly mur de la tour de XVJ. a XX. piez d'espez. Et la fist faire si haulte que les guettes qui estoient dedens veoient de tous coustez qui venoit devers le fort en la ville. Et y estably trompeurs qui trompoient quant ilz veoient aucun approuchier. Et sachiez que tous les trencheiz d'entour le bourc furent esrachiez la ou il en fu besoing, comme encore y est apparant. (Arras, c.1392-1393, 67)

Car se de glan rancontre la forest Dentour [l. D'entour] Pactay et chastaignes ont vente, Paié vous tient sans delay ny arrest (Villon, Poèmes variés R.H., c.1456-1463, 50)

...il fist, ainsi qu'on a de coustume en Picardie, et specialement entour Saint Omer (C.n.n., c.1456-1467, 441)

...et se vendit chier le vin creu es bons terrouers d'entour Paris, comme de dix à unze escus chascun muy. (Roye, Chron. scand., I, 1460-1483, 3)

Tout entour qqc. Tout autour de.

Li bons rois a pris son retour, Et voloit aler tout entour La ville, pour faire fermer Les portes que ne say nomer. (Mach., P. Alex., p.1369, 93)

2.Entour qqn. Autour de qqn, dans l'entourage de qqn.

Là eut grant priesse et grant tirich entours le roy, car cescuns s'efforçoit de dire : 'Je l'ay pris, je l'ay pris' ; et ne pooit li rois aler avant. (Froiss., Chron. L., V, c.1375-1400, 55)

Son mary avoit eu de bons amis entour monseigneur le cardinal. (C.n.n., c.1456-1467, 389)

Entour + pron. pers.

Et quant a moy fui revenus, Certes, je fui tous esperdus Et si fui en moult grant effroy, Car je regarday entour moy Et de tout cela riens ne vi Que veü avoie et oy. (Mach., D. verg., a.1340, 54)

Si regarday que ce seroit Et ce que li lions feroit, Car il fist, se Dieus me consaut, Entour moy maint tour et maint saut, Et longuement me conjoy, Dont mes cuers moult se resjoy. (Mach., D. Lyon, 1342, 171)

Pluto s'en va grant aleüre, Mais ne va trot ne ambleüre, Eins samble que ce soit la foudre ; Il fait entour lui si grant poudre Qu'elle vole jusqu'a la nue. (Mach., C. ami, 1357, 87)

La mauvaise et la decevable Devant nous getta sus la table Ceste pomme d'or que tu vois, Et puis cria a haute vois : 'Donnee soit a la plus belle !' C'est l'escripture d'entour elle. (Mach., F. am., c.1361, 205)

Mon tresdoulz cuer, je vous envoie ce que vous m'avés mandé, et vos paternostres ; et vous promet loyalment que je les ai portees, tout en l'estat que je les vous envoie, .II. nuis et .III. jours, sans oster d'entour moi (Mach., Voir, 1364, 458)

Trop le doubtoient Sarrazin, Qu'en li avoient mal voisin ; Entour li faisoit grant essart (Mach., P. Alex., p.1369, 73)

Li roys entour lui resgarda, Et de toutes gens ne trouva Qu'environ VJxx hommes d'armes. (Mach., P. Alex., p.1369, 108)

...il vit et apperceut le mordant d'une çainture d'argent que un homme, qu'il ne cognoissoit ne ne cognoist, avoit entour lui (Reg. crim. Chât., I, 1389-1392, 185)

Et le roy, qui scot leur venue, avoit fait tendre et appareillier si richement qu'a merveilles, et avoit toute sa baronnie entour lui. (Arras, c.1392-1393, 55)

Lors fu Gieffroy si courrouciez et fist si cruel semblant qu'il n'y ot si hardy qui entour lui osast demourer. (Arras, c.1392-1393, 250)

...mectez en vostre memoire le deshonneur que on dit de vous et de ceulx de entour vous (Juv. Urs., Loquar, 1440, 370)

Les autres dames, qui entour lui rioient, lui dirent : 'Et ! Saintré, mon amy, pourquoi ne dictes vous a Madame puis quant vostre dame ne veistes ?...' (La Sale, J.S., 1456, 7)

B. -Entour qqc. À propos de qqc..

...le dit suppliant ad esté hors de ville entour ces occupacions (Lettres agn. L., p.1406, 27)

C. -Entour + nom de nombre. Environ, autour de.

Li signeur de France (...) fisent deus bonnes batailles (...) en çascune avoit entours bien cinq mil hommes. (Froiss., Chron. L., V, c.1375-1400, 187)

...quant le dit Cont de M[archalle] se faillist de prendre le dit M[acmurgh] il (...) fist ardre sa measoun esteant en la dit bois de L. et entour quatorze bones villages environ le dit boys (Lettres agn. L., 1394, 208)

...ledit roy Lancelot reconcquesta tout le surplus dudit royaume et assiega le chastel neuf par l'espace de entour deux ans, ains que il le eust (La Sale, Salade, c.1442-1444, 190)

Entour + indic. horaire

Droitement ensi que entours heure de prime, messires Charles de Blois et toute sen host vinrent. (Froiss., Chron. L., VI, c.1375-1400, 153)

II. -Adverbe.

A. -Tout autour.

Une espée de fin argent, Qui avoit le pommel desseure, En signe de crois qu'on aeure, Assise en un champ asuré, De toutes coulours espuré. Et s'avoit lettres d'or entour, Qui estoient faites à tour, Disans, bien m'en doit souvenir, 'C'est pour loiauté maintenir,' Car je l'ay mille fois veü Sus les chevaliers, et leü. (Mach., P. Alex., p.1369, 12)

...ilz [les deux écus] estoient ensamble liez en un petit drapellet blanc, et entour liez de fil blanc, boutez en la fausse bourse de sa tasse. (Reg. crim. Chât., I, 1389-1392, 366)

Dans l'espace proche, aux environs.

Moy lavé, sans plus atargier, M'en alai devers le vergier Qui fu de la riviere enclos Tout environ sans autre clos, Qu'autre fortresce n'ot entour, Donjon, muraille n'autre tour. (Mach., D. Lyon, 1342, 163)

Mais li prince et li cenatour Et ceuls qui estoient entour Dirent au roy :... (Mach., C. ami, 1357, 39)

Tant se traveille Que venue est en une grant valee, De deus grans mons entour environnee Et d'un ruissel qui parmi la contree Bruit et groiselle. (Mach., F. am., c.1361, 164)

Item, un autre nommé Hermant Le Fevre, tondeour de grans forces, et est de Coloingne sur le Rin, qui va en maniere de varlet ès marches de Boulenoys, de Terrouenne et là entour ; et doibt retourner à Calais en guyse de chevalier sauvage. (Reg. crim. Chât., I, 1389-1392, 384)

...il s'en vint a Nantes, qui est la souverainne chité de Bretagne, et fist tant as bourgois et a ceuls dou pais entours que il le rechurent a signeur (Froiss., Chron. D., p.1400, 464)

Dans le voisinage immédiat.

Et eu païs qui est entour Il n'i a forteresce entour, Deffence ne ville fermée, Pour tenir contre vostre armée. (Mach., P. Alex., p.1369, 63)

Tout entour

C'est une roche en mi une valée Qui tout entour est d'iaue environnée, Grande, bruiant, parfonde, roide et lée (Mach., J. R. Beh., c.1340, 110)

En la pomme qu'elle tenoit, Qui bien et bel li avenoit, Avoit, je ne say qui, l'escript, Car tout entour estoit escript : 'Donnee soit a la plus belle !'... (Mach., F. am., c.1361, 200)

Et, par ma foy, je ne croy mie Qu'il ait ou monde entierement Si fort païs, car vraiement On y entre par II. destrois Qui sont rostes, longs et estrois ; Grans montaingnes a tout entour, Et maint chastel et mainte tour... (Mach., P. Alex., p.1369, 47)

Quant les Sarrasins apperceurent si grant navire venir vers eulx, si ne scorent que penser, car jamais n'eussent cuidié que telle puissance de crestiens feussent si prez de la. Et toutes foiz se mettent en arroy en reculant. Mais nos galees les vont avironnant tout entour, et commencent a faire getter leurs canons moult horriblement d'un costé et d'autre. (Arras, c.1392-1393, 89)

Et alors les combacteurs incontinent de leurs pavillons sailliront sur leurs escabeaux pour monter, qui vouldra, sur leurs destriers qui seront la tous prestz et devant eulx, et leurs conseilliers tout antour. (La Sale, Salade, c.1442-1444, 221)

Mon deulh croistra de jour en jour, Tant que vivré. Cy tout entour, Sens soubjour, En deul ma vie useré, Quant me souvendra de l'atour De faulx tour Ou voustre corps avons trouvé. (Pass. Auv., 1477, 104)

À la ronde.

Si que l'iaue de la marine Dou sanc avoit couleur sanguine Une huchie tout entour, Tant fu fors et crueus l'estour, Grans fu et crueus li assaus. (Mach., P. Alex., p.1369, 76)

Si ouvrirent une fenestre Pour mieux veoir et plus à plain S'il avoit nelui seur le plain. Et envoierent seur la tour Pour veoir le païs d'entour. (Mach., P. Alex., p.1369, 150)

Ci entour. À proximité.

Li saudoiier de Mortagne (...) ont accueilliet grant proie chi entours (Froiss., Chron. L., II, c.1375-1400, 57)

En une gente petite ville cy entour, que je ne veil pas nommer, est nagueres advenue adventure... (C.n.n., c.1456-1467, 507)

Entour et environ. Partout dans l'espace environnant, de tous côtés.

Ilz ont encloz l'ostel entour et environ. (Hern. Beaul. D.B., c.1350-1400, 47)

Quant ilz ont entendu du varlet la raison, A rire commencerent entour et environ (Ren. Gennes D.B., c.1350-1400, 97)

Adont a parlé Huez en monstrant grant fierour. 'Or entendez, dist il, environ et entour...' (Hugues Capet L., c.1358, 35)

Biau segneur, qui ci estes entour et environ (Geste ducs Bourg. K., c.1410-1419, 346)

D'entour. D'alentour.

Dou son qui de sa harpe yssoit Moult doucement restentissoit La sale et tous li lieus d'entour, N'il n'i avoit chambre ne tour Dont on ne le peüst oÿr. (Mach., Voir, 1364, 698)

Si ouvrirent une fenestre Pour mieux veoir et plus à plain S'il avoit nelui seur le plain. Et envoierent seur la tour Pour veoir le païs d'entour. (Mach., P. Alex., p.1369, 150)

B. -[Ds des loc. prép.]

1.Entour de qqc. À proximité de.

...vous vous rendrez dedans une demye heure entour de nostre hostel (C.n.n., c.1456-1467, 527)

Tout entour de

De Turtin et de Papagosse Furent tous mis en une fosse Pource que parler ne vouloient Des choses qu'i leur demandoient. Et pour faire conclusion, Tout entour de la environ Firent assembler des pourceaulx, Des coulleuvres et des oyseaulx, Et des poissons plus d'ung millier Qui estoient la pour escouter Et aussi pour estre tesmoings (Est., p.1460, 25)

Entour de qqn. Dans l'entourage de qqn.

...l'evesque (...) est le plus convoiteux prelat de ce royaume, et si a gens entour de luy qui scevent faire venir l'eaue au molin (C.n.n., c.1456-1467, 540)

2.L'entour de. Autour de.

Or y alons, j'ay empensé De faire rens l'entour de my. (Marcadé, Myst. Pass. Arras R., a.1440, 131)

À l'entour de qqc. Autour de qqc..

...elle monta jusques a la cheminée, a l'entour de laquelle elle lya tres bien une moyenne corde (C.n.n., c.1456-1467, 275)

À proximité de qqc..

...il envoya [un ami] pour faire le guet et escouter a l'entour de sa maison (C.n.n., c.1456-1467, 442)

Et incontinant qu'ilz apparceurent ledit signe, icelluy Jehan de Harmes referma laditte fenestre, et ledit bastard et Voyau s'en allerent à l'entour de la Bastide. (Le Clerc, Interp. Roye, c.1502, 172)