ENFORCIR

verbe

[T-L : enforcir ; GD : enforcir ; FEW (III, 728a) : fortia]

I. -Emploi transitif.

A. -Renforcer.

...pour plus enforcir la garnison de la forteresse (Bouciquaut L., 1408-1409, 318)

...c'est assavoir sa puissance et hault honneur acreu et enforcy (Chr. Piz., Paix W., 1412-1413, 141)

Aussi on treuve en luy [le coeur] un os cartillagineux a le affermer et enforcir. (Panis, Guidon, 1478, tr.I, doct.2, chap.5)

...par quoy eust bien enforcy son royaume et enrichy par la longue paix, en quoy il l'eust peü maintenir (Comm., II, 1489-1491, 168)

B. -En particulier. Rendre plus fort, fortifier.

Et aussi fut ordené de par le Roy que (...) toutes les barrières qui estoient par lad. ville fussent abatues et arses sur les lieux où elles estoient faites, pour ce qu'elles avoient esté faites, ou une grant partie d'icelles, en enforcissant la ville contre le Roy et contre ses gens. (Chron. St-Den. P., c.1383-1385, 28)

[Cont. métaph.]

Par le commandement d'Amours Et de la plus belle de France, J'enforcis mon chastel tousjours Appellé Joyeuse Plaisance, Assis sur roche d'Esperance (CH. D'ORLÉANS, Ball. C., c.1415-1457, 72)

II. -Emploi intransitif ou pronominal. Devenir plus fort, se renforcer, croître, augmenter.

Cil qui songe que son col est engressi et enforci plus qu'il n'estoit par devant, s'il est roy, signifie qu'il proffitera en foy, richesses, gloire (Expos. songes B., 1396, 97)

Beste c'est creature humaine, Qui foible est, au commencement (...) Puis enforcist et a tant vient Que sur piez et mains se soustient. (Chr. Piz., M.F., II, 1400-1403, 290)

...à ce propos treuve l'en en maintes escriptures que anciennement aux enfans des roys et princes, comme autrefois ay parlé sur ceste matiere, estoient quis sages maistres philosophes, lesquelz en avoient l'administracion et gouvernement jusques ad ce que ilz fussent parcreus et enforcis (Chr. Piz., Faits meurs Ch. V, S., I, 1404, 18)

...car la fortune s'enforci si tres grant que il lui couvint tourner arriere (Bouciquaut L., 1409, 375)

...sa crainte du daulphin s'enforcist de plus en plus (Chastell., Chron. IV, D., c.1461-1472, 45)

..le cueur lui alla enforcir de joye (Galien Rethoré K.K., 1500, 215)