ENFER

substantif masculin

[T-L : enfer ; GDC : enfern ; AND : enfern ; DECT : enfer ; FEW (IV, 666) : infernus ; TLF (VII, 1088b) : enfer]

A. -ANTIQUITÉ Demeure souterraine des morts.

Et si ot des musiciens Milleurs assez et plus sciens En la viez et nouvele forge Que Musique qui les chans forge, N'Orpheüs, qui si bien chanta Que tous ceaus d'enfer enchanta Par la douceur de son chanter, Devant eaus ne sceüst chanter. (Mach., R. Fort., c.1341, 147)

Amis, dessous le firmament N'a creature qui t'eschape, Tant ait cours draps ne longue chape. Tuit congnoissent ta grant puissance Et tuit te font oubeïssance. Vesla Pluto, le dieu d'enfer, Qu'est plus dur et plus noir que fer. (Mach., C. ami, 1357, 85)

Orpheüs mist hors Erudice D'enfer, la cointe, la faitice, Par sa harpe et par son dous chant. (Mach., Prol., c.1377, 10)

Et selon la translacion et exposicion d'Averroïz, Aristote fait ici similitude de ceste chose a la fable de Yxion, duquel les poëtes dient que il est en enfer en une roe ou il est contraint a tourner touzjours perpetuelment. (Oresme, C.M., c.1377, 304)

Maint lieu Estrange Herculés conquesta Et, pour ce que il contresta A monstres d'estranges figures, Disoient lors les creatures Que 'jusqu'Enfer ala combatre Pour les Infernaulx tous abatre...' (Chr. Piz., M.F., III, 1400-1403, 20)

Sebile l'ot prophetisié, Qui parmi Enfer l'atisié Le convoya et adestra, Et l'ame Anchisés lui monstra. (Chr. Piz., M.F., III, 1400-1403, 173)

Au pluriel.

'Oÿez Jupiter, et tu, Juno, tu, Quirin, et vous tous les dieux celestes, vous les terrestres, vous tous les enffers, je vous proteste cestui peuple estre injuste et qui ne veut rendre ce que drois est !' (Bers., I, 1, c.1354-1359, 32.9, 56)

Cerberus signiffie pechié, le desvoiable, Qui garde des enfers le gouffre redoutable. (La Marche, Mém., III, c.1470, 168)

Premeditant l'essence d'Egeus, La deligence au soubdain Peleus Et d'Ercules le sacré altithrosne Qui es enfers fut avec Theseus Pour Proserpine. (La Vigne, Honn. dames H., c.1500, 90)

Aprés que Saturne fut mis Relegué aux enfers transmis, Soubz Jupiter fut mis le monde, Lequel fut de Saturne filz (Antitus, Poés. P., c.1500, 30)

B. -RELIGION CHRÉTIENNE Lieu destiné au supplice des damnés.

Je voy les ennemis venir, Qui en enfer m'emporteront (Mir. ev. arced., c.1341, 137)

...porter la [ame] nous faut, Behemot, en enfer le chaut (Mir. ev. arced., c.1341, 138)

...le filz Dieu (...) Lors descendi en enfer le puent Et si en traist Adan, Eve et sa gent (Mir. ev. arced., c.1341, 145)

...Car desespoirs qui creature meinne A mort d'enfer et a la mort humainne Seroit en moy, de ce soiés certeinne. (Mach., F. am., c.1361, 154)

...Dieus y fu crucefiez Pour nous tous et martyriez, Qui nasqui de sa Vierge mere, Par le comandement dou pere, Et d'enfer tous nous racheta, Et ses bons amis en geta. (Mach., P. Alex., p.1369, 14)

Par trois resons c'on puet prouver Legierement, Vueil aus medisans clerement Dire et prouver Qu'il sont assez pires qu'Enfer Ne son tourment. La premiere est qu'Enfer ne fait Mal fors à ceulz qui ont meffait Et qui pour leur maux sont coupable... (Mach., App., 1377, 650)

Il veult dire que Dieu est et ou ciel et en enfer et partout. (Oresme, C.M., c.1377, 278)

...par leur grant desloyauté (...) Furent jus du ciel tresbuchié Jusques aux abismes d'enfer. (Chr. Piz., M.F., II, 1400-1403, 134)

Et sur ce dit saint Augustin que le cuer de l'avaricieux est semblable a enfer, car enfer ne sceit tant angloutir des ames qu'il die 'C'est assez,' (La Sale, J.S., 1456, 23)

...je suis seur qu'elle est en enfer, car oncques chose creé n'approucha plus a faire la maniere des deables qu'elle faisoit. [À propos d'une morte] (C.n.n., c.1456-1467, 490)

Alons, Belzebuth, mauldit dyable, Et portarons l'arme en enfer. (Pass. Auv., 1477, 112)

SATHAN. (...) tous deux [le juif et le chrétien] les emporteray En Enfer sans point de respit, Et pourchasseray, en despit De Nicolas, mon ennemy, D'en faire quelque bon amy Dedans la grant salle infernalle. (Mir. st Nic. juif, c.1480-1500, 123)

...Tant eult valu avoir ouÿ d'enfer Tous les grans deables avecques Lucifer. (La Vigne, V.N., p.1495, 136)

Au pluriel.

...dame, tes benefices trepercent les enfers et surmontent les cieulx (Mir. Theod., 1357, 80)

Et pour ce dient les maistres que, ainssy comme ledit paradiz terrestre est le chief de la terre pour sa treshaulte haulteur, sont les enffers en la plus basse profondeur du corps de la terre (La Sale, Salade, c.1442-1444, 139)

Croire que incontinent qu'il fut mort il descendi aux enfers pour delivrer les sains prophetes et justes personnes qui la estoient. (La Sale, J.S., 1456, 38)

... [fortune] vint ne sçay ou des enfers ou d'envoy de Dieu a tout ung tison ardant en une de ses mains, et en l'aultre ung gluy de paille tout ensouffroyé (Chastell., Chron. IV, D., c.1461-1472, 102)

Considere comme il se humilia Quant il voulut se faire a toy semblable, Puis avec toy me mist et m'y lia Et ton ame des enfers deslya Qui luy cousta ung prix inestimable. (Meschin., Lun. princes M.-G., c.1461-1465, 25)

Et en despit de tout le pouoir myen Ne des enffers toute l'orreur cruelle, Mauldite soit la putain macquerelle Qui jamais jour le paillart enffanta ! (La Vigne, S.M., 1496, 368)

Limbe d'enfer. Séjour des âmes des justes avant la Rédemption.

Car aussi toust qu'il [Adam et Eve] trespassèrent Et tous ceux qui de leur estoint Au limbe d'enffer dessendoint (Oudin, St Genis M.S., c.1490, 67)

Abismes/caverne/fons/fosse/gueule/gouffre/palus/puits d'enfer

Lors au roy Karlon pot adoncquez sambler, Et a tous les barons (...) Que la endroit veoient le grant goffre d'enfer, (...) Et veoient les diables par le salle troter, Qui portoient graues moult grans pour atraper. (Renaut Mont. B.N. V., c.1350-1400, 790)

Sire, elles sont plaisans et belles, Car elles sont du doulz Jhesu, Homme et Dieu, qui de l'ort palu D'enfer par sa mort nous retrait, Afin qu'en gloire feussons trait Avec son pére. (Mir. st Panth., 1364, 344)

La volt savoir se l'engenras, Et tu sierement l'en juras, (Ce fu par le palu d'infer) : 'Oïl, en tesmoing Lucifer...' (Froiss., Pris. am. F., 1372-1373, 97)

La gueule d'enfer est ouverte Pour vous, chetif, saichiez de voir, Pour corps et ame[s] recevoir. (Jour Jug. R., c.1380-1400, 254)

Ceulz yci, ou iront eulz incontinent aprés la mort se non a la dampnacion pardurable de la fosse d'enfer ? (Gers., Déf., 1400, 224)

...mais deffaire Fist Grant Orgueil celle beauté, Car, par leur grant desloyauté, Presompcion et grant pechié, Furent jus du ciel tresbuchié [les Anges révoltés] Jusques aux abismes d'enfer. (Chr. Piz., M.F., II, 1400-1403, 134)

Car le diable, qui par les merites de la mort du bon Jhesus et de ses victorieux martyrs et glorieux confesseurs avoit esté loiez en l'abysme d'enfer (Premierfait, Cas nobles hommes G., 1409, 80)

Car bas doit cheoir qui trop hault monte. Ou puis d'enfer vous porteron. (Mart. st Pierre st Paul R., c.1430-1440, 133)

Souviengne toy des mansions, Des belles habitations, Des beaux sieges celestiaux Et des beaux lieux impériaux Qui sont wis et desemparés, Lesquelz tu avois preparés Pour ceulx qui jadis tant pecherent Que au fons d'infer trebucherent (Marcadé, Myst. Pass. Arras R., a.1440, 8)

SATHAN. Dyables de l'infernal manoir, (...) Saillés a (tous) grans griffes de fer De ce puis infernal d'Enfer. (Mir. st Nic. juif, c.1480-1500, 104)

SATHAN. Dyables, (...) Le gouffre d'Enfer soit ouvert Afin que sailliez a ung tas (Mir. st Nic. juif, c.1480-1500, 137)

MORS. Je yray aux cavernes fumeuses D'enfer, je y scay bien le chemin, Et apporteray ce venin. Moy mesmes je m'en vois le querre Sans en faire par nul requerre Et seray soubdain racourue. (Cene dieux, c.1492, 126)

Et vous, seigneurs, en qui clergie A suffisance est eslargie, Mon parler ne veillez desdire Ne d'icelluy en rien mesdire, Car j'ay le cueur trop remply d'ire Pour ces faulx mauvais crestïens, Lesquelz Dieu tous veille mauldire Et au fons d'enfer interdire, Car pour trop suspectz je les tiens. (La Vigne, S.M., 1496, 328)

Diable(s)/ennemis/ministres/prince(s) d'enfer

Puis vi les ennemis d'enfer, Qui, après le grant cop du fer, Emportérent et ame et corps (Mir. emp. Julien, 1351, 206)

Il commenchièrent tout à huer et à donner un si grant cri que che sambloit proprement que tout li diable d'infer fussent venu en leur compaignie. (Froiss., Chron. R., X, c.1375-1400, 106)

Leurs vies leur seront retraictes, Et, pour leur feste commencier, Les envoiera lors dancier En cordes et liens de fer Avec les ennemis d'enfer, S'ilz ne s'advisent entre deux. (Desch., M.M., c.1385-1403, 53)

Et si bien lui en souvenra Que jamais ne l'oubliera, Mais lui reprouchera toudis Le default, et encor vous dis Que se son mari la laidange, Pour ce qu'il se doubte qu'au change Ne voit trop souvent ou dehors, Et pour ce qu'il oit les rappors Qui ne lui sont pas agreable De sa femme, mais reprouchable, Et que trop souvent va en ville, Elle respont : 'Li cent et mille Dyables d'enfer y aient part !' (Desch., M.M., c.1385-1403, 129)

...icelle divine dist (...) que il estoit envoulté ou ensorcelé, ne savoit pas encor lequel, et que elle parleroit à ces choses que elle appelloit les ennemis d'enfer, et briefment lui diroit tout ce que elle en pourroit savoir (Reg. crim. Chât., II, 1389-1392, 318)

...que au commancement elle appellast un ennemi et deable d'enfer que l'en appellast Luciafer, et lui priast et requist qu'il feust en son ayde à faire et acomplir sa voulenté et entencion (Reg. crim. Chât., II, 1389-1392, 323)

Alez vous ent, ostez vous hors de devant mes yeulx. Que tous les menistres d'enfer vous puissent convoier et martirer de .VIJ. tourmens infernaulx. (Arras, c.1392-1393, 242)

Comment raront les vies ceulx qui sont ars en grief misere, ne ton filz qui s'estoit renduz au crucefix ? Il n'avoit yssu de toy plus de bien que Fromont. Or est destruit par l'art demoniacle, car tous ceulx qui sont forcennez de yre sont ou commandement des princes d'enfer ; et par ce fist Gieffroy le grant et horrible et hideux forfait d'ardoir son frere et les moines qui mort ne avoient point desservie. (Arras, c.1392-1393, 255)

...toy et tes compaignes qui estes aliees aux diables d'enfer (Juv. Urs., Aud. celi, 1435, 228)

Venez ça tous diables d'infer, Diables, diables, diables de mer, Diables conjurés par parolles, Diables qui parlez es ydoles, Diables dampnés, venez avant ! (Marcadé, Myst. Pass. Arras R., a.1440, 240)

Pere, ve cy tous les humains Que des abismes inhumains Et hors des prisons Lucifer, Le tenebreux prince d'infer, J'ay tiré, reçoy les en gré Chascun de degré en degré. (Marcadé, Myst. Pass. Arras R., a.1440, 279)

SATHAN. Elle [l'âme du chrétien] est mienne. RAPHAEL. On te le nye, Dyable d'Enfer plain de diffame. (Mir. st Nic. juif, c.1480-1500, 145)

LE SECOND. Je pry Dieu, pour (en) avoir le bout, Que le grant dyable emporte tout. LE TIERS. Si m'ont dit les dyables d'enfer Qu'ilz les y feront bien chauffer A quelque pris que soit le boys. (Rapp., c.1480, 64)

Tenebres d'enfer

Certes ellez [Indignation,, Défiance, Désespérance ] furent nourriez es tenebres d'enfer, ennemies de la paix des consciences et adversaires du salut dez ames. (Chart., L. Esp., c.1429-1430, 23)

Ainsi par force potestal Pouoit Jhesus sans riens mesprendre Aux tenebres d'infer descendre Et hors oster tous ses amis (Marcadé, Myst. Pass. Arras R., a.1440, 266)

Feu/flamme/fournaise d'enfer

S'il estoit plus dur que nul fer, Si sara il se feu d'enfer Est chaut ou non. (Mir. ev. arced., c.1341, 140)

Conment pourray je faire tant Que quant du corps partira m'ame Que je puisse eschiver la flame D'enfer ? (Mir. st Guill., c.1347, 48)

Et certainement, dist il, plus grand paine est la perte du royaume des cieulx que le torment des flambes d'Enfer. (Daudin, De la erudition H., c.1360-1380, 352)

Vous qui me regardez en face, Priez pour moy a nostre dame Que par le feu et par la flame Ou doit mon las de corps bruir, Le feu d'enfer puisse fuir M'ame, que n'en soit approuchée (Mir. femme, 1368, 214)

Dou memoire des hommes degradés Et des livres, où il a esté mis, Maudis de Dieu, de tous sains condampnés, De la clarté des estoiles bannis Puist estre li mois de Mars Et de mal feu d'enfer brulés et ars, Li et si jours et sa puissance toute, Quant il m'a fait avoir en piet la goute. (Mach., L. dames, 1377, 222)

BELIAR. Prenons cestuy [truand] , menons la dance Et le ruerons en la fornaise D'enfer, treshorrible et pugnaise, Ou son ame est ja toute emprise. (Myst. st Adr. P., c.1450-1485, 181)

Se maintenant une petite passion te fait tant impacient, que te fera lors le feu d'enfer ? (Internele consol. P., 1447, 349)

Garde que la flame D'inffer ne l'atiegnie. (Myst. st Bern. Menth. L., c.1450, 108)

Saillez, venez en ceste place, Que le feu d'Enfer vous puist ardre ! (Mir. st Nic. juif, c.1480-1500, 107)

Peine(s)/tourment(s) d'enfer

A cuer de courrouz enflambé M'a dit que se tost sanz demour Ne laisse la mondaine amour Et que d'elle servir me paine, Jugie sui a le grief paine D'enfer sanz fin. (Mir. nonne, 1345, 346)

...et il vault miex estre En paine et soi a tourment mettre Temporelment et en moment Qu'es paines pardurablement D'enfer (Mir. st Guill., c.1347, 28)

Puis qu'en Jhesu Crist nostre sire, Qui de la destre Dieu le pére Descendi en la vierge mére, Qui est vraiz Diex, n'avez creance, Ne que pris n'avez renaiscence Par baptesme, c'est vraie chose, Qu'elle est orde, bien dire l'ose : Orde, car s'ainsi trespassez, Touz ses bons jours ara passez Et es tourmens d'enfer sera Mise tant com Diex durera (Mir. Barl. Josaph., c.1363, 291)

Beaulx seigneurs, nous sommes cy assemblez pour soustenir la foy de Jhesucrist, et de laquelle il nous a regenerez. Et savez comment il a premierement souffert la crueuse mort pour nous racheter des paines d'enfer. (Arras, c.1392-1393, 108)

Pour ce que ilz sont quittes de ce tourment ou nous sommes, ou de plus horrible : c'est du pardurable tourment d'enfer. (Gers., Déf., 1400, 241)

Avecquez ce, pour non oster aux crestiens l'esperance du ciel, ou Dieu a reservé leur principal fiance, il promist a ses disciples paradis, et menassa ses contraires des peines d'enfer (Chart., L. Esp., c.1429-1430, 120)

S'ilz avoyent donques ferme foy et que ilz creüssent ce que Dieu et l'Eglise nous commande sur peine de damnation, congnoissans leurs jours estre si briefz, les peines d'enfer estre si horribles et sans nulle fin ne remission, seroyent-ilz ce qu'ilz sont ? (Comm., II, 1489-1491, 225)

Et quant ilz l'eussent faict mourir, si n'eust esté la peine semblable à la cent milliesme part de la maindre peine d'enfer. (Comm., II, 1489-1491, 226)

Amour divin, peur de damnacion, Peines d'enfer n'espoir de saulvement N'ostent plus nulz de l'inclination D'offencer Dieu et son commandement. (Cene dieux, c.1492, 114)

La mort d'enfer

Dame par qui fumes tensé De la mort d'enfer perdurable Quant Dieu le pére esperitable Fist son filz des haulx cieulx descendre En vous et humanité prendre Pour nous mener en paradis, Dame qui en faiz et en dis Plus qu'autre par prerogative Futes a Dieu contemplative En sainte conversacion, Dame, toute m'afeccion, Ma plaisance et tout mi desir Sont en faire vostre plaisir. (Mir. nonne, 1345, 317)

Dame, par qui fusmes tensé De la mort d'enfer pardurable, Quant Dieu le pére esperitable Fist son filz des haulz cieulx descendre En vous et humanité prendre Pour nous mener en paradis (Mir. march. juif, c.1377, 175)

Doulz Dieu, qui de l'amere mort D'enfer gestates homme et fame, Vueilliez remettre en ce corps l'ame, A la gloire de vostre nom Et a la loenge et renom De vostre espouse, sainte Eglise. (Mart. st Pierre st Paul R., c.1430-1440, 128)

Par analogie. [Dans une compar.]

...amours tres faulses, mauvaises et traitres, semblerez vous tousjours enfer qui de angloutir ames onques ne fut saoul ? (La Sale, J.S., 1456, 300)

Trouver qqn en paradis ou en enfer. Retrouver qqn où qu'il soit.

Et pour ce que le seigneur du Vergier ou ses gens ne furent pas contens que lesdiz Dugué et Caderu prinsent la dîme en certaines terres, ung nommé Pierre Piquet, soy disant serviteur dudit seigneur du Vergier, [voulu contredire] ausdiz dismeurs, en les demandant à aucunes personnes et disant qu'il les trouveroit ledit jour en paradis ou en enfer. (Doc. Poitou G., t.11, 1474, 449)

C. -Au figuré.

Vie de tourments.

...Et il le met en grief prison D'enfermeté en lieus divers, Ou estre puet rungiez de vers Et de planté d'autre vermine, Et il y est un lonc termine, Chargié col et les bras de fers Et les jambes, c'est bien enfers. (Mach., J. R. Nav., 1349, 207)

Pour ce que Manassès erra, Nostres sires si l'enferra En Babiloine ou enserrez Fu, si loiez et enferrez, Que ci li sambloit uns enfers, Tant estoit liëz et en fers. (Mach., C. ami, 1357, 57)

Dame, je sui par vous resuscitez, En paradis mis d'enfer, où j'estoie, De mes mortelz paours asseürés, Des grans doleurs garis que je sentoie ; Par vous est dous mon amer, Quant vostre ami me daingniez apeler, Et s'il vous plaist que joie en moy acqueure En lieu dou cuer, dame, qui vous demeure. (Mach., Bal., 1377, 545)

Bien sont gens mariez honnis, S'ilz ont tel dangier comme ilz dient, Et quant je voy que pas n'en rient, Mais dient que, leurs femmes mortes, Ne passeront jamais telz portes, Il me semble selon leurs diz Ce n'est repos ne paradis, Mais droiz enfers de tel riote. (Desch., M.M., c.1385-1403, 30)

Car tout l'argent et tout l'avoir Ne sont fors que enfer avoir. (CH. D'ORLÉANS, L. péché C., 1404, 546)

Jalousie, qui s'en laisse assaillir, Fait en homme tout honneur defaillir, Ne d'ou el est ne puet nul bien saillir. Dieu la confonde Et ou parfont de la terre l'affonde, Car el porte son enfer en ce monde Dedens son cuer ou mauvaistié habonde ! (Chart., D. Fort., 1412-1413, 185)

Certes je ne doubte pas que, se grace Dieu (dont ilz ne sont dignes) ne les en garde par leur donner advertissement de si grans faultes, que la sentence divine ne chée sur eulx quelquefois si durement que dès en cestui monde par punicion juste leur enfer ne commence, comme de ce aions mains exemples en la Sainte Escripture, si comme de Caym qui ot occis par traison son frere Abel. (Chr. Piz., P.V.H., 1416-1418, 22)

...à ce s'accorde Josephus en disant que l'impacient, qui par longue acoustumance de ne vouloir riens souffrir, tourmente autrui, mais en tourmentant les autres il tourmente lui-meismes, et par ce commence son enfer dès en cestui monde, lequel apres et à tousjours il possedera. (Chr. Piz., P.V.H., 1416-1418, 31)

...se mariez est, aviser et congnoistre les condicions de sa partie, se bonnes sont, donner cause à son povoir que continuées soient, et se mauvaises, trouver voye se on puet de les amoderer, afin de vivre en paix, comme il ne soit plus grant enfer ou monde que riote en mariage (Chr. Piz., P.V.H., 1416-1418, 36)

Mauvais moment.

...j'aymeroye mieulx me aller pendre au gibet que jamais me rebouter ou dangier de trouver enfer, que j'ay, la Dieu mercy, a ceste heure passé. [Un veuf refuse de se remarier] (C.n.n., c.1456-1467, 491)