DISSIMILITUDE

substantif féminin

[GDC : dissimilitude ; FEW (XI, 630a) : similis ; TLF (VII, 307b) : dissimilitude]

Différence, absence de similitude.

Et pour ce que ces .II. especes d'amistié ont tele difference et dissimilitude a vraie amistié, il ne semble pas que elles soient amistiés. (Oresme, E.A., c.1370, 426)

Aprés il met dissimilitude entre prudence et entendement. (Oresme, E.A.C., c.1370, 348)

Je respon que ce n'est que une fuite, car il ne fault fors muer un pou le cas et mettre que selon la dissimilitude des parties du ciel, les parties de ce feu en recompensant soient telement dessemblables que equalité quant a propos et quant a mouvement soit de toutes pars. (Oresme, C.M., c.1377, 600)

...consonancie, a parler proprement, signifie deux choses. L'une est diversité de sons et dissimilitude, car d'un seul son ou de plusieurs semblables et egaulx ne se pourroit consonancie ensuivre (Evr. Conty, Harm. sphères H.P.-H., c.1400, 45)

Dont dit Seneque que bien estoit Allexandre different et non semblable a celluy qui souffroit ceste injure, et met en ce la dissimilitude, car Calestorum, qui souffroit le injure, estoit juste et vertueux, et Allexandre, qui pour l'aveuglement de son yre luy faisoit le injure, estoit injuste et tyrant (Fillastre, Traité Conseil H., c.1472-1473, 243)

Par dissimilitude de + inf. et non...

Et ainsi je croy que cuer de noble estrattion qui a la science des nobles vertus des ars dessuz diz ou cuer, qu'il n'en sauroit meserrer si tost que cil qui auroit aprins les ars par avarice de vouloir enrichir, par dissimilitude de complaire aux princes, et non monstrer le vif du droit, car rudesse de nature ne se puet bonnement appliquer a la nature nourrie en noblesse. (Arras, c.1392-1393, 17)