DICTATEUR

substantif masculin

[GDC : dictateur ; FEW (III, 71b) : dictator ; TLF (VII, 171a) : dictateur]

Celui qui est investi d'un pouvoir absolu pour une durée limitée.

Derechief ou chapitre universal aussi sera esleu un chevalier de la Chevalerie de grant prodommie, qui sera appele le dictateur du chapitre universal, et aveuc luy XII peres conscris, aveuc XII coadjuteurs des chevaliers, et tenront le chapitre universal de IIII en VI ans. (Mézières, Sustance H., 1396, 80)

À Rome, magistrat détenant tous les pouvoirs, nommé en cas de crise grave et dont le mandat était limité.

...et lors il faisoyt auchune foiz un dictateur qui avoyt si general et si grant poeyr que de luy ne poeyt on apeler au peuple et de touz autres le poeyoit on. Et cestui ne poeyoit durer que demi an ; et tous jours cestui creoyt un autre office que il apeloyt mestre de chevaucheurs. (Bers., glossaire, c.1354-1359, ms. Paris, B.N.F., nouv. acq. fr. 27401, f° 161b)

Dictateur estoit uns princez que l'en establissoit por cas et pour causes tres grans qui sourvenoyt d'aventure ; et avoit pouoir sur touz autrez officez, et de luy ne pouoyt en apeler, et ne deuroit son pouoir que sis moys au plus, et n'estoit pas office ordenaire mes par volunté du peuple quant grans besoigns estoit. (Bers., II.18, c.1354-1359, ms. Paris, B.N.F., nouv. acq. fr. 27401, f° 195b)

Toutez foyz, selunc les tres anciens aucteurs, T. Largius fut le premier dictateur [trad. lat. dictator] et Sp. Cassius fut li premier mareschal apelés maytrez des gens de cheval o mareschal (Bers., II.18, c.1354-1359, ms. Paris, B.N.F., nouv. acq. fr. 27401, f° 195b)

Ceste chose vint jucques a la cognoissance du senat, lesquiex tantost creerent .i. dictateur [trad. lat. dictator] appellé Lucius Quincius, lequel estoit ja de l'aage de .iiii.^xx ans, laquele puissance de dictateur estoit autelle comme celle que orent depuis les empereurs, fors tant que elle ne duroit que demi an, et joint l'en avecques li .i. maistre des gens de cheval qui avoit a nom Servilius Ahalani (Raoul De Presles, Cité de Dieu, 1371-1375, ms. Paris, B.N., fr. 22912, III.17, glose, f° 132d)

Mais pource que Valerius appele l'estat de consule souverain empire, c'est a dire souveraine seignourie, il est assavoir que estas de consule a Rome n'estoit pas le souverain estat quant il y avoit dictateur (Sim. Hesdin, Val. Max., 1375-1383, I.1.2, glose, f° 6c)

Ainsi fut contraint de rendre graces de son secours a cellui dont il avoit esclandé l'onneur et tenir pour vertu la constance de Fabius qui paravant avoit appelee lacheté, par laquelle le dictateur Fabius mena Hannibal si durement que, a peu et sans dommaige de la chevallerie de Romme, que a tresgrans et dures pertes aprés toutes ses victoires il fu dechacié d'Itallie en Auffrique et fut vaincu et mort miserablement. (Chart., Q. inv., 1422, 36)

...lisons Titus Livius et nous trouverons que les dictateurs et les conseulz qui conduisoient les batailles rommaines estoient souvent esleuz a Romme de vaillanz hommes que on envoioit querre es champs ou ilz faisoient les labours des terres, comme il avint de Fabricius, de Lucius Quintus et de pluseurs autres, qui neantmoins estoient si craintivement obeiz que, ou les faultes advenoient contre discipline d'armes, pitié n'y avoit lieu, lignaige ne hault port n'y donnoit faveur et prieres n'y avoient mestier. (Chart., Q. inv., 1422, 59)

Dictateur, c'estoit cellui qui en cas de tresgrant peril de la chose publique estoit esleu seul et pour le tout souverain gouverneur du tout, et soubz lui en elisoit on ung qui avoit le gouvernement des gens d'armes qui se appelloit le maistre des gens de cheval. (Rouvroy, Stratagèmes, 1422-1425, ms. Paris, B.N.F., fr. 1234, glossaire)

Flaminus, fut esleu dittateur, et mena sy saigement l'ost des Rommains que c'estoit l'ome de Romme que Hanibal hay et creniy le plus (La Sale, Salade, c.1442-1444, 34)

...et fut ung nommé Titus Largius creé premier dictateur [trad. lat. dictator] et Spurius Cassius fut fait maistre de la chevalerie, mais le commandement du dictateur estoit souverain, car il n'estoit point tenus aux loys et ne se appelloit point de lui et estoit son commandement loy (Mamerot, Romuleon, 1466, II.10, f° 51c)

...ne les consulz ne furent depuis commis a nulles concquestes ne grosses besongnes, car en leur an consullaire ilz ne pouoient pas auculnesfois achever leur charge quant c'estoit en longtaine marche ; et pour ceste cause principalement fut establi auz ditateurs duree de .v. ans adfin qu'ilz eussent meilleur espace de besongnier ne ne feussent constrains de habandonner le pourfit pour le soubdain retour (Duchesne, César, 1473, I.4, f° 9c)

Pour ce conjectura près de verité l'infortune des Romains et tantost furent les grans strages en Auffrique, entre Scipion Publius et Sergius, dictateurs rommains. (Simon De Phares, Astrol., c.1494-1498, f° 65 r°)

Remarque : MAMEROT, Romuleon D., 1466, gloss.