DEXTRE

adjectif et substantif

[T-L : destre ; GD : destre ; AND : destre1 ; DECT : destre ; FEW (III, 61b) : dexter ; TLF (VII, 134b) : dextre]

I. -Adjectif.

A. -Qui est à droite.

Lors se treï courtoisement Vers moy pour savoir de mon estre, Et si me prist par la main destre De la sienne, blanche et polie, Pour mieus savoir ma maladie ; Si senti mon pous et ma veinne Qui estoit foible, mate et veinne. (Mach., R. Fort., c.1341, 57)

...alez li trenchier Tost le poing destre. (Mir. st J. Cris., c.1344, 296)

Herculès par le destre cor Le prist et si fort le hacha Qu'il li rompi et arracha, Dont Atheleüs desconfis Fu et son cor pris et confis. (Mach., C. ami, 1357, 95)

Et Gieffroy fiert le jayant, sur le bras dextre, de l'espee, et de toute sa force. L'espee fu bonne et bien trenchant ; si lui trencha le braz devant le coute, si que il vola par terre. (Arras, c.1392-1393, 247)

...vous avez bouché mon dextre oeil (C.n.n., c.1456-1467, 113)

...tenoit son braz destre par le coute (C.n.n., c.1456-1467, 472)

[En châtiment, lors d'un premier vol] Couper l'oreille dextre

... [ils] furent d'oppinion que elle feust menée ou pillory, tournée illec, l'oreille destre coppée, et, en après, banye de la ville de Paris et dix lieux environ à tousjours (Reg. crim. Chât., I, 1389-1392, 310)

Aimer qqc. plus que son oeil dextre

Ceste clef porterés, Amis, et bien la garderés, Car c'est la clef de mon tresor : Je vous en fais seigneur dés or Et desseur tous en serés maistre. Et si l'aim plus que mon oeil destre, Car c'est m'onneur, c'est ma richesse (Mach., Voir, 1364, 364)

Main dextre

Et en sa destre main tenoit Un dart qui bien estoit ferré De fer tranchant et aceré (Mach., D. verg., a.1340, 19)

...car nous voion que par nature la main dextre est la meilleur et la plus viguereuse. (Oresme, E.A., c.1370, 305)

Lequel prisonnier lors print elle qui parle par la main destre (Reg. crim. Chât., I, 1389-1392, 151)

L'EVESQUE, espousant Griseldis au marquis (...) Dame, bailliez moy la main destre, Et vous aussi la vostre, sire. (Gris., 1395, 41)

Li rois d'Engleterre prist le jone conte par la main destre moult doucement (Froiss., Chron. D., p.1400, 803)

En sa main dextre une couronne Tenoit Fortune belle et bonne (Chr. Piz., M.F., I, 1400-1403, 75)

Janus, je te vaiz secourir Et clouerons ceste main destre. (Pass. Auv., 1477, 196)

...et ordonna aux Hebrieux escripre de la main dextre, en venant à senestre, car par avant escripvoient alant et venant ainsi que l'on laboure les terres à la charrue. (Simon De Phares, Astrol., c.1494-1498, f° 48 r°)

Et lors une ange en sa main destre Tenant une espee de flame, Luy fit tenir paÿs champestre (La Vigne, S.M., 1496, 298)

Son arrièrre-garde estoit à la main dextre de luy, ung peu recullée (Comm., III, 1495-1498, 184)

Je la tiendray [ma terre] dorenavant Contre tous a la main senestre, Et la deffendray a la destre. (Myst. st Laur. S.W., 1499, 135)

À main dextre

Car posé que une roe estante, aussi comme est la roe du moulin, fust devant et fust meue en tornant droit vers moy ; je di que, selon droit ordre de mouvement, le desus de ceste roe - a prendre desus en la seconde maniere - seroit devant moy a main destre. (Oresme, C.M., c.1377, 322)

Estre la main dextre/le bras dextre de qqn

Ne nulle fois n'est asseür ; Et j'aussi pas ne l'asseür, Car asseürés ne puet estre Sans vous, qui estes sa main destre, Qui estes toute s'esperence, Ses reconfors, sa soustenance. (Mach., D. Lyon, 1342, 230)

...mon souverain seigneur, vous n'estes pas simplement personne laye mais (...) le bras dextre de l'esglise (Juv. Urs., Verba, 1452, 209)

La dextre main de Dieu. La droite du Seigneur.

[Symbole de la puissance de Dieu]

Item est apellé le 'doigt de la destre main de Dieu', pour ce que ainsi que toutes choses corporeles nous les demonstrons au doigt, pareillement par le Saint Esperit sont demonstrees les choses espiritueles pour les veoir de l'ueil espirituel. (Somme abr., c.1477-1481, 123)

[Symbole de la grâce de Dieu]

...les pechies des crestiens jusques aujourduy ont fait un murs entre Dieu et la crestiente, et ont fait retraire la destre main de Dieu, c'estassavoir la grace de sa benediction, quant à la delivrance de la sainte cite et temple de Dieu qui est en Jherusalem (Mézières, Sustance H., 1396, 99)

La dextre partie/la dextre part/le dextre costé (de qqc.)

Li soudans estoit en un lit Basset, bien paré pour delit ; Et à sa destre coste estoient Deux grans amiraus qui tenoient Chascuns une hache en sa main. (Mach., P. Alex., p.1369, 195)

Ensi cevauçoit messires Godefrois de Harcourt, casqun jour, dou costé le grant hoost le roi, au destre costé (Froiss., Chron. D., p.1400, 681)

Et un Sarrasin, qui venoit de celle part et avoit la dextre partie de toute la teste tranchie, tellement que l'oreille lui pendoit sur l'espaule, lui dist : ... (Arras, c.1392-1393, 229)

Item por fivre agüe, R. jus de plantein et de morelhe, et confiseis avuec abon d'uef et avuec delie farine d'orge bien sechie sor une tuelle, et en faitez une enplaistre, et le meteis sor le dieste costé de nombrilh de chi alle eskine, se garira. (Méd. nam. H., c.1400-1500, 201)

Qui a tant de confusion En sa triple dimension Que nul ne peut certainement Signer fin ne commencement, Ne distinguer la dextre part De la senestre par nul art (La Haye, P. peste, 1426, 170)

...une cicatrice à cause de la plaie qu'il eut à la rencontre de Montlehery en la gorge, en la partie dextre (Roye, Chron. scand., II, 1460-1483, 41)

...une fistule qu'il avoit au bas du ventre en la penillere du costé dextre (Roye, Chron. scand., II, 1460-1483, 41)

B. -Qui est adroit, habile, expert.

...six galans au fait des armes destres (La Vigne, V.N., p.1495, 233)

II. -Substantif.

A. -La main droite.

...onques plus cler mirëoir Ne pot on tenir ne vëoir. Raisons le tenoit en sa destre, Une balance en sa senestre, Si que la dame s'i miroit Plus souvent qu'on ne vous diroit. (Mach., J. R. Nav., 1349, 176)

...et pour plus de maleur, Fortune veult que la destre de celluy qui fist celle occision fut la main de celui a qui le pere l'avoit baillié a garder. (La Sale, Sale D., 1451, 233)

Comme as tu si lasche vouloir De consentir estre deffaitz, Par infection mise en l'air, Ceulx qui par ta dextre sont faictz ? (Cene dieux, c.1492, 131)

Par métaphore. Puissance.

Comment puet ce estre Que je sui si fort mis à mestre Que departir, Deguerpir Ne fuïr Ne puet mes cuers de son dous estre Eins est toudis dessous sa destre Pour li servir, Oubeir Et cherir ? (Mach., Les lays, 1377, 436)

B. -Le côté droit.

Et chevauchièrent les plains en costiant leur bataille (...) Et quant il l'eurent passet une fois au senestre et il furent oultre, il reprissent le destre (Froiss., Chron. R., XI, c.1375-1400, 49)

Et la cause est car qui ymagineroit que elle [une roe estante] fust vive ou que un honme estendu en la maniere devant mise la meust par ordre deu, quant cest honme avroit son bras destre ou desus de la roe - en prenant desus en la premiere maniere - il convendroit que sa teste fust devant moy vers ma destre. (Oresme, C.M., c.1377, 322)

Croire que XL jours aprés qu'il fut resuscité il monta es cielz en corps glorifié, et que la siet a la destre de Dieu le pere. (La Sale, J.S., 1456, 38)

Å dextre. À droite.

Si trouva une voie a destre Et entra en un sentelet Sëant dessus un ruisselet Qui descendoit d'une fonteinne. (Mach., D. Lyon, 1342, 174)

Regarde a destre et a senestre (Mir. parr., 1356, 60)

Mais j'avoie toudis l'oreille Devers la cheminee a destre Ou il avoit une fenestre Par ou sa parole escoutoie, Car pres de la fenestre estoie. (Mach., F. am., c.1361, 151)

Mais il laissa la roche a destre Et prist son chemin a senestre (Mach., Voir, 1364, 628)

Nostre gent issirent à plain Et se meïrent seur le plain. Le prince ot la voie senestre Et Lesparre prist celle à destre, Et Bremont avoit la moienne, Car par droit devoit estre sienne, Pour ce que plus n'en y avoit. (Mach., P. Alex., p.1369, 163)

Et lors le roy regarde a senestre le fons d'une valee et voit l'ost de son frere qui s'estoit logié sur la riviere ; et d'autre part, voit a dextre, l'ost des Sarrasins, qui estoient grand multitude. (Arras, c.1392-1393, 135)

Lors regarde a dextre, sur une petite montaigne, et voit le guet ou il ot bien Vc. hommes d'armes et voit les coureurs descouvrir tout autour de l'ost. (Arras, c.1392-1393, 178)

Et esqieverent Brousselles et passerent a destre, et fissent tant qui il vinrent a Mont Sainte Gertrut et de la a Dourdresc. (Froiss., Chron. D., p.1400, 71)

...et lui estant près du pont vit sur icellui une autre des maisons cheoir et fondre avec partie du pont de la main senestre, et puiz passa à dextre. (Baye, I, 1400-1410, 214)

Desir n'est que devant voiant : Derrier n'a dextre, Ainsi ne scet amant son estre, Car qui n'est pas de son cuer mestre, Du maintien ne le pourroit estre. (Chart., L. Dames, 1416, 271)

Ve cy assez pour esragier, Et ne pouoies tu oreillier Tousjours a dextre et a senestre, Pour savoir que ce pouoit estre ! (Marcadé, Myst. Pass. Arras R., a.1440, 13)

On a veu des baillifz, quant ilz vouloient donner une sentence, ilz fais des deux parties l'un a dextre et l'aultre a senestre (Juv. Urs., Nescio, 1445, 519)

BOURREAU. Chascun d'eulx cy trespassera, L'un a dextre, l'aultre a senextre. (La Vigne, S.M., 1496, 313)

Estre à dextre à qqn. Être habituel pour qqn.

Avarice lour est a destre. (Dupin, Mélanc. L., c.1324-1340, 111)

À dextre et à senestre. À droite et à gauche, de tous côtés.

...li uns devant li regarde L'autre derrier qui fait la garde, Ainsi comme dame doit estre Sur garde a destre et a senestre : La doit elle bien regarder, S'elle vuelt bien s'onneur garder. (Mach., Voir, 1364, 214)

Si me mis a une fenestre Veant a destre et a senestre (Mach., Voir, 1364, 288)

...ses gens couroient par tout à destre et à senestre, et prendoient vivres et prisonniers là où il les pooient avoir. (Froiss., Chron. L., V, c.1375-1400, 211)

Or dit l'ystoire que tant porta le cheval Remondin, ainsi pensif et plein d'ennuy et de meschief qui lui estoit advenu, qu'il ne savoit ou il aloit, ne il ne conduisoit pas le cheval, mais le portoit partout la ou il lui plaisoit a aler, sans ce que il lui tournast le frain a dextre ne a senestre (Arras, c.1392-1393, 24)

...ainz [Malebouche] a tousdiz l'oeil prest et esveillié pour aviser que on fait a dextre et a senestre, et l'oreille levee aussi de l'autre part pour escouter quanque on dit en la ville, et qui pis est, de le porter partout. (Evr. Conty, Eschez amour. mor. G.-T.R., c.1400, 397)

...toutdis leur venoient gens, a destre et a senestre, de tous costés. (Froiss., Chron. D., p.1400, 83)

...et ne soit son [du roi] cuer eslevé en orgueil et ne decline a dextre ne a senestre (Juv. Urs., Verba, 1452, 208)

À dextre de qqc.

Item, un ange par sa volenté peut bien estre meu avecques le corps, lequel corps et l'ange sont en un lieu ou proceins, et peut l'en dire que l'ange est en ce corps ou a destre ou a senestre de ce corps. (Oresme, C.M., c.1377, 290)

À la/au dextre (de qqn)

Sire, la royne s'est tenue a ta destre (Mir. ev. arced., c.1341, 104)

Trinatris avoit seur son chief, Qui li faisoit trop de meschief ; L'autre aus piez, le tiers a senestre, Et le quart estoit a son destre. (Mach., C. ami, 1357, 84)

Dame gentilz et de biauté garnie (...) vous portez coronne de hault pris Au destre Dieu (Mir. st Sev., 1362, 240)

Ces IJ. furent dalés le roy, En grant couvine et bon arroy. Percevaus estoit à sa destre Et Bremons fu à sa senestre. (Mach., P. Alex., p.1369, 73)

Item chi après s'ensieuwent les noms des barons, qui aidièrent à porter le corps dou conte (...) jusques à l'eglise Saint Pierre : Et premiers, messire Jehans de Viane, amiraus de France, au destre, et li seigneur de Ghistelle, au senestre. (Froiss., Chron. R., XI, c.1375-1400, 159)

DISMAS BON LARRON (a la destre). (Pass. Auv., 1477, 218)

À la dextre de Dieu

Au tier jour se ressuscita, Et es sains cieulx après monta, A la dextre de Dieu le Pere. (Myst. st Adr. P., c.1450-1485, 94)

De dextre. À droite.

Et de dextre ou resgart de senestre, si comme il fu dit devant. (Oresme, C.M., c.1377, 408)

En dextre. Par la main droite (ou en ayant le cheval à sa droite).

...les apostres n'avoient nul chaperon fourré ne chevaux en destre quant ilz aloient preschier. (Jean Golein, Rational B.D., c.1370-1372, 405)

...messires Eustasces (...) chevauçoit (...) un coursier (...) que on li menoit en diestre. (Froiss., Chron. L., V, c.1375-1400, 166)

Atant vint, a ce parler, uns varlès bien acesmez et montez sur un gros trottier. Et admenoit ung moult bel pallefroy en destre si richement enharnachié que ly rois Elinas fu tous esbahiz de la richesse, et dist a lui mesmes qu'il n'avoit oncques mais veu si riche. (Arras, c.1392-1393, 7)

Mener qqn en dextre. Mener qqn à sa droite (par déférence).

BERTHE. E ! biau sire Dieu, je soloye Avoir qui me menoit en destre, Quant j'aloie ou que soit, et estre Des plus nobles acompaigniée. (Mir. Berthe, c.1373, 184)

Sus destre. Sur la droite.

Quant je fui la dessus montée En celle plus haute montée, Mon chemin tenoie sus destre, Et je regarday vers senestre. (Mach., J. R. Nav., 1349, 163)

Lors Raisons un po s'arresta Et puis sus destre s'acota, En regardant devers senestre, Pour mieus aviser de mon estre. (Mach., J. R. Nav., 1349, 267)

Si retournèrent sus destre en costiant Craule (Froiss., Chron. L., V, c.1375-1400, 138)

Vers dextre. À droite.

...posé que la roe fust assise autrement que elle n'estoit devant et que une moitié d'elle fust devant moi vers destre... (Oresme, C.M., c.1377, 340)

Par extension. Côté.

De deux dextres. Ambidextre.

Fames ne sont pas de deux dextres. (Saint-gille, A.Y., 1362-1365, 100)

C. -Mesure de longueur (environ trois pieds).

Remarque : Percef. I, R., c.1450 [c.1340], gloss. (destre).