DEVANCIER

substantif masculin

[T-L : devancier ; GDC : devancier2 ; AND : devancer ; FEW (XXIV, 10b) : abante ; TLF (VII, 86a) : devancier]

Prédécesseur, en partic. ancêtre.

Nostre roy si a une moult belle fille en l'aage de XV. a XVJ. ans, que ly soudans a voulu avoir a femme, et nostre roy ne lui a voulu accorder s'il ne se faisoit baptiser. Et sachiez que nous et le soudant avons tousjours eu trieves, et, par devant, de ses devanciers aux nostres, de si long temps qu'il n'en est memoire. Lors, quant le soudant a veu que nostre roy ne lui a voulu accorder sa fille, il lui a renvoié les trieves avec une deffiance (Arras, c.1392-1393, 94)

...suivant le stille des premierains et devanciers, noz ediffieurs en meurs redevables (Chr. Piz., Faits meurs Ch. V, S., I, 1404, 5)

...ne doubtez pas que se toy ou aultre n'estoyes contente de tel estat et abillement que tes nobles devanciers ont porté et que tu voulsisses avoir plus grant ou commencier nouvelles choses, tu mesprendroies et feroyes contre ton honneur et contre le bien de sobrece. (Chr. Piz., Trois vertus W.H., c.1405, 44)

...le Roy et ses devanciers de tout temps avoient desiré la paix et union de l'Eglise (Fauq., I, 1417-1420, 60)

O noble mayson de fleur de lis qui tant as engendré de haulx hommes, et flouri longuement par la renommee de tes glorieux roys en ung mesmez sang et famile, ou est la magnificence honnouree de ton estat, que est devenue la louable ordonnance de vivre, le monstre de honnesteté, la constance de courage et de meurs, et la haultesse de cueur et de entreprinse, que tes devanciers lesserent aux successeurs ? (Chart., L. Esp., c.1429-1430, 71)

A exemples ne peulx tu faillir se tu lis lez volumes de la sainte Escripture, et les escrips dez hystoires, et croniquez de France ; et tes devanciers qui en necessité se sont donnez bon espoir et prins fort courage sont bien a rementevoir par louenge de eulx pour exemples des aultres. (Chart., L. Esp., c.1429-1430, 134)

...se vous estes nobles a cause de vous, avecques la noblesse que vous avez de voz davanciers, c'est ung grant bien. (Juv. Urs., T. rever., 1433, 68)

Noz devanchiers n'ont pas fuy, Ilz ont tousjours esté garny De hardiesse sans faintise Sans reproche, sans couardise. (Marcadé, Myst. Pass. Arras R., a.1440, 231)

...de tes preux et vaillans devanciers, comme du roy Charles le Grant, Charles Martel (...), du roy Charles le Quint et tant d'aultres roys (La Vigne, V.N., p.1495, 297)

En particulier. Prédécesseur dans une fonction, une charge, un office.

Autres joyaux d'or bailliez et rendus audit Gaucher de Vannes, nouvel Argentier, par ledit Estienne de la Fontaine, son devancier oudit office (Comptes argent. rois Fr. D.-A., I, 1353, 329)

DACIEN. Vezci ce que je vous vueil dire : Mais que me soiez bonnes gens, Je vueil que soiez mes sergens Aussi conme a mon devancier ; Ailleurs ne vous vueil pas laissier Aler servir. (Mir. st Lor., 1380, 161)

...et dit que ses devanciers ont bien acoustumé de prendre chappons des sergens pour leur nouvelle institution (Fauq., II, 1421-1430, 163)

...il sera tenu de recevoir le guet, soy en prendre garde et rapporter par devers messeigneurs les Prevost des marchands et eschevins de ladite ville les deffaultes qui se y seront, et aussy de se prendre garde qu'il ne passe aucuns vins sans escripteau de la ville, et y faire bien et loyalement les services qui y appartiennent, et que ses devanciers qui y ont demouré ont fait le temps passé (Comptes Paris V.L.D., t.1, 1447-1449, 562)