DEMEURANT

adjectif et substantif masculin

[T-L : demorerdemorant ; GDC : demeurant ; FEW (III, 38b) : demorari ; TLF (VI, 1070a) : demeurant]

I. -Adjectif.

A. -Qui dure, qui est permanent.

[D'une chose]

Comme dit l'apostre : nous n'avons point icy cité demourant, maiz nous tendons a une aultre pardurable : Non habemus hic civitatem manentem, sed futuram inquirimus. (Gers., Annonc., a.1400, 238)

Car le temps present n'a pas estre demourant, mais passé. Dieu demeure tousjours tout ung. Saint Hylaire dist : estre n'est pas chose accidente a Dieu comme pouoir estre et non estre, mais son estre est verité estant et subsistence par soy et cause permanant et demourant de l'estre de toutes choses. (Somme abr., c.1477-1481, 140)

[De Dieu]

'O tu qui gouvernes le monde par raison perpetuele, qui es semeur des terres et du ciel, c'est a dire qui ez facteur des choses terriennes et celestiennes, qui commandes le temps aler en procedant depuis son commencement jusques a sa fin, tu estable demourant donnes mouvement a toutes choses, car tu les meus et fais estre meues.' (Somme abr., c.1477-1481, 143)

B. -[D'une pers.] Qui reste attaché à ses opinions, obstiné.

Et est a savoir que aucuns sont demourans et trop arrestéz en leur opinion et sont yschyregnomes ; c'est a dire, gens de forte sentence, afichiéz et ahurtéz (Oresme, E.A., c.1370, 395)

II. -Substantif masculin.

A. -Ce qui demeure.

1.[P. réf. à un ensemble]

a)Le demeurant de + nom. Le reste de.

Symon Galois de Leure, laman de la galie Gauvain Baudisson, pour le demourant de ses gaiges desservis en la dicte galie depuis le premier jour de septembre jusques du derrenier d'octobre (Clos galées Rouen M.-C., t.2, 1347, 119)

...or metons donques que un corps passast en ce jour la moytié d'une estade et l'autre jour apres la moytié du demourant de l'estade, et le tiers jour la moitié du demourant ou residu, et ainsi procedast sanz fin en retardant son mouvement, jamais toute l'estade ne seroit passee. (Oresme, C.M., c.1377, 102)

...et si les bannist du royaume, et confisque au Roy le demourant de tous leurs biens. (Baye, II, 1411-1417, 78)

Cestuy fu singuliere exemple des eureuses yssuez de perverse fortune, luy qui n'avoit du demourant de sa fortune que la seulle vie ou danger de servage et peril de mort. (Chart., L. Esp., c.1429-1430, 139)

...les bras avoit longs et courbés et les piez tourtuz, et du demourant du corps il estoit assés tourtuz et contreffait. (Bagnyon, Hist. Charlem. K., c.1465-1470, 144)

Et y fault dez eufz cuis en l'eaue tant qu'il soient durs pour frire, et que on en fronde une partie, et que on frie lez moyons tous entiers, et le demeurant dez eufz sera colé avec le boullon. (Recueil Riom L., c.1466, 73)

[Représentation d'un monstre marin] ...et estoit la figure d'une femme, depuis le nombril en amont, tenant maniere de tirer fleches d'un arc turquois ; et le demourant d'icelle femme estoit la queue d'une serpent vetortivée, qui s'estendoit à la parure et au remplissement de ladicte couverte (La Marche, Mém., I, c.1470, 316)

Avecques luy plusieurs grans gens de bien, Et en la ville des siens le demeurant. (La Vigne, V.N., p.1495, 185)

b)Reste d'un ensemble précédemment mentionné.

Premierement un manoir seant en la dicte ville ainsi comme il se comporte contenant environ vi arpens tout cloz à haulz murs de pierre, ou quel pourpris a deux arpens et demi de vignes et le demourant est en manoirs, court et jardin (Doc. 1379. In : L. Mirot, Le Moy. Âge 15, 1911, 48)

Elle a donné a Thierry, vostre frere, Parthenay, Wavent, Meurvent et toutes les appartenances jusques en la Rochelle, Chastel Aiglon, et tout le demourant. (Arras, c.1392-1393, 269)

...ladicte cire fut une partie rendue a deux marchans a qui elle estoit et le demourant mis et emploié en torches a l'eglise dudit lieu de Boulon (Chancell. Henri VI, L., t.1, 1425, 177)

AUTRE RECEPTE D'AMENDES ET FORFAITURES venues, escheues et tauxées en la jurisdiction de la Prevosté des marchans durant le temps de ce present compte, èsquelles celui qui les anonce y a le quint et le Roy et la ville le demourant par moitié. (Comptes Paris V.L.D., t.1, 1424-1457, 358)

Et finablement ledit Pater (...) leur vendi de sesdiz cliquars jusques a la valeur de XXX a XL l. t. de ladicte monnoie, dont il y avoit de IX a X l. t. en bretons et le demourant esdiz deniers. (Chancell. Henri VI, L., t.2, 1427, 57)

...lesdittes terres de Bretaigne, Anjou et Poittou, et avoit Artus tres grant voulenté de conquester a l'ayde de Dieu le demourant (Juv. Urs., T. crest., c.1446, 94)

Et si lesditz biens sont venduz plus grant pris à l'enquant que monte la debte, le demourant sera rendu audit debteur. (Vieux cout. Poitou F., c.1451-1454, 127)

MÉDECINE Persistance.

Se ceste fracture ou froyssement estoit avec demourant d'os ou esquilles poygnantez, elle seroit aplanee cum lenticulari et avec aultres instrumens. (Panis, Guidon, 1478, tr.III, doct.2, chap.1)

MATHÉMATIQUES Reste (d'une soustraction).

Se tu veulz donques un nombre soustraire de l'autre tu osteras de la figure du hault nombre autant comme monte la figure du bas nombre, et le demourant tu figureras ; (Legrand, Archil. Sophie B., c.1400, 246)

c)Reste (que l'on s'abstient de préciser).

Cruaultez laides et hideuses Vi en plusieurs seigneurs honteuses, Et du demourant je me tais. (Chr. Piz., M.F., II, 1400-1403, 16)

Du demourant me tais adés, Pour cause de briefté, mais tant Y fu Hector fort combatant Que, tout ainsi comme oysillon Fuient devant l'esmerillon Ou devant faucon querant proye, Fuyoient Grec devant sa voye, Car tous les occïoit a tire. (Chr. Piz., M.F., III, 1400-1403, 97)

Si me passe a tant du surplus, Du demourant je n'en dis plus. (Régn., F.A., 1432-c.1465, 89)

Et en cet exces a la gloire de dieu tu congnoistras clerement qu'il n'est autre verité que celle de dieu et que tout le demeurant n'est que vanité. (Cib., p.1451, 190)

...messire Enguerran la vist toute nue devant et derriere, chief nu, visage, col, corps, bras, jambes, mains et piez, et le demourant que pas ne vueil nommer. (Nouvelles inéd. L., p.1452, 4)

d)Restant (d'une durée, d'un intervalle de temps).

...vous ne seriés pas dignes de porter couronne ; et demorriés tousjours, le demorant de vostre vie, soupeçonnables deviers euls (Froiss., Chron. D., p.1400, 230)

Et dist: ' Mort, vien a moy courant Ains que mon sens se descongnoisse, Et m'abrege le demourant De ma vie plaine d'engoisse '. (Chart., B. Dame, 1424, 359)

...et vault mielx qu'ilz [les barons de Normandie] aient leurs heritages pour vivre le demourant de leurs jours que de estre comme ilz sont. (Juv. Urs., Loquar, 1440, 433)

JUDAS. A cestuy cy me penderay Et m'estrangleray par le col ; Mais avant, noueray ce licol Pour abregier le demourant. (Gréban, Pass. J., c.1450, 293)

Mais tantost qu'il fut mort, je vins icy faire mon hermitage pour y user le demourant de ma vie. (Percef. III, R., t.1, c.1450 [c.1340], 29)

...et combien qu'il fut prince valereux et de grant couraige, il vescut le demourant de ses jours en doleur intollerable. (La Marche, Mém., I, c.1470, 178)

Icelle dicte mortalité [de 1348] nous commança au moys de Janvier et dura par sept moys et eust deux manieres : la premier(e) fust par deux moys avec fievre continue et crachactz de sang et yceulx mouroient dedans troys jours, la seconde fust par le demourant du temps avec fievre continue et avec apposteme et andrax au dehors especiallement soubz les aysselles et es haynnes et mouroient dedans cinq jours. (Panis, Guidon, 1478, tr.II, doct.2, chap.5)

Le demourant de ceste journée ne fut point grand chose (...) mais le seigneur de Craon y eut bon bruyt de sa personne. (Comm., II, 1489-1491, 263)

Et fut messire Jehan Verrier curé du pais et y vescut le demourant de sa vie bien ayse. (Béthencourt, Canarien C., c.1490, 313)

e)Ce qui reste (d'un collectif ou d'un groupe de personnes).

Atant esvous Gieffroy, qui entre en la forteresse, et avoit tout que mort que prins le demourant des gens Glaude. (Arras, c.1392-1393, 205)

Qant li rois d'Engleterre vei che que point ne conquerroit la chité de Vennes legierement, (...) il eut consel que il laisseroit la devant Vennes une partie de ses gens pour tenir le siege, et ils et li demorans de son hoost chemineroient oultre, et iroient mettre le siege devant la chité de Nantes (Froiss., Chron. D., p.1400, 579)

Et puis apres ladicte occision et desconfiture venir le diabolique menu gent qui mieulx ne demandast à tous leurs pics et hacques et macques follement leur souffert à porter et prendre, qui eussent massacré, et achevé le demourant des nobles dames, damoiselles et enfans (Chr. Piz., Paix W., 1412-1413, 136)

...et plaindras tousjours la ruine de ta nation, quant lez estrangiers feront de toy spectacle de mocquerie, suspect et mesprisé comme homme dechassé, vile relique, et honteux demourant de la destruction de ta terre, portant le blasme dont tu ne peulz mais. (Chart., L. Esp., c.1429-1430, 14)

...et en [des Anglais] y eust de mors et de prins de V a VI cens, et le demourant s'en fouyrent honteusement (Juv. Urs., Aud. celi, 1435, 198)

Mesmement avons chascun endroit soy concquis aux armes sa dame et celle que mieulx amions que tout le demourant de toutes pucelles. (Percef. III, R., t.3, c.1450 [c.1340], 138)

Au surplus, vous ne nous avez point escript le nombre des autres prisonniers ne comme il va de tout le demourant (Lettres Ch. VIII, P., t.2, 1488, 188)

...ilz eussent tué le roy et le duc de Bourgongne et, croy, desconfit le demourant de l'armée. (Comm., I, 1489-1491, 158)

[Par oppos. à une pers. ou un groupe de pers.] Le demeurant. Les autres.

Ce fait, le gentil chevalier, moult desirant d'acomplir sa queste, print congé du demourant et se mist en chemin, demandant tousjours aprés le chastel de Hurtemer. (Percef. III, R., t.2, c.1450 [c.1340], 62)

JUDAS. Aussi m'a il fait son boursier Et gouverneur de sa despense : C'est signe qu'il a confidence En moy sur tout le demourant. (Gréban, Pass. J., c.1450, 237)

Avecques luy plusieurs grans gens de bien, Et en la ville des siens le demeurant. (La Vigne, V.N., p.1495, 185)

2.Élément ou partie d'un ensemble dont l'intégrité ou la totalité n'a pu être conservée.

Du sourplus ne fault faire enqueste ne demande, les oeuvres sont publiques et le tesmoing en est intollerable famine, qui encourt et courra sus a ung chascun si amerement que tart sera de regreter la passee habondance et vouloir par raison departir le demourant des choses consumees par oultraiges (Chart., Q. inv., 1422, 22)

Et sans se faire trop importuner ne traveiller de requestes, et aussi pour estre delivré d'elles, il avoit ung demourant de couvrechefz qu'il leur donna. (C.n.n., c.1456-1467, 523)

Ilz perdirent Paris et puis, petit à petit, le demourant du royaulme. (Comm., I, 1489-1491, 52)

...fit charger Bertin de Berneval le batel Gadiffer [et] celui de la nef Transchemar de plusieurs choses, comme de sacs de farine à grant cantité et du harnas de plusieurs guizes et ung tonneau de vin qui y estoit, et plus n'en y avoit, eulx emplirent une queue qu'ils amenerent avec eulx, et le demourant burent et gaterent (Béthencourt, Canarien C., c.1490, 73)

Partie des aliments d'un repas qui n'ont pas été consommés.

Et auxi quant les trois pasnagez de ladicte forest sont passéz, le demourant de la paisson est et appartient aux coustumiers de ladicte forest. (Hector De Chartres, Cout. R., 1398-1408, 260)

Car, comme tu eusses nourry du lait de tes mamelles et de tes precieux metz ton tres amé filz dessus dit qui tant te honnoura et ama, ne l'oublias pas ou temps de sa grant neccessité et pareillement plusieurs autres de tes enfans, semblablement je suppose que moy, ta servile mercenere que tu as nourrie des demourans des grosses viandes de tes tables, tu n'oublieras, ains donras remede reconfortant les navreures de ses infortunees adversitez. (Chr. Piz., Avision R.D., 1405, 94)

Pour ij pièces de beuf avec le demourant du quartier de mouton de souper, ...iij s. iiij d. (Saint-riquier, Compte B., 1422-1423, 248)

Lors le pattron commanda mettre une touaille sur ung des coffres qui la estoient et faire porter du pain, du vin et des pattéz de poissons du demourant de noz souppers, et fist l'omme asseoir au boult du coffre, le priant de bancquetter. (La Sale, Salade, c.1442-1444, 149)

Tres chier sire, nous revenons D'acomplir vostre vueil errant. Nous avons pris le demourant Des vïandes cy assemblees, Mais douze mandes bien comblees Nous en avons ja rapporté. (Gréban, Pass. J., c.1450, 175)

... [le mari trompé] reprint nouvelle ymaginacion par boire et menger largement du demourant du soupper de ceulx qui entretant ou lit se devisoient a son grand prejudice. (C.n.n., c.1456-1467, 27)

Ce qui reste après l'achèvement d'un travail, d'une activité commerciale, ....

...le dit sire recognoist que le demourant de la dicte coustume nous appartient, sauves les coustumes et le boutage du vin que l'en vent au dit bourgc (Cartul. Laval B., t.2, 1332-1412, 171)

...un drap et demi, court, de Broixelles, baillés audit Eustace pour faire doubleures aus diz manteaux et, du demourant, chauces (Comptes argent. rois Fr. D.-A., I, 1352, 85)

Au commencement de la seson que il a encore aus chans des demourans de[s] pois, des avainnes, des veches, ou les saingliers vont mengier, la doi[s] tu aler pour encontrer de sainglier. (Henri Ferr., Modus et Ratio, Livre deduis T., c.1354-1377, 77)

...IX grans pieces de tappiz sarrazinois du demourant d'une chambre que avoit fait faire à Paris ledit Raoullet. (Compte Navarre I.P., 1367-1371, 469)

...pour la façon et estoffes d'un pourpoint à grant assiete, du demourant de ladicte houppelande de drap de damastz (Comptes Lille L., t.1, 1382-1482, 141)

Item, ont hors deffens le demourant du gloïer, du cendrier, de l'espeureur, du seur d'aez et des autres ouvriers quant la menneuvre en est levée. (Hector De Chartres, Cout. R., 1398-1408, 92)

Et se il y a ventes de boiz de caables en ladicte forest et le terme de wyde en est failli, le demourant en est aux coustumiers sans amende, se ilz ne sont vendus au proffit du roy. (Hector De Chartres, Cout. R., 1398-1408, 344)

Si esdictes Forestz est aucuns caables, coupeaulx, tronches, branches, ou aucuns demourans, ilz seront vendus par les Maistres ou par les Verdiers, Gruiers, Gardes ou Maistres Sergens, au proufit de Nous (Ordonn. rois Fr. S., t.8, 1402, 526)

Au pluriel. Restes, déchets.

Item, ilz ont haies et ceps à leurs charues, les demourans des charpentiers des ouvrages du roy et des chappelains, par congié qu'ilz prennent sur ce. (Hector De Chartres, Cout. R., 1398-1408, 11)

Item, il est coustumier de commune coustume en icelle forest : l'esmonde jusques à XVII piéz en hault, et les demourans des marcheans apres les termes passés, en la forest coustumiere, ainsi comme les autres coustumiers. (Hector De Chartres, Cout. R., 1398-1408, 87)

Péjoratif.

...je ne suis pas homme pour avoir le demourant d'un prestre [Un homme a surpris sa femme au lit avec un prêtre] (C.n.n., c.1456-1467, 336)

3.Ce qui reste à faire.

Au figuré. Parfaire le demeurant. Aller jusqu'au bout, accomplir (une tâche).

Face chascun ce qu'il doit envers Dieu et son amour, sans resister a sa grace et a son mouvement secret, et il perfera le demourant. (Gers., P. Paul, a.1394, 498)

Le roy le prit par la main ; sy le leva et luy dit: 'Messire Jacques, levez-vous sus, trop d'honneurs, ni de biens ne vous peuvent estre faits ; je prie à Dieu qu'en vous du demeurant il veuille parfaire.' (Faits Lalaing K., c.1470, 130)

Et puisque j'ay commencié à escripre de ce noble blason et armes de Portugal, je parferay le demourant de ce que je treuve desdictes armes, au mieulx que je l'ay peu savoir et treuver. (La Marche, Mém., I, c.1470, 38)

JESUS. Amys, je veil que parfaçons Nostre cene pour la Dieu grace. Chascun ce remecte en sa place Si parferon le demourant. (Michel, Myst. Pass. J., 1486, 266)

En particulier. [Dans le lang. amour.] Faire l'amour.

Comment Lucresse replique, disant que ne devoient habiter, mais elle fut finablement vaincue. Lucresse dist : 'Certes qui parferoit Le demourant, ce seroit ung grant vice.' Eurialus dist, cil qui ne useroit Des biens, iceulx appliquant a l'office Esquelz ilz sont ordonnés, seroit nice (Saint-gelais, Eurial. Lucr. R., c.1490, 79)

4.Tout ce qu'on estime de moindre importance p. oppos. à un élément que l'on désire mettre en valeur.

Et devez savoir que le demourant de cest chapitre est mal a entendre, fort a translater et aussi comme inutile a ceste science. (Oresme, E.A.C., c.1370, 113)

Et pour ce, ceste partie est la plus noble et est ausi comme le devant et la face ou visage de la terre, et le demourant ou l'autre partie est envelopé en eaue et vestu et couvert de mer ausi comme d'un chaperon ou d'une coiffe : Abissus, sicut vestimentum, amictus eius. (Oresme, C.M., c.1377, 568)

Et en cet exces a la gloire de dieu tu congnoistras clerement qu'il nest autre verite que celle de dieu et que tout le demeurant n'est que vanite. (Cib., p.1451, 190)

Dieu vous a fait au ciecle deux lumieres, Le demourant tenebres fumieres Sont au regard de vostre majesté. (Robertet, Oeuvres Z., c.1450-1500, 107)

Sur le demeurant. En ce qui concerne le reste.

LA MORT. (...) si vous requier, Vertu, que plus ne dites qu'ay tort de vous, mais sur le demorant recitez ce qu'elle dist en morant. (Michault, Compl. Ys. Bourbon F., p.1465, 164)

(Tout) le demeurant du monde

...il [l'amant] estoit diligent et soigneux de se trouver vers elle qu'il amoit plus que tout le demourant du monde. (C.n.n., c.1456-1467, 305)

...ce pays et tout le demourant du monde est a moy appartenant a cause du bon roy Alixandre le Grand, duquel lignage mes peres anchiens sont yssus (Saladin C., c.1465-1468, 131)

...et pourroit, par le reffuz, desobeir à telle personne qu'il aymeroit mieulx mectre tout le demourant du monde en murmure contre luy. (La Marche, Mém., II, c.1470, 110)

'...Je croy que au demeurant du monde n'a point tant de richesse que aujourd'uy nous en avons veue.' (Jehan de Paris W., 1494-1495, 67)

Au demeurant. Au reste.

Et de faict du roy d'Angleterre ne leur challoit au demourant comme il en allast (Comm., Mém. B., 1489-1491, 273)

B. -Celui qui demeure sur place, habitant.

...tous les demourans audit Vrigne et Saint Baale, qui ne tiennent nulz champs, et sont par champs d'autrui, me doivent chascun an, pour chascun jour de terre, demi scetier d'avoinne. (Trés. Reth. S.L., t.2, 1330-1415, 569)

...volons nous et ottroions que lidit demorans, habitans, couchans et levans eslisent et prendent de leur cohabitans, (...) un, deux ou trois, ou tant qu'il samblera bon asdis ceux de la loy, preudommes manans continuelment avoecques eauz, et nul autre si que dit est : liquels esleus pris examineront lesdictes draperies en bonne foy comme loyal preudomme et en seront si come wardeur (Hist. industr. drapière Flandre E.P., t.3, 1330-1500, 47)

Ces nestorins sont plus de trente mille demourans oudit empire de Cathay, et sont trèsriche gent, mais moult doubtent et crieinent les crestiens. (Jean Le Long, Etat Khan B., c.1351, 345)

Derechief, au Roy appartient en tout son royaume, seul et pour le tout, et non a aultres, donner et ottroïer toutes foyres et touz marchiés, et lez alans, demorans et retencion sont en sa sauvegarde et proteccion. (Songe verg. S., t.2, 1378, 201)

...et d'en avoir esté et estre paiez [de la dîme] par les demourans et habitans es lieux devant diz, chascun an (Chartes Abb. St-Magl. T.F., t.3, 1380, 522)

...en quel lieu de Saincte Gemme les diz Ancelon et sa dicte femme estoient et sont mencionnaires, habitans et demourans. (Doc. Poitou G., t.6, 1390-1403, 125)

Item, les demourans en icelle ville oultre l'eau n'ont pas celle propre coustume, mes seullement comme les autres ramagers, en païant pour chacune des masures dudit lieu à la saint Remi quatre gerbes (Hector De Chartres, Cout. R., 1398-1408, 9)

...la raison Premiere fu pour l'achoison Du flun de Nil, qui regorgia Et crut tant que trop dommagia La contree, une foix, par quoy Les demourans la a requoy Ne cognoissoient de leurs champs, Qui furent l'un l'autre touchans, Bonne, ne faing, quant l'eaue traicte Se fu en son lieu et retraicte (Chr. Piz., M.F., II, 1400-1403, 118)

...li Londriien (...) pueent plus que tous li demorans d'Engleterre (Froiss., Chron. D., p.1400, 84)

Bourgois sont ceulx qui sont de nacion ancienne en lignages es cités et nom propre, surnom et armes antiques, et sont les principaulx demourans et habitans es villes rentés et herités des maisons et des manoirs, de quoy ilz se vivent purement ; et les appellent les livres qui parlent d'eulx citoiens. (Chr. Piz., Corps policie L., 1406-1407, 183)

...et leur semble que il ne devroit avoir difference ne separacion entre lesdiz monnoiers, qui sont tous residens et demourans en ce royaume (Fauq., II, 1421-1430, 341)

Autre debitis par devant un juge royal des demourans en sa jurisdicion (Odart Morchesne, Formulaire G.L., a.1427, 136)

Primirs dobvent les demorains es dites villes à jour Saint Remi por leurs aysemence d'afforaingnité unc viiez gros por IX deniers compteit de bonne monnoie ... L s. bonne monnoie (Terre Jauche D., 1444, 170)

...vous mandons que (...) vous faictes cryer et publier (...) que tous les demourans en vostre bailliage, qui sont subgectz à nosdiz ban et arriere-ban, se mectent sus et en armez (Lettres Louis XI, V., t.6, 1475-1478, 314)