DAMNATION

substantif féminin

[T-L : damnacïon ; GD : damnaison ; GDC : damnation ; AND : dampnatiun ; FEW (III, 10a) : damnatio ; TLF (VI, 689b) : damnation]

A. -Condamnation aux peines de l'enfer pour l'éternité.

Dieu te vueille (...) Demander la dampnacion De m'ame et la perdicion (Mir. st Guill., c.1347, 32)

Lors commenca Gieffroy fort a penser a ses pechiez. Et dist bien que, se Dieu n'a pitié de lui, l'ame de lui est en grant peril et en voye de dampnacion. (Arras, c.1392-1393, 274)

...tant est de bonne heure nez qui jà est en celle glorieuse compaignie, comme seurté y soit et non paour de l'orrible sentence de dampnacion qui jamais n'est revoquiée, de laquelle nul vivant en ce monde ne puet estre aseur pour l'abondance des pechiez où souvent nous encheons, et ne savons l'eure de nostre fin, ne comment serons pris. (Chr. Piz., P.V.H., 1416-1418, 41)

Ezechiel et les autres parlent bien de la resurrection final, ou tous seront resuscités a dampnation ou gloire en la fin du siecle. (Chart., L. Esp., c.1429-1430, 107)

...quelz crismes, delictz et peschez de telz exces, qui sont a la dampnacion des armes, ou deshonneur du roy et dommage de la chose publique (Juv. Urs., Nescio, 1445, 531)

S. NICOLAS. Preserve de damnation Le juif et le povre crestien. DIEU. Par divine punition, Le juif si aura tout le sien. NOSTRE DAME. Soit amoderé le moyen Par grace en exaltation. DIEU. La faulce machination Sera punië. (Mir. st Nic. juif, c.1480-1500, 135)

Amour divin, peur de damnacion, Peines d'enfer n'espoir de saulvement N'ostent plus nulz de l'inclination D'offencer Dieu et son commandement. (Cene dieux, c.1492, 114)

...l'ennemy qui, par dampnacion, Cuyde noz corps en son enffer appendre. (La Vigne, S.M., 1496, 249)

Damnation eternelle/pardurable

Les mauvais a dampnacion Pardurable en enfer pour lors Seront en ames et en cors. (Mir. st Panth., 1364, 316)

Or sont mors les tyrans en obprobre de renommee au monde, et en damnation pardurable. (Chart., L. Esp., c.1429-1430, 32)

...elle chiet en soy en desesperacion de ayde quelconque, car tout lui fault au besoing, et trebuche dessoubz soy par eternelle dampnacion. (Gers., Pent., p.1389, 86)

Ceulz yci, ou iront eulz incontinent aprés la mort se non a la dampnacion pardurable de la fosse d'enfer ? (Gers., Déf., 1400, 224)

...et se en cest estat moroit, sans doute elle yroit en eternelle dampnacion. (Gers., Concept., 1401, 401)

...la remuneracion de ceulx qui regnent justement sera regner cum Rege regum in eternum ['avec le Roi des rois pour l'éternité'] , et de ceulx qui injustement, la dampnacion eternelle (Juv. Urs., Verba, 1452, 219)

Le quel, contraint de respondre, dist : «Nous allons a Aix a la mort de Charles, qui veult expirer, et nous allons veoir se nous pourrons avoir son ame pour la porter en enfer a dampnacion perpetuelle». (Bagnyon, Hist. Charlem. K., c.1465-1470, 217)

Damnation infernale

Vrayement, le traistre ribault ment, Car toute procuration De l'infernal dampnacion M'est donnee, il y a long temps (Myst. st Laur. S.W., 1499, 160)

Lucifer, je te fays present Du faulx empereur Decius. Enten bien a nous, lieve sus, Car j'ay la procuration De l'infernal dampnacion (Myst. st Laur. S.W., 1499, 276)

Aller/venir à damnation. Encourir les peines d'enfer éternelles.

Mais ame ne puet perir N'à dampnation venir Qui son temps user En li servir et loer Vuet sans repentir (Mach., Les lays, 1377, 407)

Et dist à soy-meisme : 'Je voy aller à dampnation et à deshonneur l'ung de ces deulx. Et, se je povoye mettre remede, je le feroye voulentiers.' (Bueil, II, 1461-1466, 107)

Le bon luy dist que fol estoit De faire tel petition, Par cë il s'en alla tout droit En enfer a dampnation. (Régn., F.A., 1432-c.1465, 109)

[D'une chose] Mener qqn à damnation

Or vient lors de cire le miel, Quant femme, en doulz parlant, son fiel Boute en l'omme et blandissement, Qui est cause de son tourment Temporel et perpetuel Par le vice et fait actuel Du delit de la char mal saine, Qui a dampnacion le maine. (Desch., M.M., c.1385-1403, 187)

[Formule de serment]

[En discours direct] Sur ma damnation

'Sire roy,' dist Guanes, '(...) Je vous ay en convent sus ma dampnacïon, Se je devoie aler a l'infernal prison (...) Se feray ge mourir Roulant le nieps Charllon...' (Galien D.B., c.1400-1500, 41)

[Dans le récit, ou dans le discours indir.] Sur la damnation de l'ame de qqn

Laquelle Margot persevera et continua ès negacions par elle autres fois faites, disant et affermant par son serement, et sur la dampnacion de son ame, qu'il n'en estoit riens (Reg. crim. Chât., I, 1389-1392, 344)

... [elle] dist et afferma par son serement, et print sur Dieu et en l'arme d'elle, sur la mort que elle attendoit presentement à recevoir, le sauvement que l'arme de li entendoit à avoir, et aussi sur la dempnacion de son arme, que à tort et sanz cause elle avoit encoulpé ledit Jehan Ferry de la mort de sondit mary (Reg. crim. Chât., II, 1389-1392, 60)

Et sachez que nous vous certiffions que nous oismes jurer a plusieurs, que par plusieurs fois avoient esté en plusieurs et diversses fortunes sur mer, sur la dampnacion de leurs ames, que onques en nulle fortune qu'ilz eussent eue n'orent si grant paour d'estre periz comme a ceste fois. (Voy. Jérus., c.1395, 80)

Et après qu'il avoit fait ses prédicacions, vers la fin il admonestoit moult instamment, tant sur dampnacion d'âme comme sur paine d'excommeniement, que toutes gens qui avoient en leurs maisons tabliers, eschequiers, cartes, quilles, dez et aultres instrumens dont on pouvoit jouer à quelque jeu de plaisance, les apportassent à luy. (Monstrelet, Chron. D.-A., t.4, c.1444-1453, 305)

B. -Condamnation.

...et pour ce requiert que icelle escripture soit dessirée à son de trompe, et que ainsy doie estre fait il apert, car elle pretend front de dampnation, c'est assavoir, de justification et non pas de excusation (Baye, II, 1411-1417, 261)

Damnation de mort

Et sy estoit ceste loy que on disoit parduellion une loy de horrible interpretation, car elle emportoit dampnation de mort (Bers., I, 1, c.1354-1359, 26.6, 44)

C. -[Avec influence de damnum (FEW III, 10b)] Destruction.

N'est nulle riens qu'ilz ne perchaissent Ne si fors qu'ilz ne devouraissent, Pour tout mettre a dampnacion. Ilz avoient chief de lyon, Et en leur compagnie estoient Oyseaulx que griffons apelloient (Renart contref. R.L., t.1, 1328-1342, 159)

Voir aussi damnement