DAGUE

substantif féminin

[T-L : dague ; GD : dague ; GDC : dague ; FEW (III, 1a) : *daca ; TLF (VI, 673b) : dague]

A. -ARMES, ARMURERIE

1.Poignard, épée à lame courte et pointue.

Ceste dague parmy la gorge Vous bouteray. (Mir. marq. Gaudine, 1350, 167)

[Les dents du sanglier] ...sont semblables et de la fachon aus coutiaus que l'en porte maintenant, qui sont apelés dagues (Henri Ferr., Modus et Ratio, Livre deduis T., c.1354-1377, 146)

...li François montoient amont sus eschielles, et se venoient combatre main à main de daghes à ceux dou fort. (Froiss., Chron. R., XI, c.1375-1400, 256)

Tout en parlant, Piètres dou Bos trait sa daghe et vient à Ghisebrest Grute, et li fiert ou ventre et le reverse là, et l'abat mort. (Froiss., Chron. R., X, c.1375-1400, 151)

...pour avoir fait et forgé les garnisons d'argent doré fin vermeil de deux autres cousteaulx et d'une dague, faictes en ladicte devise de plumes entrelacées (Comptes argent. rois Fr. D.-A., II, 1387, 191)

...une dague qui estoit garnie par-dessus d'argent. (Reg. crim. Chât., I, 1389-1392, 169)

... [il] tira une dague que un escuïer avoit pendue à sa sainture hors de la gaigne, et icelle vendi, assez tost après, la somme de IIIJ s. (Reg. crim. Chât., I, 1389-1392, 189)

...et, qui pis est, les poursuirent et chacerent à espées, dagues, couteaux, ars et saiectes en traiant sur eulx (Baye, I, 1400-1410, 101)

...et aussi lui a administré et baillié par plusieurs fois dagues, espées, bacinès et autres armeures et chevaux. (Reg. crim. Chât., II, 1389-1392, 198)

Ha ! Dieu, je ne sçay que je face. A peu que ma vie n'efface D'une dague ou espee dure. Fault il que soie en tel ardure Et que tel desplaisir me dure Pour mon umbre tant seullement ? C'est bien la plus folle aventure Qu'oncques advint a creature (Narcissus, p.1426, 314)

Or ça, ça ! j'ay du temps jadis De glaves et de vieus cousteulx, De goudendars et de martiaulx, De guisermes et de haches grosses, De gantelés et de taloches, De daghes et de beux armerés, De heaulmes et de bachinés, De fers de lances a jouster, Et belles targes pour porter (Marcadé, Myst. Pass. Arras R., a.1440, 131)

My fault [ly] mestre de cousté Celle daygue en lyeu d'escriptoyre. Une espée ly fault encore ; Puis sera trés bien abeillié. (Myst. st Bern. Menth. L., c.1450, 17)

Toutesfois, fut pour vengence et par divine volenté que a cause du si tres evident et manifeste pechié eust permis le faire ainsin pugnir, il gecta au loing sa haiche et print sa dague en sa main (La Sale, J.S., 1456, 297)

...un coustelier de Lille, pour quatre dagues que mondit seigneur a fait prendre et acheter de lui oudit mois, 52 solz (Comptes Etat bourg. M.F., t.1, 1420, 441)

...tantost qu'il le vit, il tire bonne dague et marche vers luy et l'en cuide ferir. (C.n.n., c.1456-1467, 325)

Et, pour le refus que fist ledit archer audit Bourguignon d'entrer dedens ladicte porte et en icelle ville, ledit bourguignon bailla à icellui archer, en entrebaillant ledit guichet, d'une dague dedens le ventre. (Roye, Chron. scand., I, 1460-1483, 125)

Item 6 daigue d'Ellemaigne à 3 g. pièce Item 4 grande daigue de Tornay (Metz Comptes merciers S., 1461, 60)

Et, les nefz approuchées, les vaillans hommes d'armes qui en leurs vertuz se fient, joinctes les nefz ensemble, avalent les ponts et passent ès nefs adversaires et là, à bonnes espées, haches et dagues, se combattent main à main. (Bueil, II, 1461-1466, 56)

Or vous me lairrez mes hoseaulx Car si j'alloye en paradis A cheval, comme fist jadis Sainct Martin et aussi sainct George, J'en seroye bien plus prest. Or je Vous laisse gantelet et dague, Car au surplus je n'ay plus bague Dequoy je me pulsse deffendre. (Fr. arch. B., c.1468-1480, 41)

A leur costé l'espee longue et large, La courte dague pour son homme aborder (La Vigne, V.N., p.1495, 213)

[D'une arme] À dague. Qui a une pointe rappelant le fer de l'épée courte appelée dague.

...messire Jehan de Rebremettes envoya a messire Henry deux demies lances et deux hachez a daggue et a pointe desoulz pour choisir laquele il vouldroit (Chastell., Chron. IV, D., c.1461-1472, 163)

Dague d'armes. Dague qui peut être utilisée en cas de guerre.

Le sires de Loissellench (...) envoya au roy deux lances a pousser pareilles (...) et aussi deux haiches, deux espees et deux dagues d'armes toutes pareilles (La Sale, J.S., 1456, 163)

[Dans un cont. grivois] Membre viril.

...quand il vit sa dame si belle et en si bon point (...) il perdit force, sens et advis ; et ne fut oncques en sa puissance de tirer sa dague (C.n.n., c.1456-1467, 194)

2.Partie pointue que la hache d'armes peut comporter, à l'opposé du tranchant.

...le baron de Tresto rencontra la dague de la hache gisant a terre (La Sale, J.S. E., 1456, 289)

3.Par métonymie. Celui qui manie la dague.

Nous suymes deux vaillantes dagues (Myst. st Vincent L., c.1471-1476, 180)

B. -Au figuré. Pointe, pique, raillerie.

Il a aucunes fois grans debas entre cheux qui aiment les chiens et ceulz qui aiment les oisiaus, quer chascun tient son deduit a plus plesant et a meilleur que l'autre. Et en leur debas a eu mont de rampones et de dagues, si vous diroi chen qu'il en avint une fois. (Henri Ferr., Modus et Ratio, Livre deduis T., c.1354-1377, 230)

Remarque : Doc.1397 ds GD II, 411b.