DESTROUSSER

verbe

[T-L : destrosser ; GD : destrosser ; GDC : destrosser ; AND : destrusser ; DECT : destrosser ; FEW (XIII-2, 94b) : torquere ; TLF (VII, 72b) : détrousser]

Emploi transitif.

A. -Décharger qqc. ; défaire (une charge, un paquet).

1.Décharger (un véhicule, son chargement).

Puis se partit le Roy et monseigneur et toute l'armée, quant ilz eurent sejourné quatre ou cincq jours, pour tirer devant Hacques ; et monseigneur coucha aux champs et fut son charroy destroussé (Gruel, Chron. Richemont L., c.1459-1466, 176)

Décharger (un cheval) de sa trousse.

Je vois mon cheval destrousser, Establer, froter et housser (Mir. Theod., 1357, 101)

...son fardiel destoursa. (Jourd. Blaye alex. M., a.1455, 130)

2.Déposer (une charge, un paquet).

Portiers estes, ce m'est avis Du roiaume de paradis, (...) (A) vous convient monstrer c'on porte, Avant que on passe la porte. Toutes manieres de troussiaus, Petis et grans fais et faissiaus Devant vous couvient destrousser, Tout desploier et tout monstrer ; N'y a chose si bien close Qui ne doie estre desclouse Par vraie revelation D'enterine confession. (Guill. Digull., Pèler. vie hum. S., c.1330-1331, 39)

Par métaphore. Décharger.

Et ainsi Saül s'efforce de son pechié destrousser sur espaules d'autrui. (Foul., Policrat. B., II, 1372, 191)

Quant nostre armee chevalerie ronfle, quant il guerroient la chasteté et honnesteté des autres et gastent et avilent la leur (...), la gettent leurs grans langages et detroucent leur cuer (Foul., Policrat. B., VI, 1372, 202)

3.Défaire (un paquet).

...le derrenier venu receut ce present qu'il destroussa et trouva les cheveulx de sa dame (C.n.n., c.1456-1467, 237)

B. -Voler, piller, dépouiller qqn/un lieu... avec violence.

Destrousser qqn. Voler, piller, dépouiller qqn avec violence.

Quant leur varlet aloient en fourage pour fouragier, on leur laissoit bien cargier leurs chevaux de tout ce que il voloient prendre et tourser, mais au retour on les atendoit sour un pas, où il estoient villainement destoursé et batu. (Froiss., Chron. R., XI, c.1375-1400, 217)

L'un l'autre destoursoient et voloient enbler. (Geste ducs Bourg. K., c.1410-1419, 462)

'Sire, tez gens se vont escondre Quant il est temps que tu t'en aydez'. Maiz ou quierent ilz leurs mussoires ? A desrouber pouvres marchans ; En guectant les marchiez et foires Et destroussant gens par les champs ! (Chart., D. Her., p.1415, 433)

À Jehan dit Rochier, escuier et pannetier de mondit seigneur, en avril mil IIIIcXVIII pour lui aidier à avoir ung cheval et autres ses necessitez pour ce qu'il avoit esté destroussé et desmonté des traictres armignaz empres Beauvaiz (Comptes Etat bourg. M.F., t.1, 1419, 103)

Pour quoy aucuns d'iceulx de ladicte garnison estans derrière, voians comme dit est leurs compaignons estre ainsi destroussez, gectèrent plusieurs bourses et trousselès dedens Seine tout coiement, dedens lesquelz avoit or et argent et autres bons joiaulx, et en y avoit aucuns qui avoient fait ferrer leurs aguillètes de pièces d'or pour les porter plus secrètement. (Monstrelet, Chron. D.-A., t.3, c.1425-1440, 308)

...lors sur eulx arriverent pluiseurs des pillars a qui Remus et Romulus avoyent hostez les proyes et maintesfois destoursés (La Sale, Sale D., 1451, 172)

Parquoy advint ung jour entre les autres que ceulx d'Escallon par fortune rencontrerent aucuns marchans, qui alloient à Crathor. Si les destrousserent vilainement, tellement que les nouvelles en vindrent au Jouvencel et au Cappitaine, qui en furent moult desplaisant. (Bueil, I, 1461-1466, 114)

Plusieurs Ytaliens de leur compaignée destroussèrent, en s'en allant. (Comm., III, 1495-1498, 270)

L'un mect son cueur et l'aultre son entente A destroucer et destruyre marchans. (La Vigne, S.M., 1496, 478)

Et advint que, pendant que le duc tenoit son parc devant Amyens, il y fut fait plusieurs grosses courses et escarmouches, tant d'un côté que d'aultre ; et entre les autres y en fut faitte une par aucun des cappitaines estans en laditte ville, qui estoient ou nombre de quatre cens lances, cuidans destrousser les vivandiers et quelque grant nombre de hommes d'armes qui estoient au duc et qui avoient la charge de garder et conduire lesdits vivandiers, là où ilz fallirent à leur emprinse pour ce que les vivres arriverent plus tost au parc du duc qu'ilz les peussent rencontrer. (Le Clerc, Interp. Roye, c.1502, 268)

Destrousser (un cheval / un navire / les bagages...)

Avant que sommiers, ne mulez, ne chevaulx feussent destoursez qui leur harnas portoient, ilz ordonnerent à partir (Froiss., Chron. M., XII, c.1375-1400, 309)

...ilz vindrent à Ousach, dont ilz estoient departis le second jour devant, et là destrousserent-ilz leur pillaige, et s'aisierent tous de ce qu'ilz trouverent (Froiss., Chron. M., XIV, c.1375-1400, 224)

...la s'aresta, et toute li hoos aussi. Et destourserent les sonmiers et les pourveances, et burent et mengierent un petit, et puis tantos retourserent et missent a voiture. (Froiss., Chron. D., p.1400, 709)

...les consulz de Parpignen (...) se sont fort plains de ce que la galée Magdalene (...) a esté prinse et destroussée par aucuns prouvansaulx de Marseille, en la coste de la mer de Prouvanse, et dedens icelle prins aucuns cathelans avec leurs robes et marchandies, nonobstant que ladicte galée fust arborée et armoyée aux armes du Roy et qu'elle navigast de par luy, dont s'ensuivroit la rompture de tout le cours du navigage et de communicacion de marchandie d'entre les marchans de ce païs de Languedoc et de Catheloigne (Aff. Jacques Coeur M., 1453-1457, 186)

Estre destroussé de. Être dépossédé de.

...s'il nous advenoit meschef ou d'estre prins ou destroussez de biens ou de nostre honneur... (C.n.n., c.1456-1467, 171)

C. -En particulier. [Lors d'une action guerrière] Dépouiller (l'ennemi) et éventuellement le mettre ainsi en déroute.

...doubtant que le Roy et les seigneurs du royaume se assemblassent pour le destroucer (Le Bouvier, Chron. Ch. VII, C.C.J., c.1451-1455, 181)

'Ha ! Jouvencel, je vois bien que c'est, il vous est adviz que pour vingt chevaulx [une compagnie de gens d'armes forte de vingt chevaulx] que vous avez destroussez, que tout le monde soit vostre. Ce n'est pas cela : mais aucuneffoiz tel cuide gaigner qui pert...' (Bueil, I, 1461-1466, 61)

Et, quant il eust son armée bonne et grosse, il entra ou payz de ses ennemyz et exilla payz et destroussa gens d'armes en logeiz et aultrement, qui ne s'en doubtoient point. (Bueil, II, 1461-1466, 112)

Noble conte de Cleremont, (...) Pardevers vous, cy en presence, Sommes venuz dire nouvelles Que Anglois amenent puissance De vivres et autres sequelles ; Si voulons aller au devant En Beausse pour les destrousser Et faire une armee belle et grant Pour ensemble nous amasser, Et pour estre recompancez Des Anglois l'emprise perdue. (Myst. siège Orléans H., c.1480-1500, 330)

Ung chevalier demourant au pays, qui avoit tenu leur party jusques à celle heure, en destroussa une bien grande bende et, pour acquerir la grace du vainqueur, l'escripvit audict duc de Bourgongne, faisant encores le nombre des mors et prins plus grant qu'il n'estoit (Comm., I, 1489-1491, 163)

Mettre en déroute, anéantir (un adversaire).

...quant noz ennemiz ne verront que vingt hommes, ilz ne pourront ou vouldront saillir que quarante au plus et puet estre qu'ilz desconfiront ces vingt. Et prenés qu'ilz fussent desconfis, si ne seroit-ce que quarante hommes destroussez, et si seroit ung advertissement pour les autres. (Bueil, I, 1461-1466, 115)

Anéantir, ravager, dévaster.

Payennie est destroussee A ceste fois ien suis le maistre (Myst. st Martin K., a.1500, 260)