DETRACTEUR

adjectif et substantif masculin

[T-L : detractor ; AND : detractur ; FEW (III, 57a) : detractor]

A. -(Celui) qui cherche à rabaisser qqn ou qqc., (celui) qui dénigre, détracteur.

Souvent quant on parle d'autrui, Et bonne parole de li On veut geter com semence, Tost vient qui en son absence Se haste dë avec meller Mauvaise semence et geter En faisant grant depression Et grant rabat de son bon non. Et de tel mauvaiz detracteur Et anemi puet tel erreur Naistre que... (Guill. Digull., Pèler. J.-C. S., 1358, 187)

...ceulx qui sont acoustomez de rapporter mal d'autrui, qui sont en l'evvangile appellez detracteurs et seminateurs de zizanie (Mézières, Songe vieil pèl. C., t.2, c.1386-1389, 235)

Pour ce les detracteurs et persecuteurs sont a amer, car ilz nous donnent pour neant nostre medicine. Appellons de la court de justice a celle de misericorde, ou nostre Dame est maistresse, saichans qu'il est necessité que nous plourons en ce monde ou en l'autre, selon ce qu'il fut dit en la mort de Arsenius. (Gers., Déf., 1400, 242)

Détraction et oblocution et parole diffamant par envie. Détracteurs sont iceulx qui ainsi parlent. (La Haye, P. peste, 1426, 195)

...mesdisans detracteurs (Baude, Dictz moraulx S., p.1450, 101)

Ilz sont grans flateurs et grans donneurs de bons jours, mais, par derriere, ilz sont crueulz et mordans et detracteurs. (Fillastre, Traité Conseil H., c.1472-1473, 161)

Et ceulz qu'ilz suspeçonnent estre trompeurs, mesparlans, detracteurs, plains de fraude, de dol, prestz a injure faire ou dire a aultruy, ilz ne les contempnent pas seulement, mais les jugent maulvais, iniques et pervers. (Fillastre, Traité Conseil H., c.1472-1473, 233)

Glasidas, puissant cappitaine, Et vous tous autres grans seigneurs Qui prenez et avez tant peine En grans traveil et grans labeurs, Delessez vous fault ces erreurs Et en voz pays retourner, Sans estre plus detracteurs, Ne plus icy ne sejournez. (Myst. siège Orléans H., c.1480-1500, 431)

...esperant aussi que ceste ellucidacion vous donnera congnoistre et entendre la grande differance d'icelle vraye science d'astrologie et des ars divinatoires et supersticieux, ainsi comme du vray et du faulx, ou du blanc et du noir, du bon et du mauvais et l'erreur et ignorance de noz detraiteurs, laquelle differance jusque à cy n'a esté entendue, sinon par ceulx qui ont voulu veoir et congnoistre que c'estoit des bonnes sciences et des mauvaises (Simon De Phares, Astrol., c.1494-1498, f° 5 v°)

Remarque : Ex. du XIVe s. ds TLF.

B. -(Celui) qui fait sortir du droit chemin en disant des mensonges.

Hellas, le mauvaix detracteur Qu'en ce lieu m'a laissé ainsi ! (La Vigne, Aveugle boiteux D., 1496, 58)

Et toy, faulx deable detracteur, Va t'en, car je le te commande ! (La Vigne, S.M., 1496, 564)