DESPLAISANT

adjectif

[T-L : desplaisirdesplaisant ; GDC : desplaisant ; FEW (IX, 4a) : placere ; TLF (VI, 1160a) : déplaisant]

A. -[D'une pers.] Qui subit un désagrément, fâché, mécontent, affligé.

Or la lisez S'il vous plaist, afin que disez De bouche, ou au moins escripsez, Laquele plus triste eslisez De quatre amantes, Dames belles, bonnes, savantes, Qui sont tristes et desplaisantes Et de leur debat requerantes Vostre sentence. (Chart., L. Dames, 1416, 303)

...et lors comme impatient et desplaisant [Rollon] rassembla gens comme devant et fist de rechief malx merveilleux. (Juv. Urs., T. crest., c.1446, 63)

...de dire telz choses le roy pourroit estre tres mal content, courroucé et desplaisant (Juv. Urs., Loquar, 1440, 365)

...tout le couvent en est tres desplaisant et couroucié (La Sale, J.S., 1456, 285)

Madame, si trescourroucée et si desplaisante que plus ne povoit, demanda au musnier... (C.n.n., c.1456-1467, 44)

...a pou que le cueur ne luy faillit, tant fut marrye et desplaisante (C.n.n., c.1456-1467, 133)

...son mary estoit bien esbahy et desplaisant ; si ne savoit que faire ne que dire. (C.n.n., c.1456-1467, 134)

Gerard, desja ung peu adverty de ceste maudicte adventure, plus desplaisant que [si] tout le monde fut mort (...) respondit... (C.n.n., c.1456-1467, 166)

...j'ay bien cause d'estre mal content et desplaisant (C.n.n., c.1456-1467, 231)

La pouvre fille ne savoit que dire, tant estoit honteuse et desplaisante (C.n.n., c.1456-1467, 500)

S'elle fut dolente et desplaisant[e], ja n'est mestier d'en faire enqueste (C.n.n., c.1456-1467, 570)

Les dames sceurent assez tost le departement de Jason. Si en furent moult desplaisantes et fort desolees, et leur anuyoit de voir aux Gregois faire leurs apprestes, dont se plaindirent l'une a l'autre (LEFÈVRE (R.), Hist. Jason P., c.1460, 175)

Seigneurs, par tout Jherusalem On dit qu'estes fort desplaisans Et tristes, contre moy disans Que j'ay mespris et fait abus Au seveliment de Jhesus. (Pass. Auv., 1477, 267)

Remarque : Myst. process. Lille K., t.1, a.1485, 7/164 ; TARDIF, Facéties Pogge D.H.-P., c.1490, gloss.

Desplaisant de qqc. Fâché, mécontent de qqc..

Ladicte dame Françoise, très déplaisante de tout son coeur de la cruelle occision et inhumaine mort ensuivie en la personne dudict feu monseigneur Gilles (Cartul. Laval B., t.5, 1350, 88)

Dont les gens de justice du Conseil du Roy et de monseigneur de Bourgongne et les notables bourgois de Paris furent moult courouciez et desplaisans de ladicte commocion et de tout ce qui en estoit advenu (Fauq., I, 1417-1420, 152)

...et estoyt [le roi] tres doulant et desplaisant des manieres que il veoit tenir a aucuns qui estoyent a l'environ de luy (Juv. Urs., T. rever., 1433, 59)

Et il soit ainsi que puis nagaires lesdiz compaignons, mieulx advertiz que paravant n'ont esté et, comme il est vraysemblable, desplaisans de leur meffait (Chancell. Henri VI, L., t.2, 1434, 273)

...elle ne povoit aller [rejoindre son ami] si tost qu'elle eust bien voulu, a cause de son mary qui les destournoit, dont elle estoit desplaisante (C.n.n., c.1456-1467, 268)

...Fortune le voult, qui ennemye et desplaisante estoit de leur bonne chevance (C.n.n., c.1456-1467, 418)

Scipion l'Auffrican fut desplaisant de ce qu'il avoit esté aucteur de celle chose (Mamerot, Romuleon D., 1466, 22)

Environ ce temps, y ot ung nommé Charles de Meleun, homme d'armes de la compaignie de monseigneur l'admiral, lequel de Meleun estoit cappitaine de Usson en Auvergne, qui avoit la garde de par le roy du seigneur du Lau sur sa vie audit lieu de Husson, dont il eschappa. De quoy le roy fut fort desplaisant et pour ledit cas fist constituer prisonnier ledit de Meleun au chasteau de Loches, auquel lieu et pour icellui cas fut decapité. (Roye, Chron. scand., I, 1460-1483, 207)

Et commença l'evesque de Constance a prendre la parolle (...), disant que 'luy et les aultres qui la estoient estoient bien esbaÿs du daulphin (...). C'est sauvaige chose d'avoir telle crainte sans fondement (...). N'y a celuy qui ne le vueille servir ne qui osast ymaginer de luy fere desplaisir. Ilz ne quierent et ne querroient voulentiers que l'appaisement de ceste matere [qui] estoit bien entre eulx pour recommandee, et n'y avoit celuy qui n'en fust bien desplaisant...' (Chastell., Chron. IV, D., c.1461-1472, 48)

...ce que ledit Mynault ne voult faire, disant qu'il estoit malade et ne povoit aller audit voyage, dont ledit suppliant fut fort desplaisant. (Doc. Poitou G., t.12, 1480, 378)

Mais nous avons esté advertis que nostredict pere et cousin n'y a voulu et n'y veult entendre, dont nous sommes trés desplaisant. (Lettres Ch. VIII, P., t.1, 1485, 81)

Une chose ont-ilz assez honneste, selon leur mauvaistié : car à la personne de leur prince ne toucheroient-ilz jamais, et les bourgeois et les notables sont très bonnes gens et très desplaisans de la follie du peuple. (Comm., I, 1489-1491, 120)

Desplaisant de + inf. Fâché de.

Le prieur, desplaisant d'estre empesché a ce coup par cest yvroigne, respond... (C.n.n., c.1456-1467, 60)

Desplaisant que. Fâché de ce que.

...la très belle et bonne damoiselle, dont suis desplaisant que n'ose nommer... (La Sale, Sale D., 1451, 135)

...elle luy dist qu'elle estoit trop desplaisante qu'il estoit si petitement fourny de cela que vous savez (C.n.n., c.1456-1467, 471)

B. -[D'une pers. ou d'une chose] Qui déplaît, qui apporte un désagrément, qui est désagréable, déplaisant.

...l'usage de ferme vertu est enlaidy et desplaisant par inactrempance. (Foul., Policrat. B., I, 1372, 112)

Certes, vous ne pourriez penser la grant repentence et desplaisant pensee qui ou cuer lui en demeure. (Chr. Piz., Trois vertus W.H., c.1405, 118)

De tant plus que Dieu et Nature Ont fait plaisir d'amours plus hault, Tant plus aspre en est la pointure Et plus desplaisant le deffault. (Chart., B. Dame, 1424, 342)

En ceste dolente et triste pensee, qui tousjours se presente a mon cueur et m'acompaigne au lever et au couchier, dont lez nuys me sont longues, et ma vie ennuieuse, ay ja par long temps travaillié et foullé mon petit entendement, qui tant est surprins et environné de desplaisans frenesies, que je ne le puis exploicter a chose dont me vienge liesse ne confort. (Chart., L. Esp., c.1429-1430, 3)

Et quelles exactions sont aujourduy desplaisantes et desraisonnables (Juv. Urs., Nescio, 1445, 510)

...ains passa la sa desplaissante vye et y finant ses darrains jours. (La Sale, Sale D., 1451, 257)

...elle cheut en une desplaisante et dangereuse maladie que communement l'on appelle broches. (C.n.n., c.1456-1467, 32)

...la pouvre gentil femme n'eut plus cueur, puissance ne vouloir de soustenir son fardeau desplaisant (C.n.n., c.1456-1467, 125)

Desplaisant à qqn (en partic. à Dieu)

..quant on envoie prier celui qui est desplaisant au Seigneur (Jean Golein, Rational B.D., c.1370-1372, 265)

...ceste parolle et superscripcion qui de nouvel a este trouvee des clercs par flacterie, c'est assavoir tresredoubte, est fort desplaisant a Dieu et a preudommes subgiez. Quel merveille ! car redoubte emporte tirannie. Bien sont contraires en sentence serenissimo et metuentissimo, c'est assavoir tresdebonnayre et tresredoubte. (Mézières, Songe vieil pèl. C., t.2, c.1386-1389, 163)

Et dit le dit Gervaise qu'il creoit que ce soit par aucuns meffaiz secrez au monde et desplaisans a Dieu pourquoy il les punist si secretement en ces miseres que nulz n'en a congnoissance fors lui. (Arras, c.1392-1393, 4)

Mais l'orgueil de ces habiz dessusdiz fait un aultre oultrage, certes moult desplaisant a dieu a qui y vise, c'est le harnois que, assez en y a font, quant sont aux compaignies, aux nopces ou aultres assemblees de femmes, d'aler l'une devant l'aultre. (Chr. Piz., Trois vertus W.H., c.1405, 160)

Disoit en oultre que lesdictes lettres, en aucuns poins, estoient desplaisans au Roy (Fauq., I, 1417-1420, 292)

...car c'est une chose moult desplaisant a Dieu (Juv. Urs., T. rever., 1433, 80)

Et quant le chevalier eust bien penssé a ces grans delis mondains, qui trestant estoient desplaisans a Jhesucrist nostre sauveur qui l'avoit de honneur tant bienheuré (La Sale, Salade, c.1442-1444, 97)

Nicodemus, je pressuppose Que nous ne facions nulle chose Que desplaisante soit a Dieu, De vouloir que ce corps [de Jésus] reppose En terre qu'est si villain lieu ? (Pass. Auv., 1477, 259)

Le roy de Castille estoit laid, et ses habillemens desplaisans aux François qui s'en mocquoyent. (Comm., I, 1489-1491, 138)

Voir aussi déplaire