DEESSE

substantif féminin

[T-L : dieuessedeesse ; GDC : deesse ; AND : deesce ; FEW (III, 57b) : deus ; TLF (V, 914a) : déesse]

A. -Divinité féminine.

Cestes virges pour que continueement elles fussent prestressez a cele deesse [Vesta] il ordena car elles vivroient du commun et que par perpetuele virginité et autres cerimonies elles seroient tousjours honorables et saintes. (Bers., I, 1, c.1354-1359, 20.3, 32)

Si que Juno, la deesse, ot si grant Pité de li Qu'Alchioine vit Ceïs en dormant. (Mach., F. am., c.1361, 163)

Moult [Jules César] fu des dieus et des deesses plains Pour la tresgrant valeur dont il fu plains (Mach., Voir, 1364, 550)

Mais longuement pas n'atarga Que la deesse descharga Le fais de la conjunction Dont je vous ay fait mention, Par l'ordenance de nature Qui en avoit toute la cure. (Mach., P. Alex., p.1369, 4)

Nanil, par Dyanne la belle Que nous aourons conme deesse. (Mir. st Panth., 1364, 321)

Et Macrobes, ou livre appellé De saturnalibus, allegue a ce propos les theologiens paiens et recite comment par Joves il ne entendoient autre chose que le soleil, et par Saturne le soleil et par Mars et par Venus et Mercure et Dyane et Hercules et Juno, et ainsi de touz les autres principalz diex ou deësses. (Oresme, C.M., c.1377, 510)

Devers la deesse est alee Vestis (Chr. Piz., M.F., I, 1400-1403, 45)

Aussi fut Minerve essaulcee a Athenes comme deesse pour la recongnoissance des ars qu'elle trouva ; et semblablement Apolo deifié pour son excellence, et pour les merveilles qu'il fist sur corps d'omme par art de medicine. (Chart., L. Esp., c.1429-1430, 114)

Aux dieux je requiers vray secours Et aux deesses, car mes jours Me fault finer, je n'en puis plus ! (Marcadé, Myst. Pass. Arras R., a.1440, 249)

Choisy a ton advis des trois. Le meilleur tu feras que sage : C'est que tu viengne faire hommage A noz dieux et a noz deesses En leur faisant veulx et promesses De les servir d'ame et de corps (Myst. st Laur. S.W., 1499, 205)

Attropos, deesse ordonnee Pour cueillir mes vomissemens, Escumes et vomissemens, Aproche, si luy en delivres. (Cene dieux, c.1492, 127)

Le dieu Mahon et Juno la deesse (La Vigne, S.M., 1496, 176)

Deesse de + subst.

Proserpine a haute vois crie : 'Aïe, dieus ! Aïe ! Aïe ! Ha, Cerès, deesse de blee, Je te suis tollue et emblee ! Helas ! mere, que devenray ? Certes, jamais ne te verray !' (Mach., C. ami, 1357, 87)

Au contraire dist Therence : «Sans la deesse des blefs et sans le dieu du vin refroide la deesse de luxure». (Daudin, De la erudition H., c.1360-1380, 368)

Et pour ce que c'iert court roial, Y vinrent par especial Pallas, deesse de sagesse, Juno, deesse de richesse, Et moy qui Venus sui clamee, Des amans servie et amee, Car je sui deesse d'amour (Mach., F. am., c.1361, 203)

Hébé, deesse de jouvente, Qui est et belle et douce et gente, Et qui est des cieus boutilliere... (Mach., P. Alex., p.1369, 5)

Pour ce, la gent de rude taille Minerve deesse appellerent, Si l'aourerent et nommerent Deesse de chevalerie, De batailles et d'armerie (Chr. Piz., M.F., II, 1400-1403, 282)

Pour ce l'appellerent, c'est voir, Pallas, deesse de savoir. (Chr. Piz., M.F., II, 1400-1403, 283)

Premièrement vint à la feste, Comme la plus mouvable et preste, La belle Déesse des boiz (...). Puiz vint Vénus, la débonnaire Et gracieuse en tout affaire, Dont par raison est la Princesse D'Amour nommée et la Déesse. (La Haye, P. peste, 1426, 32)

Je suis Venus, la plus belle des cieulx, Entre les dieux tenant ma region, Aornée de joyaulx precieulx, De chans joyeulx et sons melodieux, Esbatz et jeux sont en ma legion, Puis Amphion du manicordion Psalterium cum cythara concorde Avesques Pan, qui ses muses accorde. On m'appelle la deesse d'amours, Qui tous les jours vrays amoureux console (Cene dieux, c.1492, 108)

[D'une personnification]

Guerre, deesse des abysmes d'enfer, Engendree du felon Lucifer... (Nesson, Lay guerre P.D., c.1424-1429, 47)

Ma plus chier tenue richesse Ou parfont tresor de Pensee Est soubz clef, seurement gardee, Par Esperance, ma Deesse (CH. D'ORLÉANS, Rond. C., 1443-1460, 447)

Par comparaison.

[Pour marquer l'idée de perfection]

...Corps de femme, corps de deesse, Corps de toute beaulté miniere. (Martin Le Franc, Champion dames I-II, P., 1440-1442, 177)

B. -[Langue de l'amour, pour désigner la femme aimée et vénérée]

...vous estes de biauté la déesse Et de douceur souvereinne et maistresse Et pors, où joie et toute honneur s'adresse Par excellance. (Mach., Compl., 1340-1377, 259)

Tu ies ma dame et ma deesse (Mach., Voir, 1364, 354)

Mon cuer, m'amour, ma deesse, m'amie (Mach., L. dames, 1377, 224)

Et si voy bien que vous ne sentez La grant doulour qui nuyt et jour me presse, Ne de mon cueur ne congnoissiez l'adresse, Qui a juré que trestoute sa vie Seroit en plours avant d'avoir deesse En autre lieu, jeune, lealle et lie. (Lannoy, WERCHIN, Ball. P., 1404, 339)

[Pour désigner une femme à qui l'on voue un grand respect]

...puis a Madame dist : 'A ! ma trehaulte deesse sans per, tant et si treshumblement que je sçay et puis, grace, pardon, marcy et misericorde vous requier.' (La Sale, J.S., 1456, 233)

C. -[Pour désigner la Vierge Marie]

...tu, qui es des cieulx deesse (Mir. Theod., 1357, 113)

Et li disoit : 'De Dieu ancelle, Vierge, glorieuse pucelle, Vierge pucelle, vierge mere, Mere dou fil, et fille au pere, M'amour, ma deesse, ma dame, Au jour d'ui recevez mon ame Et metez en vo compaingnie.' Et à ce mot perdi la vie. (Mach., P. Alex., p.1369, 271)

O princesse, doulce Vierge Marie, Ma deesse, ma maistresse, m'amye, Gardez moy bien que je ne me mescompte (Régn., F.A., 1432-c.1465, 179)

La joye avoir me fais, haulte deesse, A qui pecheurs doivent tous recourir, Comblés de foy, sans faincte ne parresse : En ceste foy je vueil vivre et mourir. Vous portastes, digne Vierge, princesse, Jhesus regnant qui n'a ne fin ne cesse. (Villon, Test. R.H., 1461-1462, 80)