DEBONNAIRETÉ

substantif féminin

[T-L : debonaireté ; GDC : debonaireté ; AND : deboneireté ; DECT : debonaireté ; FEW (XXV, 1321a) : ager ; TLF (VI, 767b) : débonnaireté]

A. -Bonté, bienveillance.

Biau tres doubs peres, sy vous vient De vostre tres grante franchize Que vous me faites tel servise Et de grant debonnaireté. (Myst. Pass. N.S., fragm. Troyes R., c.1350-1370, 274)

Li gentils chevaliers dessus nommés ne vesqui de ceste navrure q'un jour et une nuit, et morut. Diex en ait l'ame pour se deboinaireté : car depuis cent ans, ne fu plus courtois, plus gentilz ne plus plains de toutes bones et nobles vertus et conditions, entre les Englès, de lui. (Froiss., Chron. L., VII, c.1375-1400, 207)

En aprés de la pitié et debonnaireté du vray amoureux saint Pol envers tous, qui en pourroit assés parler ? (Gers., P. Paul, a.1394, 510)

...signeur, Ou debonnaireté greigneur Eust, il ne peüssent avoir. (Chr. Piz., M.F., IV, 1400-1403, 50)

Et, tres noble et redoubtée dame, avant que plus oultre je procede en ceste matiere, suppli humblement ton humaine debonnaireté que n'ait à mal se en singulier je parle à toy, c'est assavoir par 'tu', ainsi come meismement autrefois ay parlé, en mes petites escriptures et epistres, à ton tres noble pere, l'excellent duc de Berry (dont l'ame soit au ciel !) (Chr. Piz., P.V.H., 1416-1418, 18)

LE ROY DE CARTAIGE. Vostre conseil tresbien je prise, Et, quant ce fait en moy discute, Trestous chevaliers vous repute, Et de grant debonnarité ; Car, pour dire la verité, Tous ceulx du pays de Cartaige Et d'Afrique doivent hommaige A romainne imperiaulté (Myst. st Adr. P., c.1450-1485, 43)

Sire, il vous loist mieux entrer en régnation par clémence que par rigueur ; et donrez espoir et affection à tout le monde envers vous par débonnaireté, tandis que vous rebouterez les coeurs d'en arrière de vous par condition austère. (Chastell., Chron. K., t.4, c.1456-1471, 26)

...mais le duc s'excusa et fist dire au Roy que, (...) quant il auroit à besongner autre part que à l'encontre de son Roy, qu'il le serviroit plus voullentiers que prince du monde pour la debonnaireté qu'il avoit trouvée en lui. (Bueil, II, 1461-1466, 151)

Bienveillance, clémence.

Vueillez avoir de moy pité Par vostre debonnaireté, Ou mes cuers sera mal baillis (Mir. enf. diable, c.1339, 10)

Et vous sousviegne aussi du saint pardon loé Que Jhesus otroia par debonnaireté A Longis qui(l) l'avoit ferut ens ou costé De la lance d'achier (Bât. Bouillon C., c.1350, 32)

A austerité ou dureté convient adjoindre debonnaireté, selonc che qui est escript ou Psaultier : «Debonnaireté survenra et nous serons corrigiés». (Daudin, De la erudition H., c.1360-1380, 189)

Car austerité deboute et debonnaireté maine. (Daudin, De la erudition H., c.1360-1380, 189)

Mais celui qui tient le moien, nous disons que il est mansuet ou debonnaire et la vertu moienne, nous l'apellons mansuetude ou debonnaireté. (Oresme, E.A., c.1370, 167)

Bon prince donques si pense continuelment a sapience et de ycelle il fait justice par telle maniere que la loy de clemence et de debonnaireté est tout temps en sa langue. (Foul., Policrat., IV, 1372, 73)

En cest endroit, l'aspresse de vengier chaudement teles honteuses offenses est tenue aux princes et haulx hommes a equité, qui en autre cas seroit pour cruaulté reputee ; quoy que a princes singulierement appartient clemence et debonnaireté, pour ce que puissance fait les seigneuries redoutables, mais clemence les fait estables et fermes (Chart., Q. inv., 1422, 63)

...quoy que a princes singulierement appartient clemence et debonnaireté, pour ce que puissance fait les seigneuries redoutables, mais clemence les fait estables et fermes, et de la clemence et humanité du prince naist confidence, de confidence sceurté (Chart., Q. inv., 1422, 63)

[Tempérance] Vient apprés mettre devant tes yeux clemence, ceste debonnaireté, afin que (...) que tu soyes debonnaire en la volenté de Nostre Seigneur (Chastell., Temple Boc. B., 1463-1464, 177)

Encores raconte cellui Valere de la clemence et debonnaireté de Pompee envers le roy d'Armenie (Colart Mans., Dial. créat. R., 1482, 183)

[À propos de Dieu]

Par bien dire et par bien ouvrer Pouons sa grace recouvrer [de Jésus] ; Vëons sa debonnaireté Et sa tresgrant humilité (Renart contref. R.L., t.1, 1328-1342, 77)

...sy vous prye, vray peres Jhesu Crist, que vous, par vostre sainte debonnaireté, les vueilliez garantir et sauver et a moy pardonner mes pechiez, car bien voy que je suy a ma fin. (Bérinus, I, c.1350-1370, 232)

...la treshaute et infinie clemence et debonnaireté de Dieu (Foul., Policrat. B., III, 1372, 222)

Tous nous fera mourir, (...) Mais Jhesucript prions par debonnairetez, Que miracle pour nous soit encontr'eulz monstrez ! (Galien D.B., c.1400-1500, 6)

Je espere que sa debonnaireté ne nous traicte pas selon noz faultes, maiz selon sa clemence, et que nos indignez dessertes ne lui tollent pas la dignité de ses pardonnances. (Chart., L. Esp., c.1429-1430, 38)

Par personnification.

S'en loe Amours qui ha par sa doctrine Moi et mon cuer si tres bien assené Que j'aim(e) la fleur et la droite racine De tous les biens ; car Grace, Loyauté, Franchise, Honneur et Debonnaireté Font nuit et jour en li monteplier Les biens que Dieus et Nature ont plus chier. (Mach., L. dames, 1377, 24)

Mais aveuc tous ces meschiés Sueffre Amours qui est mes chiés, Que Raison, Droiture, Douçour, Debonnaireté, Franchise, Grace et Pité N'ont pouoir à Cruauté (Mach., Motés, 1377, 511)

Par métonymie. Acte de bonté.

...et mout en loa Jhesu Crist en son cuer de la grant debonaireté k'il li avoit fait de çou ke ele avoit encore espasse de vie, car ele avoit mout grant devotion en son cuer et grant volenté d'amender enviers Diu et enviers autrui des mesfais ke ele avoit fais (Fille comte Pontieu B., c.1465-1468, 21)

B. -Douceur.

Ire est le pechié, la vertu contraire est Debonnaireté. (Ménagier Paris B.F., c.1392-1394, 20)

Sy pouons veoir pourquoy Symeon en disant son cantique, qui se chante a Complie chascun jour, bailla III noms a ce glorieux enfant, qui est dit misericorde, car il honnoura le temple quant Nostre Dame le presenta (...), il monstra sa debonnaireté et humanité quant Symeon le porta (Gers., Purif., 1396-1397, 62)

Debonnaireté de coeur

Encores veul et vous commande que les huit beatitudes veulliez ensuir et croire, et premiers pouvreté d'esperit, debonnaireté de cuer, pleurs de voz pechiés et des autres, desir d'execucion de vraie justice, estre en cuer piteux et misericors, avoir purté d'esperit, paix a chascun, et estre pacient. (La Sale, J.S., 1456, 39)

Douceur, modération.

Et a ce propos disoit Seneque (...) : 'par debonaireté et par douceur, plusieurs se sont laissié vaincre, lezquelx ne pouv[oi]ent estre vaincus ne desconfis par force d'armes'. (Songe verg. S., t.1, 1378, 340)

D'Esau est dit proprement Qu'en chaçant aux bestes sauvaiges Est fais homs, hardis ses couraiges, Et par Jacob qui demouroit Es tabernacles et vivoit Est entendu simplicité, Douceur et debonnaireté. (Desch., M.M., c.1385-1403, 222)

L'autre vertu seconde est debonnaireté qui la personne encline a tenir le moien en courous et en yre en telle maniere que on ne se courouce pas trop ne mains aussi que raison ne desire (Evr. Conty, Eschez amour. mor. G.-T.R., c.1400, 640)

Modération pacifique (?)' (Éd. 'amabilité').

Et Amorandins [un des rois d'Espagne] est le XII^e [à faire hommage à Charles] , qui par debonaireteit est demoureit a la disposition de Charlez. (JEAN D'OUTREM., Myr. histors G., a.1400, 115)

Gentillesse.

Or y a enfans esbatans, Gais, gens, jolis et embatans, Amoureus, dous et amiables Et en tous leurs fais aggreables, Si pleins de debonnaireté Qu'il ont a chascun amité Et ne se scevent adrecier Nulle fois a euls courrecier, Ne jouer de gieu deshonneste, Et se font adès joie et feste. (Mach., D. Aler., a.1349, 243)

[La bienveillance est un défaut quand elle est signe de faiblesse]

Il [(le) vice qui est par deffaute] peut bien estre appellé trop grant debonnaireté et le vicieus trop debonnaire. Et pour ce que les philosophes stoïciens disoient que toute yre est vice, et que l'en ne se doit en nul cas courroucier, il declare aprés par trois raisons que aucune foiz deffaute de yre est a vituperer. (Oresme, E.A.C., c.1370, 260)

Et celui decline trop a destre qui trop pardonne par sote debonnaireté et laisse les deffaus des sougiéz. (Foul., Policrat., IV, 1372, 75)

Soumission, humilité.

ASSUAIRE. Or ça, Hester, nostre humble amye, Que veulx tu a ton appetit ? Sçays tu pas bien que je t'ay dit : Que, pour ta doulce humilité, Ta simple debonnaireté, Que mon cueur embrase et enflame, Fust la my part de mon reame, Tu l'optiendras, savoir le peulx. (Myst. Viel test. R., t.6, c.1450, 155)

LE PREMIER JUIF. ...Or sont les Juifz a delivrance Par Hester. Son humilité, Son humble debonnaireté En pleine vie nous maintient (Myst. Viel test. R., t.6, c.1450, 178)