CREDENCE

substantif féminin

[T-L : crëance ; GD : credence ; GDC : credence ; AND : credence ; FEW (II-2, 1307b) : credere ; TLF (VI, 448a) : crédence]

A. -Fait de croire ; ce que l'on croit. (synonyme créance)

1.Avoir/ajouster/donner/prester credence à qqc. Considérer qqc. comme vrai, ajouter foi à qqc..

...nientmeins vous prions, reverent pere en Dieu (...) que (...) vous vuilléz ainsi fere a ce foiz (...) donantz outre ferme foy et credence a ce que nostre dit serviteur vous reportera de nostre part par bouche (Lettres agn. L., 1369-1412, 49)

Si vous prie et requier bien affectueusement que les dessusdiz l'Enfant et Hanneford vous plaise benignement recevoir et oyr, et à tout ce qu'ilz vous diront et exposeront ceste foiz de par moy adjouster pleine foy et credence. (Escouchy, Chron. B., t.3, Pièces justif., 1440-1461, 217)

Tu m'esbahis de ton rapport Si n'y ay credence ne foys. (Gréban, Pass. J., c.1450, 343)

...se jou avoie une verge d'or que la fille du roy porte en son doy pour en donner une plus belle et riche que vecy, qui seroit eschange legier a acorder, je la donroie au conte, mon mary, qui par ce penseroit que sez besongnez venissent a son plaisir et ainsy ne feroye je nulle doubte que il n'eust foy et credence a mez parolez (Comte Artois, c.1453-1467, 125)

Et adfin qu'ilz adjoutassent plus grant foy et plus grant credence ad ce qu'il leur disoit, il leur dist comment il se nommoit, et le lignaige dont il descendoit, par quoy il leur monstroit clerement que ce qu'il leur disoit n'estoit pas fable ne fiction contrainte, mais verité notoire et bien de pluiseurs apprennee. (Rasse Brunh., Flor. Elvide B.N. C., a.1456, 14)

Et se tu ne prestes credence aux antiques histoires prealleguees, envis donneras tu foy aux modernes de recente memoire (Molinet, Faictz Dictz D., 1467-1506, 85)

Crédulité.

...quand les voisins de ce simple laboureur, voyans par adventure ce qu'il ne povoit veoir, obstant la credence et feableté qui luy avoient bandé et caché les yeulx, luy dirent... (C.n.n., c.1456-1467, 440)

2.RELIGION Croyance, foi.

Aussi est appellee foy la substance, c'est a dire le fondement dez choses esperables et l'argument des choses qui ne pevent apparoir par humaine rayson, pourtant qu'elle n'a point de pié ne de soustenue, en quoy elle se puisse fonder sur sens humain, maiz par les eles de ferme adhesion elle eslieve la credence de l'omme sur son propre savoir. (Chart., L. Esp., c.1429-1430, 87)

Je vous annonce sa venue [de Jésus] Affin que plus ne soit tenue En ignorance vo credence. (Marcadé, Myst. Pass. Arras R., a.1440, 77)

NOSTRE DAME. L'ancelle Dieu suis, s'il luy plaist. J'ay parfaicte credence en luy (Gréban, Pass. J., c.1450, 52)

JESUS. Ta credence est bien veritable Et je suis celluy mesmement Qui parle a toy presentement, Et n'y metz jamais varïance. (Gréban, Pass. J., c.1450, 157)

... [le chevalier] fist veu de jamais faire le signe de la croix, par la tresferme foy et credence qu'il avoit ou saint sacrement de baptesme, en laquelle credence il combastit le dyable (C.n.n., c.1456-1467, 15)

Avoir credence que. Croire (comme un article de foi) que.

O Jhesus, j'ay ferme credence Que tu es le vray Messÿas Qui de ta doulce mercy as Ma fille entierement sanee. (Gréban, Pass. J., c.1450, 167)

...j'ay credence Que en perpetuité Régnes en trinité, Seul en divinité, Sans quelque difference. (Myst. Viel test. R., t.6, c.1450, 196)

B. -Confiance. (synonyme créance)

1.Avoir/ajouster/donner/prester credence à/en qqn. Faire confiance, donner sa confiance à qqn.

Sire, lonc temps moy et mes predecesseurs vous avons loyaulment servy, et pour ce devés en nous avoir plus grant credence. (Hist. seign. Gavre S., c.1456, 40)

...et à ceste cause donna [le roi] singulière privauté et entrée à un nommé Guillaume de Bische, qui estoit un des singuliers du monde, auquel le comte son maistre donnoit plus de credence (Chastell., Chron. K., t.4, c.1456-1471, 115)

Car s'il advient que les rois ou les princes pour montepliance des humains s'acointent de dames et de damoiselles, jamais en leurs propres femmes n'auront credence. (LEFÈVRE (R.), Hist. Troyes A., c.1464, 440)

Il n'est vivant qui te preste credence [à Envie] , Chascun congnoit ta nature perverse (Lyon cor. U., 1467, 48)

Personne de credence. Personne digne de confiance.

'Sire, ce dist la damoiselle, ad ce que je voy de vous, me samblés estre home de foy et de credence, et pour ce vous raconteray la cause pour coy j'ay icy esté mise...' (Gérard de Nevers L., c.1451-1464, 101)

Pour quoy se il semble a aucuns que la dicte descripcion soit digne de audience, je leur racompteray assez nuement l'ordonnance de la chose faicte si comme elle a esté baillee et recitee par gens notables dignes de foy et de toute credence. (Rasse Brunh., Flor. Elvide B.N. C., a.1456, 2)

...dit leur fu [la vérité sur une guerre en cours] par le potestal de la ville, commis par les Veniscyens, homme notable et de grant credence. (Hist. seign. Gavre S., c.1456, 76)

Et pour ce, seigneurs, je vous demande premierement se vostre espye est home de credence ne home en quy on puist adjouster foy. (Hist. seign. Gavre S., c.1456, 150)

De credence. Digne de foi, dont le témoignage est fiable.

...les envoians qui les ont escrites [les lettres] et qui mesmes estoient au lieu, sont d'autorité et de crédence (Chastell., Chron. K., t.3, c.1456-1471, 110)

Avoir credence. Avoir du crédit, être estimé.

Il avoit en Romme grande credence et estoit bien amé. (Percef. III, R., t.2, c.1450 [c.1340], 288)

Estre de grant credence en qqc. Jouir d'une grande confiance en qqc..

...ung moult notable chevalier de grant honneur et de grant credence en ambassade (Relation Croisade Nicopolis A.P.P., p.1450, 180)

2.[À propos de diplomates, de messagers...]

a)Lettre de credence. Lettre contenant les instructions remises à un ambassadeur et qui atteste que le porteur est accrédité pour telle mission.

À Jaquet de Rue, qui baillez ont esté pour li et en son nom à Pierre de Rue, son frere, par lettres de credence de Monseigneur, en deduction de ce que Monseigneur povoit estre tenuz à li (Compte Navarre I.P., 1367-1371, 330)

...treschier frere et filz, nous vous remercions affectueusement de cuer de voz lettres de credence ore darrainement a nous envoiéz escriptez de vostre main (Lettres agn. L., 1369-1412, 267)

Ce jour, maistre Nicole Lamy, licencié en theologie, apporta et presenta à la Court lettres de credence de par le saint concil general assemblé en la ville de Basle. (Fauq., III, 1431-1435, 45)

Lesquelz [maistres] Jehan et Pierre avoient aporté lettres de credence de par ledit monseigneur le duc a messeigneurs d'Arras, de Saint Vaast et gouverneur. (La Taverne, Journ. Paix Arr. B., 1439, 11)

Comment aprés ladicte proposition faicte lesdis ambassaeurs presenterent leurs lettres de credence au chancelier de France (Chastell., Chron. IV, D., c.1461-1472, 25)

[D'une lettre] Porter credence sur qqn. Accréditer qqn.

Vos lettres ne portent nulle credence sur vous, et pour tant monseigneur s'avisera de respondre au roy et lui repondra aussi par escrit, et serez temprement délivré. (Chastell., Chron. K., t.3, c.1456-1471, 391)

b)Instructions confiées au porteur, lui permettant de conférer avec ses interlocuteurs, informations confidentielles à transmettre oralement.

...pour oïr exposer la credence des lettres du Roy à eulz adreçans, apportéez par messire Hue de Lannoy, chevalier (Fauq., I, 1417-1420, 280)

Très hault et puissant prince nostre très chier oncle, par Valois, herault d'armes, porteur de cestes, avons nagaires reçeu voz lettres closes données à Champigny le XXIe jour d'aoust, et si avons entendu la credence que de par vous icellui herault nous a exposée. (Escouchy, Chron. B., t.3, Pièces justif., 1440-1461, 207)

...et lors après avoir vu les lettres, ledit chevalier exposa sa crédence et commença à dire comment son maistre le connestable, par singulière confidence qu'il avoit en lui, l'envoia devers luy (Chastell., Chron. K., t.3, c.1456-1471, 344)

Laquelle credence estoit en affect que le roy les mercioit moult de foiz de leurs grandes loyaultez, et si les prioit oultre de tousjours de bien en mieulx continuer, et que dedens le mardi ensuivant il seroit à Paris, comme au lieu du monde que plus il desiroit estre, pour donner remede et provision partout, et qu'il aymeroit mieulx avoir perdu la moitié de son royaume que mal ne inconvenient aucun venist en ladicte ville, ou possible lui seroit de y pourveoir. (Roye, Chron. scand., I, 1460-1483, 63)

...nous avons (...) sceu la credence dont ilz avoient charge de par vous, qui est en effect à ce que volsissions permettre les nobles et gens de guerre demourans en nostre ville d'Abbeville, qui ont acoustumé suir les armes, laisser demourer et resider en nostre dicte ville pour la garde, deffense et tuicion d'icelle. (Lettres Louis XI, V., t.2, 1461-1465, 358)

Credence de + inf. Instruction permettant de.

...celle nuitée mesmes, venu au logis, lui escrivit lettres de sa propre main contenant ce que icy est dit, lesquelles il bailla au dit chevalier, aveuques credence de tout en faire et dire ce qui appartenoit au cas et jusques à faire venir la chose à consommation et parfait. (Chastell., Chron. K., t.3, c.1456-1471, 24)

Par credence. Oralement.

...le messaige est retourné et m'a rapporté responce de mondit seigneur de Warrevik, tant par escript que par credence (Louis XI Anglet. C.P., 1464, 296)

3.De credence. Accrédité.

...je faisoie enqueste aux anchiens chevalliers et escuiers qui avoient esté es fais d'armes et qui proprement en sçavoient parler et aussy à aulcuns hiraulx de credence, pour veriffier et justefier toutes mes matieres (Froiss., Chron.[Livre IV] V., c.1400, 345)

4.Crédit (financier).

Sous ombre donques de ce previlège droit-cy se retraient en ceste dicte ville souvent, mains faulx gabuseurs trompeurs et de mauvais arts pleins, et qui, sous aucune crédence que poront avoir à Paris, à Tournay, à Bruges et à Lille entre les marchans, esleveront les biens d'iceux par fainte marchandise, emprunteront grans sommes de deniers ou de vasselle d'argent sous leur credence (Chastell., Chron. K., t.3, c.1456-1471, 39)

5.Essai qu'on fait d'un mets devant un grand personnage.

...puis allèrent à la viande le comte Palatin et le duc de Zasse, marissal de l'empire, lequel portoit ung baton en main comme maistre d'hostel, et le comte Palatin portoit le premier plat à cheval jusques au degréz, et fut assis par lui meismes qui fit faire la credence. (Molinet, Chron. D.J., t.1, 1474-1506, 510)

Remarque : Doc. 1471 et 1485 ds GAY I, 492b.