COURTIER

substantif masculin

[T-L : coratier ; GDC : courtier ; AND : coroiter ; FEW (II-2, 1568b, 1569a) : currere ; TLF (VI, 369b) : courtier]

A. -Celui qui sert d'intermédiaire dans une transaction entre le vendeur et l'acheteur, moyennant rétribution.

...se aucuns avoirs est vendus en le halle, prendre doivent li couletier qui aront le markiet fait, de le moustre a l'accort dou vendeur et de l'accateur, et mettre d'unne part en le halle pour savoir se li remanans s'ensuit. (Drap. Valenc. E., 1344, 269)

Et a la foize ai fait autri mal et moun damage, comme en l'office de coureter (Henri Lanc., Seyntz medicines A., 1354, 22)

Et ausi Envye si en vient sovent au merchee, et si est burgeys de la ville et coroiter entre les merchantz. (Henri Lanc., Seyntz medicines A., 1354, 118)

Deffendus soit que aucuns hosteliers, qui rechoit werdeghelt, ne rechoive que un d. de le lb., et les deniers de tel valeur à le quantité selonc le lb., sour 60 s. sour le donneur et sour le prenneur. Item, que aucuns couretiers ne rechoive que un d. de le lb. comme dessus, sour 60 s. sour le donneur et sour le prenneur. Item, que commandéz soit que tout hostelier rechevant werdeghelt viengnent faire seureté de 500 lb. dedens 7 jourz et 7 nuis, sour 60 lb. qui font 10 lb. (Hist. industr. drapière Flandre E.P., t.3, 1363, 312)

Ja ne s'en ira escondis Ne marchaëans ne couletiers (Froiss., Joli buiss. F., 1373, 54)

...il avoient et ont vendu bien et loyalment, à tous jours, hiretablement, pour certain et juste pris de deniers, est assavoir : trois frans d'or au coulletier, trois frans de carité, deux gros pour le denier à Dieu et trois cens frans d'or pour le gros du marquiet (Hist. Lille T., t.2, 1391, 471)

À pluseurs courretiers qui par pluseurs fois alerent en pluseurs villes du pays de Flandres pour trouver lesdiz chevaulx pour ce que la chose requeroit briesve expedicion, 40 solz (Comptes Etat bourg. M.F., t.1, 1420, 409)

...plusieurs personnes, tant tixerrans, cordouenniers, laboureurs, vignerons, come autres de divers estaz et mestiers, povres gens et non congnoissans en ce, se sont entremis et entremettent chacun jour dudit fait de courretage de chevaulx, en quoy pluseurs personnes, tant gens d'eglise, nobles, comme bourgeois et laboureurs, en ont esté et sont souvent trompez, deceuz et abusez par la faulte et coulpe d'iceulx courretiers (Paris domin. angl. L., 1424, 123)

... [il] escripvit à ung nommé Plat, courratier, qui avoit ladicte espicerie en garde, qu'il la baillast et délivrast à sondit frère, lequel Plat, qui avoit bonne congnoissance de luy qui parle, vendit partie de ladicte espicerie et l'argent qui en yssit bailla à sondit frère réservé aucunes sommes de deniers que ledit Plat retint tant pour voictures, louages de maisons, utencilles, despenses et sallaires de serviteurs et autres choses (Aff. Jacques Coeur M., 1453-1457, 39)

Et pour ce que icellui suppliant et ledit feu Charles, qui estoient coulletiéz en nostre dicte ville de Bruges, estoient compaignons ensemble en tous prouffiz dudit mestier de coultaige... (Doc. 1455. In : Ch. Petit-Dutaillis, Doc. nouv., 1908, 163)

À Alain, le barbier, le XVe dudit moys de juillet, la somme de soixante douze ducas, en Avignon, pour plusieurs draps estranges, achetez sur la galéasse florentine, au moys de may derrenier passé, tappiz et saintures moresques, comme il a monstré au roy, par ses parties, Pierre de Ribiers, courratier (Comptes roi René A., t.1, 1477, 257)

...Pierre de Ribiers, courratier pour le roy (Comptes roi René A., t.2, 1478, 161)

Courtier de + subst. désignant l'objet de la transaction

Corratiers de vins. (...) Item, en la ville de Paris pour acheter vins en Grèce ou autres part, aura LX correctiers tant seulement. (...) Item, nul ne pourra estre reçeu a l'office de correctier, s'il ne baille pleige ou asseurement souffisant de XXX livres parisis, par devers le prevost des Marchans ; et quiconques se meslera de correcterie de vins, qui ne sera reçeu et aura asseuré, si comme dessus est dit, il sera a LX sols d'amende et sera banny de la viconté de Paris par an et par jour. (Mét. corp. Paris L., t.1, 1351, 11)

Item, nul correctier de drapperie, de peleterie, d'espicerie, de chevaulx, de mercerie, de foing ne d'autre marchandise quelle elle soit, ne pourra marchander, n'estre marchant par luy ne par autre, ne estre compaignon de la marchandise dont il sera correctier. (Mét. corp. Paris L., t.1, 1351, 23)

...il acheta un petit cheval gris garni de selle et de bride, le pris et la somme de VJ escuz d'or ; et, ce fait, ala boire avecques le courratier qui lui acheta ledit cheval (Reg. crim. Chât., I, 1389-1392, 128)

...lesdiz chevaulx et charrete il a venduz à trois hommes dont il ne scet les noms ne leurs demourances ; par le moyen d'un corratier de chevaulx qui n'a que un euil, demourant oultre la porte Saint-Honoré (Reg. crim. Chât., II, 1389-1392, 379)

De Henryet Mariete, courtier de vins, pour sa hanse 60 s. p. (Comptes Paris V.L.D., t.1, 1424-1425, 11)

...lequel Huguet lui monstra lesdictes laynes qu'il avoit fait déserpillier et mectre au grenier dudit hostel et avoient esté triées et estoit la grosse appert et la necte et meilleur estoit d'autre. Et dit qu'il y avoit plus grant monceau beaucopt de la bonne que de la mauvaise et dit qu'il avoit ainsi faicte séparer par le conseil d'un courratier de laynes (Aff. Jacques Coeur M., 1453-1457, 511)

Alors envoierent querir des plus souffisans et feables corectiers de chevaulz et se informerent des plus belles hacquenees qui fussent a Paris, que ilz alerent veoir et en acheterent une (La Sale, J.S., 1456, 73)

Alors envoierent querir des plus souffissans et feables coultriers de chevaultz (La Sale, J.S. E., 1456, 121)

Et, pour estre ledit du Bust vengé dudit Petit Jehan, se associa ledit du Bust de trois jeunes compaignons demourans à Paris, l'un d'iceulx nommé l'Empereur du Houx, sergent à verge, l'autre Jehan de Foing, fontenier et plombeur, et l'autre nommé Regnault Goris, orfevre, filz de Martin Goris, courtier de goulerie. (Roye, Chron. scand., II, 1460-1483, 59)

Marchand courtier

À Loys le Balreur, marchant couvretier [l. courretier] (...) pour plusieurs parties de pelleteries (Comptes Lille L., t.1, 1432-1433, 296)

B. -Par extension. Intermédiaire.

...toute voies il n'appartient en rien que en plait il y ait courratier ou marcheant de plais (Foul., Policrat. B., V, 1372, 396)

La quinte [chose] si est (...) quant elle se delicte en la messagiere et ou raport des messagiers et couratiers du mestier. (Mézières, Vertu sacr. mar. W., c.1384-1389, 288)

Adventuriers, courretiers d'amourettes Qui n'avoyent pas dessous eulx grans tresors (La Vigne, V.N., p.1495, 219)

Maquereau.

Et en faisoit forteresses et chasteaux, et en soustenoit houriers, couratiers et gens de meschante vie, comme dansseurs, flateurs et gens de nient. (Chron. anon. Ch. VI, D.-A., c.1431, 195)