CONTRE

préposition

[T-L : contre ; GD : contre ; GDC : contre ; AND : contre ; FEW (II-2, 1111a) : contra ; TLF (VI, 72b) : contre]

I. -[Idée de contact (dans l'espace) ; en partic. à la suite d'un heurt ; p. méton. idée de mouvement vers (idéalement jusqu'au contact, jusqu'à la rencontre - dans l'espace ou dans le temps)]

A. -[Idée de contact, d'adhérence]

De l'accort et consentement de reverent pere en Dieu monseigneur l'abbé de Saint Magloire, d'une part, et Guillaume Lynete, d'autre part, Jehan Berangier et Jehan Filleul, maçons jurez du roy nostre sire en l'office de maçonnerie, le XXIIIIe jour de septembre l'an mil CCCIIIIxx et treize, nous transportasmes ou Mont Saincte Geneviefve, en deux maisons entretenans et en un jardin, dont l'une d'icelles maisons est audit l'abbé et l'autre maison et jardin est audit Guillaume, pour veoir un costé de mur assiz en terre motoienne entre les dictes parties, depuis la jambe sur la rue jusques a une estable parderrieres qui est en l'ostel dudit Guillaume, et pour veoir plusieurs terres geteisses qui sont de l'ostel du dit Guillaume contre le mur motoien entre ycelles parties, desqueles choses ledit monseigneur l'abbé estoit plaintif en cas de heritage et de perir (Chartes Abb. St-Magl. T.F., t.3, 1393, 669)

Lesquelles paroles sont escriptes en vostre chambre de Parlement, ou tableau qui est contre le mur, qui sont choses que devez bien considerer et noter (Juv. Urs., Loquar, 1440, 385)

Lesdictes grisles estoient contre le mur du costé de la place (Comm., II, 1489-1491, 322)

[Au terme d'un mouvement, d'une action]

...et pour doubte qu'il ot qu'elles ne cheissent ou puis, print icelles deux tasses et les mist soubz son mantel, se vint asseoir à la table où sondit frere estoit, et auprès de lui contre le bout d'un banc où il se assist, mist iceulz hennaps sanz le sceu de sondit frere. (Reg. crim. Chât., II, 1389-1392, 497)

Tu dis vray, va, baille luy, baille, Ma foy, il ne vault que de raille Et se cacher contre ung buisson. (Gaud. sot, c.1450, 9)

...et contre son piller avoit escript, en un etarge, de lettres d'or : Ne touchiés à ma dame. (Escouchy, Chron. B., t.2, a.1465, 138)

[Avec mouvement] Au contact de, en suivant.

Si orent illueques assez de travail a monter contre le tertre qui estoit si roit (Bers., I, 9, c.1354-1359, 31.14, 57)

Li chevaliers estoit jones et de grant volenté, et pour monstrer apertisse de corps, tous armés il se mist à monter amont et à ramper contre le cable de la nef où il estoit. (Froiss., Chron. R., XI, c.1375-1400, 213)

Prenez vif argent, tant comme vous voudrez fere d'oignement, et metez en une escuelle avec la salive de trois ou de quatre hommes a jun, et menez tout ensemble contre le fonz de l'escuelle aux doiz jusques atant que l'argent vif soit amortiz comme yaue. (Gast. Phébus, Livre chasse T., 1387-1389, 117)

B. -En particulier.

[Idée de contact à la suite d'un heurt]

Mais ces ondes feroient si durement contre la nef que elles la faisoient drecier contremont (Bérinus, I, c.1350-1370, 213)

...il prist la fiole de la main de l'empereour et, tant comme il pot, il la geta contre le pavement (Foul., Policrat., IV, 1372, 60)

Li gentil honme, liquel estoient au lés deviers l'abeie, fissent aporter par lors varlés gros mairiens et puis hurter contre le mur a force de bras et de gens. (Froiss., Chron. D., p.1400, 427)

...il conmenchierent a jetter pieres de fais en la ville contre le castiel (Froiss., Chron. D., p.1400, 615)

...par les heurs continuelx des glaces contre les pez de boiz qui soustenoient le Petiz Pont (...) icelles glaces et riviere de Seinne ont abatu ledit pont de boiz (Baye, I, 1400-1410, 213)

..En frapant grant coup par derriere Contre la roche haulte et fiere (Chr. Piz., Chem. estude P., 1402-1403, 43)

Voulez vous rompre vostre teste Contre le mur ? (CH. D'ORLÉANS, Compl. C., 1433-p.1451, 273)

Et, quant je vis ceste hideur, Je cheuz le museau contre terre, Tout confuz (Myst. Pass. Troyes B., a.1482, 1039)

[Idée de contact par résistance à une pression]

Si comme quant un pot boillt et il est couvert, l'eaue est eslevee par fumee contre le couvercle (Oresme, C.M., c.1377, 702)

C. -[Idée de mouvement vers (idéalement jusqu'au contact, jusqu'à la rencontre)]

1.[Dans l'espace] En direction de, vers.

[En direction d'une pers.]

Ançois s'avança parmi la table et lança son brach dessus le roy de Navare et le prist par le kevèce, et le tira moult roit contre lui, en disant : 'Or sus, traittres, tu n'i es pas dignes de seoir à la table mon fil...' (Froiss., Chron. L., IV, c.1375-1400, 178)

Roland, qui estoit moult habille et courageux a merveille, trait son espee Durandal et vient contre le jayant pour l'occire. (Bagnyon, Hist. Charlem. K., c.1465-1470, 194)

[En direction d'une chose]

Il a bien sceu les mains tendre Contre le pain, et si l'emporte. (Mir. Pierre Changeur, c.1378, 237)

Hugues de Fleuri raconte que, comme il mouroit, il prenoit le sang, qui yssoit de son piz et le gittoit contre le ciel en disant : 'Tu m'as vaincu, Galilien ! ...' (Chr. Piz., Faits meurs Ch. V, S., I, 1404, 78)

...en grant affection il commence a lever les ieulx contre le ciel et a plourer moult largement (Bagnyon, Hist. Charlem. K., c.1465-1470, 8)

Touteffois, il luy advint que le vespre il regardoit contre le ciel et veoit une quantité d'estoilles en ordre tendans toute la nuyt ung chemin et ung sentier (Bagnyon, Hist. Charlem. K., c.1465-1470, 175)

La pierre sur la quelle l'ydolle estoit posee fut faicte merveilleusement (...). La quelle fut eslevee toute droite et non sans grant art et sçavoir : contre la terre elle estoit grosse a merveille et carree, et contre le hault elle alloit en estressant, et estoit si haulte celle pierre comme ung corbeau pouvoit vouller en hault. (Bagnyon, Hist. Charlem. K., c.1465-1470, 180)

...et les Lucembourgeois, surprins et espouventez, s'enfuirent nudz et deschaulx, hommes et femmes, contre le marchié en la basse ville, à l'opposite dont venoit l'effroy (La Marche, Mém., II, c.1470, 38)

Contre le soleil. En direction du soleil, tourné vers le soleil.

Li aigle puet a grant sejour En la plus grant clarté dou jour Contre le soleil justement Resgarder (Mach., D. Aler., a.1349, 346)

En choses cleres, c'est aussi grant folie de faire argumen comme che seroit de l'oeil mortel fichier contre le soleil tres cler (Daudin, De la erudition H., c.1360-1380, 150)

La veissiez noble bachelerie et ces bannieres venteler au vent, bacinez, harnaiz de jambes, l'or, l'azur et les couleurs des bannieres et des pennons resplendir contre le soleil. (Arras, c.1392-1393, 183)

...et sus le mast amont avoit une grande couronne d'argent doree d'or, qui resplendisoit et flambioit contre le solel. (Froiss., Chron. D., p.1400, 407)

Si sembloit a veoir a l'ueil Cler argent contre le souleil (Chr. Piz., Chem. estude P., 1402-1403, 36)

...et faisoit moult bel estrange veoir ce grant nombre de targes en diverses peinctures, et ces blondz cheveulx de ces Behaignons et Allemans qui reluisoient contre le souleil (La Marche, Mém., I, c.1470, 274)

Contre la lumiere

Doncquez à present que me loist il, qui suis aveuglé de sa clarté, telement que ne puis traire mon regard contre la lumiere de ses clariscentes euvres et rescriptions ? (Robertet, Oeuvres Z., c.1450-1500, 130)

2.Par analogie. [Dans le temps] Tout près de (dans le temps), vers, à l'approche de.

A ce dous temps, contre le mois de may, Par un matin cointement m'acesmay, Com cils qui trés parfaitement amay D'amour seüre. (Mach., J. R. Beh., c.1340, 57)

...adont Nature la bele Li vest une robe nouvele De la couleur d'une panthere Dont contre le printemps se pere (Mach., R. Fort., c.1341, 80)

Puis que nul ne me voit ne ot, En l'ostel de ce chastellain Vueil aler contre le serain. (Mir. femme roy Port., c.1342, 173)

Contre le temps qui nous presente joie Et le douls may qui fait coers esjoïr, Esce bien drois que mon coer se resjoie (Froiss., Ball. B., c.1362-1377, 1)

Et qant elles furent donnees et acordees de toutes parties, li rois d'Engleterre, contre le mois de mai, retourna en la marce de Londres (Froiss., Chron. D., p.1400, 164)

II. -[Idée d'opposition : dans l'espace, idée d'un mouvement qui s'oppose à un autre ; au fig. idée d'opposition ou de résistane plus abstraite ; p. ext., idée d'échange ou bien idée de proportion, de rapport, de comparaison]

A. -[Dans l'espace, idée d'un mouvement qui s'oppose à un autre (ou bien idée d'exposition ou de résistance à un mouvement)]

Car einsi com la fueille en tramble Contre le vent fremist et tramble, Leur trambloit li corps et les james En la presence de leurs dames (Mach., D. Lyon, 1342, 196)

Et lors la qualité naturelle de la chose meue, si comme est pesanteur, fait appeticier ceste qualité ou redeur qui enclinoit contre le mouvement naturel de la chose, et va le mouvement en retardant et la violence en appetiçant et finablement cesse. (Oresme, C.M., c.1377, 416)

...quant il fuit contre le vent, le vent li entre par sa bouche et li seiche la gorge et li fait grant mal. (Gast. Phébus, Livre chasse T., 1387-1389, 63)

...cellui est moult fol qui souffle contre le vent pour le cuider tarir ne surmonter. (Arras, c.1392-1393, 82)

Et aucunes fois advient que ce dit canal se mue plus d'une fois l'an, par lequel qui veult entrer en la rivière du Nyl il fault entrer et yssir, et est moult périlleux ... l'entrée et plus ... l'issir pour la mer qui redonde contre le courant de la rivière (Lannoy, Voy. amb. P.H., p.1450, 133)

[Dans le cours des choses]

La mort aussi survient a l'adolescent contre le cours et repugnance de nature, pour che est elle griefve (Daudin, De la erudition H., c.1360-1380, 304)

B. -Au figuré. [Idée plus abstraite d'opposition, qu'elle soit justifiable ou non]

1.[Le terme introduit par contre est supposé de valeur nég. (l'opposition étant alors justifiable)]

a)[Dans une attaque, une offensive...]

Contre sa char tant estriva Par jeunes et par disciplines Et par toutes bonnes dottrines Qu'el fut de l'ame chamberiere (Tomb. Chartr. Trois contes S., c.1337-1339, 103)

[Dans l'attaque d'une pers. ou d'un groupe que l'on considère, à tort ou à raison, comme hostile (dans le combat, dans une bataille, dans la plainte judiciaire, dans la polémique, dans la controverse...)]

...la teneur d'un arrest ou jugié donné en la court du roy noseignieur pour les diz religieus contre le dit abbé (Chartes Abb. St-Magl. T.F., t.3, 1330, 15)

...quant Aigres fut revenus de la bataille qu'il a faite contre le conte, tous ceulx du chastel firent feste et demenerent joie pour sa victoire (Bérinus, II, c.1350-1370, 156)

...et par aventure trouveroit il en aucuns aucune chose d'ardour et de volenté a fere guerre et a movoir armes contre le orguilleus roy et contre son cruel peuple. (Bers., I, 1, c.1354-1359, 53.9, 89)

...souvent aloit estrivant Contre lui par malivolence (Mir. parr., 1356, 21)

Pour che dist saint Augustin a che propos contre ung nommé Fauste que 'nul n'est tenu de croire a toute doctrine se non a la sainte Escripture, mais en toute aultre nous est laissié franchise de jugier de verité ou de la faulseté' (Daudin, De la erudition H., c.1360-1380, 59)

Et einsi com chascuns descent, Dix se combatent contre cent. (Mach., P. Alex., p.1369, 68)

Si qu'il est bien raison qu'il face Par leur conseil ce qu'il doit faire Contre la gent de put affaire. (Mach., P. Alex., p.1369, 148)

Si commanda la dame que de par elle lui fust comandé que il prensist ses armes et alast combatre contre le mauvais Julien (Chr. Piz., Faits meurs Ch. V, S., I, 1404, 77)

Ne veez vous pas tous les jours faire Guerre le filz contre le pere, Et le pere au filz par contraire, Et le frere contre le frere ? (Régn., F.A., 1432-c.1465, 61)

Il y eust une bataille en Angleterre à Cherausbry, qui fut du Roy contre ung chevalier, nommé messire Thomas de Percy (Bueil, II, 1461-1466, 61)

b)[Dans la défense, la protection, la résistance...]

Contre la mort l'omme se doit preparer en deulx manieres, asscavoir en soy accoustumant et pourveant a son voiage. (Daudin, De la erudition H., c.1360-1380, 349)

...com le voile au tabernacle, Qui lui font deffense et ostacle Contre les vens, contre la pluie. (Desch., M.M., c.1385-1403, 224)

Nota que marjoleine et violectes que l'en veult garder en yver contre la froidure l'en ne les doit mie mectre soudainement de froit a chault ne de moite a froit (Ménagier Paris B.F., c.1392-1394, 118)

Mesires Carles de Blois mettoit grande entente a ce conment il peuist avoir tant de gens d'armes et de Genevois que il peuist lever le siege, et resister contre la poissance de la contesse, et avoit ses messages alans et cevauçans en France nuit et jour deviers le roi Phelippe et les signeurs. (Froiss., Chron. D., p.1400, 569)

Ensi se fortefia li rois d'Engleterre contre la venue dou roi Phelippe. (Froiss., Chron. D., p.1400, 827)

Le fourmy se fournit et espargne en l'esté contre la durté de la froidure et saison de l'yver, et prevoit sa necessité devant ce qu'elle le sourpreigne. (Chart., Q. inv., 1422, 23)

En sont mains prestz et vigoreux à faire bonne résistence Contre le mal de pestillence. (La Haye, P. peste, 1426, 59)

En oultre les aulx sont bons contre la poincture de vers venimeux et contre la morsure des serpens - quant on les boit avec du vin, de quoy Avicenne au second canon au chapitre des aulx se dit avoir experimenté. (Rég. santé corps C., 1480, 41)

[Dans la résistance à une pers. ou un groupe que l'on considère, à tort ou à raison, comme hostile]

...il s'estoit si bien defendu contre le parage Oursaire... (Bérinus, I, c.1350-1370, 373)

Fermer l'huis contre qqn

Lequel armeurier, doubtant l'eschauffeture ou fureur dudit Wil Thomesson, eust clos et fermé son huis contre lui (Chancell. Henri VI, L., t.2, 1434, 285)

2.[Le terme introduit par contre est supposé de valeur positive (l'opposition étant alors injustifiée)] À l'encontre de, contrairement à, contraire à.

Renunçanz en ce fait les diz vendeurs par leurs dites foiz et seremens a l'exception des dites vint et quatre livr.. par.. non eues et non receues enterinement pour toute la dite vendue, au benefice de division et d'enterine restitution, a l'exception d'oultre la moitié de juste pris, et a toute autre lesion, circunvention et decevance, a toutes coustumes, us et establissemenz de païs et de lieus, a la copie de ces lettres et a tout ce qui aidier et valoir leur pourroit avenir contre la teneur d'icelles, et au droit disant general renunciation non valoir. (Chartes Abb. St-Magl. T.F., t.3, 1334, 55)

...se Dieux plaist, ce n'avendra ja, car ce seroit contre droiture et contre la voulenté de Nostre Seigneur, qui femme fist et fourma pour faire a l'omme compaignie (Bérinus, I, c.1350-1370, 116)

Et l'autre partie contre la volenté de qui la deffaillance avoit esté faite ouvri par nuit la porte au consul et reçurent secretement en la cité les chevaliers rommainz par nuit. (Bers., I, 9, c.1354-1359, 16.8, 29)

Or veez vous qu'elle a mespris Non pas contre ange ou un simple homme, Ne contre le pape de Romme, Mais contre la bonté divine Et contre la haulte royne De paradis. (Mir. mère pape, c.1355, 365)

Et promistrent yceuls vendeurs, par leurs dis seremens et foy pour ce corporelment donnee, es mains des dis notaires jurés, que il contre la vente, ottroy, quittance, cession et transport dessus dis ou contre aucune des choses en ces lettres contenues n'ont riens fait, vente, don ne transport, n'iront ne aler ou procurer soufferront couvertement ou appertement par euz ne par autres, jamais a nul jour en temps a venir (Chartes Abb. St-Magl. T.F., t.3, 1357, 222)

...car se auchun fol voloit escripre et soy opposer contre la doctrine des sages, on ne feroit que rire (Daudin, De la erudition H., c.1360-1380, 115)

...et pour ce sont il diz pernicieus ou cruels contre le pueple, felons contre la deyté, injustes contre les loys humaines. (Oresme, E.A.C., c.1370, 240)

...amer malice qui de soy est a haïr est contre la nature de volenté humaine (Oresme, E.A.C., c.1370, 431)

...non cuidant aucune chose mesprendre ou offencer contre la magesté royal (Reg. crim. Chât., II, 1389-1392, 201)

...lequel, tost après, non obstant le bouillon de si jeune aage, contre la commune maniere des hommes cheminans par le cours de nature... (Chr. Piz., Faits meurs Ch. V, S., I, 1404, 20)

...lequel confessa manifestement que tout ce qu'il avoit pourchassié contre la bonne damoiselle n'avoit esté synon pourtant qu'elle avoit fait reffus de le prendre a mariage et avec ce pour prendre sa seignourie (Comte Artois S., c.1453-1467, 58)

3.Emploi adverbial. Pour / pro ou / et contre

...combien que assez de raisons l'en pourroit dire pro et contre (Bouvet, Arbre bat. R.-B., c.1386-1389, 244)

C. -Par extension. [Idée d'échange ou bien idée de proportion, de rapport, de comparaison]

1.[Idée d'échange]

En soy taisant Et bien contre le mal faisant, Doulcement son cuer appaisant... (Chart., L. Dames, 1416, 234)

Partir qqc. contre qqn. Partager qqc. avec qqn. voir partir

2.[Idée de proportion, de rapport, de comparaison (en partic. pour comparer les forces en présence dans un combat)]

Car par ce que un fait a l'autre chose proporcionee contre ce que l'autre li a fait, par ce est maintenue la communité ou la cité. (Oresme, E.A., c.1370, 293)

Car cent mille biens reçoy Contre un tourment (Mach., Les lays, 1377, 431)

Une joye contre mille maulx poise. (Chart., D. Fort., 1412-1413, 192)

...une autre piece [de chaussée] à prendre au bout d'icelle chayenne, en allant contre mont jusques à l'eviée de l'ostel Jehan Mallart, a esté fait 4 toises de long sur 4 toises et demy de lé, raporté le large contre l'estroit ['rapporté à, ajouté à'] , advalué à 18 toises (Comptes Paris V.L.D., t.1, 1425-1426, 100)

...et rien tant ne desiroient [les jeunes pucelles] que d'estre alyees a gentilz hommes chevaliers dont estoit adoncques grant chiereté ['rareté'] , car contre vingt pucelles n'estoit pas un chevalier. (Percef. IV, R., c.1450 [c.1340], 908)

Qui vouldroit garder en Parlement les formes anciennes, on delivroit X procés contre ung, mesmement es choses ou il chet enqueste. (Juv. Urs., Verba, 1452, 403)

...si tous les bons jours qu'il a euz en sa vie, ès quelz il a eu plus de joye et de plaisir que d'ennuy et travail, estoient bien nombréz (...), il s' en trouveroit bien peu ; et me semble qu'il y en auroit bien vingt de peine et de travail contre ung de plaisir et d'ayse (Comm., II, 1489-1491, 330)

En opposition à, en comparaison de.

Et aussi venoit une odeur De sa douceur tant precieuse Et de saveur si gracieuse Qu'onques ne fu plus douce chose En ciel, en mer, n'en terre enclose, N'onques odeur ne fu si fine, Ne douceur, tant fust enterine, Qui n'eüst encontre li blasme, Tel com le fiel contre le basme (Mach., R. Fort., c.1341, 56)

Car Nature avoit ordené Le lieu et trés bien aourné De mainte diverse couleur, Et toutes coulours de valeur, De ce que puet faire Nature, Dont la champaigne estoit verdure, Et les couleurs abelissans Contre le vert resplendissans. (Mach., D. Aler., a.1349, 386)

Toutesfois finablement peset, aviset et comsideret le mal contre le bien, li rois d'Engleterre respondi as Flamens, par l'information faite et donnee des signeurs desus dis, que... (Froiss., Chron. D., p.1400, 341)

Je vous dy tout en une masse : Que de tel avoir fu si riches Que il ne donnast pas .II. miches De tout l'avoir Octovien, Mieulx prisast le sens Gallien, Contre le tresor, qu'il avoit, D'autre avoir envie n'avoit. (Chr. Piz., M.F., I, 1400-1403, 18)

[Pour comparer les forces en présence dans un combat]

...il trouveront leurs anemis, Mil contre un (Mach., P. Alex., p.1369, 50)

N'il n'a pas gens pour li combattre, Car il seront cent contre quatre. (Mach., P. Alex., p.1369, 65)

...contre un estoient deus cens, Voire encore plus (Mach., P. Alex., p.1369, 171)

...noz ennemis sont bien dix contre un de nous. (Arras, c.1392-1393, 108)

...et avoient esté li François bien diis contre un. (Froiss., Chron. D., p.1400, 743)

...la monstra le conte d'Urgel qu'il avoit encore force et puissance, car tant le fist bien a la jouste et a l'espee que sez gens en combatoient de plus grant hardement, mais tout son effort n'eust esté enfin que sa grant perdiction, car sez ennemis estoient quatre contre ung (Comte Artois S., c.1453-1467, 41)

...les ennemys qui estoyent dix contre ung... (La Vigne, V.N., p.1495, 288)

[Dans une formule de pari, marquant le haut degré d'une certitude] Cent contre un. Voir centencontre2