CONTREE

substantif féminin

[T-L : contree ; GDC : contree ; AND : contree ; DECT : contree ; FEW (II-2, 1111a) : contra ; TLF (VI, 85b) : contrée]

A. -Toute étendue de pays ; en partic. division de pays déterminée par certaines limites.

Il les prist, si les resgarda Et de haut lire se garda ; Car pluseurs secrez devisoient. Et ou darrein point contenoient Que s'amie estoit mariée Au plus vaillant de la contrée, Et estoit ja grosse d'enfant. (Mach., J. R. Nav., 1349, 215)

Leandus, li biaus et li cointes, D'une pucelle estoit acointes Qui belle Hero fu nommée ; N'avoit en toute la contrée Nulle si cointe damoiselle, De trop si gente, ne si belle (Mach., J. R. Nav., 1349, 248)

Cuidez vous estre sire et tenir la contree ? Par Dieu ilz l'a vous ont a nuit belle baillee. (Hern. Beaul. D.B., c.1350-1400, 12)

Regnaut bien set comment il va par la contree ! (Renaut Mont. B.N. V., c.1350-1400, 214)

Vo fief en croisteray d'une riche contree. (Renaut Mont. B.N. V., c.1350-1400, 366)

Je te di que la renommee S'espant par toute la contree Que po de gens scevent la cause Dont ta detention se cause, Si en dit chascuns a sa guise. (Mach., C. ami, 1357, 64)

Tant se traveille Que venue est en une grant valee, De deus grans mons entour environnee Et d'un ruissel qui parmi la contree Bruit et groiselle. (Mach., F. am., c.1361, 164)

Et si ot de lettres grijoises, Se nobles furent ou bourgoises, Et les païs et les contrees Dont toutes dis estoient nees. Trop longue seroit la matire, Se toute la voloie dire. (Mach., F. am., c.1361, 204)

Li clers fist son commandement Volentiers et diligemment, Et moult liez fu de ceste alée, Pour voir le Quaire et la contrée. (Mach., P. Alex., p.1369, 127)

Li rois dans Piètres, comme rois de toute Castille, donna, seella et acorda au roy de Navare et à ses hoirs, pour tenir hiretablement (...) toute la terre et la contrée de Sauveterre, la ville, le chastiel et toutes les appendances. (Froiss., Chron. L., VI, c.1375-1400, 210)

Enssi venoient ces povres gens et cil villain à Londres de cent lieues, de soissante lieues, de quarante lieues, de vint lieues et de toutes les contrées environ Londres. (Froiss., Chron. R., X, c.1375-1400, 98)

'Courons ceste grosse ville et riche et poissans de Londres, avant que cil d'Exsexs et de Sousexsexs, de Cambruge, de Beteforde et les autres contrées estrangnes d'Arondiel, de Waruich (...) de Gernemue, de Lincolle, de Iorc et de Durames viegnent.' (Froiss., Chron. R., X, c.1375-1400, 118)

... [ils] lui baillerent quatre soulz en blans nuefs et quatre noëaux de poisons, et lui dirent : Tien, bonhomme, va t'en, et mez ces nouëz ès puis et fontennes par où tu passeras ; senz lui dire ne desclairer en quelle contrée il les mettroit. (Reg. crim. Chât., I, 1389-1392, 430)

Mais, quant il l'avisa et le congnut, il fu moult doulens et s'en vint, et print toute sa finance, et vint en la contree qui ores est appellee Forests. (Arras, c.1392-1393, 50)

...il estoit venu un baron estrangier (...). Mais on ne savoit de quelle marche ne de quelle contree il estoit, ne il n'en vouloit rien dire. (Arras, c.1392-1393, 273)

Tout aussi que de une personne qui oncques n'aura yssu de sa region ne de son pays, ne pourroit croire maintes choses qui sont a moins de C. lieues prez de lui, et lui sera grant estrangetté, et dira qu'il ne se pourroit faire, et ce lui destourbera, car il n'a pas veu les lieux, car par hanter les diverses contrees et pays et nacions, et par lire les anciens livres et les entendre, congnoist on le vif et le vray des choses semblans increables. (Arras, c.1392-1393, 311)

Toute en resplandist la contree. (Chr. Piz., M.F., I, 1400-1403, 62)

...pour resister aux gens d'armes du duc de Bourgoigne et du duc d'Orleans et autres qui dammagoient le royaume en pluseurs païz et contrées. (Baye, II, 1411-1417, 17)

Laquelle isle est moult gardee et deffendue des gens du païs, pour ce que, quant aucum y vient celeement et a fait son art de l'anemy, apprès ce fait se lieve ung tempeste sy grant sur le païs, qui gaste tous les fruis et biens de la contree. (La Sale, Salade, c.1442-1444, 70)

...et le roy luy donnant sa fille avec la terre maritime, c'est au long de la mer de la riviere d'Epte jusques aux limites de Bretaigne, toute la contree de Bretaigne adjoustee aussi par dessus pour les suppleemens des despences (Juv. Urs., T. crest., c.1446, 66)

En ladicte année (...) fut le blé moult chier universellement par tout le royaulme de France, et mesmement au pays de Lyonnois, Auvergne, Bourbonnois et autres pays voisins. Et à ceste cause y mourut grant quantité de peuple, tant de maladie que de famine, qui fut merveilleusement grande par toutes contrées. (Roye, Chron. scand., II, 1460-1483, 112)

Or parle PILATE es Juifz. Seigneurs, entendés ma rayson : Jhesus m'avés randuz prison ; Il n'est pas de ceste contree, Quar ill es nez de Galilee ; Il est de la Herode justice, Jugier le doit a sa divise, Ou ne tiendroye pas sa droicture, De tort faire n'ai ge cure. (Pass. Autun Biard F., 1470-1471, 92)

Sus, mes enfans, diligenment Alons nous en en Gualilee, Chacun a son mas et contree, Car je me veulx ung peu retraire. (Pass. Auv., 1477, 166)

Remarque : JEAN LE LONG, Voy. Odoric A.M., 1351, gloss.

[Avec un possessif] Région dont on est originaire, où l'on habite.

...or me vieng jo clamer Del fort roi Anseis, moi velt desireter, Ki me tolt ma contrée que deüsse garder (Garin Lorr. M., c.1330-1400, 485)

Et voit on que, quant uns homs n'aura oncques yssu de sa contree, qu'il a des choses veritables assez prez de sa contree et region, que jamais ne vouldroit croire par l'ouïr dire, s'il ne le voit. (Arras, c.1392-1393, 4)

Et le conte de Forests s'en ala en sa contree, et prist congié au conte de Poictiers et a sa mere et a sa seur (Arras, c.1392-1393, 44)

Et le conte de Poictou repaira, lui, sa mere, sa suer, et ceulx de sa famille et hostel a Poictiers, et chascun des barons en sa contree. (Arras, c.1392-1393, 44)

...moult bien il avoient esploitiet pour une saison et se departirent de Bretagne et retournerent en lors contrees. (Froiss., Chron. D., p.1400, 557)

Pays.

En Thessalle ot une pucelle Qui estoit avenant et belle Et de grace la plus loee Qui fust en toute la contree. (Mach., Voir, 1364, 686)

...dame, aussi suis je esbahiz Que m'envoiez en un paiz Et en une estrange contrée Ou je ne fis onques entrée (Mir. st Ign., 1366, 103)

Et puis son chemin trespassa Par le païs et la contrée Dou patriarche d'Aquilée. (Mach., P. Alex., p.1369, 47)

Après ce, le roy se parti de Rouen et s'en ala à Orleans, où la royne estoit, et y demoura par longtemps, et puis s'en ala à Jargueau et ilec environ. Et, pendant qu'il y fut, arriverent devers lui plusieurs ambaxadeurs de diverses contrées et pour divers cas. (Roye, Chron. scand., I, 1460-1483, 155)

De ces secrettes habilitéz ou tromperies, qui se sont faictes en noz contrées de deçà, n'entendrez-vous plus veritablement de nulle autre personne, au moins de celles qui sont advenues puis vingt ans. (Comm., I, 1489-1491, 199)

Cestui ot ung filz qui fut nommé Assur et pour lui fut icelle contrée dicte Sirye. (Simon De Phares, Astrol., c.1494-1498, f° 15 r°)

Cestui Athlas eut divers disciples et de plusieurs contrées, ausquieux il monstra la science de astrologie (Simon De Phares, Astrol., c.1494-1498, f° 22 r°)

...fors que l'on dit qu'il fut compagnon de Ulixes et par sa guide et bonne ellection, après plusieurs infortunes de mer, arriverent en leur contrée (Simon De Phares, Astrol., c.1494-1498, f° 30 r°)

...toilles tant de Holande, de France que de toutes autres contrees. (La Vigne, V.N., p.1495, 262)

En toute contree. Partout.

ATTROPOS. Je seray en toutes saisons [Avecque] toy pour te conduire A empoisonner et destruire Les humains en [toutes] contrees. (Cene dieux, c.1492, 128)

[Dans une formule d'imprécation]

Paix, villain, qu'an malle contree Ayez vous et mis en malan. Par Dieu, la teste en sera frotee Se tu en parles de cest an. (Myst. siège Orléans H., c.1480-1500, 153)

B. -Par extension.

1.Division territoriale, quartier (ici quartier d'une ville).

Sus, Malque, en chesque contree De la cité alés crïer Que chascun vieignhe compaignher La justice bien enbastonné. (Pass. Auv., 1477, 179)

2.Étendue maritime.

La contree d'une mer

Madame, je m'en vueil aler aprez monseigneur mon frere, faictes moy avoir quelque bon maronnier qui bien sache la contree de ceste mer, par quoy je ne faille pas a trouver mon frere, et je vous en pry tant comme je puis ne scay. (Arras, c.1392-1393, 216)