CONFESSER

verbe

[T-L : confesser ; GDC : confesser ; AND : confesser ; DECT : confesser ; FEW (II-2, 1038a) : confiteri ; TLF (V, 1293a) : confesser]

I. -Au propre. Avouer.

A. -RELIGION [Dans le sacrement de la pénitence]

1.[Du pénitent] Confesser (un péché). Avouer (un péché) en confession.

Et n'(i) ait nul qui ne s'avance De confess(i)er tous ses pechiés, Et faire tant que baptisiés Soit et purgié de s'ordure En soi metant souz ma cure ! (Guill. Digull., Pèler. J.-C. S., 1358, 140)

...c'est ascavoir que la personne prende temps de discuter sa conscience de confesser ses pechiez et de dire ses heures et le service qu'il doibt a Dieu selon son estat et sa vocation (Traité S. Sacr. B., c.1450-1500, 154)

...comment elle confessa son cas a son mary, quand des ditz voyaiges fut retourné, cuidant le confesser a son curé (C.n.n., c.1456-1467, 16)

2.[Du prêtre] Confesser qqn. Écouter qqn en confession.

...après soupper, moy alant en nostre hostel, fu navré d'aguet fait apensé, ou ventre, par Perrin Pontigniau, pour laquelle navreure je fu cy hyer apporté ; et aujourd'uy ay esté confessé et ordonné par messire Guy Briere, chappelain de ceans. (Reg. crim. Chât., I, 1389-1392, 272)

Et lui compta la bonne et saincte vie que Remond, son pere, menoit, et comment il estoit tous les jours confessez et recevoit son Createur, et ne mengoit rien qui receust mort. (Arras, c.1392-1393, 276)

...il [le curé] parla trop hault a elle le jour qu'il la confessa (C.n.n., c.1456-1467, 301)

Le curé en grand crainte se despescha de le confesser (C.n.n., c.1456-1467, 349)

Et, si est verité que ledit connestable, après ce qu'il ot esté confessé et qu'il vouloit venir oudit eschafault, dist et declaira à sesdiz confesseurs qu'il avoit dedens son pourpoint LXX demys escuz, qu'il tira hors d'icellui, en priant audit cordelier qu'il les donnast et distribuast pour Dieu et en aumosne pour son ame et en sa conscience (Roye, Chron. scand., I, 1460-1483, 365)

LE PRESTRE. Se Dieu m'aïst, je me repens Quant au jourd'huy te confessay. (C. Riffl., c.1480-1520, 61)

Dymenche, .XIX. d'avril, jour de Pasques, le roy fut confessé a Sainct Pierre (La Vigne, V.N., p.1495, 260)

Emploi absolu.

DEUXIESME NONNE. Nanil voir : espoir qu'il [frére Gautier] confesse, Ou qu'il chante ou qu'il estudie (Mir. nonne, 1345, 311)

Estre confessé. Avoir avoué ses péchés au prêtre et reçu l'absolution.

Touteffois on en a aucuns signes : le premier et principal est pais de conscience, quant on ne sent pechié de quoy on ne soit contris et confessé (Gers., Pent., p.1389, 82)

Confession ! dist le prieur ; va t'en, va t'en ! tu es bien confessé. (C.n.n., c.1456-1467, 60)

Ainsi je me suis bien passé Quatre ans sans estre confessé. (C. Riffl., c.1480-1520, 58)

Par ironie.

...de ses bien fais et amours loialles tres repentant et contricte en tout bien et en tout honneur, a jeu sans villonnie, damp Abbés la confessa tres doulcement. (La Sale, J.S., 1456, 256)

Item, a Chappellain je laisse Ma chappelle a simple tonsure, Chargee d'une seiche messe Ou il ne fault pas grant lecture. Resiné lui eusse ma cure, Mais point ne veult de charge d'ames ; De conffesser, ce dit, n'a cure Synon chamberieres et dames. (Villon, Test. R.H., 1461-1462, 139)

[Contexte grivois]

...avoit ung maistre curé qui faisoit rage de confesser ses parrochiennes. (C.n.n., c.1456-1467, 402)

3.Emploi intransitif ou pronominal. [Du pénitent] (Se) confesser

Remond se confessa, et ouy sa messe, et receupt le Corps Jhesucrist. (Arras, c.1392-1393, 278)

Que les curez et gens d'Eglise, qui a ce sont ordonnez, mettent bonne diligence a traitier doulcement tous ceulz qui se confessent, et a se maintenir honnestement. (Gers., Concept., 1401, 429)

Karesme vient (...) ; Il nous fauldra dorenavant Confesser, penance faisant (CH. D'ORLÉANS, Rond. C., 1443-1460, 495)

...cil que ['qui'] au monstier Faulsement se confessent, on leur doibt bien baillier Faulse absolucïon (Enfances Doon de Mayence P., c.1450-1500, 475)

Et quant le tres desiré jour fut venus, Madame dist a ses femmes que pour mieulz et plus dignement gaynier les pardons que vraiement a damp Abbés, qui prelat estoit et homme a son semblant de grant devocion, se vouloit confesser. (La Sale, J.S., 1456, 255)

...veez cy l'espousée qui se mect a genoux devant le curé et se confesse (C.n.n., c.1456-1467, 298)

...ung bien matin, en la bonne sepmaine (...) de son curé pour soy confesser s'approucha (C.n.n., c.1456-1467, 464)

RIFFLART. Mehault, point n'y prens si près garde, Cuidés vous qu'entre nous conars Qui ne sommes point papelartz Ayons de confesser mestier Ne d'aler souvent au monstier ? (C. Riffl., c.1480-1520, 58)

Qu'on ne me pende, je cuydoye Que nulz homs ne se confessast Tant qu'il peust boire ne mengast, Mais j'estoye tres bien d'acord Qu'on se confessast a la mort. (C. Riffl., c.1480-1520, 58)

Ma femme confesser m'envoye, En ma vie plus n'y entray. (C. Riffl., c.1480-1520, 59)

Chascun s'estoit ce jour la confessé Devotement, comme je me recorde, Et tout le peuple qui la fut amassé A haulte voix crioit misericorde. (La Vigne, V.N., p.1495, 237)

(Se) confesser à (un prêtre)

Je me voeil confiesser a vous sans nul detry, Car j'ay fait un pechiet dont ay le coer fali (Flor. Rome W., c.1330-1400, 196)

S'eusse a qui me confessasse Ne me chausist se trespassasse En ceste paine. (Mir. mère pape, c.1355, 391)

Comment Gieffroy vint a Romme et se confessa au Pere Saint (Arras, c.1392-1393, 275)

Tant pour tant mieulz vault confesser a son curé plus seurement. Car n'est point doubte que ilz n'ayent la puissance, et ne te decevront point pour avoir le tien en te donnant absolucion plus que ilz n'ont de pouoir. (Gers., Concept., 1401, 428)

(Se) confesser de (d'un péché)

Si que trés bien me confessay De tous les pechiez que fais ay, Et me mis en estat de grace Pour recevoir mort en la place, S'il pleüst a Nostre Signeur. (Mach., J. R. Nav., 1349, 152)

Touteffois on en a aucuns signes : le premier et principal est pais de conscience, quant on ne sent pechié de quoy on ne soit contris et confessé, ou au moins on a ferme propos de s'en confesser en temps et en lieu (Gers., Pent., p.1389, 82)

Quant Thierry ouy le mandement de son frere, si monta a cheval, et erra tant qu'il vint a Lusegnen, ou Gieffroy le receupt moult liement, et lui dist qu'il lui vouloit laissier son pays en garde et gouvernance, car il vouloit aler a Romme confesser de ses pechiez au Pere Saint, et aussi qu'il ne fineroit mais d'errer tant qu'il auroit trouvé son pere, se il se puet bonnement faire. (Arras, c.1392-1393, 274)

Lors se confessa Gieffroy moult devotement de tout ce qu'il lui pot souvenir. (Arras, c.1392-1393, 275)

Je me confesse largement De tant que dira me pourés. (C. Riffl., c.1480-1520, 60)

[Dans un cont. métaph.]

[Vénus] Qui moy de blamer ne cesse Dou pechié de la rudesse Que j'ay fait par ma simplesse Contre Amours ; si m'en confesse, Et Vesta dira la messe En pardon de mes meffais, Qui des nimphes est prestresse. (Mach., Lays, 1377, 441)

(Se) confesser de (d'un péché) à (un prêtre)

Et dist, sur ce requis, que, depuis ledit temps, il a esté par pluseurs foiz à confession et receu son Sauveur, mais dudit pechié ne se ossa oncques confesser à prestre aucun. (Reg. crim. Chât., I, 1389-1392, 112)

LE PRESTRE. Se m'aïst Dieux, mon amy doulx, (Je ne diray point devant toy) Beau filz, car je ne scay de quoy Tu te veulx confesser a moy. Mon amy, vueillés abreger. (C. Riffl., c.1480-1520, 59)

4.infinitif substantivé. Voir confesseConfession.

...Priere sens devotion, Confesser [var. confesse] sens contriction (Dupin, Mélanc. L., c.1324-1340, 212)

B. -[Hors du domaine religieux]

1.Confesser qqc.

a)Avouer qqc. (de répréhensible, souvent publiquement).

Avant, confesse ton deffault Au saint pére (Mir. mère pape, c.1355, 405)

Elles furent mandées et contrainctes de confesser que ce avoit esté pour faire parchon d'une piece de couvrechefs [Deux femmes se battent] (C.n.n., c.1456-1467, 525)

A toute ceste compaignie Je requiers mercys humblement Et confesse publicquement Que je suis ung mauldit parjure Et requiers grace de l' injure Que j'ay fait encontre justice De ma pure et propre malice. (Mir. st Nic. juif, c.1480-1500, 151)

Confesser son cas

Si vous ay servy comme le cas le requiert, et sans mentir de mot vous ay confessé tout mon cas. (C.n.n., c.1456-1467, 465)

b)En particulier. [Devant une juridiction, une autorité]

...vous savez (...) Que vous fault appeller partie Qui le fait vous confesse ou nye (Mir. ev. arced., c.1341, 134)

...après cela, examiné et questionné de paroles, et bien pau de fait, et a ledit Hennequin cogneu et confessé les chosses qui s'ensuivent (Reg. crim. Chât., I, 1389-1392, 382)

...que ledit Oudot prisonnier nye la force et navreuse faitte à ladite Perrete, jà soit ce qu'il confesse la compaignie charnele, laquele chose ne se puet verifier que par sa bouche (Reg. crim. Chât., II, 1389-1392, 513)

...aprés ce qu' il eult confessé toute la mauvaittié qu'il avoit conspiree contre son souvrain seigneur et nepveu eult au dit lieu le col coppé et morut (Juv. Urs., T. crest., c.1446, 149)

La fille confessa tout, et dist ouvertement en jugement que... (C.n.n., c.1456-1467, 500)

Pour lesquelz cas et aultres par elle confessez fut condempnée par sentence donnée du prevost de Paris, nommé messire Robert d'Estouteville, chevalier, à souffrir mort et estre enfouye toute vive devant le gibet, et tous ses biens acquis et confisquez au roy. (Roye, Chron. scand., I, 1460-1483, 4)

...et, en la fin, après qu'il [Thomas Le Clerc] ot reçues plusieurs plaies, fut amené esdictes prisons, où il confessa ladicte larrecin, à cause de quoy fut rendue partie de ladicte somme qu'il avoit mucée près de Saint-Estienne des Grex (Roye, Chron. scand., I, 1460-1483, 326)

Oudit moys d'octobre, advint à Tours que ung nommé Jehan Bon, natif du pays de Galles, qui avoit belle pension du roy, et qui l'avoit marié à une femme de Mante, qui avoit bien du sien, conspira par l'ennortement du duc de Bourgongne, comme il confessa, d'empoisonner et mettre à mort monsr le daulphin, ainsné filz du roy. (Roye, Chron. scand., II, 1460-1483, 31)

Lesquelles choses, qui furent sceues par le gouverneur dudit Arras pour le roy, fut ledit Symon Courtois prins et saisy et mené devers le roy à Tours, où il confessa tout ce que dit est dessus, et à ceste cause il fut decapité. (Roye, Chron. scand., II, 1460-1483, 81)

Confesser (la) verité

Et ne dison pas ou entendon de celui qui dit et confesse verité en jugemenz ne quant a chose de contencion qui resgarde justice ou injustice (Oresme, E.A., c.1370, 267)

...fu de rechief mandé ledit prisonnier pardevant ledit mons. le prevost en la presence des dessus nommez, auquel fu dit que de ses autres mesfaiz il dist et confessast la verité. (Reg. crim. Chât., II, 1389-1392, 523)

Et le roy lui dist qu'il confessast la verité de la querele, et, par adventure, il pourroit bien avoir grace. (Arras, c.1392-1393, 64)

PREVOST. (Il est en son siege de justice et les brigans devant luy.) (...) Puisque tous trois vous tiens en laisse, Confesser vous fault verité. (La Vigne, S.M., 1496, 313)

Confesser + inf.

...il fu rapporté par le maire garde de la justice de Baubigny, tesmoigné et affermé que ycellui prisonnier avoit confessé par devant lui estre traitre du roy nostre sire (Reg. crim. Chât., I, 1389-1392, 54)

Et, le mardi ensuivant, fut executé es hales de Paris ung jeune compaignon nommé Pierre Gueroult, natif de Lesignen, et ilec escartelé par la sentence du prevost des mareschaulx, pour occasion de ce qu'il avoit confessé estre venu de Bretaigne à Paris, et ilec envoié de l'ordonnance du duc de Bretaigne pour dire et advertir le roy que plusieurs cappitaines et chefz de guerre de son ordonnance et retenue estoient à lui contraires, pour et afin de mettre dissencion entre le roy et lesdits gens de guerre (Roye, Chron. scand., I, 1460-1483, 78)

...ung nommé Jehan Bon, natif du pays de Galles, qui avoit belle pension du roy, et qui l'avoit marié à une femme de Mante, qui avoit bien du sien, conspira par l'ennortement du duc de Bourgongne, comme il confessa, d'empoisonner et mettre à mort monsr le daulphin, ainsné filz du roy. Et, pour ledit cas qu'il confessa estre vray, fut condempné à estre decapité par le prevost de l'ostel du roy. (Roye, Chron. scand., II, 1460-1483, 31)

Confesser que

...examiné sur ce le XXIJe jour d'aoust IIIJxx et dix, confesse que il est coulpable et consentant dudit fait (Reg. crim. Chât., I, 1389-1392, 436)

2.Confesser qqn

a)Faire avouer qqn, questionner qqn.

...il ne confacera non plus en jugement ny dehors la personne du pauvre que du riche, du vilain que du gentil, de l'etranger que du privé ; et avec ce, qu'il gardera sans enfraindre les chartres, privileges, edits, bans, statuts, ordonnances, coutumes, usages, libertés et franchises d'icelle ville ; en outre, qu'il fera bonnes informations, clains, calenges, accusations, conjuremens et executions, et generalement et specialement tout ce qu'à office de bailly (Hist. dr. munic. E., t.1, 1449, , , 103)

Et que cuidiez vous de ce faulz garçon ? Le ay je bien longuement confessé ? Il n'est en ma puissance que j'aye peu savoir qui sa dame est. (La Sale, J.S., 1456, 49)

Se confesser de qqc. Avouer qqc..

Tout droit yray en sa chapelle Me confesser publicquement De ma couvoitise cruelle, Aussi de mon parjurement Et crier mercy humblement Au juif, lequel avoye deceu (Mir. st Nic. juif, c.1480-1500, 149)

b)Malmener qqn.

Atant (...) Va il no crestïens malement confesser ; Ce qu'il en peut attaindre par terre fait voler (Flor. Octav. L., t.1, c.1356, 73)

Esclamonde la belle qui le cueur ot amer (,) Estoit sur les creneaux pour l'estour regarder, Qui volentiers veïst son seigneur confesser [On peut comprendre aussi (p. iron.) 'confesser qqn avant l'extrême onction'] . (Flor. Octav. L., t.2, c.1400, 387)

Jusques en la cité fuyent on les chassa, Au rentrer en la ville ly ung l'aultre pressa, Othon leur fut darriere qui bien les confessa (Flor. Octav. L., t.2, c.1400, 563)

Car tant seront batus et ferus et frapé Que tout le plus hardi sera si confessé Que jamais en sa vie ne portera santé (Enfances Doon de Mayence P., c.1450-1500, 680)

Remarque : Scheler, Gloss. Geste Liège, 74 (v.20420 : Courte [nom d'une épée], la murderesse, Qui à diestre et seneistre le nostre gensconfesse ; aussi v.36656).

II. -Par extension. Reconnaître ; révéler ; proclamer.

A. -Confesser qqc.

1.Reconnaître qqc. (que l'on préférerait ne pas dire, qui pourrait ou devrait rester caché, qui pourrait être contesté...).

Encores voullons et ordonnons que gaige de bactaille ne soit point dit oultre, fors que par l'une de ces deux façons. C'est assavoir, quant l'une des parties confesse sa coulpe et est rendu. (La Sale, Salade, c.1442-1444, 222)

...et aprés ung an qu il eut fait le dit homage envoya sa lettre donnee a Elchin par laquelle il confessoit l'omage estre lige (Juv. Urs., T. crest., c.1446, 47)

Jhesucrist a esté de si parfaicte netteté de conscience que en luy ne fut oncques trouvé peché, ce que confessent de luy les Sarrasins, voire de la bonoitte vierge Marie, sa mere. (Germain, Discours outr. S., 1452, 318)

Et je suis content de confesser devant le roy et des dames qu'il est meilleur chevalier et plus valant que moy. (Belle Maguel. C., 1453, 24)

...lequel messire Amourry, en sa personne, a dit et proposé que au regard desdictes cédulles il les confesse avoir signées de sa main et a confessé toutes les quatre parties dessusdictes (Aff. Jacques Coeur M., 1453-1457, 558)

Et, en toute diligence, fut ledit Jehan Hardi suivy, qui s'en retournoit devers Paris, et fut prins vers Estampes et remené devers le roy, qui le interrogua ou fist interroguer sur les choses dessusdictes, et icelles lui confessa estre vraies (Roye, Chron. scand., I, 1460-1483, 304)

Et ilec confessa que lesdiz Escossois avoient eu tout ledit argent (Roye, Chron. scand., I, 1460-1483, 326)

[En incise] Je le confesse

...pour ce que a tort et sans cause, je le confesse, vous avoir suspessonnée d'estre aultre que bonne... (C.n.n., c.1456-1467, 30)

Reconnaître (une dette, un paiement...).

Perrin de Choisy, orfevre, demourant a Paris, confesse avoir eu et receu de (...) la somme de... (Entrées roy. G.L., 1392, , , 151)

...Franchois Lorfèvre, chaussier demourant a Paris, confesse devoir au dict deffunct Xe tourn. (Invent. test. beauv. L., 1397, 52)

Les perles on lui monstrera, Mille frans les achetera ; Il confessera cel achat (Bouvet, Appar. Meun A., 1398, 16)

Jehan Tarenne, changeur et bourgeois de Paris, a congneu et confessé avoir receu de la Court de Parlement, par la main de Jehan Dauviller, huissier de ladicte Court, la somme de deux cens livres tournois (Fauq., I, 1417-1420, 42)

Item avoit une quictance Des tabourins et menestrelz Qui confessoient Estre paiez de trois quartiers ['aux trois quarts'] (Hautev., Invent. biens B., c.1441-1447, 74)

...En demande d'arreraiges de rente universel quant le principal n'est pas confessé (Cout. instit. Anjou Maine B.-B., t.4, 1464, 164)

Confesser à + inf.

Moy, Natenabo, roy de toute Egypte, cognoys et confesse a avoir emprunté au roy Licure mille mars d'or (Macho, Esope R., c.1480, 67)

Confesser qqc. à qqn. Reconnaître qqc. devant qqn, révéler qqc. à qqn.

...et, tant plus, vous sçavez que le pouvre prisonnier vous confessa loyalment qu'il n'avoit point de dame advisee pour servir, dont je le croy mieulz que autrement. (La Sale, J.S., 1456, 13)

...elle confessa a sa mere qu'il l'avoit engrossée (C.n.n., c.1456-1467, 71)

...il n'y a pas long temps que je luy comptay et confessay tout le long la grant amour que je vous porte (C.n.n., c.1456-1467, 210)

Le seigneur de Contay, qui arriva vers le roy tost après la bataille, confessa au roy, moy present, que, en ladicte bataille, estoient mortz huict mil hommes du party dudict duc, prenans gaiges, et d'autres menuz gens assez (Comm., II, 1489-1491, 121)

Concéder qqc. à qqn (dans une discussion).

Je li confesse sa majeur, Maiz je destruiray sa mineur (La Buigne, Rom. deduis B., 1359-1377, 307)

Si te confesse que j'ay tort Et tu as bon droit et raison. (Gris., 1395, 47)

Et n' y fait riens se tu vouloies dire que Hanry de Lancloistre, ayeul de Hanry dernier mort, estoit filz dudit Edouart et frere du prince de Galles, et que ledit prince estoit mort au temps du trespassement dudit Edouart, car je le te confesse (Juv. Urs., Aud. celi, 1435, 177)

Confesser qqn + attribut désignant une qualité. Reconnaître publiquement telle qualité à qqn.

Vous portastes, digne Vierge, princesse, Jhesus regnant qui n'a ne fin ne cesse. Le Tout Puissant, prenant nostre foiblesse, Laissa les cieulx et nous vint secourir, Offrit a mort sa tres clere jeunesse. Nostre Seigneur tel est, tel le confesse : En ceste foy je [la mère de Villon] veul vivre et mourir. (Villon, Test. R.H., 1461-1462, 80)

En luy [Jésus-Christ] croyrons comme prophete, Le confessent roy d'Israël, Voere le Dieu Hemanüel, Si se peult [l. peut] ouster de la croix. (Pass. Auv., 1477, 211)

Reconnaître comme tel.

L'OMME. (...) Serment de la messe, Vessi une ostesse ! TERRE. Voire, bonne et belle : Ta maire et maistresse ! L'OMME. Point ne la confesse. Cure n'ay de telle ! Tu es trop desfaicte : Regarde ta teste ! (Oliou, Mess. Arg. A., c.1470, 489)

2.Faire connaître qqc. (parce qu'on y est contraint).

Confesser + inf.

...lequel prisonnier, sur ce interrogué, et par serement, dist, confessa et se advoua estre homme noble et de noble lignée, si comme il avoit oy dire ou pays d[ont] il estoit nez aus gens qui l'avoient eu en garde, et autrement ne le savoit, et de ce se rapportoit [à] ce que messire Jehan Gouffier, chevalier, en diroit et deposeroit (Reg. crim. Chât., I, 1389-1392, 3)

Lequel prisonnier, sur ce interrogué, cogneut et confessa par son serement estre né de la ville de Douay (Reg. crim. Chât., I, 1389-1392, 225)

Confesser que

Lequel prisonnier, sur ce juré, requis et examiné, cogneut et confessa par son serement qu'il estoit nez de la ville de Baileuval en Beauvoisiz, filz d'un tonnellier demourant en icelle ville (Reg. crim. Chât., I, 1389-1392, 202)

3.Proclamer, déclarer, présenter (publiquement) comme vrai.

Confesser qqc.

Item, il convient que ces philosophes confessent choses contre ce qui leur appert sensiblement et par ce que il dient estre vray et qui leur appert. (Oresme, C.M., c.1377, 638)

Cestui fut souverain clerc et escripvit en astrologie (...) aussi en traicte en sa Somme contra gentilles, en plusieurs lieux, où il confesse plainement la partie judicative. (Simon De Phares, Astrol., c.1494-1498, f° 126 v°)

Proclamer son accord avec qqc., le prendre à son compte.

Alors le roy (...) voult de bouche a bouche savoir a Saintré se il le confessoit, et la publiquement fist lirre sa lectre, et savoir se il le advouoit (La Sale, J.S. E., 1456, 175)

Proclamer sa foi en qqc..

...honorant la hautesce des richesses de la sapience et science de Dieu et humblement la confessant... (Foul., Policrat. B., II, 1372, 177)

Maiz quelle reverence peult estre donnee a loy introduite par cruaulté, ou comme croira homme par devotion ce que on lui fait confesser par force ? (Chart., L. Esp., c.1429-1430, 126)

Confesser que. Déclarer, proclamer que.

Item, Averroïz confesse que les corps du ciel sont meuz sus divers poles (Oresme, C.M., c.1377, 462)

Je vous confesse que, pour cause de la prerogative de sa dignité, que la puissance espirituelle soit plus grande que la temporelle (Songe verg. S., t.1, 1378, 90)

Je confesse bien que yci sont miracles merveilleux qui se font par vraye humilité, et sont incomprenables par ceulz qui ne les ont pas esprouvez (Gers., P. Paul, a.1394, 503)

Et vraiement je te confesse bien que selonc le gieu que on vuelt jouer il convient instrumens propres (Chr. Piz., Déb. R. Rose H., 1401-1402, 132)

Et comme le noble Roumant De la Rose dit et confesse En son premier commancement C'on doit jeune cueur en jeunesse, Quant on le voit viel en viellesse, Excuser, helas ! il dit voir ; Ceulx donc qui me font telle presse En meureté ne me vouldroient voir. (Villon, Test. R.H., 1461-1462, 30)

'Nous confessons que astrologie est vraye science, mais elle ne devroit traicter que du mouvement et cours du ciel et des corps celestes' (Simon De Phares, Astrol., c.1494-1498, f° 4 r°)

Confesser à / de + inf. Affirmer, déclarer + inf..

Touteffoys, j'ay ung serviteur en ma maison qui confesse a sçavoir [var. de savoir] telles choses (Macho, Esope R., c.1480, 50)

Affirmer + inf., s'engager à + inf..

...et fut fait ung accord, le quel fut approuvé par les deux roys, et entre aultres choses tousjours confessoyent a tenir la duchié de Guyenne en foy, hommage, ressort et souvraineté du roy. (Juv. Urs., T. crest., c.1446, 112)

Confesser + prop. inf.

En vostre testament nouvel, Crestien, avez confessé Vostre Crist de femme estre né (Mir. st Sev., 1362, 228)

Et les delectacions que l'en confesse communelment estre laides, il est manifeste que l'en ne doit pas dire que elles sont delectacions a parler simplement, car ilz ne sont delectacions fors a ceulz qui sont corrumpus. (Oresme, E.A., c.1370, 514)

Se confesser de qqc. Affirmer qqc..

Je n'en veiz onques cinq cens ensemble, Par ma foy, n'en or n'en monnoye : Pour neant m'en confesseroye ['Pour rien au monde je ne dirais cela'] , Oncques ensemble n'en veiz deux. (Fr. arch. B., c.1468-1480, 41)

B. -Confesser qqn.

Reconnaître qqn, se déclarer proche de qqn, proclamer son accord avec qqn.

Certes il sont aucunes gens qu'ilz ['qui'] , quant ilz recognoissent et confessent leur amis et leur amistié, n'eschevent point la forme et semblance de moqueurs et de jugleurs. (Foul., Policrat. B., III, 1372, 217)

[Oroison a sainct Adrien] Cesar felon, barbare, terrificque (...) Cuidant ton coeur [celui de saint Adrien] hors de foy catholicque Emanciper, mais ne te chault qu'on face ['mais tu es insensible à toutes les atteintes que l'on te porte'] , Comme devient qui les justes conface ['ainsi que devient celui qui avoue les justes, qui se proclame des leurs'] (Molinet, Faictz Dictz D., 1467-1506, 509)

Confesser Dieu. Proclamer sa foi en Dieu.

...Jesucrist dit en l'evvangile : Qui me confessera devant les hommes, je le recongnoystray et confesseray devant mon pere, qui est ou ciel. (Mézières, Songe vieil pèl. C., t.1, c.1386-1389, 593)

...depuis il [saint Pierre] confessa Dieu devant tous les tirans sans doubtance quelconque jusques a mort soustenir. (Gers., P. Paul, a.1394, 489)

...un seul dieu confessons, Et la vraye foy catholique (Chr. Piz., M.F., II, 1400-1403, 107)

O Jhesus, de cuer de [l. te] rans graces En confessant ta deÿté. (Pass. Auv., 1477, 164)

Du premier, nous avons le contraire au SYMBOLE, c'est a dire la confession de la foy faite par Saint Anastase de l'unité et trinité, confessant ung Dieu en trois personnes en unité de ung Dieu, auquel devons honneur et reverence. (Somme abr., c.1477-1481, 104)

[Du Christ] Confesser qqn. Reconnaître qqn comme fidèle à Dieu.

...Jesucrist dit en l'evvangile : Qui me confessera devant les hommes, je le recongnoystray et confesseray devant mon pere, qui est ou ciel. (Mézières, Songe vieil pèl. C., t.1, c.1386-1389, 593)