CONDUIT

substantif masculin

[T-L : conduit ; GD : conduit1, conduit2, conduit3 ; GDC : conduit ; AND : conduit1 ; DECT : conduit ; FEW (II-2, 1025b) : conducere ; TLF (V, 1284b) : conduit]

I. -[Synon. de conduite I, correspond à conduire] Action de conduire qqn ou qqc. (qq. part), d'accompagner qqn (qq. part) ; action de faire progresser qqc., de mener qqc. à bien ; action de se conduire de telle ou telle manière.

A. -[Correspond à conduire I A et II A]

1.Action de conduire qqn ou qqc. (qq. part), d'accompagner qqn (qq. part).

a)Action de conduire qqn (qq. part), d'accompagner qqn (qq. part), d'escorter qqn, de guider qqn.

...ceuls qui sanz conduit des sergens venoient aus plais en l'assise ou dehors, en disant que lesdis arriestés avoient fait adjourner ou estoient adjournez par devant euls pour tesmoignage porter ou par aucune autre frivole et ainsi li créanciers par teles cauteles estoient et sont défraudez et la jurisdiccion des eschevins de Lille bléchié et li drois du Roy annullez. (Hist. Lille T., t.2, 1341, 401)

...ensemble des mises et despens par vous faictes pour battelage, guides et conduit (Chron. Mt-St-Mich. L., t.2, Pièces div., 1443, 146)

À / en / sous conduit de qqn. Sous la conduite, sous la garde de qqn.

S'aloit devant et je après. Mais il [le lion] me tenoit si de près Qu'il sambloit qu'il me vosist dire : 'Venez hardiement, biau sire ! Car vous estes en mon conduit.' Si prenoie moult grant deduit, Car j'estoie tout asseür Que c'estoit aucun bon eür, Si le suï moult volentiers. (Mach., D. Lyon, 1342, 171)

Car pour ce c'on ne s'apperçoive De mon fait, tantdis qu'il est nuit, M'en vois, vierge, en vostre conduit (Mir. st J. Cris., c.1344, 262)

Dont quant je fui outre passez Le crueus chemin de tristesse, Raison m'amenistra leësse, Joie, pais, solas et deduit, Et je me mis en leur conduit, Li quels de riens ne m'asservirent, Mais moult gaiement me servirent. (Mach., D. Aler., a.1349, 391)

Li dis messires Jehans prist en carge et en conduit (Froiss., Chron. L., VII, c.1375-1400, 108)

Mon chier seigneur, a mon conduit Sont venuz ces deux hommes cy, Si tost que je leur dis ainsy Que les mandiés. (Mir. st Lor., 1380, 160)

Et nous mena si avant sus son conduit que nous avons veu une partie de lor convenant (Froiss., Chron. D., p.1400, 139)

Qant il furent tout venu, la contesse les reconmanda et mist en la garde et conduit des trois chevaliers desus nonmé, qui volentiers en prisent la carge et le faix. (Froiss., Chron. D., p.1400, 813)

Au / en conduit de. Sous l'escorte de.

Ce temps pendant, vint à Paris le filz au duc de Lencastre veoir la noble cité au conduit des diz ducs, oncles du roy de France (Chron. Valois L., c.1377-1397, 335)

Bon / seur conduit. Bonne escorte.

Seigneurs, la Dieu merci, Venus somes d'outre mer cy ; Nostres sires nous a conduit, Et donné son seür conduit. Si croy qu'adès nous conduira, Puis qu'à li servir nous duira. (Mach., P. Alex., p.1369, 121)

Mon seigneur, quant il vous plaira, Movoir pouez d'ore en avant. Vostre harnoys s'en va devant A bon conduit. (Mir. fille roy Hongrie, c.1371, 34)

Homme de conduit. Homme d'escorte.

Audit receveur, qu'il avoit payé à ung voicturier et troiz hommes de conduit pour avoir apporté dudit Beauvaiz à Paris la somme de 600 frans ausdiz bouchiers pour le fait de la despence d'icellui seigneur (Comptes Etat bourg. M.F., t.1, 1419, 103)

Au conduit de / sous le conduit de. Sous le commandement de.

Tout s'i acorderent et ordonnerent tantos .Vc. armeures de fier, bien montés et plains de bonnes emprises, et se departirent un soir de l'oost ou conduit dou dit senescal (Froiss., Chron. D., p.1400, 653)

...aprez les batailles de ses gens soubz son conduit desconfites... (Chart., L. Esp., c.1429-1430, 143)

Cy est comment aulcuns des princes vinldrent parler aux chevalliers romains soudars al empereur soubz le conduit Pilate pour garder le sepulcre. (Marcadé, Myst. Pass. Arras R., a.1440, 228)

Conduit de qqc. Conduite de qqc..

Vostre oreison conduit lui face (Vie st Evroul S., c.1350, 94)

...en l'onneur de ce conduit Et de l'estoille qui les conduit [les rois mages] (Prières saints R., t.2, 1400-1500, 446)

...qui avoient vent a souhait et venoient au conduit des estoilles (Percef. III, R., t.1, c.1450 [c.1340], 355)

b)Transport de qqc..

...pour le conduit des vivres et garnisons qui doivent aler a Calays (Clos galées Rouen M.-C., t.2, 1347, 128)

Mener qqc. en conduit. Conduire qqc. sous escorte.

À Jehan Colin, voicturier du pays de Namur, la somme de soixante frans à lui paiez et delivrez comptans tant pour ses pennes et salaires d'avoir mené en conduit, lui IIIe de personne à son chariot athelé de sept chevaulx (Comptes Etat bourg. M.F., t.1, 1419, 115)

Transmission (d'un héritage).

Jugement (...) que dit que ung homme vuelt estre paiés d'une estaies c'on li ont laixiés a paier on ons [d]oit esxurié l'eritaiges ; et cil que s'en deffend dit qu'il n'en a point a paier, por ce qu'on lour ont esxuriés l'eritaige et qu'ilz ont prin lour bans sus l'esxurement et le conduit. (Jug. maître-échev. Metz S.M.S., t.1, a.1494, [1363], 410)

2.Par métonymie. Garantie donnée pour le transport de personnes ou de marchandises ; droit à verser correspondant.

Les foyres de la rue de Chamont n'ont point de conduit, mais elles ont garde, car en venant et retournant, monseigneur le Duc ne deffraieroit nul qui demandast à cause de conduit de foyre ; mais foyre séant, les denrées estans en foyre, se dommaiges en venoit par défault de gardes, monseigneur le Duc en seroit tenuz, et monseigneur le Duc s'en deffraieroit sur le prevost et les sergens (Chartes communes Bourg. G., t.1, 1371, 406)

Autorisation d'aller qq. part ; sauf-conduit.

Maistre Yve Darrian, pour 1 conduit empétré par li du Roy d'Angleterre pour Pierre, chevalier, qui devoit venir devers le Roy (Comptes argent. rois Fr. D.-A., I, 1359-1360, 206)

Pour 2 saufs-conduiz empétrez pour monseigneur de Dampmartin et maistre Jean le Royer, qui estoient à Bruges, 7s. Gilequin, de Tournay, qui leur porta les diz conduiz, 13s. 4d. (Comptes argent. rois Fr. D.-A., I, 1359-1360, 233)

...messires Joffrois de Malatrait eut grace et conduit de aler deviers la contesse (Froiss., Chron. D., p.1400, 549)

Mais se aucum prenoit plaisir a veoir cedit lac, pour la seureté de sa personne lui convient aller aux seigneurs de ladicte cité, qui voullentiers lui donrront congiet et conduit pour ce veoir sans aultre chose faire (La Sale, Salade, c.1442-1444, 71)

Incontinant que vous l'aurez despesché, faictes le moy savoir, et je luy bailleray conduict pour s'en aller. (Lettres Louis XI, V., t.7, 1479, 269)

Sauf-conduit. Voir sauf-conduit

3.Celui qui accompagne, qui escorte ; escorte.

Celui qui accompagne, qui escorte, qui guide.

Diex est mes conduis (Best. lap. Rosarius S., c.1330, 129)

Biau filz, Dieu le souverain roy Soit ton conduit. (Mir. st Guill., c.1347, 30)

...nostre seigneur leur donna une nue pour trois choses, c'est assavoir : pour estre en leur chemin pour conduit nuit et jour (Mir. emp. Julien, 1351, 186)

Je deviens courbes et bossus (...), Sanz conduit ne sçay mès aler (Desch., Oeuvres R., t.7, c.1370-1407, 3)

Tu es en plour confors, tu es en dueil deduys, Tu es en repos en peyne et en peril conduys. (Pleur ste âme B., c.1375-1425, 82)

...moult desiray a savoir De l'estre du lieu tout le voir. Par quoy vers mon conduit m'adrece, Et lui ay dit (Chr. Piz., Chem. estude P., 1402-1403, 37)

Escorte.

Et quant j'eus oï le deduit Des oisiaus, tous seus, sans conduit, M'en alay parmi le vergier (Mach., D. verg., a.1340, 14)

Si pri Dieu qu'a joie m'i meint, Car se je n'ay milleur conduit Que de Paour qui me conduit, Je ne voy pas comment j'y aille. (Mach., R. Fort., c.1341, 113)

En Poulainne et en Poumerelle, En Brandebourc, c'est chose bele, Qu'on y porte, par saint Germain, Seürement l'or en la main ; Et je vi que nuls n'i savoit Aler, se grant conduit n'avoit. (Mach., P. Alex., p.1369, 32)

Quant tu t'en retourneras, use de langue de Espaingne ou de Gascoigne (...). Et, quant conduit tu avras, plus seurement t'en yras...(...). Et, se conduit te faut, si fais longues journees et tieng tousjours le chemin commun. (Foul., Policrat. B., I, 1372, 90)

Mais l'enfant fit folie qu'il ne print conduit de ses hommes (Doolin de Mayence V, P., 1501, 13-9)

Par extension. Groupe d'hommes dont le nombre est fixe, compagnie.

Et sont demorans en icellui chastel bien .LX. conduits de Gregeois qui labeurent et ahanent autour d'icellui chastel (Voy. Jérus., c.1395, 90)

4.Par analogie.

Avoir conduit (de qqn). Obtenir sa subsistance (de qqn), être à la charge (de qqn).

Jugement (...) que dit que, se ung homme [qui] n'est mie demorant ..., [mais] a conduit de sa mere, combien qu'il ait femme et enffans, fait crant [de] debte, la quelle aprez le deceptz de son filz puelt bien la debte aneantir, en disant : 'Mon fil estoit en maimburnie a jour qu'il cranteit la debte.' (Jug. maître-échev. Metz S.M.S., t.1, a.1494, [1336], 134-135)

Tenir conduit / se traire à son conduit. Avoir un ménage à part (c'est-à-dire ne pas dépendre de qqn pour sa subsistance, être indépendant).

Jugement (...) que dit coment ung jonne home qui est en la maimburnie son pere, ne puelt faire debte par escript ne par recongnissance, ja soit ce c'on puist dire : 'Il est homme merchampt et est mariez et tenant conduit'. (Jug. maître-échev. Metz S.M.S., t.1, a.1494, [1344], 231)

Homme en maimburnie puelt testalter a sa mort de ces bien. Jugement de Rellenquin le nonnetier d'une pairt, et de Hennequin-Bicel, son filz, d'autre pairt, que dit que ung jonne enffans qui a son pere en vie se trait a son conduit et waingne de son mestier, a tant qu'il est biens meublés ; de ciaulz biens il puelt faire a la mort devise et maimbourniez, tout san le crant de son pere, ne n'i averait li pere rien pour dire qu'il li soit escheus et qu'il estoit en sa maimburnie. (Jug. maître-échev. Metz S.M.S., t.1, a.1494, [1346], 251)

Remarque : GD II, 230a (conduit³ 'vivre, nourriture' ; ex. d'a. fr.).

Groupe familial, ménage.

Remarque : Doc. 1340, 1345, 1382, 1406 ds GD II, 229b (conduit¹).

5.Chant qui accompagne le prêtre qui se rend à l'autel, motet.

NEPTALIN. Sauveur benedit, Gendre de David, Bien soyez venu ! JHESUS. Ce joyeulx conduit Sera mal conduit Et bien chier vendu. MOAB. Chascun se concorde Et sa voix accorde Faire beau record ! (Gréban, Pass. J., c.1450, 216)

Remarque : GD II, 229c (conduit² ; ex. d'a. fr.).

B. -[Correspond à conduire I B] Action de faire progresser qqc., de mener qqc. à bien.

...pour les convertir tant ou paiement des douze cens lances et les archiers ordonnez par le dit seigneur pour le conduit de la guerre (Chron. Mt-St-Mich. L., t.1, Pièces div., 1425, 183)

...les bestes et lez plantes ont l'estat de leur estre et perfection ordonnee de nature, laquelle ilz suyvent sans devoier par statut necessaire, et tu as en ta franchise et en ton povoir le conduit de ta vie, et l'election de ton bien ou de ton mal. (Chart., L. Esp., c.1429-1430, 151)

...ou conduit et demené dudit procès (Lettres Louis XI, V., t.7, 1479, 249)

C. -[Correspond à conduire II B] Action de se conduire de telle ou telle manière.

Pren moy deus sëaus en un puis, Qu'assez bien comparer li puis : Li uns est pleins, li autres vuis ; Et se l'un monte, L'autre descent ; tout einsi truis Que Fortune par ses conduis Monte l'un, l'autre avale, et puis Rien n'i aconte A roy, a duc, a per, n'a conte : L'un donne honneur, et l'autre honte... (Mach., R. Fort., c.1341, 36)

Mais vraiement ymaginer ne puis Que la vertus, où ma rose est enclose, Viengne par toy [Fortune] et par tes faus conduis, Ains est drois dons naturex ; si suppose Que tu n'avras ja vigour D'amanrir son pris et sa valour. (Mach., Bal., 1377, 556)

...tu vains tout par ta ferme constance Qui de souffrir n'est foulee ne lasse, Mal eur confont et sus Fortune passe Et en tous lieux la vittoire te donne, Dont tu acquiers par raison la couronne Quant les vertuz toutes la main te tendent. Par ton conduit a hault louyer s'estendent, Si te doivent pour patron advouer Puis que la fin fait les euvres louer. (Chart., B. Nobles, c.1424, 408)

LA FEMME DU CRESTIEN. Cher espoux, dolente j'en suis, Mais tout ce vient par voz conduis, De conduicte mal promenee. J'en ay eu cent mauvaises nuitz, De dueil, grief courroux et ennuis Et en est ma joye finee. (Mir. st Nic. juif, c.1480-1500, 75)

...par conduit chevalereux (Myst. Judith Holofernés R., c.1490-1500, 89)

II. -[Proche du fr. mod. conduit] Ce qui permet le passage de qqc..

A. -Tuyau, conduit, canalisation.

C'est substraccion d'une chose qui peut venir a autre, comme seroit empeechier ou destourner le conduit par quoy l'eaue vient a son voisin. (Oresme, E.A.C., c.1370, 283)

Ly premiers fut qui fontaine en usaige Fist par conduiz (Desch., Oeuvres Q., t.2, c.1370-1407, 12)

Considere une fonteinne, Le ruissel, la duis ; Ce sont .IIJ., mais ces .IIJ. truis Tout un, soit petite ou pleine, Soit par pintes ou par muis : Par tous ces conduis Est yaue d'un goust certeinne ; Tous seürs en suis. (Mach., Lays, 1377, 408)

...et abatirent le conduit de une fontainne (Froiss., Chron. D., p.1400, 421)

Olophernés, qui fu defors (...) L'eaue toli a ceulx de dens, Qui par conduis leur venoit ens (Chr. Piz., M.F., II, 1400-1403, 220)

Et par ce chapitre peult on savoir d'une fontaine en quel lieu elle porroit aler par conduis. (Fusoris, Gnomo, éd. G. Arrighi, c.1407-1412, 345)

...la repparacion d'une goutière de dessus le siège de monseigneur l'Official et d'une goutière de dessus le pié du degré du palaiz et pour le conduit de la cuisine, que pour employer a atacher les graffez mises sur le mur du portail aux Boursiers (Comptes Archev. Rouen J., 1438-1439, 185)

LE GAUDISSEUR. L'eaue rosë a laver les mains, Aprés disner, furent les baingz Bien preparez par beaulx conduitz. (Gaud. sot, c.1450, 14)

Et, pour bien rafreschir les entrans en ladicte ville, y avoit divers conduis en ladicte fontaine gectans lait, vin et ypocras, dont chascun buvoit qui vouloit. (Roye, Chron. scand., I, 1460-1483, 28)

Rigole (de la chaussée).

...une autre piece de chaussée de l'autre costé de ladicte rue, à commencer au conduit de la rue où il y a ung bourdeau, en allant vers le ponceau, jusques au conduit de la maison où pend l'enseigne du Bergier, contenant 8 toises 1 pyé de long sur 2 toises 4 piez de lé (Comptes Paris V.L.D., t.1, 1456-1457, 922)

...à la porte de Paris, au long de la Grant Boucherie, à commencer assez près du conduit qui vient de la rue Saint Denis, en venant vers la Greve, jusques au conduit qui descend de la ruelle, qui est joignant des Quatre Fils Hemon (Comptes Paris M., t.2, 1457-1458, 97)

Conduit des esgouts. Tuyaux des égouts.

De la bastide Saint Martin, que tient un sergent à cheval, sans en faire aucun prouffit à ladite ville, excepté qu'il est tenu de garder bien et loyaument ladite bastide et de faire voye aux esgoux d'icelle bastide quand il vient ruine d'eaues par les conduis desdis esgoux (Comptes Paris V.L.D., t.1, 1424-1425, 16)

Dans un moulin, tuyau par où passe la farine.

Remarque : Doc. 1409. In : Y. Coutant, Terminol. du moulin médiév. dans le comté de Flandre, 1994, 575.

Espace vide constituant une sorte de tuyau naturel.

Et au dedens de celle grant fosse a de petiz conduis qui font fumee sans nombre (La Sale, Salade, c.1442-1444, 144)

Passage souterrain.

Remarque : FROISS., Chron. M., XII, c.1375-1400, 184 ; 192.

Canal navigable, cours d'eau.

...deux sols tournois que l'on y prenoit de chascun tonneau de vin qui estoit chargé en ycelui port, esdiz chanaux, fossez et conduiz (Doc. 1345. In : P. Rézeau, R. Ling. rom. 78, 2014, 421)

B. -Canal de l'organisme.

...conduis de la vessie (Saint-gille, Comment. A.Y. L., 1362-1365, 247)

...il y a en la racine de la langue deux conduis ou deux paroix (Saint-gille, Comment. A.Y. L., 1362-1365, 247)

Et qui bien regarderoit quelle chose c'est qui yst des yeulx, des narines, des oreilles, de la bouche, des cheveux, des ongles, des mains, des piez, des autres conduiz du corps et de toute la char, il trouvera que il n'est si vil chose, si orde ne si puant comme ce qui yst du corps de homme ou de femme (Frère Robert, Chastel perill. B., c.1368, 325)

...quant aulcune matiere grosse et visqueuse se tient en aulcun conduit et chaleur est forte, elle embrase icelle matiere et la veult digerer et esmouvoir et assimiler et elle ne peut pour l'empeschement de la matiere, adonc elle resolve le subtil et le gros demeure (Gordon, Prat., c.1450-1500, VI, 12)

...quant une creature humaine par le nes ou autre conduitz se wide le sanc... (Juv. Urs., D. Tours, 1468, 444)

Le second est que l'omme aprés son lever doit laver ses mains a cause que se sont les instruments a entretenir a mondifier les membres organiques par lesquelz les suparfluités du corps sont expulsees, comme le cerveau par les narilles, par les yeulx, oreille, et aultres conduitz. (Rég. santé corps C., 1480, 4)

TESTE CREUSE. Le [mau] feu arde tes conduys, Je n'ay plus escus de poix. (Sots, c.1480-1500, 265)

Tube digestif, intestins.

Ne pour chose que ses physiciens lui dissent il ne voulloit menger ne prendre aucune réfection, et jucques à ce que ses fusiciens lui dirent que s'il ne mangoit il estoit mort. Et adonc mist paine de menger, maiz ne peult, car ses conduits estoient jà tous rettraitz. (Chart. J., Chron. Ch. VII, V., t.3, c.1437-1464, 113)

Et depuis furent menez à l'Ostel Dieu de Paris, où ilz moururent tous ou la pluspart, car quant ilz cuidoient mengier ils ne povoient, pour ce qu'ilz avoient les conduitz retraitz par avoir trop esté sans mengier. (Roye, Chron. scand., II, 1460-1483, 112)

Et, pour ce que le ventre n'eut que menger, les conduys par ou la viande passe se serrerent. (Macho, Esope R., c.1480, 127)

Vagin.

[Conseil donné à une femme pour l'amoureux deduit] Couvrez vos yeulx de voz genoulx. (...) Vous eslargirez le conduict. (Neuf unica du ms. de Stockholm, éd. F. Lecoy, c.1400-1500. In : Trav. Ling. Litt. 16-1, 1978, 296)

[Ballade de la maladie de Naples] Mauldit soit la lubrique Fille publique a qui ce mal s'applique, Et la bouctique qui tel drocgue produit, Et le conduit qui m'a a ce con duit [Jeu sur le sens de 'voie, chemin' et celui de 'vagin'] (Molinet, Faictz Dictz D., 1467-1506, 854)

Orifice d'un canal de l'organisme.

Les vers le mengüent tout vif Et luy saillent par les conduiz. (Gréban, Pass. J., c.1450, 109)

...illec lavent leurs mains et leur visaige et tous leurs conduitz et leurs piez sont deschaussiez. (La Broquière, Voy. Outr. S., c.1455-1457, 74)

...mais tant vous vueil aincoires bien dire que a femme qui nouvellement a pris les fievres, s'elle oingt tous ses conduis de miel le premier jeudy aprés qu'elle les aura, sachiez qu' elle en sera quitte et delivre. (Ev. Quen., I, c.1466-1474, 114)

Ce serpent doncques avoit la gorge et la gueule ouverte, les yeulx gros et rouges et les narines enflées, et estoit composé et ediffié en telle façon que, par sadicte gueule et par la plus grant part de ses conduictz, il gectoit venin très puant et feu et fumées merveillables. (La Marche, Mém., II, c.1470, 359)

Les vers le mengüent tout vif Et luy saillent par les conduiz. (Myst. Pass. Troyes B., a.1482, 371)

Conduit du nez / de la bouche / du visage

...sang qui vient par le conduit du nez (Chartes communes Bourg. G., t.1, 1371, 365)

...tous les conduis du visaige. (Percef. IV, R., c.1450 [c.1340], 738)

...elle s'esvuida de son sang par le conduit de la bouche (LEFÈVRE (R.), Hist. Jason P., c.1460, 218)

[Contexte métaph.]

Ainssi moult de science non digeree en l'estomac de l'ame, qui est memoire, s'elle n'est cuite par le feu de carité et soit ainssi envoie par auchuns conduis de l'ame, asscavoir meurs et euvre, ceste maniere de scienche sera reputee pechié, comme la viande convertie en mauvaisses humeurs et nuysans. (Daudin, De la erudition H., c.1360-1380, 99)

C. -Par analogie. Chemin, trajectoire.

MELCïOR. Regardons ung peu son conduict [de l'étoile] , Et quel part regarde son traict. (Myst. Pass. Troyes B., a.1482, 246)

Au figuré. Voie, chemin.

Sachez que pechié le conduit, Et met en voie et en conduit D'estre dampnez. (Mir. parr., 1356, 23)

Ce fait Amours qui m'a conduit Par un conduit, Aussi com duit De tout deduit Faire. Or si duit Mon cuer qu'en riens ne se deduit (Mach., Lays, 1377, 295)

Priez la Trinité des cieulx (...) que (...) m'ottroie (...) Le conduit et la droitte voie Par quoy viengne a sa saincte joie. (Prières saints R., t.2, 1400-1500, 447)

Ou conduit de vieillesse. En pleine vieillesse.

Certes quant homme vit la somme De quatre vins ans (...) Lors de viellesce est ou conduit, De la quelle la mort s'ensuit Tantost après. (Mir. Barl. Josaph., c.1363, 261)