COMPAS

substantif masculin

[T-L : compas ; GD : compas ; GDC : compas ; AND : compas ; DECT : compas ; FEW (II-2, 972a) : compassare ; TLF (V, 1160b) : compas]

A. -Instrument (formé de deux branches réunies par une de leurs extrémités) pour tracer des cercles, compas.

...l'en lui avoit emblé deux escus en or de XVIIJ s. la piece (...) et un eschanteillon de bois, qui est par maniere de compas, à prendre et faire le tour de cloches (Reg. crim. Chât., I, 1389-1392, 364)

Puis aprez mect l'un pié de ton compas au meilleu de la table [de l'astrolabe] et estend ledit compas pres du bort de ladite table comme par l'espace d'ung poys ou de demy, et selon celle grandeur fay le cercle de capricornus (Fusoris, Astrolabe P., c.1407-1412, 95-97)

À ung mercier de Tharascon, qui a baillé une pièce de ruban estret, quatre marteaux, six lesses, IIII portes pièces, deux miral, ung compaz, et une gibecière de paille (Comptes roi René A., t.2, 1476, 347-348)

Soit faicte une ligne, laquelle soit estandue au compas sus la ligne .a.c. et illec soit fait .d. (Nic. Chuquet, Géométrie H., 1484, 286)

[Dans un cont. métaph.]

Mieulx cinq cens fois qu'a compas ny equerre, Pour son amour dignement reconquerre, Faiz moy aller Ou il se tient, soit par terre, par l'er (La Vigne, S.M., 1496, 349)

B. -Par métonymie.

1.Figure tracée au compas, figure de forme circulaire.

Et en milieu de la crois aura un compas, a IIII demi-rons et IIII petis angles entre les demi-rons. Tel compas des paintres de France est apele philatiere. Cestui compas sera tout rempli de coulour noire, representant la doulour de la Passion de Nostre Segneur ; lequel compas en milieu de la crois sera de XII ducas de le en toutes ses parties ou environ. Ouquel compas noir aura I Agnus Dei bien figure de coulour doree resplendissant (Mézières, Sustance H., 1396, 86)

Cercle.

Et pour mieulx entendre ce que ie vueil dire, soit ymaginee vne figure ou il y ait vn grant compas, et entour le point de ce compas, qui est appelle centre, soit fait vn autre compas [Il s'agit ici d'un cercle marqué dans le dallage d'une église] (Mandeville, Voy. L., p.1360, 334)

En l'autre partie de l'instrument qui est devant nomé le dos a il 2 manieres de cercles des quiex celi dehors tient les 12 signes et leur degré. Et par un autre nombre tient chascune quarte du dit cercle 90 degrés pour prendre la hauteur des estoiles. L'autre compas tient 12 moys et le jour de l'an. (Pèler. Prusse, Astrolabe L.F., 1362, 38)

...le duc Darmarle connestable, et le duc de Sudrien mareschal (...) estoyent tres bien armez (...) et vestuz d'une livree de courtes houpelandez de cendal rouge toutes plaines de caintures en facon de compas d'argent (Chron. Rich. II, W., c.1400-1420, 18)

Demi-compas. Demi-cercle.

Je regarday comme il est fait A demi compas, et de fait Le hault et lé le mesuray Et encore la mesure ay. (Chr. Piz., Chem. estude P., 1402-1403, 55)

Ung tableau d'or, a quatre demi compas fait à oeuvre de Venise (Comptes Lille L., t.2, a.1467, 8)

Par extension. Figure géométrique.

...et ou milieu a un pas vermeil quarré et dedans ycellui compas quarré a un petit pas ront vert (Doc. 1364. In : G. Ledos, Bibl. Éc. Chartes 50, 1889, 177)

2.En particulier. Motif de décoration en forme de cercle tracé au compas.

À Perronnelle de Creppon, pour XII sarges plonquies de la grant moison pour Madame la Royne (...) compté enz LX s. p. pour la tainture de cinq dicelles sarges qui estoient blanches et furent taintes en couleur de plonquie (...) À Thomas Blosnier, pour facon et poine de XXX compas de seurtail assis sur VI des sarges dessus dictes (...) Aus dessus dis Thomas et Jehan, pour rubanner les XII sarges (Compte Navarre I.P., 1367-1371, 183)

...ung grant calice d'or, pour les prélaz de la chappelle du Roy, ou pommel duquel a six esmaulx ronds des esmaulx de plite, et la tige armoyée de France ; et est la pate à ung petit souage à compas (Invent. mobilier Ch. V, L., 1379-1391, 52)

...ung autre pié de voirre, riollé à quatre compas, et, à chascun compas, ung ange (Invent. mobilier Ch. V, L., 1379-1391, 109)

...une autre chappelle blanche, de quoy les tables sont de samit brodées à ymages, et aux deux boutz les armes de France, et sont les garnemens de camocatz blanc, brodez à rondeaulx, et dedens les rondeaulx a papegaux d'or ; et sont les orfroiz brodez à aigles d'or, à compas de perles et à fleurs de liz, garnye comme dessus, sans nappe parée. Et fut achetée de l'exécucion de l'arcevesque de Reims. (Invent. mobilier Ch. V, L., 1379-1391, 138-139)

...IJ tappiz vers, en chacun quatre compas des armes de madame la Royne (...) pour mettre sus IJ sommiers de la chambre de ladite dame (Comptes argent. rois Fr. D.-A., II, 1387, 177)

Item, une piece de drap de soye de plusieurs couleurs, ouvré à compaz, en laquelle a brodure d'or et contient .V. aulnes .III. quartiers (Doc. 1422. In : J. Guiffrey, Bibl. Éc. Chartes 48, 1887, 76)

3.[De la Fortune, de la Mort]

a)Faire tourner son compas. Produire le mouvement circulaire (propre à la roue de Fortune).

Mort (...), Je t'ay courcee, je m'en vueil repentir, Ne me faiz donc plus cy languir martir Ne tourmenter et transir pas a pas. Je t'en requier, faiz tourner ton compas (Hautev., Compl. H., c.1441-1447, 65)

b)(Virer) par compas. (Tourner) par demi-cercle, complètement.

Fortune vire par compas ; Cilz qu'est en hault s'en vient au bas. (Dupin, Mélanc. L., c.1324-1340, 214)

C. -Par analogie.

1.Mesure, règle.

...juenesce principalment Requiert joie et esbatement Selon le compas de nature. (Dupin, Mélanc. L., c.1324-1340, 82)

Se Raison estoit mes compas... (Renart contref. R.L., t.2, 1328-1342, 21)

...Amours qui compas, Regle, ordre, raison, ne mesure Es cuers amoureus ne mesure. (Mach., R. Fort., c.1341, 31)

LE LARRON. Ha, doulce Vierge, en ce trespas, Dur repas De mort cruelle et douloureuse, Je te requiers ; ne me faulx [pas]. Ton compas Me soit conduitte glorïeuse. Ha, Vierge, en ceste mort honteuse, Langoureuse, En ce jour pour moy trespiteuse, Prens de ma povre ame pitié Par ta saincte nativité. (Myst. jeune fille L., c.1413-1445 [c.1530], 74)

À compas

Très régulièrement.

Et s'avoit environ planté D'aubres qui y furent planté, Assis a ligne et a compas (Je les mesuray pas a pas) : Caurriers, figuiers et chastingniers, Amendeliers et frans meuriers... (Mach., D. Aler., a.1349, 393)

Exactement.

Canons, coulouvrines tirerent, Arbalestriers, archiers au pas, Chascun regardoit a compas De tirer a quelque aguerite Pour mettre de vye a trespas Dame Ysabel ou Marguerite (Martin Le Franc, Champion dames I-II, P., 1440-1442, 8)

Avec minutie.

...Et leur traitres parlers sans advocas, Leur contenance toute faicte a compas Nous donne croire De ce qui est a la fois le contraire. (RENÉ D'ANJOU, Regn. et Jann. R., c.1457-1461, 80)

À mesure et à compas

La chainne est si entrelachie, Si a mesure et a compas, Pour esloingnier ne rompra pas. (Dame Lycorne G., c.1349-1350, 167)

À droit/juste compas. D'une manière harmonieuse, bien proportionnée.

De cendaulx d'Andre et d'Ammarie Et de fins draps de Rommenie Tout fut ouvré a droit compas, Rien n'y ot trop hault ne trop bas (Renart contref. R.L., t.1, 1328-1342, 41)

Dame, faite à droit compas, Riens n'aim tant n'aour Com vous... (Mach., L. dames, 1377, 26)

Je voy qu'il y a mainte tour Qui sont faites a droit compas. (Livre amour. all. F., c.1398-1430, 69)

...nous sommes cy vollu embatre En ce bel vergier gratieux (...) Ou trois pavellons a tendus et a droit compas estendus. (Livre amour. all. F., c.1398-1430, 236)

Tout est fait a juste compas (Gréban, Pass. J., c.1450, 40)

Comme sur mesure, convenablement.

Nous avons logis a compas Et richesse assez, Dieu mercy ; Encor serons plus enrichy De vostre visitacion. (Gréban, Pass. J., c.1450, 187)

Avec une parfaite régularité.

Sus, la paupiere brune et nete, Chëant de la douce bochete, Petitete entre les sourchieux Qui en archissant sus les ieux Sont d'un bas poil fais a compas. (Acart, Prise am. H., 1332, 29)

La belle Synamonde la nuit ne dormoit pas ; Moult redoubtoit le jour, qui venoit a compas. (Bât. Bouillon C., c.1350, 92)

De compas. Par une juste mesure.

Oultre vueil que aprés mon trespas En terre on ne me boute pas Si accoup, mais que l'on actende Deux ou trois heures de compas Pour veoir se je ne revendray pas Ou s'il y aura vaine qui tende. (Hautev., Conf. Test. am. tresp. B., c.1441-1447, 71)

Par compas

Régulièrement.

Mais, pour tant, ne s'ensuit-il pas Que celle malediccion Ne se retourne par compas En mon dueil et confusion. (Gréban, Pass. J., c.1450, 149)

D'un pas régulier (?).

Il abaise le lanche et le mist toute bas, Et li roys Bauduins li venoit par compas (Bât. Bouillon C., c.1350, 60)

[À propos de manches, p. oppos. aux manches larges] De manière ajustée.

On souloit faire au corps les manches Au compas (Coquill., Oeuvres F., 1478-p.1494, 155)

[Avec une idée de réussite, de perfection] De façon régulière, mesurée, harmonieuse ; avec mesure ; à la perfection, avec art.

Je congnois bien que c'est Nature Telle comme Dieu leur donna, Car tel chose leur ordonna ; Bien est ordonné par compas (Renart contref. R.L., t.2, 1328-1342, 173)

Li corbiaus tantost li respont Et de chief en chief li espont De Coronis tout l'avoutire Et dit qu'a Phebus le va dire, Car pas ne vuelt celer la honte De son signeur qu'il ne li conte. Qant la cornaille l'entendi, Elle dist : 'Corbiaus, tant t'en di : Se tu m'en crois, tu n'(i) yras pas ! Areste et vole par compas, Et entend ce que je dirai, Car ja de mot n'en mentirai. Tous voirs ne sont pas biaus a dire...' (Mach., Voir, 1364, 690)

...par nuit obscure, l'esclere (...) Les escharboucles, qui la royent, Qui y sont assis par compas. (Chr. Piz., M.F., II, 1400-1403, 259)

Tout est gouverné par compas (Garin, Compl., 1460, 105)

Herculés et les autres dames et damoiselles s'aprocerent lors de Jason et de Medee, dont convint leur parlement cesser et regarder la plaisance de ce lieu plain de fleurs de toutes façons, de vignes et d'arbres conduis par compas. (LEFÈVRE (R.), Hist. Jason P., c.1460, 198)

L'Omme Vous me vouldriés bien tenir bas, Bon Advis, dea, je le cognois ! Bon Advis Ne ault ne bas, mais par compas ! (Oliou, Mess. Arg. A., c.1470, 477)

Dea, Joseph, parlez par compas ! (Myst. Pass. Troyes B., a.1482, 795)

Aprés marcherent a tout riches lïens Templiers croisez et commandeurs de Rodes (...). Saiges prelatz, curez constans et froitz (...), De nulles gens n'estoient destourbez Car tout alloit par compas et mesure. (La Vigne, V.N., p.1495, 164)

Par droit/juste compas. Avec précision, avec art.

...sa face blanche et vermeille, Par juste compas faite a point, Si que meffaçon n'i a point... (Mach., R. Fort., c.1341, 55)

...les amans gentilz Qui de leurs yeulx par droit compas Trayoient leurs regars soubtilz... (Taillev., Deb. cuer ueil D., c.1444, 196)

Bonne famë est pierre precieuse Qui est tousjours en femme vertueuse, Comme en or fin, par droit compas assize (Michault, Procès honn. F., p.1461, 88)

De manière réglée, par une conduite réglée.

Voeulle moy conduire en tous pas A vie, a mort et a trespas ; Regis mon fait a rectitude ; Gabriel, ne m'oublie pas, Ne cesse tant que par compas Je parvienne a beatitude. (Molinet, Faictz Dictz D., 1467-1506, 505)

Mener vie par compas. Mener une vie bien réglée.

GODART. (...) jamais ne quiers ailleurs traire Ma penitence. LE FOL. Amis, je te dy sanz doubtance, Tel estat ne t'apartient pas. Mener dois vie par compas, Qu'avec moy point ne te mainray (Mir. parr., 1356, 64)

Tenir sa vie par compas

Tel tient sa vie par compas Qui [n'ataint] tousjours ou [il] vise. (Abuzé D., c.1450-1470, 111)

Vivre par compas

LE PREVOST. Ainsi soit par sa saincte grace [de saint Nicolas] Et si bien vivre par compas Qu'en Paradis tous ayons place Des merites sainct Nicolas ! (Mir. st Nic. juif, c.1480-1500, 158)

Pour compas. Exactement.

Si vous direy si aprés pour compas Ce qui en est en bien petit d'espace (Compl. lion G., c.1470, 303)

2.Mesure, modération.

Force, souvent, en danse entroit, En ses tours aperte et legiere. Attrempance fort se monstroit Pour le compas de sa maniere. (Martin Le Franc, Champion dames I-II, P., 1440-1442, 21)

Par compas. Avec mesure, avec modération.

...parler fault a compas, Ne trop ne pou, par maniere ordonnée (Desch., Oeuvres Q., t.1, c.1370-1407, 130)

Sot oeil, fay ton fait par compas, Je te pri, ne te hate pas Si tresacoup, comme tu fais (Rond. poés. XVe s. R., c.1400-1500, 2)

Dea, Joseph, parlez par compas ; Vous nous servez de gros langaige. (Gréban, Pass. J., c.1450, 376)

Force m'est de passer le pas Plus en haste que par compas Car je ne puis plus ainsi vivre. (Poés. lyr. court. XVe I., c.1454-1456, 182)

Vous n'y allez pas par compas ! Tout doulx, tout doulx ! Et que dyable faictes-vous ? Vous faictes la beste à deux doulx. (Bad. loue T., c.1500, 53)

Sans compas. Sans mesure, sans modération.

...Le dur pas, Ou Mort, plus tost que le pas, Sans compas Vous veult faire convenir ? (Meschin., Lun. princes M.-G., c.1461-1465, )

Sans garder raison ne compas

J'ay seur tous cuers humeins puissance ; Il sont tuit en m'obeïssance ; Je les donne, vueil haut, vueil bas, Sans garder raison ne compas. (Mach., D. verg., a.1340, 23)

Mais ne sui las D'estre en vos las, Qu'Amours de plus en plus m'i lasse, Sans garder raison ne compas. (Mach., Les lays, 1377, 286)

3.Ordre, manière.

Je ne vueil riens [fors] que ma mort. Vienne bien tost ! celle m'amort : Je suis tout prest pour son repas. Mais Maleur garde le trespas, Qui m'empesche passer ce pas, Que mort ne me peut aprocher. Ainsi par merveilleux compas Je n'ay vie ne n'ay trespas : Je suis transsi, sans mort toucher. (Narcissus, p.1426, 315)

De ton salut la voye et le compas - ce que pourtant tu n'ymagines pas - Te naist et vient de la cité gregoyse (Saint-gelais, Enéide VI, B., c.1500, 298)

Par le compas de. Par manière de, sous l'emprise de.

Les cardinalx pour lour office, Chascun a par soy certain tiltre Par droite composition. Mais par le compas d'avarice Sont plus chault d'autruy benefice. (Dupin, Mélanc. L., c.1324-1340, 50)

Estre clos en mesme compas. Être du même ordre.

Vertu avec Vice n'a rengne, Clos ne sont en mesme compas. (Martin Le Franc, Champion dames I-II, P., 1440-1442, 126)

Par tel compas que. De telle mamière, à telle mesure que.

LE SOT. Il avoit beu par tel compas Qu'il avoit les larmes a l'ueil. (Gaud. sot, c.1450, 10)

Remettre qqc. en compas. Remettre qqc. en ordre.

NOSTRE DAME. Amis, mon filz qui scet et puet Touz desrois remettre en compas Et moy si ne te faudrons pas (Mir. parr., 1356, 60)