COMME

adverbe et conjonction

[T-L : come1 ; GDC : come ; AND : com ; FEW (II-2, 1542a) : quomodo ; TLF (V, 1104b) : comme]

I. -Adverbe. (Synonyme de comment2)

A. -[Pour interroger ou se prononcer sur la manière] De quelle manière, comment.

J'ay bien apris comme tu bailles Es autres chaitifs lor chevance (Tomb. Chartr. Trois contes S., c.1337-1339, 111)

Sire, garde prenez Comme cest rëaume ordenez (Tomb. Chartr. Trois contes S., c.1337-1339, 115)

Or te diray je de Desir, Quant il vient l'amant assaillir, Comme il le demeinne et debrise, Et comment il l'art et atise. (Mach., D. verg., a.1340, 37)

Et moult leur grevoit ce qu'il ne pouoient percevoir en nulle maniere come il peüssent avoir vengence de leur ennemy. (Bérinus, I, c.1350-1370, 124)

A moy tantost vint ung preudhomme Qui m'a dist et demanda comme Dedans se lieu entré j'estoye. (Gaud. sot, c.1450, 10)

On verra com il en yra. (Sots Magn., a.1488, 202)

Icy parle l'acteur comme en ce temps il vint au service du roy. (Comm., I, 1489-1491, 238)

Dans quelle mesure.

Car d'arbres y avoit assés, Mais de groisseur et de hautesse Furent pareil et par noblesse Planté, si que nuls ne savoit Com plus de l'un a l'autre avoit (Mach., D. Lyon, 1342, 166)

[Pour interroger ou se prononcer sur un attribut, en partic. pour interroger sur le nom] Comment.

Ne say comme ot nom l'avocas (Chr. Piz., Chem. estude P., 1402-1403, 122)

Et lui tarde bien que le jour adjourne Afin que d'elle Il puist oïr ou rapport ou nouvelle Et qu'elle dit et comme elle l'appelle (Chart., D. Fort., 1412-1413, 162)

Aprés vint a Richard de Normandie et luy demande comme il s'appelle. (Bagnyon, Hist. Charlem. K., c.1465-1470, 95)

Mais je ne scay comme il a nom (S. fol, c.1480-1490, 6)

B. -[Pour marquer l'intensité] À quel point.

[Dans l'interrogative indir.]

Veez com le vis a tempesté De grant martire. (Mir. ev. arced., c.1341, 115)

Veez come a la gorge noire (Mir. femme, 1368, 200)

On ne vous poroit ne saroit mies recorder le feste et le solennité que cil de Bourdiaus, bourgois et clergiéz, fisent au prince, et com honnourablement il fu receus. (Froiss., Chron. L., V, c.1375-1400, 68)

[Dans l'exclamation]

Hé, doulx Dieu, comme sunt bon nez Ceulx qui se jugent en tel guise ! (Tomb. Chartr. Trois contes S., c.1337-1339, 97)

Vierge, com doulce departie Dieu scet de ses biens departir ! (Mir. enf. diable, c.1339, 41)

Com tresbien preschié a, Mes suers, ce preudomme sanz vice ! (Mir. abbeesse, 1340, 63)

O comme a icy tres glorieux don, comme tres joyeuse, tres bonne et tres gracieuse nouvelle ! (Gers., Purif., 1396-1397, 61)

O comme est bien conseilliee celle qui ce fait ! (Chr. Piz., Trois vertus W.H., c.1405, 39)

...com il a grant presse De pissier, Mariote, ma mie ! (Myst. st Bern. Menth. L., c.1450, 83)

O com bieneureuse est celle quy peult tost parvenir a la fin parfaitte de son estude ! (Crap., Cur Deus, De arrha B.H., c.1450-1460, 282)

C. -[Dans la loc. conj. comme que, loc. synon. de comment que] Voir comment2

1.Comme qu'il soit. Comme qu'il aille. Quoi qu'il en soit, de toute façon.

Maiz autrement M'en est : je pers entierement Ceste joie premierement Et les autres semblablement, Pourquoy j'estrive A la mort qu'en douleur hastive De cent mille joies me prive, Et veult qu'aprés maugré moy vive, Comme qu'il soit. (Chart., L. Dames, 1416, 217)

Comme qu'il voise, Ilz veulent amer a leur aise Et que on face ce qui leur plaise (Chart., L. Dames, 1416, 287)

Or sa, donnés moy mon argent, Il le me fault comme qu'il soit. (Pass. Semur D.M., c.1420 [1488], 172)

Droit flegme aussi, comme qu'il soit, Est comme l'Eaue moiste et froit (La Haye, P. peste, 1426, 64)

Et aussi prenez d'esleues Roses, vermeilles et menues, Et de sandaulx de toute sorte Avecquez l'oz que le cerf porte Dedens son cuer selon nature, D'espode et de la limature D'yvoire fin, de tous en taille Demie dragme, comme qu'il aille. (La Haye, P. peste, 1426, 155)

Cestuy payen luy fist offrir cecy affin qu'il le peust veoir et congnoistre sa personne, car sa force et sa puissance congnoissoit il bien par experience, affin que, quant il le congnoistroit, il le peult occire en guerre comme qu'il en fust. (Bagnyon, Hist. Charlem. K., c.1465-1470, 185)

[Sans que] Comme il soit

...mes comme il soit, se tu ne veux obeir a la loy emiliene, je commenderay que tu soiez pris et mis en lyans (Bers., I, 9, c.1354-1359, 34.24, 63)

2.Comme + adj./adv. + ...que + subj. Quelque ... que.

Kon grandement c'on ait pekiet... (Gilles Le Muisit, Poésies K., t.1, c.1347-1353, 19)

Et s'ay bon cuer en my, con povrez que je soie (Hugues Capet Lab., c.1358, 123)

Bien est dignez pour my com noble que je soie. (Hugues Capet Lab., c.1358, 158)

Si espargnoit ses gens et se artillerie, et disoit que il les affameroit, com lonch terme que il y deuist mettre. (Froiss., Chron. L., IV, c.1375-1400, 2)

Si devés savoir que la joie i fu très grans, quant il seurent que il estoient, com durement que che fust, arivet et venut à port de salut. (Froiss., Chron. R., X, c.1375-1400, 139)

Chil Espagnol, com grant fuisson qu'il fuissent, ne monstrèrent nul samblant ne ne fissent de iaulx debusquier, mais se tinrent toudis en leur enbusque. (Froiss., Chron. R., X, c.1375-1400, 164)

Mais plus vous aim, se Diex me voie, Que nulz, et puis qu'il est ainsi, Dame, com povres que je soie, J'ay bien vaillant un cuer d'ami. (Mach., L. dames, 1377, 26)

De vous venra, com lonteins que vous soie... (Mach., Motés, 1377, 503)

Sus ceste imagination que li rois d'Escoce, com jones que il fust, ot, fist il asambler auquns prelas et barons d'Escoce et venir en Abredane, la ou il se tenoit et sa fenme (Froiss., Chron. D., p.1400, 236)

II. -[Conj. comparative ou attributive]

A. -[Conj. comparative marquant la similitude]

1.[Dans la comparaison proprement dite]

a)[Dans une prop. comparative (avec verbe exprimé)] Ainsi que (en qualité ou en intensité).

Avec euls est com sont freres et suers (Mach., J. R. Beh., c.1340, 107)

Et aussi tost redevient dure Comme elle li a douce esté (Mach., D. Aler., a.1349, 379)

De même que.

...comme a pere et a mere plaissent enfans defformes ou contrefais, ainssi plaissent aux escripveurs leurs paroles qui sont sans beaulté (Daudin, De la erudition H., c.1360-1380, 134)

Comme pour cheminer riens ne proufite scavoir la voye se on n'a avec che forche corporale pour aler, aussi la scienche de verité riens ne proufite se propre vertus defaillent (Daudin, De la erudition H., c.1360-1380, 157)

Comme a l'encommencement du nouvel temps, ou quant l'estoille journale se doit prochainement lever a l'aube du jour, toute riens s'esgaye et s'esjouyst, les oysillons chantent, et la rousee descent, pareillement lors en ceste nouveauté le monde s'esjouy, et descendi plus habondamment la rousee de grace (Gers., Concept., 1401, 390)

Si comme + prop. Ainsi que.

...li cuers leur font, Si com la cire Devant le feu se degaste et empire. (Mach., J. R. Beh., c.1340, 120)

Aussi comme + prop. (... aussi...). De même que (...de même...).

...aussi comme la terre est mendre Que n'est le ciel en quantité, Aussi les biens en verité Valent mains, posé qu'il durassent (Tomb. Chartr. Trois contes S., c.1337-1339, 102)

...tout aussi com li solaus la lune Veint de clarté, Avoit elle les autres seurmonté De pris, d'onneur, de grace et de biauté (Mach., J. R. Beh., c.1340, 68)

Aussi com le cerf la fontaine Desire a trouver d'yaue plaine, Quant on le chace et il a soy, Desire m'ame estre avec toy. (Mir. abbeesse, 1340, 62)

...car aussi come les corps sont encensez a l'entrée de leur sepulture, aussi les saintes ames de gloire celestienne sont encencées en l'odeur de soueveté (Mir. Oton, c.1370, 318)

b)[Dans un tour comparatif sans verbe, introduisant un subst. ou un pron., un synt. prép. ou adv. ...] De la même manière que.

Comme + subst. ou pron.

Dieu les sommes ne paie mie Des biens de ceste mortel vie Qui s'esvanoïssent comme umbre (Tomb. Chartr. Trois contes S., c.1337-1339, 94)

Grace et loange li rendoient Et comme leur Dieu l'aouroient. (Mach., D. verg., a.1340, 19)

...tout tel droit a li petis Comme li haus et li gentils. (Mach., D. verg., a.1340, 29)

Et puis aussi, comme uns amis Qui tout son cuer en dame a mis La prise et loe volentiers (Mach., D. Aler., a.1349, 375)

Com avugle des couleurs jugeroye (CH. D'ORLÉANS, Rond. C., 1443-1460, 305)

Adj. + comme

...Blanche com noif (Mach., J. R. Beh., c.1340, 71)

...Froide com glace (Mach., J. R. Beh., c.1340, 110)

...rouget com une meure (Sots Magn., a.1488, 197)

...dur com fer (Antitus, Poés. P., c.1500, 12)

Comme + synt. prép. ou adv.

...onques Nature En creer nulle creature Ne mist si trestoute s'entente, Comme a sa douce façon gente. (Mach., D. verg., a.1340, 15)

C'est adire le commandement de Dieu est que les femmes soient subgectes a leurs maris comme a seigneurs, car le mary est aussi bien chief de la femme comme Nostre Seigneur Jesucrist est chief de l'Eglise (Ménagier Paris B.F., c.1392-1394, 71)

...l'en estend la paste comme pour faire tartre ou pasté (Ménagier Paris B.F., c.1392-1394, 277)

...et mesmement de coste l'eglise de Saincte Katherine dedans l'abbaye, a une moult belle fonteine et y trait on l'eaue comme a ung puis. (Voy. Jérus., c.1395, 49)

Ainsi comme

Enssi dissoient li Escochois en Escoce à le venue des signeurs de France, et n'en faissoient nul compte, mais les haioient en corage et les diffamoient en langage ce que il poient, enssi comme rudes gens et sans honneur certes qu'il sont. (Froiss., Chron. R., XI, c.1375-1400, 215)

Aussi comme

Se vous voulez garder roses vermeilles, prenez des boutons une douzaine et les assemblez aussi comme en une pelote (Ménagier Paris B.F., c.1392-1394, 272)

Tout comme

...monseigneur le curé, je suis feru tout comme luy, confessez moy. (C.n.n., c.1456-1467, 349)

Comme quand

Et si n'est nulle chose ou monde Qui plus les roiaumes confonde Qui sunt d'ennemis envaïs Comme quant la gent d'un païs Ont entr'eulx contens et haÿne. (Tomb. Chartr. Trois contes S., c.1337-1339, 109)

Maniere de lire est en faisant division, comme quant des choses universelles on descent aux particulieres, et ainssi petit a petit on congnoist la nature des choses contenues en la scienche qu'on aprend. (Daudin, De la erudition H., c.1360-1380, 101)

Car l'en puet bien avoir tel habit senz ce que l'en parface de ce nul bien, ainsi comme quant l'en dort ou repose. (Oresme, E.A., c.1370, 126)

Mais quant ilz se consentent en une chose, si comme quant il plaist au pueple que les tres bons, excellens et vertueus aient seigneurie et princee, ainsi ont tous ce que ilz appetent et desirent et sont en concorde. (Oresme, E.A., c.1370, 471)

...quant on se conforme en la chose volue et en la fin, mais point en la maniere, comme quant on fait aucune chose non par charité. (Somme abr., c.1477-1481, 175)

c)[En corrélation avec un adv. intensif ; commutable avec que]

Aussi... comme

...se j'eüsse Tant de bien en moy que je fusse Aussi sages com Salemons... (Mach., R. Fort., c.1341, 5)

Et soit aussi large ou dessus comme en bas, ne plus ou moins, et pour cause. (Ménagier Paris B.F., c.1392-1394, 256)

Si... comme

Pour Dieu vous pri a jointes mains, Si chiérement com vous m'amez (...), Que... (Mir. abbeesse, 1340, 74)

Autant... comme

Mais par richesce ne par gent N'iert puissant a champ ne a ville Aultant comme cil de Cecile (Tomb. Chartr. Trois contes S., c.1337-1339, 74)

...autant ou plus comme nous sommes (Bérinus, I, c.1350-1370, 182)

Autel... comme

...se le dit Jehan le Forestier n'estoit en autel point et estat comme il leur avoit esté resqueus (Chartes Abb. St-Magl. T.F., t.3, 1330, 19)

Plus ... comme. Plus que.

Tant donnent il odours plus fines Com espices alexandrines (Tomb. Chartr. Trois contes S., c.1337-1339, 95)

Onquez mais je ne vy plus noble pallasin Comme est Huëz Capès (Hugues Capet Lab., c.1358, 88)

Item , prenez des poires d'angoisse et les fendez en .IIII. quartiers et les cuisiez aussi comme les navetz, et ne les pelez point, et les faictes ne plus ne moins comme les navetz. (Ménagier Paris B.F., c.1392-1394, 268)

...ne plus ne moins comme acoustumé avoit (Chr. Piz., Faits meurs Ch. V, S., II, 1404, 63)

...mais de tant se ressourdoient ilz plus vertueusement comme le besoing les rendoit plus contrains a ce (Chart., Q. inv., 1422, 31)

Non plus comme. Pas plus que.

...car il ne faisoit compte d'ochir ung homme non plus comme une beste. (Froiss., Chron. M., XIV, c.1375-1400, 189)

Mais cil de Haynnau, les eglises et li sires conjoins avoecq iaulx, qui s'appelloit Aubiers, demorèrent neutre et obeïrent non plus à l'un comme à l'autre. (Froiss., Chron. R., IX, c.1375-1400, 147)

[Pour marquer la proportionalité] Comme plus ... et plus...

Com plus fort point, et plus agrée. (Mach., D. verg., a.1340, 31)

Et comme plus estoient les mariniers engrans de le retenir, tant faisoit Achars plus grant semblant de aller avant (Bérinus, I, c.1350-1370, 331)

Et en tous potages l'en doit mectre les espices le plus tart que l'en peut, car tant plus perdent de leur saveur comme plus tost sont mises (Ménagier Paris B.F., c.1392-1394, 206)

Tant plus comme ... plus

...tant plus comme il l'auroit fait, plus auroit offensé et mesprins (Chartes Abb. St-Magl. T.F., t.3, 1377, 475)

Comme plus + pouvoir Au/du plus ... comme + pouvoir

...mais se departirent d'Angleterre au plus tost comme ilz peurent. (Froiss., Chron. M., XIV, c.1375-1400, 72)

Cilz respondirent que ilz le feroient voulentiers, et ordonnerent, au plus briefment comme ilz peurent, leur arroy, et vindrent devers le Bertran de Malignes moult honnourablement (Froiss., Chron. M., XIV, c.1375-1400, 146)

...ainçois monta à cheval et s'en rentourna au plus tost comme il povoit en Guerles (Froiss., Chron. M., XIV, c.1375-1400, 154)

...et vous serez oy et expediez du plus tost comme on pourra. (Froiss., Chron. M., XIV, c.1375-1400, 182)

...si doulcement comme plus se peut (Chr. Piz., Faits meurs Ch. V, S., II, 1404, 109)

...nostredit très redoubté seigneur monseigneur le roy, comme avons dit devant, en l'onneur de la passion de Nostre Seigneur Jesu-Crist supplions tant comme plus povons (Le Clerc, Interp. Roye, c.1502, 283)

2.[Dans la conformité, dans l'analogie]

a)[Pour marquer la conformité (à un dire, à une représentation...)]

...le dit prevost de Saint Germain des Prez prist le dit Jehan le Forestier qui estoit ileuc present, comme dit est... (Chartes Abb. St-Magl. T.F., t.3, 1330, 18)

Si encontra ceulx prestement A qui sa gent parlé avoient, Qui tel secours li promettoient Comme ses barons li compterent. (Tomb. Chartr. Trois contes S., c.1337-1339, 80)

...et chascun fet selon sa fourme et maniere, comme ci dessus est figuré. (Gast. Phébus, Livre chasse T., 1387-1389, 144)

Si comme. Ainsi que.

Nous avons ottroié et ottroions de grace especial a l'abbé de Saint Germain des Prez et au convent que l'arrest donné sollempnement en nostre court contre les diz religieus et pour ceus de Saint Magloire de Paris soit reveuz pour la cause d'aucuns erreurs qui y ont esté, si comme le dit abbé maintient. (Chartes Abb. St-Magl. T.F., t.3, 1330, 9)

Et trouva par prouvable enqueste, Si come il dit en la Mageste, Que... (Tomb. Chartr. Trois contes S., c.1337-1339, 101)

Quar si comme avez oï dire, Il meïsmes se destruioient Par les contens qu'entr'elx avoient. (Tomb. Chartr. Trois contes S., c.1337-1339, 108)

Il ne m'ara pas, quoy qu'il die, Si ligiérement come il pense (Mir. Oton, c.1370, 322)

b)[Pour marquer la conformité (à une habitude, à une finalité, à une possibilité, à ce qui convient...)]

...a tout ce que il leur vouldroit demander par vertu et pour raison des dittes lettres et des choses dedens contenues, comme de raison seroit. (Chartes Abb. St-Magl. T.F., t.3, 1330, 23)

Or vous diray que Berinus avoit fait : il s'estoit appareilliez et atournez comme pour aler a son plait et sa gent aussi (Bérinus, I, c.1350-1370, 77)

...il ne parle plus aux gens comme il souloit (Comm., I, 1489-1491, 191)

En la maniere comme

'Si requiert messires Thumas, contes de Bouquighem, fils dou roi d'Engletière, la bataille en le manière com il le voldront avoir.' (Froiss., Chron. R., IX, c.1375-1400, 266)

Si comme. Ainsi que.

Et se aucuns s'oppose au contraire, donné jour competent aus diz escuier et curé a Paris pardevant nous contre les diz religieus pour aler avant en l'opposicion, si comme reson donra (Chartes Abb. St-Magl. T.F., t.3, 1331, 34)

Si comme que. En sorte que (?).

Le consul Publius, quant il vit que contre ces se devoit il combatre, pensa que il seroit bon que avant le coup il exortast et appellast ses chevaliers si comme que il venissent a concion (Bers., I, 9, c.1354-1359, 13.1, 22)

Tant... comme

Car les batailles et les guerres Furent si grans par toutes terres, Qu'on ne savoit en tout le monde, Tant comme il tient a la rëonde, Païs, regne, ne region, Qu'il n' i eüst discention (Mach., J. R. Nav., 1349, 144)

...onques homme tant ne fist Pour femme come il a pour moy (Mir. enf. ress., 1353, 41)

Pour ce, mes maistres, vous supplie Tant com je puis, par amytié, Ou nom de la vierge Marie, Que vous ayez de moy pitié (Régn., F.A., 1432-c.1465, 12)

En tant comme. Pour autant que.

Et justice est moienne, non pas come les autres vertuz dont nous avon dit devant sont moiennes, mais seulement en tant comme par elle est faite chose juste qui est moienne. (Oresme, E.A., c.1370, 298)

Pour tant comme. Pour autant que.

...je vous restablis Jehan le Forestier qui cy est, pour tant comme nous y sonmes tenuz par vertu du dit arrest (Chartes Abb. St-Magl. T.F., t.3, 1330, 18)

...contre eulz et contre chascun de eulz, pour tant comme il li touchoit (Chartes Abb. St-Magl. T.F., t.3, 1330, 23)

Et nous Lois duc et Jehan et Gui de Bourbon dessusdiz en ratefiant et approuvant toutes lesdictes choses pour tant comme à chascun de nous appartient... (Titres Bourbon H.-B., t.1, 1334, 356)

Tel ... comme

...et l'avoient abatu et fait abatre a terre, et l'avoient reffaite tele comme elle estoit a present, a leurs propres cous et despens (Chartes Abb. St-Magl. T.F., t.3, 1330, 25)

Einsois est toudis sa coustume Que ceaus qu'elle fait tonde et plume Et sousmette en subjection Tele come a destruction. (Mach., R. Fort., c.1341, 33)

...mais telle seignourie n'a elle pas comme elle avoit au temps Romulus ou Pompee (Bérinus, I, c.1350-1370, 4)

La verge de quoi on le tirera doit estre telle comme une broche a rostir oues de groisse et de longueur, et doit estre le las lié au bout. (Henri Ferr., Modus et Ratio, Livre deduis T., c.1354-1377, 273)

Et tenoit li dus d'Ango partout tel estat comme rois, et avoit ses ouvriers de monnoie qui forgoient florins et blances monnoies. (Froiss., Chron. R., X, c.1375-1400, 172)

Le drap osté, il treuve la chemise et les braies d'un jenne enffant de telle grandeur comme estoit Passelion (...). Adont il les mist hors du coffre et les monstra a ses compaignons qui en eurent bon ris a cause de la petiteur des brayes. (Percef. IV, R., c.1450 [c.1340], 273)

Tellement ... comme

Et universelment, comme dit est, tel vertueus parle et deresne aveques chascun telement come il appartient. (Oresme, E.A., c.1370, 265)

Tout comme. Autant que.

...tout comme je puis vous remercie (La Sale, J.S., 1456, 286)

[Pour marquer au contraire l'absence de conformité] Autrement ... comme

...autrement Vivre comme... (Gilles Le Muisit, Poésies K., t.1, c.1347-1353, 281)

Comme il affiert / comme il appartient / comme il faut...

Li nobles roys, qui n'a pareil, En Chypre fist son appareil Tel comme il faut à si grant homme, Car il s'en vuet aler à Romme. (Mach., P. Alex., p.1369, 219)

...de tel remede et bonne justice comme en tel cas appartenoit à faire. (Reg. crim. Chât., II, 1389-1392, 376)

...il apertient a la joenne princepce qui de nouvel est mariee soit baillié estat d'ommes et de femmes, tel et si grant comme a la haultece du prince et seigneur a qui elle est donnee apertient (Chr. Piz., Trois vertus W.H., c.1405, 91)

Une y avoit Belle et bonne, qui bien parler savoit Comme il affiert et quant elle devoit, Qui leurs vouloirs assez appercevoit (Chart., D. Fort., 1412-1413, 163)

Comme en + gérondif. En + gérondif ... ainsi.

Mais c'est pour ce que l'ame s'arreste non pas en soy de riens mais a Dieu, comme en cheant du tout sur luy et sur son ordonnance et misericorde (Gers., P. Paul, a.1394, 505)

Et l'en requist la dicte damoiselle, comme en luy disant : ... (Régn., F.A., 1432-c.1465, 222)

Remarque : Cf. T-L II, 594, l.46.

Comme pour vrai. Pour vrai (ainsi qu'il est dit).

Es marches d'Alemaigne, comme pour vray oy nagueres compter a deux gentilz seigneurs dignes de croire, advint que... (C.n.n., c.1456-1467, 470)

c)[Pour marquer un parallèle, une analogie...] De même que.

...aus quelz elle appartenoit pour le tout comme leur propre (Chartes Abb. St-Magl. T.F., t.3, 1330, 24)

...en son non comme ou non de ses enfans meneurs (Chartes Abb. St-Magl. T.F., t.3, 1340, 102)

Si... comme. De même que.

Item, comme il soit verité que aucune chose est saine et profitable as hommes qui n'est pas saine ne bonne as poissons, et aucunes choses sont qui tousjours et par tout sont unes si comme ce que est blanc, il est blanc a tous et par tout, et ce qui est droit comme une ligne ou un reglet, il est droit par tout - semblablement, estre sage est une chose par tout et tous le diroient estre d'une meïsme maniere. (Oresme, E.A., c.1370, 342)

Tant... comme. Aussi bien ... que.

...et a touz autres sergens, tant de cheval comme a verge dou Chastelet de Paris, salut. (Chartes Abb. St-Magl. T.F., t.3, 1330, 14)

...tant de la dite ville d'Issy comme d'ailleurs (Chartes Abb. St-Magl. T.F., t.3, 1330, 18)

...tant par la prise et exploitement de leurs biens et de leur temporel comme autrement (Chartes Abb. St-Magl. T.F., t.3, 1330, 24)

...tant par deffaute de couverture comme de mur et de merrien (Chartes Abb. St-Magl. T.F., t.3, 1330, 24)

...lequel jour de oÿr ycellui droit en diffinitive fu continuez tant de l'office dudit nostre devancier comme du nostre (Chartes Abb. St-Magl. T.F., t.3, 1330, 27)

...tant conjointtement comme diviseement (Chartes Abb. St-Magl. T.F., t.3, 1333, 54)

Tant se savoit bel maintenir, Et avec son gay maintieng gent Estoit il biaus a toute gent, Tant de corps comme de plumage. (Mach., D. Aler., a.1349, 320)

Tant en grace comme en bonté... (Mach., J. R. Nav., 1349, 170)

Et auxi que touz acors, composicions et priviléges et libertez donées et octroyés à nous, tant de roy comme de duc, ou d'autre prélatz ou prince quel qu'il soit, sont et demeurent eu leur vertu, senz riens enfreindre, senz aucune novacion faire d'yceux ou d'ycellles (Chartes communes Bourg. G., t.2, 1350, 205)

...toutes les offrandes tant en cire comme en argent venans en l'esglise Saint Berthelemi (Chartes Abb. St-Magl. T.F., t.3, 1354, 190)

Servius se garnissoit de aides tant par conseilz publiquez come par privez (Bers., I, 1, c.1354-1359, 42.1, 71)

...tant pour le temps present comme pour le temps a venir (Chartes Abb. St-Magl. T.F., t.3, 1368, 374)

...treize coliers, tant à levriers comme à autres chiens, garniz d'argent, tant blancs comme dorez. (Invent. mobilier Ch. V, L., 1379-1391, 216)

...ung hanap d'argent doré, bien plat, à couvescle, assiz en ung petit trépié à troys piez, et ou fons, dedens, tant du couvescle comme du hanap, ung esmail d'une R couronnée (Invent. mobilier Ch. V, L., 1379-1391, 237-238)

...tant en or comme en monnoye (Reg. crim. Chât., II, 1389-1392, 171)

...tant a mont com a val (Sots mal., c.1480, 91)

[Pour marquer une situation analogue dans l'espace ou le temps]

...li consul nouvel, aussi comme l'an paravant, demourerent a Romme. (Bers., I, 9, c.1354-1359, 22.1, 32)

Et depuis (de) ce, par le moyen de plusieurs estatz a esté tousjours la cause continuee en estat a oÿr droit, comme pardevant, jusques a huy (Chartes Abb. St-Magl. T.F., t.3, 1389, 595)

...ou moiz de septembre il ne se essore mye si voulentiers comme en aoust. (Ménagier Paris B.F., c.1392-1394, 161)

...et estoit establi le lieu ou l'on faisoit la chancellerie comme en France (La Vigne, V.N., p.1495, 257)

3.[Pour marquer la similitude approchée, l'approximation] Pour ainsi dire, quasiment, à peu près.

...a ce mot la dame au dous acueil Cheï com morte. (Mach., J. R. Beh., c.1340, 65)

Par maladie est touz contraiz, Les nerfs a come touz retraiz (Mir. st Val., c.1367, 132)

...c'est chose comme impossible que tu puisses estre amassé sans le prejudice de plusieurs, a leur grant grief et extorcion, et tu le veulx assembler de la sueur de plusieurs gens, et contre leur voloir pour alouer mauvaisement et a ton singulier vouloir. (Chr. Piz., Trois vertus W.H., c.1405, 16)

...et est venue noblesse comme en cest erreur ['quasiment' ; ou 'pour ce qui est de', comme en a.fr. (T-L II, 594, l. 39) ? Peu probable] , que ung homme n'est point a painne tenu noble se il n'est grant pecheur. (Juv. Urs., Aud. celi, 1435, 246)

Linaria, c'est une herbe qui ressemble a lin assés, mais elle a une fleur jaune qui est comme blanche, et si a les feulles plus laies que lin. (Grant herb. C., c.1450, 128)

Or, est il vostre de present, Nul ne le vous peut contredire ; Que vous estes comme dedans, Il n'y a comme riens a dire. (Myst. siège Orléans H., c.1480-1500, 179)

Ainsi comme. Approximativement, à peu près.

A l'endemain il vuidièrent tout par le porte de Bruges et se traïssent sus les camps et en uns biaus plains au dehors de Gaind, enssi comme au quart de une lieuwe à l'encontre d'un trop bel hostel et castiel (...) que on dist Ondreghien. (Froiss., Chron. R., IX, c.1375-1400, 183)

Et pour ce je croy que les espaingnolz aagez qui queurent ainsi comme deux ou troiz toises devant l'esprevier sont bons. (Ménagier Paris B.F., c.1392-1394, 144)

4.[Pour marquer la similitude de l'apparence et de la réalité]

...comme pour neant faisoie ores grant joye, car aussi loing sui de ma besongne adrecier que je fu hui matin, ne je ne treuve nul bon conseil en homme qui vive, ne secour. (Bérinus, I, c.1350-1370, 70)

Comme pour neant on gette le grain en terre non labouree (Daudin, De la erudition H., c.1360-1380, 53)

...tellement qu'ilz estoient comme en desperance et ne savoient quel remede y trouver. (Juv. Urs., Loquar, 1440, 347)

Vostre royaulme est comme en article de mort (Juv. Urs., Loquar, 1440, 428)

...par especial de ceulx de Gand, qui, paravant qu'il entrast audict pays de Liége, estoient comme en rebellion avecques aucunes des autres villes (Comm., I, 1489-1491, 116)

Ainsi... comme

S'estoie einsi comme ravis (Mach., J. R. Nav., 1349, 164)

Comme se/si

Ma suer, pour savoir miex le voir, Je vous pri, prenons nous en garde, Et chascune ja la regarde Aussi com se point n'y pensions Et que rien de ce ne sceussions, Pour voir la guise. (Mir. abbeesse, 1340, 73)

Et pour ç' aussi, com se fust songe, Ravis en parfonde pensée, De devant ma dame honnourée, Sans respondre et sans plus atendre, Me departi, sans congié prendre (Mach., R. Fort., c.1341, 28)

...ains faisoit tout ainsi comme se riens ne lui en fust (Bérinus, I, c.1350-1370, 18)

Toute[s] voyes, il y a bien de sanglers malicieux, que, tantost comme ilz oyent un chien, ilz s'en vont, que ja de tout le jour ne les raprouchera l'en, aussi bien comme si trois chiens ou quatre les chassoyent. (Gast. Phébus, Livre chasse T., 1387-1389, 170)

...et s'en vindrent après icellui queuz juques à l'uiz dudit president, comme si voulsissent le assallir oudit hostel (Baye, I, 1400-1410, 45)

D'arbres flouriz fut la ceincture, Aussi blans com se neige pure Les couvroit (Chart., L. Dames, 1416, 200)

Si fut créé houlman sur eulx et obei comme si ce feust leur seigneur naturel (La Marche, Mém., II, c.1470, 228)

Mais c'estoit chose espouvantable d'ouyr la nuyt le bruit que faisoient les maisons qui tomboient et se renversoient en la ville, car aussi à plain les oyons-nous de quatre lieues comme si nous eussions esté sur le lieu. (Comm., I, 1489-1491, 166)

Si comme. Comme si.

Dont li espriviers s' arresta, Mais adès celle part gaita, S'oï l' oiselet sauteler Et les fueillettes venteler Aus sons que li gens oiselès Faisoit, qui si apertelès Estoit que point n' estoit vuiseus, Et s'estoit un petit noiseus, Si comme pour li esjoïr, Se se faisoit adès oïr. (Mach., D. Aler., a.1349, 274)

Comme qui + cond.

Et pour ceste meïsme cause, nous appellon la vertu d'actrempance par un nom qui signifie aussi comme qui diroit salvement de prudence ou garde de prudence. (Oresme, E.A., c.1370, 338)

Mectez boulir vos escrevisses, et quant elles seront cuictes, soient eslites comme qui les vouldroit mengier, et ostez le mauvaiz de dedens. (Ménagier Paris B.F., c.1392-1394, 208)

Et semble tout conscideré que maintenir que une femme par succession ou aultrement puisse venir a la couronne de moy qui suis France est aussi grant erreur comme qui vouldroit maintenir que une femme peut estre doyen d'une esglise cathedrale (Juv. Urs., Aud. celi, 1435, 163)

5.[Pour marquer l'extraction d'une chose parmi d'autres semblables, afin d'introduire un exemple, un fait particulier...]

N'il n a ou monde si grant honte, Qui bien saroit a quoy ce monte, Com de la joie abandonner. (Mach., D. verg., a.1340, 43)

Qui a si vilain fait pensé, Com de murtre faire apensé, D'un si preudomme ? (Mir. ev. arced., c.1341, 113)

Item, l'en doit savoir que de touz contraires un est meilleur et plus noble que l'autre, si comme chaleur que froideur, blanc que noir, douz que amer et ainsi des autres. (Oresme, C.M., c.1377, 360)

Car communement les pois ne cuisent pas d'eaue de puis: et en aucuns lieux ilz cuisent bien d'eaue de fontaine et de eaue de riviere, comme a Paris (Ménagier Paris B.F., c.1392-1394, 197)

Si est le plus seur celer toudiz ses vertus, lesquelles on cuide avoir, plus diligemment que les autres ne celent leurs vices, se non en cas de necessité, ou pour avoir conseil de celuy qui le scaura donner, comme en confession. (Gers., P. Paul, a.1394, 503)

Aucuns se dient par maniere de translation comme les noms qui se dient de Dieu par maniere de signification et par proprieté, comme quant on dist de Dieu qu'il est agniel, leon, ver. (Somme abr., c.1477-1481, 154)

(Si) comme que

Et aussi la loy commande les oeuvres de actrempance, si comme que l'en ne face adultere ou force ou vilonnie a femme. (Oresme, E.A., c.1370, 278)

Item, a ce s'acordent tous proverbes que l'en dit de amistié si comme que les amis ont une ame. (Oresme, E.A., c.1370, 477)

Mais chascun est tenu a savoir les choses de droit oyes et cogneües, comme que l'en ne doit riens embler et que l'en doit tenir covenant, etc. (Oresme, E.A.C., c.1370, 198)

Et les autres nous avons monstrees et prouvees... Si comme que le ciel est d'autre nature que les elemens, ou chappitre precedent. (Oresme, C.M., c.1377, 76)

...laquelle chose selon philosophie est aussi impossible comme dire que un corps eust ensamble pluseurs figures, si comme que une cire fust sperique et cubique ou ronde et quarree. (Oresme, C.M., c.1377, 616)

Quartement se considere conformeté selon la cause formele, comme que aucun vueille par charité ce que Dieu veult (Somme abr., c.1477-1481, 175)

B. -[Conjonction attributive] En tant que, en qualité de.

[À propos de choses]

...pour cause et raison d'une plate de fer, laquelle estoit et appartenoit aus dis religieus comme espave (Chartes Abb. St-Magl. T.F., t.3, 1331, 48)

Estre aussi comme. Avoir les propriétés de.

La premiére chançon est aussi come chançon d'amour (Mir. ev. arced., c.1341, 103)

[À propos de pers.]

Si disoit que laditte granche avoit orendroit grant mestier de refection et reparacion comme celle qui estoit en tel point et estat par la deffaute, coulpe et negligence des diz curé et escuier (Chartes Abb. St-Magl. T.F., t.3, 1330, 25)

Lors s'appensa comme senee Qu'au filz Dieu se marïeroit Et nonne a saint Pierre seroit O dames qui lors y estoient Et moult sainctement y vivoient. (Tomb. Chartr. Trois contes S., c.1337-1339, 89)

Et ma dame Jehane de Vallois, sa mère, s'en vint demorer à Fontenielles sus Escaut, et là usa sa vie comme bonne et devote en le ditte abbeye, et y fist moult de biens. (Froiss., Chron. L., I, c.1375-1400, 132)

Cilz rois dans Piètres, comme orguilleus et presumptueus, ne daigna obeir, mès villena encores grandement les messages dou Saint Père. (Froiss., Chron. L., VI, c.1375-1400, 187)

Jehans Coc, comme bons hommes d'armes et vaillans, poursievi de si près messire Olivier que finablement il le prist et fiancha son prisonnier. (Froiss., Chron. R., IX, c.1375-1400, 98)

Chil bourgois, qui estoient mout esbahi et courouchiet de ces nouvelles, comme cil qui nulles coupes n'i avoient, se commenchièrent à escuser. (Froiss., Chron. R., IX, c.1375-1400, 185)

Comme locatif mercenaire humblement En lieu public a vil euvre s'aplique ! Sans honte avoir porte publiquement Plains sacs de blé (Saint-gelais, Eurial. Lucr. R., c.1490, 67)

...comme chief de justice souveraine, tu fis planter justices royalles en l'enclos de Romme (La Vigne, V.N., p.1495, 298)

En qualité de, dans la fonction de.

...frere Jehan de Rosoy, comme procureur des diz religieus de Saint Magloire... (Chartes Abb. St-Magl. T.F., t.3, 1330, 27)

Bertaut de Toye, talemelier, ou non et comme garde du mestier de talemelerie de la ville de Paris pour le temps... (Chartes Abb. St-Magl. T.F., t.3, 1331, 41)

III. -[Conj. temporelle ou causale]

A. -[Conj. temporelle]

1.[Marquant la simultanéité]

O mon Dieu, o mon seignieur, com tu m'as donné estre [en me donnant l'être] , tu m'as donné une monlt grande chose, bonne et belle, et de ton bien tu m'as donné (Crap., Cur Deus, De arrha B.H., c.1450-1460, 273)

Alors que.

Lors come li diz Seycus feist semblant d'estre souverainement corrochiez contre son pere et que il s'en voloit tantost aler d'ilecquez se il ne le retenoient, lez Gabieyns l'ont benignement retenu avec eulz (Bers., I, 1, c.1354-1359, 53.10, 89)

Si vint li rois che mardi à Commines, et se loga en la ville et si oncle, comme li bataille et li avant garde s'estoient deslogiet et allé oultre sus le mont d'Ippre et là logiet. (Froiss., Chron. R., XI, c.1375-1400, 29)

Si comme

Si comme par tout regardoient Ceulx qui en la garde guetoient, Estes vous venant a loisir De tant loing com l'en peut choisir Une grant blanchour devers destre. (Tomb. Chartr. Trois contes S., c.1337-1339, 77)

Ainsi comme

Ainsi com il s'entrencontrerent, Ceulx de Sardaine saluerent Les blans armez paisiblement Et celx moult amïablement Leur salu tantost leur rendirent. (Tomb. Chartr. Trois contes S., c.1337-1339, 79)

Mais einsi comme a lui parloie, Moult doucement me respondi Li dieus (Mach., D. verg., a.1340, 26)

...mais ainsi comme ou jour d'ier il passa par-dessus Petit-Pont, il aperceut lesdiz beche et truele, et les recogneust comme les siens. (Reg. crim. Chât., I, 1389-1392, 394)

Tandis comme. Tandis que. voir tandis

2.Tant comme. Aussi longtemps que.

Mais chose, par Amours donnée, Par bonne Amour prise et gardée, En ordenance se soustient, Tant comme Amour avec se tient. (Mach., D. Aler., a.1349, 318)

...mes cuers nul mal n'endura, Tant comme cils tans me dura (Mach., D. Aler., a.1349, 340)

Je me lo de vous grandement, Car servi m'avez loyaument Tant come avez esté mon maire (Mir. enf. ress., 1353, 16)

3.Si tost comme. Dès que.

Mais je cheï en grant esmay, Si tost comme il me fu faillis (Mach., D. Aler., a.1349, 340)

...si tost come arons mengié - C' est m'entente - nous en yrons Sanz retourner et monterons A Saint Lorens (Mir. enf. ress., 1353, 13)

B. -[Conj. causale]

1.[Avec le subj.] Étant donné que.

Come donquez a celi temps les Etrusques seulement fussent ceulz ausquels on demandoit la verité des signez et des merveilles publiquez, li roys, espoentés par celui privé signe, a ordené de tremetre au temple d' Apolin en Delphos, lequel estoit le treyz noble oratoire qui lorz fust en cest monde, pour demander response du signe dessus dit. (Bers., I, 1, c.1354-1359, 56.5, 93)

Come il soit ainsi que en ceste vie et en conversacion humaine un repos soit en gieu ou en esbatement, pour ce est il ['c'est pour cela qu'il est...'] en teles choses une maniere de parler et de soy avoir avecques les autres qui se acorde a raison (Oresme, E.A., c.1370, 270)

[En cont. jur.]

Et la dite clause du dit arrest leue, les diz sergans dou Chastelet distrent au dit frere Jehan de Courgenay, prevost moigne de l'eglise de Saint Germain des Prez, que, comme autre fois commandement eust esté fait a monseignieur l'abbé de Saint Germain des Prez et a ycelui prevost meesmes que Jehan le Forestier, leur sergant, il restituassent et restablissent au religieus de Saint Magloire selon la teneur du dit arrest, encores li commandoient il... (Chartes Abb. St-Magl. T.F., t.3, 1330, 18)

...et en bonne verité recognut que, comme contens et debas feussent meuz entre lui, d'une part, et religieuses personnes l'abbé et couvent de Saint Magloire de Paris, d'autre, pour raison de certaines veuez et esgous qui sont es mesons dudit Guillaume... (Chartes Abb. St-Magl. T.F., t.3, 1331, 47)

Comme, a cause de vostre office, vous eussiez arresté et mis en la main du roy nostre seigneur certainne rente que les religieus de l'eglise monseigneur Saint Magloire... (Chartes Abb. St-Magl. T.F., t.3, 1334, 55)

Comme il soit ainsi que. Étant donné que.

Et comme il soit ainsi que latin est a present plus parfait et plus habondant langage que françois, par plus forte raison l'en ne pourroit translater proprement tout latin en françois (Oresme, E.A., c.1370, 100)

Or dison donques en resuivant, comme il soit ainsi que toute cognoissance et toute eleccion desirent aucun bien et a ce soient ordenees comme a leur fin, il est bon d'enquerir quel chose ce est que desirer la science civile comme la fin de elle et quelle chose est le souverain bien ou la fin de toutes oeuvres humainnes. (Oresme, E.A., c.1370, 108)

Comme il soit donques ainsi, sire, Que vous et vos choses nous plaisent Et en nul sen ne nous desplaisent... (Gris., 1395, 11)

Comme il soit ainsi, ce dit il, Que la vertu noble et gentil De justice es larrons reluise... (Chr. Piz., Chem. estude P., 1402-1403, 246)

Entre tous les aultres empeschemens impossibilité de habiter charnelement obtient tres grant lieu, car de sa nature et de la constitution de l'eglise il empesche mariage, comme il soit ainsi que tout mariage soit a cause de lignie estre procreé (Sacr. mar., c.1477-1481, 76)

Comme il soit ainsi que pour entretenement de traictié et union de paix fait entre monseigneur le roy, d'une part, et le duc de Bretaigne, d'aultre, ait esté advisé que... (Le Clerc, Interp. Roye, c.1502, 361)

Comme il soit verité/chose vraie/vrai/escrit... que/+ inf.

Et comme il soit verité que tout juste ouvrer soit voluntaire, il semble estre raisonnable que injuste souffrir et juste souffrir soit opposite semblablement en tele maniere que tout injuste souffrir soit voluntaire ou tout involuntaire. (Oresme, E.A., c.1370, 310)

Et pour ce trop fort me merveil Pour quoy on blasme creature Du fait de sa non forfaiture, Comme il soit chose vraie et clere Que li filz le pechié du pere Ne portera ne le peril Du peché le pere du fil, C'est loy divine et temporele. (Desch., M.M., c.1385-1403, 23)

Et se tu fais restrinction, Sur toy aront suspection, Et leur gendreras grant injure, Comme il soit vray que je te jure Qu'a femme non chaste resgarde Ne puet valoir (Desch., M.M., c.1385-1403, 65)

...comme Il soit escript que chascun fuie Estrange femme comme pluie... (Desch., M.M., c.1385-1403, 185)

Comme il soit voir que fus formee Du tres hault souvrain createur Mere establie tres amee De toute riens, cellui facteur Me fist des choses corrompables Nourrice et singuliere mere De tous corps compacs et palpables. (Chr. Piz., Chem. estude P., 1402-1403, 113)

Comme il soit voir nature humaine, pour cause de sensualité, estre encline à pluseurs vices... (Chr. Piz., Faits meurs Ch. V, S., I, 1404, 22)

Et comme il soit verité que moult de chosez soient advenues ou tempz passé quy ne sont paz descriptes au long ne misez en commun compte, tant soient ellez dignez de memoire et recommendacion, toutesvoiez les volentifz liseurs, desirans nouvelles chosez veoir, porroient au lire quelque pou prendre de plaisir et recreer leurs esperis (Comte Artois S., c.1453-1467, 1)

Comme il soit (que)

Pour quoy amons nous la douçour De femme plus que de la flour, Comme il soit que flour et la femme Soit une honeur et un diffame ? (Desch., M.M., c.1385-1403, 190)

Et comme il soit de bonne coustume ancienne et comme redevable les rois estre conseilliés par les prelas du reaume... (Chr. Piz., Faits meurs Ch. V, S., I, 1404, 39)

Et comme il soit temps de faire fin à ceste matiere et reprendre nostre premiere forme, supplie humblement à la haultece des tres poissans et redoubtez princes, dont memoire est cy faitte, qu'il leur plaise prendre en gré le petit stile et escripture du raport et declaracion par moy simplement expliquée de l'informacion de leurs nobles meurs. (Chr. Piz., Faits meurs Ch. V, S., I, 1404, 184)

...de laquelle chose, comme il soit expedient pour tout bon exemple et afin que les vertus de si vaillant prince et tant bien moriginé ne soient oubliéz, parlerons plus à plain cy apres. (Chr. Piz., Paix W., 1412-1413, 116)

Quant est de l'onneur de Dieu, nulx n'y puet adjouster ne amenrir, car lui meisme est son honneur, qui ne puet hauchier ne baissier, comme il soit inmutable et incorruptible. (Crap., Cur Deus, De arrha B.H., c.1450-1460, 186)

Comme il soit ainsi

Et comme il soit ainsi, c'est chelui qui plus deffault. (Daudin, De la erudition H., c.1360-1380, 344)

2.Comme que/quoi. Ce qui prouve que.

...et sont plus prest de ignorer auchune chose de doctrine qu'il desirent scavoir que l'aprendre de personne basse ou de petit estat ; comme que quant verité est trouvee, on ne doit pas la loenge donner a engien humain mais a Dieu (Daudin, De la erudition H., c.1360-1380, 69)

Et pourquoy [et c'est pourquoi] est elle dicte mere des vertus est la cause pour ce que là où elles ne seroient menées par elle ne seroient pas vertus ains vices. Si comme quoy se sapience qui est grant vertu estoit semée entre les pourciaulx folie seroit au semeur et non pas sapience. (Chr. Piz., Paix W., 1412-1413, 66)

Remarque : Aussi MICHAULT, Doctr. temps prés. W., 1466, 15.

[Justifiant une exclamation]

Mais se grandeurs mondaines y pevent servir ou non, assez d'exemples le nous aprennent et font à savoir, si comme quoy, he ! (Chr. Piz., P.V.H., 1416-1418, 20)