CITOYEN

adjectif et substantif

[T-L : citëain ; GD : citoien ; GDC : citeain ; AND : citein ; FEW (II-1, 725a) : civitas ; TLF (V, 854b) : citoyen]

I. -Substantif masculin.

A. -Habitant d'une ville, d'une cité, citadin.

...Jehan l'Orfevre et Mile Ranin, tous chitoiens d'Amiens (Hist. dr. munic. E., t.3, 1335, 733)

Quant les chitoiens en veirent la maniere d'eulx, ilz fremerent leur ville affin que plus n'y entrassent. (Froiss., Chron. M., XIV, c.1375-1400, 129)

Tous furent de l'accord et se cueillierent plus de mille combatans, et aprouchierent Saint-Fagon et entrerent en la ville sans nul gait que les chitoiens firent sur eulx (Froiss., Chron. M., XIV, c.1375-1400, 130)

Mais que les citoyens tenissent Leurs portes closes, ne n'ississent, Ja ne leur besongnast combatre (Chr. Piz., M.F., II, 1400-1403, 181)

...cinq mil ducats prestés à messire Symon Cramaut, lors patriarche d'Alexandrie, aux evesques de Beauvaiz et de Meaux par Perceval de Vivaldes, citoyen de Jannes (Baye, I, 1400-1410, 307)

...la somme de six vins cinq livres tournoiz, en deniers paiez à Anthonne Mercier, bourgois, citien et prevost dudit Mascon, auquel ladicte somme estoit deue pour pluseurs voyaiges par lui fais pour le fait du traicté et adhesion de la ville de Mascon à la bonne intencion de mondit seigneur (Comptes Etat bourg. M.F., t.2, 1418, 67)

...doit ledit Jehan de Noident la somme de 60 solz tournois, laquelle il a receue de Regnaulde, fille bastarde de Thierry Fremuot, dit de Dijon, citoien de Besançon, pour l'expedicion de sa legitimacion (Comptes Etat bourg. M.F., t.1, 1419, 209)

Ez cités publiques ne peulz tu demourer sans avoir quelque regret au rabaiz de ton estat, et amere pointure de souffrir entre lez riches citoyens dangereuse indigence. (Chart., L. Esp., c.1429-1430, 12)

Celle mesme nuyt les bourgeois, manans et habitans, et en géneral tous les citoyens d'icelle ville de Rouen désirans expeller iceulx Anglois, qui ne vouloient point aulcunement de traictié, mais vouloient faire à leur voulenté, envoyèrent sous main ung homme au Pont-de-l'Arche, ouquel lieu il arriva le dimanche au poinct du jour, pour là notifier et faire assçavoir au roy que il luy pleut de venir à leur secours, et qu'ils le mettroient dedens leur ville. (Chart. J., Chron. Ch. VII, V., t.2, c.1437-1464, 148)

Alors les glouz et affamez citoyens saillirent hors, et pour les mesaises qu'ilz avoient euz, et pour leur gloutemens, ne se peurent tenir qu'ilz ne bussent et mengassent largement (La Sale, Salade, c.1442-1444, 52)

A tous je faiz commandement, Soyent nobles ou bien villains, Citiens, esclaves ou forains, Qui pourront pourter arme en guerre, Que briefment s'arment a grant erre Et montent a cheval, sans faille, Et s'en viennent, comment qu'il aille, Devant l'ostel imperial, Sur peinne d'estre desleal Et trahiteur a tout l'empire. (Myst. st Adr. P., c.1450-1485, 55)

...et fist logier ses gens tout à l'environ [devant Coustances], dont les citoiens furent moult esmerveillez, et eurent grant doubte d'estre prins de force. (Escouchy, Chron. B., t.1, c.1453-1460, 200)

...c'estoit d'ung tramblement de terre qui se fit ou royamme de Naples (...). Ruyna infinité de maisons (...) et perist enfans es bras de leurs meres, maris en accolemens de leurs femmes, contes et haulz nobles hommes en leur seignourie, puissans cytoyens aveuc toute leur famille (Chastell., Chron. IV, D., c.1461-1472, 95)

...deux citoyens yssirent de la cité (La Marche, Mém., III, c.1470, 171)

Seigneurs, par tout court la nouvelle Que Lazaron, le grant terrien De Bethanie et citoyen, Est de ce monde deffiné (Myst. Pass. Troyes B., a.1482, 497)

En ruines et en necessités Cités seront de citoyens dessans, Villes, chasteaux seront sans habitans Et ne seront plus d'humains visités (Cene dieux, c.1492, 121)

Guillaume l'Englois, souverain astrologien et citoïen de Marseille, homme de grande experience et auctorité. (Simon De Phares, Astrol., c.1494-1498, f° 119 v°)

Bon citoyen

Mais en aucune policie qui n'est pas droitement et proprement juste, aucun peut estre bon homme simplement qui n'est pas bon citoien, et aucun estre bon citoien qui n'est pas bon homme simplement. (Oresme, E.A.C., c.1370, 282)

Par métaphore.

...du quel lieu [paradis] , par les merites de ceste vierge, Dieu nous face touz parçonniers et citoiens (Mir. st J. Paulu, c.1372, 94)

Par extension. Ressortissant d'un pays.

Ne dictes point que estranger je soye, Citoien suis mieulx que cil qui est né De ce lieu cy, car pour plaisir et joye Election m'a pour tel ordonné. (Saint-gelais, Eurial. Lucr. R., c.1490, 50)

B. -En particulier.

1.Bourgeois bénéficiant d'un statut social et économique privilégié.

Bourgois sont ceulx qui sont de nacion ancienne en lignages es cités et nom propre, surnom et armes antiques, et sont les principaulx demourans et habitans es villes rentés et herités des maisons et des manoirs, de quoy ilz se vivent purement ; et les appellent les livres qui parlent d'eulx citoiens. (Chr. Piz., Corps policie L., 1406-1407, 183)

...le clergié est dispers et vague et opprimé, et la regle de moderation et honnesteté ecclesiastique tournee avecquez le temps en desordonnance et dissolution ; les citoyens sont despourveux d'esperance, et descongnoissans de seigneurie par l'oscurté de ceste trouble nuee (Chart., L. Esp., c.1429-1430, 19)

2.[Dans l'Antiquité romaine] Habitant libre de Rome ou personne bénéficiant des mêmes droits qu'un habitant libre de Rome.

Sachiéz quar li Romayn apeloient citayens ceulz qui estoient demourans en la cité de Rome et quelques autres il receussent a semblables libertés et priviliegies comme il avoient et auxi a semblables chairches et contributions, si comme saint Pol qui estoit nés de Tarse en Silicie s'apeloyt citayen romayn. (Bers., glossaire, c.1354-1359, ms. Paris, B.N.F., nouv. acq. fr. 27401, f° 160a-b)

Et aprés cetuy ci a esté gardé et tenu des lores en avant que touz ceux qui par tele maniere estoyent fays frans et delivrés de servitute avecques la franchise avoyent la cité, c'est a dire estoyent fays citayens de Rome. (Bers., II.5, c.1354-1359, ms. Paris, B.N.F., nouv. acq. fr. 27401, f° 189c)

Et oultre avoit fait .ix. legions de cytoiens rommains et avoit convocquéz pluseurs aydes des roys et des peuples (Mamerot, Romuleon D., 1466, 183)

Par laquelle principallement les hommes se conjoingnent entre eulx et sont encore plus conjoinctz quant ilz sont d'une cité, car il y a moult de choses qui sont communes entre les citoyens [trad. lat. cives] , comme le marché, le port, les voyes, les loys, les droitz, les jugemens, les suffrages, les coustumes et en oultre les familiaritez (Bourré, 1461-1464, I.53, f° b2v)

C. -Concitoyen, compatriote.

Mais regarde en surplus que fait amour de vaine gloire. Qui feit a Jule Cesar soustenir tous les meschiez qui sont en guerre par tout son aage, mesmement contre son gendre Pompee et ses propres citoyens, les romains ? Ce feist amour de vaine gloire. (Gers., Concept., 1401, 412)

Quant la chevance de la chose publique et le tresor du senat est faillye, ilz ont extorqué de leurs subjectz, ravy les biens des propres cytoyens. (Fillastre, Traité Conseil H., c.1472-1473, 228)

...Leonides, noble roy des Spartains, acompaignié de trois cens de ses citoiens, Combati le roy Xerses pour la liberté et franchise de son pays (Colart Mans., Dial. créat. R., 1482, 176)

A ce pourpoz dit monseigneur saint Augustin en la rigle : 'Qui afflige et traveille sa chair oultre mesure, il occist son citoyen et amy.' (Colart Mans., Dial. créat. R., 1482, 226)

Remarque : FEW : «mfr. nfr. citoyen 'concitoyen' (16. jh.-1737, Hu ;...)».

II. -Substantif féminin. Celle qui habite une ville, une cité.

Et la suscription au dos de ladite lettre estoit : 'À mes très-chères et honorées dames et damoiselles, les citoyennes demeurantes en la noble cité de Chèlon.' (Faits Lalaing K., c.1470, 246)

Par métaphore.

Prens ta plume et escrips : Beneurees seront celles qui habiteront en notre cité pour accroistre le nombre des citoyennes de vertu. (Chr. Piz., Trois vertus W.H., c.1405, 9)

III. -Adjectif.

A. -De la ville, bourgeois.

Si dis les amours pastourelles Estre plus seures, plus prochaines, Plus durans et plus naturelles Et de plus haulte joye plaines, Les citoyennes et mondaines Mortes de crainte et de soussy, Car jamais ne sont si certaines Que tousjours il n'y ait ung sy. (Martin Le Franc, Champion dames III, D., 1440-1442, 95)

B. -Qui concerne les habitants d'une ville, d'une cité.

[Dans l'Antiquité romaine] Relatif aux citoyens. (synonyme civil)

...en laquele dignité d'office furent ordonnez trois preudhommes (...), l'un desquelz par le decré du Senat, auquel toutesfois obeïssoient, pourveoit auz besongnes cytoiennes en tous estas (Duchesne, César, 1473, I.4, f° 9c)

...car quiconcques passera ceste eaue armé, il sera despouillié d'amour cytoienne et tenu pour annemi publique du commun (Duchesne, César, 1473, X.4, f° 206d)

Bataille citoyenne. Bataille mettant aux prises des habitants d'une même ville.

Ci dit de la bataille citoyenne. (Chr. Piz., M.F., IV, 1400-1403, 6)

[Dans l'Antiquité romaine, synon. de guerre civile/ bataille civile] Batailles citoyennes. Guerre entre les citoyens (en particulier la guerre civile qui opposa César à Pompée).

...de tant estoient il plus chetifs et plus doulereux les descordes civilles ou qui miex pueent estre dictes incivilles et non pas seulement descordes civilles mais batailles citoiennes, c'est a dire de citoiens, ou tant de sanc fu espandu ['batailles citoiennes' trad. lat. bella urbana] (Raoul De Presles, Cité de Dieu, 1371-1375, ms. Paris, B.N., fr. 22912, III.23, f° 155a)

C. -Qui concerne la cité, l'ordre mondain (p. oppos. à religieux).

Et qui plus est se sont renduz a immoderee avarice en procurant par symonie, et par aultres voyez illicitez, litigieuses et prophanes, en corruption et autrement, benefices et prelatures espirituelz, et qui plus est se sont souillez et occupez es affaires citoyens et aux negoces et cures temporelles. (Chart., L. Esp., c.1429-1430, 177)

Voir aussi citain